سعر الولادة بمستشفى الأمومة 325 و.......

[a7la MUM]

رد : سعر الولادة بمستشفى الأمومة 325 و.......

واي عليكم بنات قاعدين تذمون وانتو مو رايحين اصلا ولامجربين
انا امس عندهم و5سسترات فوق راس امي وغير استشاري التخدير لانها تبي ابرة ظهر ودكتورها محمود لما ارتفع ظغطها دقو عليه ويي علطول
ووايد والدين عندهم وياحلات الاهتمام اهم شي الاهتمام والعنايه مو الرخص غرفه امي ب 3 الااااااف يعني مو رخيصه بس اندور الزين

 

[درةعمر]

رد : سعر الولادة بمستشفى الأمومة 325 و.......

تدرون انا رحت لهم اول ماافتتحوا المستشفى والله العظيم ان الدكتورة عبير عبدالعظيم لما سوت لي السونار

ماعطتني حتى تقرير ولما طلبت منها التقرير استغربت وقالت ليش انتي عطوج تقارير عن السونار من قبل ؟؟!

لا والدكتورة عبير تقول لي ان انتي غلطانه شاربه ماي قبل السونار لان السونار صار مو واضح بسبب المثانة !!!

ولما سألت دكتورتي عن كلامها قالت خل تحمد ربها اني مااعرف احد في مستشفى الامومة ولا جان بلغت عنها

اذا سونار مايعرفون بالله هذولا فيهم خير ؟

عرضوا علي اسعار ماتتخيلونها لكن انحشت منهم قلت اروح مستشفى معروف وله خبرة مثل السلام ولا دار الشفا ولا مالي غير الصباح

ابرك من اني اجرب هذولا واتوهق اصلا لما سويت السونار قامت تعطيني لستة فيها ادويه مع اني مارحت لها مراجعه طبيه

انا رايحه بس اسوي سونار واطلع يعني شكو تكتب لي ادويه وفيتامينات ؟ واشلون كتبتها بدون لا تحاليل دم ولا عندها تحاليل ؟

نصيحه لحد يغامر هذي صحة مو لعبه واللي كانت تجربتها هناك زينه تحمد ربها لكن مو كل مره تسلم الجره ​

 

[الصعيريه]

رد : سعر الولادة بمستشفى الأمومة 325 و.......

الله يسهل عليج وتولدين بالسلامـه

 

[دلوعة المطران]

اي اسعاره حلوه وتساهيل من الله

 

[مرايــــــــم]

اب
اب

 

[ذيبة الكويت]

رد : سعر الولادة بمستشفى الأمومة 325 و.......

لااااااا حبيبتي من قال
لاتألفين بكيفج وتخرعين البنات!!!!
انا امس كنت بالمستشفى والدكتور محمود عطاني رقمه لاي استفسار
لوسمحتي لاتألفين وتخرعين البنات موناقصين اهما

انا اتكلم عن محمد شوكت اللي كان رئيس القسم وفصلوه انا مو قدج عشان االف على البنات اقولج انا والده هناك ولا انتي من الموظفات اللي بالمستشفي وجايه تحسنين صورة المستشفى اللي صارت على كل لسااان
السالف حياه وممات حرااام عليج تعشمينهم
وبالنسبة لمحمود السيد زين بس فيه عيب يطنش الاتصالات ومزاجي حيل لا والحين حطووووه رئيس القسم بدال محمد شوكت من قده زين اذا حظر الولاده
​

 

[a7la MUM]

رد : سعر الولادة بمستشفى الأمومة 325 و.......

للعلم تم فصل الاستشاري مال النساء والولاده الدكتور احمد مادريدري محمود شوكت

اسمحيلي عيل الغلط منج لانج قلتي محمود مو محمد:eh_s(10):

ولا انا قدج ياعمري انتي
وانا مااعشم ولاشي انا رايحه وشايفه كل شي بعيني
وربي يسهل على خواتي الحوامل يارب والسهال من رب العالمين:yaaaaaarb:

 

[a7la MUM]

رد : سعر الولادة بمستشفى الأمومة 325 و.......

انا اتكلم عن محمد شوكت اللي كان رئيس القسم وفصلوه انا مو قدج عشان االف على البنات اقولج انا والده هناك ولا انتي من الموظفات اللي بالمستشفي وجايه تحسنين صورة المستشفى اللي صارت على كل لسااان السالف حياه وممات حرااام عليج تعشمينهم
وبالنسبة لمحمود السيد زين بس فيه عيب يطنش الاتصالات ومزاجي حيل لا والحين حطووووه رئيس القسم بدال محمد شوكت من قده زين اذا حظر الولاده
​

لووووووووووووووووول مت ضحك عليج اسم الله علي هذا اللي ناقص اشتغل موظفه بالمستشفى كا حدج قاعده تألفين:lololoe:
ماماتي انتي على طاري محمود يطنش الاتصالات
والله والله والله ان امي بس ارتفع ضغطها دقو عليه ونص ساعه بالضبط اهو عندها هذا ضغط بس وجذي ياها بسرعه عيل ولاده شلون
وشلون طنش ممكن تقولين شلون طنش:eh_s(7):

 

[بندرينا]

رد : سعر الولادة بمستشفى الأمومة 325 و.......

