رحلتي المصور الى امريكا في صيف 2007 ..

[.]

لا يوقف..

شكلها هالرحله احلى من نيويورك...

ناطرينج..

انا ابي ديزني والشلالات

 

[فراولة^فوشيا]

ماتحطين باخاطري فراوله ع طول يتي بعد عمري خخخخخخخ..

هههههههه اييه ناطرتج عشان ابتدي
حبيبتي والله مشكوووره وايد على متابعتج لي

اكييييييييييييييييييييييييييييييييد نروح ديزني انا ناطره هالرحله الصراحه ....

أكيييييييييييييييييييد زوزوووووووووو مايبيييله
انشالله بنروح ديزني بس اول شي بنتسحر في الداون تاون
بعدين تعالوا انتوا وينكم ما تبينووون هاااا :eh_s(13): ماشوفكم بالمسنير
شوفولكم يوم نبي نتلع

انا مبققة عيوني ومجابلة موضوعج فيني النوم ومقاومة شوقتيني عليكم بالعافية السفرة وانشالله ماتكون اخر سفرة علشان تتحفينا بصورج

حبييييبتي رفروووفه الله يعافيج ماتقصرين وانشالله تاخذين اليهال حق اورلاندو وتستانسون يارب
وتصورون لنا رحلتكم

لا يوقف..

شكلها هالرحله احلى من نيويورك...

ناطرينج..

انا ابي ديزني والشلالات

اييه والله الحمدلله استانسنا فيها وايد اكثر من نيويورك
وتحسفنا بعد ان قعدنا فيها شويه ،، انشالله اقولكم آخر الموضوع شكثر يبيلها وشنو اشياء طافتنا ووين تروحون

نكمل

 

[فراولة^فوشيا]

دزني داون تاون ... Downtown Disney
l]

يبعد الدزني داون تاون عن الفندق خطرة شارع فقط



والمكان مقسم الى ثلاث اجزاء

اول جزء ال marketplace


وهذا الجزء يحتوي على محلات ديزني وألعاب للأطفال
طبعا اليهااااااااال اشكالهم تضحك مستانسييييييين يحليلهم ،، على قولة كاكاوه احنا كبار واستخفينا على المكان شلون اليهال

هني الدخله نافورة الماي واليهال يتسبحون فيها



أول المحلات .... كان يا مكان



والكورنر الوردي :eh_s(22):



هني هذا ماعرف اسمه حاطينه فوق المحل ويطشر ماي من حلجه واليهال مكيفييين



محل ESPN الرياضي حده زوووغه


النفنوف اللي فوووق خذيته حق بنت رفيجتي
يختييييييييييي ياحلاتهم

يتبع

 

[رقي]

لايوقف لايوقف

 

[فراولة^فوشيا]

محل سيندرلا



في هالمحل يدخلون البنات ويلبسونهم لبس سندريلا ويحطون مكياج ويسوون لهم تسريحات واااي زووغه يشوقوون
والصبيان بعد يلبسونهم لبس القراصنه ياحلاتهم يهبلون

نروووح حق محل التركيب lego


كل شي مسوينه من تركيب



وهذي العده

ووووووااااااااووووو


وهذا الأخ ساد علي ومندمج حده جان اصوره لوول


وحاطين حق اليهال بره طاولات ويخلونهم يركبون



وانا قاعده واصور بخلق الله خخخخخخخخخخ

هني شخصيات من ليغو يصورون معاهم اليهال



وهذا التنين عجيييب شكبره مسوينه وحاطينه بالبحيره

 

[فراولة^فوشيا]

تبوون نفيييش



والا نروح نتعشى احسن

طبعا هالجزء متروس مطاعم


وغيرهم غيرهم بعد

بس احنا مشينا على النصيحه ورحناااااااااا

Rianforest



مرمووووووره وينج الصور اليايه اهداااء حقج :eh_s(15):

 

[فراولة^فوشيا]

طبعا مطعم امريكي



مرموووره قالت لي روحوله بس على شرط لااااااااااااااااازم تطلبووووون حلو فولكينووووووو



ههههههههههه احنا طبعا خلصنا اكل وقلنالهم نبي فولكينووو
غطوا غطوا ،، شوي والا نسمع صراخ من بعييد .. فوووووووووووووووووولكينووووووووووووو
والا اثاريهم لازم يقولون جذيه اذا احد طلبها .. وا فضيحتاه

بس والله عجييييبه الكيكه شي موووووووووووو طبيعييي ابييييها الحييييييييين :eh_s(1):

ميرسي مرموووره على هالنقصه الحلوه

احنا تعشينا بالقعده اللي بره
وهذا المطعم من الداخل


المطعم ومعاه المحل
ديكوراته عجييييبه



كله عواميد من هالأكواريم

ومسوينه على شكل غابه على اسمه

 

[فراولة^فوشيا]

اللي ما كلت من فولكينو وتبي تحلي تعالي معاي محل غوووفي للحلويات


يم يم لذيذ


هذا بالنسبة للجزء الأول من الداون تاون market place

فيه محلات اكثر ومطاعم بعد

وفيه رحلات بالقارب يفتر بالبحيره بس للأسف ماركبنا يدوب نلحق على باجي الأماكن


الجزء الثاني اسمه Pleasure Island



ماقعدنا بهالجزء كله ديسكوات وموسيقى وأغاني ولوويه

نمشي شويه بعد جدام عشان نروح الجزء الثالث والأخير


هذا الجزء فيه بعد مطاعم
وأشهر شي Planet hollywood



وفيه صالة العاب



وفيه قهاوي وقعدات وكفتيريات وفيرجن وسينما
وفيه سيرك كل من يمدحه والله اسمه Cirque du Soleil

 

[فراولة^فوشيا]

دخلنا السينما انا وكاكاوه



طبعا السينما فيها 24 صاله عشان جذيه الناس مطشره ماتشوفون زحمه :eh_s(3):



شرينا لزوم الشغل ودخلنا فيلمنا
rush hour 3 كان حده يضحك وقاعتنا 24



انشالله تكونون استانستوا في بداية رحلتنا

ابيكم تريحون عشان باجر ننطلق الى ديزنييييييي الألعاااب :eh_s(9):

 

[.]

