شسالفتكم

[ليلو جبريت]

السلام عليكم

بنات بس ابي افهم موضوع ليش الكل ينتقد الكاتبه ساره الدريس
انا ودي اقراء كتاباتها بس اشوف الكل يتكلم عنها بسوء
شنو سلبياتها وشنو النقد الي توجهونه لها
عشان نتعلم من اخطائها

 

[ذكريات]

رد : شسالفتكم

انا ما حبيت اسلوبها بالكتابة

اقري الكلام اللي على الغلاف من ورى و راح تحسين شلون الاسلوب ضعيييييييف

انا ما اقدر احكم واايد لاني ما قدرت اكمل الكتاب صراحة

و تقول انه الكتاب باللهجة الكويتية بس لما تقرين تحسين دامجة بين اللهجة الكويتية و اللغة العربية ,,, انا ما عجبني هالشعور

احس يخليني ما اندمج مع اللي قاعدة اقراه ...

انا مو داكرة شنو اسم الكتاب اللي عندي ,,, و انا مو بالكويت الحين جان كتبته لج

 

[Little_Queen]

القراءة خير برهان

مو شرط ان اذا الكل أجمع على شيء .. معناته صحيح

اقري رواياتها و كوني فكرتج الشخصية عنها لا تسمعين كلام النااااااااااااااس

لان كلااااااااااام الناااااس .. لا بيقدم ، ولا يأخر ! ... >>>>>>>>> يا عيني يا جورج وسوف يا آنا !

كل كاتب له قراء و له منتقدين ..

و الذائقة هي الفيصل و الحكم ..

 

[ليلو جبريت]

رد : شسالفتكم

ماعندنا كتبها في البحرين
بس قرأيت لما قالت عن ان الرجال تعجبت شو ها ، الوصف جدا مو متراكب



أشم رائحة نتنة، جيفا مزرقة، عفنا مخضرا، عناكب سوداء منتفخة تنتشر على أرجلها شعيرات كثيفة مدببة، بعوضا يمتص الدماءالوسخة بغزارة، أكوام قمامة متكدسة هناك، يحيط بها الذباب المقرف وقططا قذرة تعض الأكياس باحثة عن طعام فاسد، ومشردا :هناك :تفوح منه رائحة مرحاض لم يغسل منذ سنين

 

[Ameeraaaaaa]

اقري كتبها وستكونين فكرة صائبة عنها

 

[غيدآء]

ما قريت لها شي بس الاغلب ما يمدح اصداراتها

اذكر كانت تحط قصص لها بجريده كويتيه وسبحان الله ماعمري حاولت اقرا لها مادري ليش :/

 

[Q8Lady]

أنا اللي ماحبيته التمطييييييييييييط يعني 5 صفحات وصف لحالة الشخصية ! لا الا 3\4 الرواية قاعدة توصف مشاعرها من خيانة زوجها ! حتى لو الفكرة حلوة بس التطويل يمللج

 

[Tom ♥ Jerry]

.


لا تاخذين برآي الناس !
كل وآحد له راي و وجهه نظر مو شرط مآ تحبين كتابآتهآ
حتى لو آغلب البنات أو كلهم انتقدوها !
يمكن انتي تحبينهآ : )
لا تحكمين على كآتبه بدون لا تقرين لها

 

[ليلو جبريت]

رد : رد: شسالفتكم

.


لا تاخذين برآي الناس !
كل وآحد له راي و وجهه نظر مو شرط مآ تحبين كتابآتهآ
حتى لو آغلب البنات أو كلهم انتقدوها !
يمكن انتي تحبينهآ : )
لا تحكمين على كآتبه بدون لا تقرين لها

:rerrerek:كلامج عين العقل

 

[وهج الحب]

القراءة خير برهان

مو شرط ان اذا الكل أجمع على شيء .. معناته صحيح

اقري رواياتها و كوني فكرتج الشخصية عنها لا تسمعين كلام النااااااااااااااس

لان كلااااااااااام الناااااس .. لا بيقدم ، ولا يأخر ! ... >>>>>>>>> يا عيني يا جورج وسوف يا آنا !

كل كاتب له قراء و له منتقدين ..

و الذائقة هي الفيصل و الحكم ..

السلام:
مع لتيل كوين..اقري وكوني قناعاتج ..
ياما كتبوا اسم كتاب هنا وقالوا لا يطوفكم ..ويوم اقراه ..لولا احترامي للكتاب كان ارمية بالزباله ..

