الزواج من شخص مطلق؟؟؟؟؟؟

[أم الغاااالية]

رد: رد : الزواج من شخص مطلق؟؟؟؟؟؟

والله اذا كان الريال خوش ريال علىدين وخلق وسمعه زينه وشاريج ليش لا شفيه المطلق المطلق مرات احسن بالف مره من العازب يمكن من مرته طلق بس اذا ارمل وعياله موجودين انصحج لا توافقين لانج بتصيرين مربيه لعياله فكرى عدل وصلى استخاره

نفس رايي :tongue22:

 

[ام _خلودي]

اكيد حبيبتي راح ينحط العيب بالزوجه الاولي واذا انت صغيره بمعني 35 سنه وتحت شنو الا يجبرح تاخذين ابو عيالي يمكن يحووس يحووس ويرد لمرته ام عياله*

 

[غالية زمانها]

مادري مطلق وعنده اعيال احسها صعبه !! الا اذا انتي كبيره بالعمر !!

 

[franshiska]

رد : الزواج من شخص مطلق؟؟؟؟؟؟

حبيبتي انا ماخذه مطلق وعنده 2
ولو يرد فيني الزمن جان فكرت الف مره
لكن الحمدلله على كل حال
ومثل ما قالوا الخوات
المره تلاقينها عايفته ما تبيه واذا تزوج صار براد بت زمانه
وصلي صلاة استخاره
لكن انا بقولج الشغلات اللي ما حسبت لها احساب والحين بالعه موس وساكته منها
اولا والاهم صارلي 3 سنين والاخ ما يبي اعيال يقول تو الناس واذا قلت ابي عيال قالي قضبي الباب مع العلم ان مو هذا اتفاقنا
ثانيا البيت راح يكون لها نصيب فيه لانها حاضنه
يعني اذا طلع بيت الحكومة راح تاخذ جزء منه وتقعد على قلبج لان عندها عيال
وثالثا صاحب دبن مو صاحب دين هذا شي حق ربه قله في هالزمن اللي يحطون الدين وشرع الله جدام عيونهم في معاملة الغير
والله يكتبلج اللي فيه خير وصلاح
لكن الف مره فكري بعقلج مو بقلبج
ترى الحب ما يجي الا من الراحة واذا مو مرتاحه انسي انج اتحبينه
فهالمشاعر اللي وقت الخطبه لا تخلينها تأثر عليج
ونسيت اقولج شغله الحين كله يحسبني اني داشه على طمع وببوق فلوسهمثل ما سوت اللي قبلي
مع انه يدري اني اقدر اصرف عليه وعلى 10 منه
هذي تجربتي استفيدي منها
واذا ققرتي من قبل الزواج اتفقي على مصرف معين لج واستقطاع شهري
ولا لج شغل بعياله كلش

 

[ORKDI]

والله ما ادري

بس المشكله انه مرات يعيبون بالمراه

ويحطون فيها عيوب الدنيا اخر شي تطلع بنت الناس ما فيه شي

المشكله من رجال

وفي العكس

استخيري الله يكتب لج اللي فيها الخير لج

 

[Tom ♥ Jerry]

رد : الزواج من شخص مطلق؟؟؟؟؟؟

.


اذا العيب مو منه و انا ابي هالـ 3 عيال !
يعني لآزم تستوعبين انه عنده عيال آكيد يحبهم و رآح يعطيهم من وقته ..
و آكيد آنتي بالمقابل لآزم تعآملينهم مثل عيالج
اذا كنتي مستعده لهالشي توكلي على الله استخيري و الله يكتب الي فيه الخير : ) !

 

[sweet dashttya]

رد : الزواج من شخص مطلق؟؟؟؟؟؟

لاااااااااااااااا مابي اقعد بدون زواج ولا اتزوج واحد مطلق وعنده عيال بقعد اربي عيال الناس ؟؟

وانا توني صغيره

هذي وجهة نظري واتمنى تتقبلينها

 

[sweet dashttya]

رد : رد: الزواج من شخص مطلق؟؟؟؟؟؟

والله ما ادري

بس المشكله انه مرات يعيبون بالمراه

ويحطون فيها عيوب الدنيا اخر شي تطلع بنت الناس ما فيه شي

المشكله من رجال

وفي العكس

استخيري الله يكتب لج اللي فيها الخير لج

بس حبيت اعلق على ردج صح كلامج انا ولد عمتي طلق خالتي وطلع فيها عيوب الدنيا وربي يشهد مرآ محافظه على

بيتها وتهتم بريلها اهما جذي يطلعون عيوب الدنيا بالمرآ عشان يبي يزوجون ولدهم اذا طلعوا العيب بولدهم اكيد محد راح

يوافق عشان جذي يقطونه بالمرآ اهيا فيها وفيها .... عشان جذي مانصح بزواج من مطلق

 

[FeShinGoOo]

رد : الزواج من شخص مطلق؟؟؟؟؟؟

على حسب

في وحده تتحمل تربي عيال ريلها وفي وحده ماتتحمل اصلا تشوف عياله حتى لو مو عنده يصير فيها كره لهم
وحطي فبالج بحكم ان عنده عيال بيكون في اتصالات بينه وبين الاوليه
هل انتي تتحملين هالشي ؟
لان وحده عن وحده تختلف
لو مطلق بدون عيال جان قتلج توكلي على الله
بس مدام عنده عيال راجعي نفسج واستخيري بالاول

 

[franshiska]

رد : الزواج من شخص مطلق؟؟؟؟؟؟

اللي يقولون في وحده تتحمل تربي عيال ريلها
انا عيال ريلي يوني مره باللاسبوع
وامهم تلبهم لبس واحد ما يتغير كل اسبوع ايونا فيه يلوع الجبد ولونه رايح من الغسيل
رحت وشريتلهم وسويتلهم كبت عندي
وبالنهاية وين التقدير ؟؟؟
مع ان ريلي زين لكن سالفة العيال مسببتلي ازمه
ولا سالفة لما اقوله ابي عيال يقولي عيالي اهم عيالج
ومو الحين نبي عيال
وهذا انا متوهقه ماني عارفه اتطلق للمره الثانية
والا اكل هوا واتم جذي
واذا تطلقت للمره الثانية منو بياخذني وانا ولا مره حملت
لا من الاول ولا من الثاني ؟
خصوصا ان الاول قايل ان ما فيني عيال ( 6 شهور زواج بس )
والثاني 3 سنين وما يبي عيال
الله المستعان

 

[~ FOOSY ~]

رد : الزواج من شخص مطلق؟؟؟؟؟؟

لو انا ما اوافق ليش اعور راسي معاه واذا سويت شي غلط بيقارني باللي قبلي بس احسن لج استخيري