ووواااااااااااااووو..

عجبني المحل اللي ع الغابه..

والتركيبه..

ولعبه ميني..

والكيكه تشوق عليكم بالعافيه

وناطرين الالعاب..

 

[فراولة^فوشيا]

لايوقف لايوقف

هههههههه هلا رقروووقه
انشالله ماراح اوقف
والله احس اني مستانسه وانا احط الصور تشوقت على اورلاندو :eh_s(17):

ووواااااااااااااووو..

عجبني المحل اللي ع الغابه..

والتركيبه..

ولعبه ميني..

والكيكه تشوق عليكم بالعافيه

وناطرين الالعاب..

حبيييييبتي رووونه الله يعافيج والله
صح كل شي يشوق والحلو بالفندق انه حيل قريب من هالمكان
وانا لاحظت انه اقرب واحد ،، اللي مفكره تروح انشالله نزلوا في هالفندق

وانشالله بنكمل الألعاب غدا
تابعوني

 

[شهووده]

فوووشيا

اشتهيت الcandy apple اللي بمحل قوووفي ..

بس هاذي اللي عندهم على ككاو ..

تذكرينها ؟؟ قبل كانوا يبيعون منها بالترفيهية وحديقة الشعب .. الحين ماكو منهاا

مادشيتوا سيرك دو سولي ؟؟

حده مشهووور بس غالي جنه ..



عليكم بالعاافيه وبانتظار التكمله .. :eh_s(9):

 

[dalprincess]

واااااااااااااااااااااااااااااااااااو وناااااااااسه ديزني خياااااااااااااااااااال بروووح شكلها احلى من دزني فرسنا ... عليج بألف عافيه وناطرين الالعاب حدي متحمسه

 

[Pink GirL]

وناسة

كل الصور تشووووق

يبيلة رووووووحة والله

الكيكه تشوف فشفوووش حرام عليج شفتها وانا صايمة خخخخخ عليكم بالعافية

وناطرين صور الالعاب

 

[رفرف]

زوغة زوووووووووووووووووووووووووووووووووووووووووووووووغة مادري شقول شحجي ....

 

[زيـنـه]

عاشت فراوله .. و ننطر الموضوع ..يعطيج الصحه و العافيه

 

[زلابيا]

انا انثولت لوووووووووووووووووووووووووووووووووووووول

لاااااا واقولهم انا مو طماعه ودوني دزني اللي بفرنسا خخخخخخخ شكلي بقولهم يا اللي بأمريكا ولا ماكو

 

[Dr.CarameLLa]

مشاءاللللله شكلها حده ونااسه .. عاد تدرين انا طلعت الفيزا على اسا انه بسافر كنت امريكا.. و عقب اللويه و اخر شي تكنسلت سفرتنا اختي مارضو يعطونها اجااازة .. خييرة هيهي ان شاء الله ملحوقه
و الحمدلله على سلامتكم

 

[كاكاوة سايحة]

الله وناسة ...قاعدة أشوف الصور و أتذكر .... بصراحةبنات .....إلي متزوجة و عندها عيال لازم توديهم أورلاندو و آنا أضمن لكم إنهم ما راح ينسون لكم هالجميل طول حياتهم و راح يدعون لكم بكل صلاة ..آنا يوم رحت هالمكان حسيت إن جزء من طفولتي اكتمل ...على إني مو من النوع إلي أحب الملاهي و هالسوالف بس أورلاندو صج صج حلوة...بس روحوا لها بالشتا...الامريكان يروحون لها شهر يناير.

و صج مرمورة ...مشكورة على النقصة الكيكة عجيبة و طعمها ليلحين بحلجي ...إلي يروح دزني داون تاون و يتعشى برين فوريست لازم يطلب فــــــــــــــــولـــكــــــــــــــــــيـــــــــــــــــــــــنـــــــــــــــووووو:eh_s(15):

لا تقولون طفحنا ولا شبعنا ميخالف طلبوها و صوروا معاها ...و أهم شي نطروا الغرسون لما يقول فوووووووووولكيييييييييينو ...إذا ما سوا جذي و بس حط الكيكة على الطاولة قولوا له لو سمحت رد المطبخ و أطلع و قول فوووووووووووووولكييييييييييييينوووووووووووو:eh_s(9):

مشكورة فراويلة على هذا المجهود ...يعطيج العافية

 

[بنت عبدالغني شربت]

لووول اقولكم شي يضيق خلقكم انتوا سئلتوهم الكيك حاطين في واين ولا لأ

لانه الحلو ما يصير عجيب عندهم الا حاطين فيه واين



تسلمين فروااااااااااااله والله الموضوع يهبل