متى يعطلون الاطفال بالروضة؟

[ابله ديما]

رد : متى يعطلون الاطفال بالروضة؟

بصراحه شكلكم بس تبون ريوق وسوالف حرام المعاش لازم تحللونه وعيالنا امانه عندكم اشدعوه لدرجه هذي ماتبونهم

 

[همسQ8]

بصراحه ابلة ديما احنا محللين معاشاتنا ومن اول يوم يداومون فيه عيالكم والسبه البجي السناسين واللجه والذي منه هههههههههه

حاسدين نرتاح شهر يمه منكم ارحم ترحم= جنه الاطفال منازلهم

عاد هذي صج (نطالب الامهات باحترام مدرسه الروضه انتو بطرقتكم واسلوبكم تعاملونا كأن خدم ودو عيالنا الحمام وكلوهم وشوفو حرارتهم وحللو معاشاتكم وغيرها )
(احنا جامعيات وبعضنا معاهم ماستر بس محد يحترم مثل باقي المدرسات الان مافي ايدنا درجات لعيالكم ) مقهوووووره:eh_s(14): من الامهات الي عندي عل وعسي وحده فيهم تحس وتغيب عيالها:cxxxp:

 

[كويتية منسية]

انا ولية امر
اسمحولي يا أبلات ويا معلمات اقول رايي بصراحة


ولا تزعلون مني

أول شي انا موظفة بوزارة ولا عندي خادمة بالبيت

وبنتي الصغيرة بروضة المحاسن بمنطقة عبد الله المبارك
ما شاء الله على ابلاتها الله يحفظهم يحبون بنتي ويراعونها وبنتي تموت عليهم
وكل ما نروح الجمعية والا اي مكان يحليلها تقول يماه خل نشتري حق ابلتي هدية
حتى الكاكاو يحليلها بنتي تتنقصة وتوديه لأبلاتها


الطفل على الحنان اللي يشوفه من المعلمات

انتوا ليش تبون الفكة من عيالنا الله يحفظهم

انا وحدة اذا بنتي غابت مبجر وانا بالدوام وين أوديها

يعني اخذها معاي الدوام مثلا والا كل يوم أقطها بيت فلان وعلان

بعد هذا شغلكم وانتوا محاسبين عليه عند ربكم فأدوه بأمانه وخلوا عيالنا يستفيدون من الروضة ويستانسون

الله يوفق كل معلمة تعطي من عمرها وطولة بالها وسعة صدرها

للأطفال الامانة عندها
ويوفقها ان شاء الله ويتمم عليها بالسعادة والرزق الحلال يا رب

 

[^غلاي أنت^]

هههههه همسq8 عسى مو انتي تدرسين وحده من بناتي ..
بس ان شاء الله تكونين وحده منهم ,وابشرج تو الناس على الغياب لووووووووووووووول

 

[همسQ8]

هههههههه حرام عليج

 

[دفعة مردي]

رد : متى يعطلون الاطفال بالروضة؟

أنا صفي بدا يغييييب

 

[ملاك الغيد]

هههههههههههههههههههههههههههههه احلى شي ء الردود
وهمس ياحلوج شكل قلبج متروسه انا عياللي صارلهم سبوعين غايبين ياعزتي عنهم معنهم ودهم يداومون لووووووووووووول
الله يعطيكم العافيه يابلات الروضه

 

[nsoom777]

ابشركم اليوم داوم عندي طفل اول يوم يجي الروضة واالله بغيت احذف امه بالجوتي وهو مبطل حلجة وميت بجي
ههههههههه هههههههههههههه تبونهم يغيبون ؟ انشالله

 

[جبروت امرأة]

الدوام عندي فل

كل الاطفال جايين والله يستر شكل هالسنه طووووويله حيل

وماشاء الله الكل حاسدنا احنا يامعلمات الروضه مادري علي شنو ؟؟؟

 

[جميله مالها حظ]

خوش سالفة قلتيها اتحذفين ام الطالب بالجوتي ياليت امسويتها جان صار يومج اسود
شكلج تبين المعاش باردة مبردة ... خوش مربيت اجيال . اكتفي بالهرد .

 

[Eva-SS]

بنات شنو هالردود فضحتونا هههههههههههههههههههههههه


حنا يا ابلات الروضة مغير نتحلطم بس بالمقابل نشتغل والله ونعطي من قلب ومعاشنا كله بالروضة .. هني بالمنتدى بس نفش خلئنا

وجميلة لا تلومينها صج فيه وليات امر دعل يعني الحين خلص الكورس توها الام تتذكر تجيب ولدها وينها من اول السنة .. الروضة مو حضانه تقط ولدها فيها تقزيرة وقت وهذا اللي اغلب الامهات حاسبينه بس احنا ندرسهم ونعلمهم سلوكيات اول السنة يقعدون 3 اسابيع على ما يتأقلمون ويتعلمون السلوكيات ونظام الروضة .. الحين حتى صعب على الطفل يتقبل صفه والروضة بيحس نفسه ضايع فوق هذا بيخرب نظام الصف كله ..

