بولد قيصري منو احسن دكتوره ومستشفى ؟؟؟

[انثى جديده]

السلام عليكم ورحمة الله وبركاته
خواتي انا ولادتي قيصريه وكلها جربتها في مستشفيات الحكومه وطبعا تعرفون الالام وعنايه الممرضات مو شيء 00

فاستخرت هالمره اني اولد بخاص ان شاء الله 000 فابي خبرتكم

احسن مستشفى واحسن دكتوره اراجع عندها واولد عندها ؟ وتكون موجوده في العطله ماتسافر - لان ولادتي تصادف شهر 7

واهم اهم شيء هل يعطوني مسكنات بعد الولاده 00 يعني كل ما اطلب منهم مسكن يعطوني ؟ ولا نفس الحكومه اقعد ابجي عندهم ولايعطوني 0؟ يعني بتحسين بالام العمليه ولا تخف معاج مع المسكنات ؟

وهل عناية الممرضات زييينه ؟ وياخذون البيبي مني ؟ لاني مافيني حيل اقابله او اعتني فيه ؟

وآخر شيء لو انتي بمكاني - وجربتي القيصريه في الحكومه وفي الخاص - شنو تنصحيني اختار بكل صراحه ؟

واشكر كل من قرات موضوعي - وردت علي

 

[أبله شقحه]

عن تجربه حيان الأحمد مستشفى المواساة أخذت بنج كامل وولادتى صارت ب1040دينار غرفه عاديه وسلامتج

 

[فاقده حنان ابوه]

انا توني ولاده عند حيان الاحمد بالمواساه عطاني بنج وسوالي تجميلي والحمدالله

 

[LiL MaMa]

رد : بولد قيصري منو احسن دكتوره ومستشفى ؟؟؟

مادري انا طبيعي
انشالله البنات يفيدونج

 

[قطرة مطر83]

رد : بولد قيصري منو احسن دكتوره ومستشفى ؟؟؟

الله يقومج بالسلامه

حبيبتي انا اراجع عند د. معصومه مخصيد و عيادتها في البحر سنتر بحولي
و تولدني قيصري برويال حياة و هم بعد تولد بالمواساة و مستشفى رويال و المواساة وايد ممتازين من ناحيه البنج و العنايه بعد الولاده . بس انا عن نفسي ارتاح من رويال حياة .

انتي شوفي شنو يناسبج و ربي يكتبلج اللي فيه الخير .

موفقه

 

[غلاي عزوزي]

الي اعرفه انه محمد كامل دسوقي شاطر وخبره
رفيجتي مجربة يعيالها الثلاثه

 

[انثى جديده]

رد : بولد قيصري منو احسن دكتوره ومستشفى ؟؟؟

مشكووورين خواتي ماقصرتوا

 

[رقة و نعومة]

مثل باجي البنات و عن خبره ارشحلج دكتور المواساة حيان

 

[م.موون]

انا ولدت بالصباح حكومة بالعكس اهما كانو يترجوني عشان يعطوني مسكن و انا كنت خايفة منه عبالي منوم و ظليت ثلالث ايام اعاني من العوار لين ثالث يوم بالليل اقنعتني السستر انها تعطيني المسكن و قالتلي انه ما ينوم بس يهدي بالج و يخليج ترتاحين و صج من اخذته قمت كل ساعة اقولهم ابي مو عشان العوار لا عشان اقدر انام ههههههههه بس غريبة انتي ما عطوج ابرة مسكن مع انج حكومة

و الحين انا اراج بالصباح و اراجع عند د حيان الاحمد لان سمعت ان وايد شاطر بالقيصرية و لما رحت له ارتح له بالمراجعات يعطيج حقج و زيادة تقعدين و تسولفين معاه و لا يستعجلج حتى سوناره عجيييييب يطلعلج قلب البيبي و معدته و الكبد و الطحال كل شييييييي حتي عدسة عيونه يوريج اياها

صج عجييييييب هالدكتور

 

[توتة أحلى بنوتة]

بصراحه انا ولدت عيالي الثلاثه في الفروانيه قيصريه والله عملياتهم ممتازه بس عيبهم الغرف ولا الدكاتره ممتازين حيل

 

[أحب الصدق وأعمل به]

انا ناوية اولد انشالله عند الدكتور الحيان قيصرية وايد زين انا من كثر ما يمدحونه رحت اراجع عنده ووايد ارتحت عليه بس اللي مو عاجبني مستشفي المواساه الغرف مو ذاك الزود اثاث قديم بس شسوي اهم شي السلامة يارب

