ابي اتطلق

[Twinke]

استخيري اول وعطيه فرصه وبعدين قعدي وتفاهمي معاه وقوليله كل شي بخاطرج عشان ان صار وتطلقتي ماتكونين ظالمته ولا شي كلامج وربي جني انا اللي اشكي بالضبط وبكل شي لا وبعد مجابل اللاب غسلي ايزج منه شوفي لي موقع مسجل فيه ولا باي لعبه لانها متروسه بنات ابليس وفي بعض الرياييل يحبون اللي امس مع غيره واليوم معاه وباجر مايندرى مع منو وبنان البيوت الطاهرات العفيفات اللي صاينين عرضه واسمه دليم بعينهم ولا شي نصييييييييييحه اخت عشان مايصير فيج اللي صار فيني وتندمين طول عمرج تفاهمي معاه ولا خلي اهلج يقولون احنا زوجنا بنتنا لريال يعيش معاه العمر كله بالحلوة والمره واهي تقوم بواجبه وماتقصر معاه واهو اقل شي يغطيها شوي اهتمام واحترام واذا مافي اي تغيير نصيحه فجي عمرج لا تحملين وتوهقين وغصب عنج تحملين عشان ولدج .. انا احاجيج وقاعده اتذكر كل شي من تزوجت ليما الحين اشياء احاول انساها الله يفرج عليج ةعلي وعلى بنات المسلمين اللي حالهم حالنا والله يرزق كل واحد مايراعي ربه فمرته يخون مرته حتى لو كان بالنت خو الحجي الحلو والغزل والطلبات مجابه حق ..... اما بنات البيوت المتربين ماله غير القهر والنكد لا عادي لذا تخانق معاها يطلع حرته فيج .... امبييييييه مافي اخورها واقول قصتي من الى خوفي انجك ههههههههههههه انا ربي زرقني بحمودي مالي علي الدنيا ومافيها ومنسيني ريلي وطوايف وماصرت اتضايق نفس قبل وينه وشنو قاعد يسوي ولا اذا سافر ادق عليه كل شوي ياعماي بالطقاااااااااق عيشب حياتج العمر مره وباجر تندمين ان صارلج شي من القهر قطج عن اهلج وخذا غيرج لا واصغر منج عشان يقهرج عيشي حياتج اذا ماتعدل ولا عرف ان الزواج مسؤوليه انا اذا تغير وحسيتي بعدين ان تاب لو تقعدين عند اهلح شهر ولا 2 المهم انه تغير رجعيله ةانسي كل شي صار قبل غير جذي لاااا ادري في بنات راح يعارضون كلاامي بس هذا الصج والله مايرضى بهالشي " معامله بمعروف او تصريح باحسان "

مشكوررة حبيبتي على الرد و اسفه اذا فتحت جروحج
انا عندي ياهل منه و بالغصب حملت كنت ميته من الخوف اني اعيش من غير ياهل بس الحمدلله الله رزقني
بس تره انا قعدت وااايد معاه و كلمته و اهلي تكلمو معاه بعد ووعد ان كلشي بيصير اوكي
بس هذا سييفوه و هذي خلاجينه! ماكو فيايده
كلله يحقر فيني احسه يبي يحطم ثقتي بنفسي مع العلم اني احمل شهاده عليا واعرف اتصرف صح و ادبر الامور بس اهو دايمان يجرحني بكلامه ليين ما قلت له مره انا ابيك تطلقني مابي اعيش طول عمري جذيه ! يتعدل يومين تالي يرد جني في قطار الموت مره فوق و مره يهبد فيني بالكلام من غير سبه و يتهمني اني انا اللي ابي اتهاوش
هذا مو خالي الف بالاميه وراه شي بس انا الحين خايفه على صحتي و على نفسيتي
رياييل الكويت يخرعوون
مادري شسوي

 

[نور بوبيان]

الحوار ... المناقشه بهدوء ... عزميه على فندق ... حجزي غرفه وطلبي عشا ...وبعد العشا حاوريه ...