عاد امس جايتني ولية امر معاها بنتها يوم قعدت بنتها مع الاطفال جان تقولي ياابلة بنتي تو بادي معاها عنقز حطي بالج عاليها اخاف تحوشها حرارة .. انا جذي عيوني @@ عنقز لا يحوشك طردتها هي وبنتها جان تنطقر وتروح للادارة عاد الناظرة زفتها ههههههههههههههههههه مسكينة خايفه يطوف بنتها منهج جامعة عين شمس

 

[اريج الجوري]

رد : متى يعطلون الاطفال بالروضة؟

هههههههههههههه
انا مغيبه عيالي من اسبوعين حرااام بررررد ,,,
بس شكلي بوديهم عناد فيكم ؟؟؟
منو فيكم بالعاصمه التعليميه تنطر عيالي باجر ,,, :s141:
خخخخخخخخخخخخ
اتغشمر معاكم ,,,
الله يعطيكم العافيه انتوا والله المجاهدات في وزارة التربيه ,,, :hjy5jewf:
تحياتي ...

 

[MyLittleBerry]

رد : متى يعطلون الاطفال بالروضة؟

انا اليوم اخر يوم يداوم

لان صفهم عدد الغياب وايد

والصبح وااايد برد وولدي مريض مسكين صارله شهر موراضي يطيب من النشله والكحه

 

[عهود الحب]

رد : متى يعطلون الاطفال بالروضة؟

افا

فضحتونا يا بنات

والله في اطفال ودج ما يغيبون وفي اطفال ودج ما يداومون
بس من طبوعهم وشطانتهم

انا ما احب يغيبون يعني عادي اذا داوموا ودرست افضل من القعدة وتكسر السوالف والحش بغرفة المدرسات
بسسسسسسس زميلتي بالصف طايحتله تطفيش بهالاطفال
و طبعا يغيبون الشطااار ومايداومون الا الي مايفتحون حلوجهم
شبي في هالوضع بالله
لا بالله داوموا كلكم ولا غيبوا كلكم ولا قصة الوجه عند المشرفة

 

[روند]

رد : متى يعطلون الاطفال بالروضة؟

صااجه عهود

 

[العجوزوعيالها]

ههههههههههههههههههههههههههههههههههههههههههههههههههههههههههههههههههههههههههههههه
تهبلون حيل والله احنا بالجهرا الاعداد قليلة جدا ياليت الامهات يغيبون عيالهم خلالالالالالالالالالالالالالالالالاص زهقتا ذخوووول وفترات

 

[العجوزوعيالها]

الامهات حسبالهم الروضة حضانه والمدرسات فراشات
لالالالالالالالالالالا يامى ابلات الروضة معاشاتهم حلالالالالال ارحمونا من عيالكم غيبوهم نبى نرتاح شوى
والله مافى راحه الناظرة مبلغتنا راح تصير ورش عمل ومحاظرات لما يغيبون الاطفال
لالالالالالالالالالالالالالالاتزعلون يا امهات

 

[doweha]

رد : متى يعطلون الاطفال بالروضة؟

حبيباتي الامهات لاتاخذون على كلام المعلمات لكنهم ازهقوا من دخول المشرفه والناظره لان احنا ممو مثل باقي المراحل نتأذى من النقد وتجهيز الصف ليش هذا ناقص والتفلسف الى من خلص منه مدام في اطفال في دخول شبه يومي غير هذا سجلات الجوده اههههههههه وبالنسبه للمعاش انتم امسكوهم يوم واحدوجربو شغلنا على الواقع وانتم اتحداكم اذا ما قلتم اننا امحللين معاشنا لان القعده العاديه ما نقعد ويا دوب نتريق الله ياجرنا انشالله ولاي

 

[غموض انثى]

يا بنات والله العظيم ان العام عيال روضتي مداومين والله رحت للمراقبة وهم لحد الحين يدوامون انا بغرب الجليب

 

[غلاي غير]

لووووووول والله ما الومكم كل ما اروح الروضه اقول الله يعينكم ويصبركم
الا بدخل عرض لووووووووول

الي تعرف متى تخرج 2 روضه تقريبا عفيه تقول بالخاص واكون لها شاكره