وكم مرة كتبت هنا عن كتب من وجهة نظري ما تسوى نكله ..مثل " العطر" لباتريك زوسكند وهو كتاب لا بأس فيه ولكن ممل ولا نطلع منه بشئ وفي المعرض الاخير وجدت وحدة لامة صديقاتها وتبحث عنه وتقول للبنات معاها انه من اروع الكتب فقلت لها بس ممل وقالت بالعكس انه رائع ..
وكتاب " حب محرم "يوكيو ميشيما ..كتاب ماله معنى ابدا وايضا ممل بالوصف ووجدت هنا بنات يمدحونه وينصحون بعض بشرائة من المعرض ..

 

[وهج الحب]

رد: رد : شسالفتكم

ماعندنا كتبها في البحرين
بس قرأيت لما قالت عن ان الرجال تعجبت شو ها ، الوصف جدا مو متراكب



أشم رائحة نتنة، جيفا مزرقة، عفنا مخضرا، عناكب سوداء منتفخة تنتشر على أرجلها شعيرات كثيفة مدببة، بعوضا يمتص الدماءالوسخة بغزارة، أكوام قمامة متكدسة هناك، يحيط بها الذباب المقرف وقططا قذرة تعض الأكياس باحثة عن طعام فاسد، ومشردا :هناك :تفوح منه رائحة مرحاض لم يغسل منذ سنين

السلام:
جربي الكونر الخاص بالكتب اللي بالسيف جدام القهوة اللي قبل بيي اش اس عندهم كل الكتب ممكن عندهم شئ للكاتبة ...
بالبحرين مكتبات عندهم كل الكتب بس اسألي وهم بيدلونج ..

والمعرض جاي شوفي يمكن يجيبون ..
والله لولا اني حالفة السنه الى السنه الجاية ما ادخل معرض كتاب كان دورت لج فيه ..

 

[ليلو جبريت]

رد : رد: رد : شسالفتكم

السلام:
جربي الكونر الخاص بالكتب اللي بالسيف جدام القهوة اللي قبل بيي اش اس عندهم كل الكتب ممكن عندهم شئ للكاتبة ...
بالبحرين مكتبات عندهم كل الكتب بس اسألي وهم بيدلونج ..

والمعرض جاي شوفي يمكن يجيبون ..
والله لولا اني حالفة السنه الى السنه الجاية ما ادخل معرض كتاب كان دورت لج فيه ..

يمكن ازور لكويت واشتري كذا رواية

المعرض عندنا بيكون شهر مارس وانا مشاركة فيه الله يستر :eh_s(13):

 

[~ miss NERD ~]

اممممم
ما اقدر احكم عليها لاني مو قارتلها اي شي !
لكن من كلام البنات عنها ما تشجعت اني اقرالها!
يقولون جنها عايده كتابها بالعاميه !
و يقولون اسلوبها كلش مو راقي ..
و انا شفت ردودها على الناس و مابي اسيء الظن فيها بس اسلوبها .. ما يشجع

 

[dяέἆᶆ qûếếἦ]

عادي هذا رأيهم انا للأمانة ماقريت لها شي لاني مااحب اقرأ عامي
بس مثل ماقلت وجة نظرهم ..

انتي اقريه وكتبي رايج ممكن يكون موافق لهم وممكن لا ..عادي ..

 

[ليلو جبريت]

رد : شسالفتكم

نورتوا

 

[Nanoosa]

مرة شفت واحد من كتبها في فيرجن كنت قاعدة اخمط جم كتاب علشان اقراه في العطلة
و لفتت نظري شغلة
قعدت اطالع ولا عنوان الكتاب آية من القرآن الكريم!
قريت اللي وراا الكتاب ما اذكر شنو كان المضمون فيه بس أذكر ان ما كان له شغل بالاية!
و أحس ان ما تليق الاية بمضمون الكتاب
يعني لازم نحترم القرآن شوي يعني مو بس تمر علينا كلمة من القرآن تعجبنا و نحطها كعنوان حق رواياتنا!
لا تزعلون مني حق اللي يقرون لها بس هذا رايي الشخصي

 

[ليلو جبريت]

رد : رد: شسالفتكم

مرة شفت واحد من كتبها في فيرجن كنت قاعدة اخمط جم كتاب علشان اقراه في العطلة
و لفتت نظري شغلة
قعدت اطالع ولا عنوان الكتاب آية من القرآن الكريم!
قريت اللي وراا الكتاب ما اذكر شنو كان المضمون فيه بس أذكر ان ما كان له شغل بالاية!
و أحس ان ما تليق الاية بمضمون الكتاب
يعني لازم نحترم القرآن شوي يعني مو بس تمر علينا كلمة من القرآن تعجبنا و نحطها كعنوان حق رواياتنا!
لا تزعلون مني حق اللي يقرون لها بس هذا رايي الشخصي

:eh_s(15):