وقوليله أنا ألحين وحده تبي تناقشك ... بهدوء ... لأن ياإما نستمر أو مانستمر ...

وقبل النقاش الدعاء إن ربي يسخره لج ويفهمج ... طبعا إذا إذا وصلتوا للحل الحمد لله ... وإذا ماوصلتوا قوليله برتاح

في بيتنا وبعدين فكر بكلامي عدل لأن هذي عشره

وترى الإنسان مومغصوب يعيش حياة مايبيها لازم يعدلها بالإتفاق مع بعض وإيد وحده ماتصفق...

ولا تتسرعين بأي شي وعندج الدكتوره هيام الجاسم ممتازه ...ولازم تستشيرين وبعدين تقررين

 

[أمـونة]

رد : ابي اتطلق

الله يعينج

دايما اقري قرآن واقري سورة البقرة

وإذا هو برا البيت شغلي المسجل على السورة

واستغفري وايد وايد

والله يهديه مرده بيمل من سالفة النت ويرجعلج

والله يوفقج

 

[MISS-_-FLOWER]

رد : ابي اتطلق

:eh_s(16):سلام

حديييي ملييييت من اهاناته بالكلام

انتي معقده

انا ابتلشت
و غييره و غييره و فوق كل هذا يقلب علي مره وحده يتغير ماله خلقي متى؟؟؟ كل ما جابل اللابتوب لي الصبح
شنو سالفته انا ما ادري
و عصب و طلع الساعه وحده يالليل !!!! ويييين؟؟ انا مادري
ابي اتطلق قبل ما يذوب شبابي عنده حياتي كلها نكد في نكد و يتهمني انا اللي يايبه النكد و اهو اللي بوزه شبرين
ملييييييييييييييييييييييييييييييييييت

انا صارلي 6 سنين زواج وحالتي كل يوووم جذي والحين صرت عديمة احساس جني ما اسمع شي ابدااا
يقول الي بخاطره وكل الي يقوله عيوب فيه مو فيني والله طاف وقام ينقهر اكثر اهو يبي ينكد علي بس غلطان صار فيني شعور لامبالاه اهم شي اسووي الي اقدر عليه وواجباتي ومراضيه ربي بس كافي

 

[G!RLooNa]

الله يكتب لج اللي في الخير معاه ولا بدونه

 

[Twinke]

رد: رد : ابي اتطلق

انا صارلي 6 سنين زواج وحالتي كل يوووم جذي والحين صرت عديمة احساس جني ما اسمع شي ابدااا
يقول الي بخاطره وكل الي يقوله عيوب فيه مو فيني والله طاف وقام ينقهر اكثر اهو يبي ينكد علي بس غلطان صار فيني شعور لامبالاه اهم شي اسووي الي اقدر عليه وواجباتي ومراضيه ربي بس كافي

مشكووورين على التفاعل
بس تره هذي مو حياه مو عيشه انج من كثر ما تسمعين اهانات يصير عندج عادي ! ما تخافين تتاثر صحتج النفسيه من القهر اللي خاشته في قلبج و متحملته؟! انا الحين حاطه جامي صحتي و الياهل اللي عندي يعني ماب الياهل يعيش و يشوف امه تنهان جدامه
ابييييييييي اتطللق

 

[أنوار العشق]

رد : ابي اتطلق

إذا على سالفة نت لاتحاتين مصيره يمل

الله سبحانه وتعالى ( امساكن بمعروف أو تسريحن بإحسان )

إذا مافي أمل حرام قبل يصير عندكم اطفال فكري عدل .. وستخيري .. والله يرزقج بالراي الصح

 

[MISS-_-FLOWER]