 

[ذهب ابيض]

انا ولادتي كانت بالشفاء عند حسام كامل وكلفتني 1090
بس صج عناديه واهتمام ونظافه وغرفتي كانت جونيور مو عاديه ولا ملكيه زينه بين الثنتين والمسكنات حلوة بعد ويقومونيويساعدوني للحمام وغيره

والحمله الثانية ان شاءالله عندهم

 

[اختكم بالله]

انا نفس ذهب ابيض بالضبط نفس المستشفى ونفس والدكتور

 

[KOKO_284I]

رد : بولد قيصري منو احسن دكتوره ومستشفى ؟؟؟

المواساه دكتوره ناهده العلي

 

[سمراء حولي]

انا توني ولاده عند حيان الاحمد بالمواساه عطاني بنج وسوالي تجميلي والحمدالله

نفس دكتورج الحمد لله خياط تجميلي رووووووووووووووووووووووعة

 

[fun88]

دكتوره معصومه مخصيد .. تهبل ولا تفكرين تروحين عند غيرها ..

 

[بدر البدور 1]

انا ولدت بالصباح حكومة بالعكس اهما كانو يترجوني عشان يعطوني مسكن و انا كنت خايفة منه عبالي منوم و ظليت ثلالث ايام اعاني من العوار لين ثالث يوم بالليل اقنعتني السستر انها تعطيني المسكن و قالتلي انه ما ينوم بس يهدي بالج و يخليج ترتاحين و صج من اخذته قمت كل ساعة اقولهم ابي مو عشان العوار لا عشان اقدر انام ههههههههه بس غريبة انتي ما عطوج ابرة مسكن مع انج حكومة

و الحين انا اراج بالصباح و اراجع عند د حيان الاحمد لان سمعت ان وايد شاطر بالقيصرية و لما رحت له ارتح له بالمراجعات يعطيج حقج و زيادة تقعدين و تسولفين معاه و لا يستعجلج حتى سوناره عجيييييب يطلعلج قلب البيبي و معدته و الكبد و الطحال كل شييييييي حتي عدسة عيونه يوريج اياها

صج عجييييييب هالدكتور

للرفع:blueSmCLR:

 

[Roty]

رد : بولد قيصري منو احسن دكتوره ومستشفى ؟؟؟

ليلى اشكناني عيادتها بالسالميه

مستشفى المواياه عجييييب اول ولاده لي بس وايد ارتحت للممرضات وانشالله الولاده اليايه عندهم باذن الله

بس انشالله طبيعي

حبيبتي بسال ليش ولادتج قيصريه وهل اول مرة قيصري ولا متكررة

 

[أم عبداللطيف]

الله يهون عليج وعلي وعلى جميع البنات ياربي اللهم اسالك هون الطلق وسلامة الخلق ياربي

شوفي انا في بجري ببنتي ولدت قيصيريه في مستشفى دار الشفا عند دكتور الاستشاري نسيت اسمه والله بس طلع منهم اللحين

وكانت عمليتي مشاء الله تبارك الله زينه ومشيت على تعليمات الطبيب والمسكنات كل ما اتألم يعطوني والسسترات يهبلون يهبلون يهبلون شويه حتى والله اذا بقلب على جبني الثاني مااقدر اتألم اطق الجرس على طول يوني 2 وتعبت شوي عقب الولادة ياني نزيف واهما شالوني وتكريمييين دخلوني الحمام والله خدمة روعه وخذيت الغرفه العاديه وكلفتني كلها 1000 وشي نسيت بس بجذي
هذي عن تجربتي معاهم

وانا اللحين بحمالي الثاني لا سمح الله عمليه بعد يمدحون رويال حياه حتى دكتورتي تمدحهم لاني مفكرة اولد هناك والله المستعان والله يكتب مافيه خير وصالح

 

[tho tho]

رد : بولد قيصري منو احسن دكتوره ومستشفى ؟؟؟

انا ولدت قيصريه بالصباح الصراحه وايييييد كانوا زينين بغرفة العمليات
ولدتني دكتوره اسمها ميسون ابو الحسن خوش وحده بالقيصريه
نصيحه روحي الصباح ترى زينين بالقيصريه انا اتكلم عن غرفة الولاده
بس بالجناح يلوعون الجبد :/