بالعكس والله مستشفى ممتاز حيل واكيد بيسوي عروض على الاسعار لانه جديد

انا رايحتله اكثر من مرة والدكتورة عبير حيل حلوة وسوت لى سونار وقالتلى كل شي بالتفصيل

وكانت حبوبه وصابرة على اسالتي اللى ماتخلص

والغرف مالت الولاده رووعه حتى العاديه تجنن

والعنايه لايعلى عليها

هاذا اللى انا شفته

 

[ام سلطانوه]

السلام عليكم بنات حبيت اشارك بالموضوع لانة يهمني
حبيبتي انا اراجع عند الدكتور محمود والله اشوفة وايد اسلوبه راقي بسرعه عطاني رقمة بدون حتى ما اطلبة يدل انه يبي يساعدني ولا مو مجبور يعطي رقمة حق احد وبعدين شلون يطنش يعني يقولج مراح اجي اولدج غريبة هذه اول مرة اسمع فيها
وانا عن نفسي سألت وايد حريم والدات عندهم دشيت وسألتهم عن الولاده وااااايد امدحولي
بالنسبة لدرة عمر مو شرط يعطيج التقرير مع السونار انا والده 3 مرات لما اطلب يعطيني مو شرط والده باحسن المستشفيات الهادي ودار الشاف والراشد كلهم نفس الطريقة

 

[دمعه ندم]

خوخه انا تقريبا قبل اسبوع رحت سويت سونار عندهم

كان ب8

وسالت عن سعر الولاده قالتلي 425 بشهر 12 معقوله غيروه بس انا متاكده والا الاسعار كل يوم تتغير عندهم !!!!!!!!!

صاجه حبيبتي حتى انا كنت عندهم وقالولي نفس هالحجي
شسالفتهم :gr4uu:

 

[فرفوووشة]

رد : سعر الولادة بمستشفى الأمومة 325 و.......

انا توني ياية قالولي الولادة ب 500 و حج السنة اليديدة مسوين خصم 25 % يعني 375 اما حج شهر 12 هذا خصم 30% يعني 325.... ولو بتحجزين وماقدرتي تولدين عندهم لاي سبب يردوون لفلوس هذا كلامهم.

 

[a7la MUM]

رد : سعر الولادة بمستشفى الأمومة 325 و.......

وين ذيــــــــــــــــــــبه ترد على السؤال

 

[كويتيه مذهله 87]

السهالات من الله لو تولدين بالبيت

 

[درةعمر]

رد : رد: سعر الولادة بمستشفى الأمومة 325 و.......

السلام عليكم بنات حبيت اشارك بالموضوع لانة يهمني
حبيبتي انا اراجع عند الدكتور محمود والله اشوفة وايد اسلوبه راقي بسرعه عطاني رقمة بدون حتى ما اطلبة يدل انه يبي يساعدني ولا مو مجبور يعطي رقمة حق احد وبعدين شلون يطنش يعني يقولج مراح اجي اولدج غريبة هذه اول مرة اسمع فيها
وانا عن نفسي سألت وايد حريم والدات عندهم دشيت وسألتهم عن الولاده وااااايد امدحولي
بالنسبة لدرة عمر مو شرط يعطيج التقرير مع السونار انا والده 3 مرات لما اطلب يعطيني مو شرط والده باحسن المستشفيات الهادي ودار الشاف والراشد كلهم نفس الطريقة

لا والله اختي ام سلطان انا اول سونار حقي سويته في السلام

وكان الدكتور أشرف وعطاني تقريرين مع ثلاث صور ووقع عليهم وختمهم

وسويت من قبل ثلاث سونارات عند الاميري وكلها عطوني عليها تقارير

وبعدين انا مارحت حق عبير عبدالعظيم حق مراجعة حمل ولا اخذت معاي تحاليل

انا رحت حق غرفة السونار وطلبت منهم بس سونار

وانا طلبت من الدكتورة التقرير انصدمت من الطلب وتخيلي لقيتها تقول ان التقرير مسحوه

اشلون تمسحه وهي اصلا مو دكتورتي وانا داخله للسونار عشان اعرف مقاسات البيبي

وعشان اعرف حجم الرحم وباقي التفاصيل عشان دكتورتي اللي متابعتني تاخذ السونار

الدكتورة عبير عطتني بس صورة وحده للسونار هذي حركة اول مرة اشوفها

ودكتورتي ماعرفت المقاسات وباقي المعلومات وقالت لي الصورة ماتنفع ولا تكفي

وعقبها شهرين ودكتورتي مانعتني اسوي سونار ثاني لان كثرة السونارات موزينه

عموما انا انصح كل خواتي ان مايجازفون بصحتهم وبصحة عيالهم علشان الاسعار

واكرر واقول مستشفى قديم وعنده خبرة احسن مليون مره من واحد توه فاتح

واذا ماتقدرون على اسعار القديم المعروف خلكم على الحكومة والله ابرك​

 

[فرفوووشة]

رد : سعر الولادة بمستشفى الأمومة 325 و.......

uppppppp