رد : رد: رد : ابي اتطلق

مشكووورين على التفاعل
بس تره هذي مو حياه مو عيشه انج من كثر ما تسمعين اهانات يصير عندج عادي ! ما تخافين تتاثر صحتج النفسيه من القهر اللي خاشته في قلبج و متحملته؟! انا الحين حاطه جامي صحتي و الياهل اللي عندي يعني ماب الياهل يعيش و يشوف امه تنهان جدامه
ابييييييييي اتطللق

الي نفس ريلي وريلج صعبين مخهم ضارب في وشه يعني باجر اذا تطلقتي راح يمرمرج على هل ياهل
وانا عندي يهال الصراحه مابي اتعذب باجر ياخذ اعيالي ويلعوزني فيهم
امشي اموري اقوول يالله احسن من الي يشرب و الي يخووون والي يزني
خل يفصل ويرد يفصل ويرد
وانا اتشوفيني لابسه مرات ومستعده بطلع مره وحده يفصل اكنسل كل شي واعتذر من الي كنت متفقه معاهم والكل عاذرني خلاااااص الكل عرف طبعه و مقدر ضروفي اهو ريلي زين بالاسبوع مره باليوم كله نص ساعه بالشهر جم مره يعني خلااااص حياتي تعودت عليها جذي نسافر نروح الشاليه عادي اذا بيفصل يفصل ماتفرق وياه كنت اول ابجي بجي ويقطني المطار بروحي يقووولي ياله ردي ويدق على اهلي يخرعهم تعالو استقبلوو بنتكم بترد وانا مو مسويه شي يمكن على سبب تافه جدا وعيب عليه يسووي جذي في امه اعياله
بس عشان اعيالي والله طاف ومن قمت اطنشه و ما اعلق ولا اقول روح وتعال ولا اطلب منه شي يعني مسؤليات البيت كلها غاسل ايديه منهم من نسبه 100 % صار 80 % فصلاته وعندي امل مع الايام اغيره واخليه يطخ
بس هذا طبع صعب يتغير كلش

 

[ام خالدوعبود]

تعوذي من الشيطان ترا الشيطان يفرق بين الزوج وزوجته وهذااااا اعظم عمل عنده لا تخلينه يستانس حسبي الله على الشياطين


واصبري يمكن بصبرج خير كبير لج وانتي ماتدرين


وادعي دائما دعاء للزوج



اللهم يا مسبب الاسباب يا فاتح الابواب يا سامع الاصوات يا مجيب الدعوات ياقاضي الحاجات ياخالق النفس من النفس ويا مخلص النفس من النفس ويا مخرج النفس من النفس ...علمت ان رزقي لا يأخذه غيري فاطمئن قلبى اللهم احفظه لي من الفتن ما ظهر منها
وما بطن انك قادرا على ذلك اللهم آآآمين

اللهم اصلح زوجي وثبته على الايمان اللهم واجعله رجلا مؤمنا صادقا صدوقا كريما جوادا اللهم وزده حبا لي وصراحة معي وتعلقا بي وتفاهما معي اللهم واطل في عمره على طاعتك اللهم آآآمين

اللهم ملكني قلب زوجي واجعلني ماء عينه ودم قلبه واجمل امرأه في حياته اللهم جملني بعينه وجمله بعيني
اللهم اجعلي زوجي لي من لدنك سلطانا نصيرا اللهم صب محبتي في قلبه صبا وارني ذلك اللهم سخره لي كما سخرت البحر لسيدنا موسي والن قلبه لى كما النت الحديد لسيدنا داوود فانه لا ينطق الا بأذنك ناصيته في قبضتك وقلبه بين يديك تقلبه كيف تشاء اللهم الف بين قلبي وقلبه كما الفت بين قلوب عبادك

اللهم اني استودعتك قلب زوجي وسمعه وبصره ولسانه وفرجه في ودائعك فأحفظها لى يا من لا تضيع ودائعه اللهم اجعله لي قرة عيني الوحيده واجعلني له قرة عينه الوحيده
اللهم آآآمين يا رب العالمين

 

[حبيبة ماماتي]

امبييييه صرت اشك فيح انتي انا @@ انا بعد حملت بطلعت الروح وبعد جم سنه ودايم اهو يلف الغلط علي تعودت وماصرت نفس قبل اعصب واتضايق واقعد ابجي لان محد يستاهل صرااحه الحين انا غيييييير واهووووو مفلفل انتي سوي نفسي اهتمي بنفسج روحي وطلعي وتمشي مع اهلج وبشقتج لبسي دايم يا تي شيرت علاق او كت ولبسي هافات او شورت جينز يعني كشخي بس هاا مو مكياج عرس وتسريحه لا حطي كريم خفيف انا احط دايم كريم بوندز للتفتيح واايد حلوو واحط بلاشر خفيف واحدد عيني بكحله من تحت وماسكرا وحمرا حمرا اطبطبها خفيف على شفايفي يعني (حمااار رباني ) ههههههههه ومره اسوي عنقوووصه فوووق ومره ابطله مره ارفع شعري عشوائي جم خصلي نازله ومره عنقوصتين اذا لابسه بجامه قصيره يعني زبده الحجي وصليله ان انا كاشخه حق نفسي ومافي شي يأثر فيني وخليج مع ولدج وبالذات ان كان موجود بوسي فيه قوليله ياحياتي انت عمري انت حبيبي انت احلى شي بحياتي حسسيه انج تغيرتي وان مافي شي يأثر فيج مره عن مره تلاقينه تغير وان مافي فاايده نصييييييحه انهي هالزواج لان مايعتبر زوااج انا ماقول غير حسبي الله على كل واحد ماخذ بنت ناس وملعوزها انا اقول عيشي حياتج وولدج جذي جذي بيتربى اشدعوه الرياييل الحين يربون ولا يدرون عن شي كله على المرا المسكينة يعني وجوده مثل عدمه دام النت واللي فيه ماخذ عقله وملهيه عن حياته وبيته مامنه فايده ولا ترجين ان يتغير سأليني انا في شي غير انه حالف عن المصحف كلام ربي ان يتغير وحملت بعد جم سنه الله وكيلج جم شهر ورد مثل قبل والعن واللاب من وراي طبعا يشبك غيرجذي وانا بنفاسي مافي اي اهتمام وابلغه ان ولده تعبان لو واحد غيره ايي طاير لو بإخر الدنيا هذا لاحياة لمن تنادي انا اللي كنت اوديه من عيادات خاصه لي مستشفيات واهو لااهي وعذره شنو عندي شغل ة@@ شهالشغل الي مبديه على ولدك اثاري النت والمواقع كلها مسجل فيها وماظلت حثاله حشاج انتي والموجودين ماحاجاهم هذا غير الخطوط اللي عنده من الذكاء مخلي الفواتير بغرفتنا ههههههههه وربي اذل بيفضح سبحان الله ... بعد كل هذا يتشكى عند اهله اني مقصره واني ما اهتم واني .... الخ شوفي فوق شينه قوات عينه الله وكيلج لميت اغراضي وعلى طول عند اهلي لان مايستاهل وماراح اضيع عمري اكثر خوف من اسم مطلقه الي بتحجى اول يحط الله بين عيووونه المطلقه مالها رب الطلاق ابفض (الحلال) وربي محلله ليش مجتمعنا دايم الريال صح حتى لو المرا اهي المتضرره لا اااااهي اللي فيها عيب الريال مايغلط. حسبي الله ونعم الوكيل بس هذا اللي اقوله واحد حالف على كتاب ربي وخان حلفه وماخاف من ربي ماراح يخاف علي ولا يكون امين علي ولا على ولده فجي روحج احسن نصييييييحه ويلا نسوي حمله (لا للرجال نعم للحريه) هههههههه