متى يعطلون الاطفال بالروضة؟

[اطياب طيبه.أم عبدالله]

ابيه الردود مووووووووووصج

عن نفسي بغيب ولدي مع نهاية هالأسبوع

 

[عهود الحب]

رد : متى يعطلون الاطفال بالروضة؟

بنات لاتزعلون من الكلام
الي ما تعرفونه
انه اذا الاطفال مداومين لو طفلين بس
يستمر الدخول على المعلمة
واذا غابوا يوقف الدخول عليهم
ولا لو احنا والاطفال وبس بدون دخول ومغثة من النقد وتفلسف المديرة والمشرفة
جان محد قال ياليت الاطفال يغيبون

استوعبتوا ؟
فلا تزعلون هذي السالفة بالضبط لا اكثر ولا اقل :/

 

[chanel]

الصراحه عيال صفي بدوا يزيدون اكثر من الاسابيع اللي فاتت
و داومت بنت عندي من شهرين غايبه
بس اللي يملل الدخول اللي على غير سنع
اصبروا فان الله مع الصابرين ....

 

[dnyay_mll]

رد : متى يعطلون الاطفال بالروضة؟

الله يعينكم بنات مالومكم صراحه شايفه بعيني

بس بسأل سؤال

شمعني ابلات بنتي يتوسلووووون ان مانغيبها ؟؟

قمنا نخاف نغيبها والله

باجر بغيبها ابيها ترتاح شوي

وخايفه من ابلاتها

وشهالحفلات اللي اخر الكورس؟؟ ودي افهم

انا برحمكم من يوم الاثنين ماني موديه بنوتي لو مليون حفله يسوون

 

[lolowawa1234]

دانيا اكو ابلات داشين مسابقات علا مستوى ويدربون يهالهم
انااا عادي عندي اليهال
بس مافيناا حيل نبدع ويصير علينا دخول
خصوصا انهم يحبون الأوقات العسره

وللأسف الاطفال زاد حضورهم ماقل

 

[lolowawa1234]

بنات شنو هالردود فضحتونا هههههههههههههههههههههههه


حنا يا ابلات الروضة مغير نتحلطم بس بالمقابل نشتغل والله ونعطي من قلب ومعاشنا كله بالروضة .. هني بالمنتدى بس نفش خلئنا

وجميلة لا تلومينها صج فيه وليات امر دعل يعني الحين خلص الكورس توها الام تتذكر تجيب ولدها وينها من اول السنة .. الروضة مو حضانه تقط ولدها فيها تقزيرة وقت وهذا اللي اغلب الامهات حاسبينه بس احنا ندرسهم ونعلمهم سلوكيات اول السنة يقعدون 3 اسابيع على ما يتأقلمون ويتعلمون السلوكيات ونظام الروضة .. الحين حتى صعب على الطفل يتقبل صفه والروضة بيحس نفسه ضايع فوق هذا بيخرب نظام الصف كله ..

عاد امس جايتني ولية امر معاها بنتها يوم قعدت بنتها مع الاطفال جان تقولي ياابلة بنتي تو بادي معاها عنقز حطي بالج عاليها اخاف تحوشها حرارة .. انا جذي عيوني @@ عنقز لا يحوشك طردتها هي وبنتها جان تنطقر وتروح للادارة عاد الناظرة زفتها ههههههههههههههههههه مسكينة خايفه يطوف بنتها منهج جامعة عين شمس

هههههههههههه بطنيييييي شوي شوي علينا

اكو امهات اتيي دعله مالها خلق شي والطفل عنقز واحيان ملابسه وسسسسخه
واكو امهات ودي أكرمهم
ابله شلون ولدي؟؟ابله شنو الخبره اليديده ؟
هذي حتى اذا غاب ولدها اتضايق وأدق وأسأل

والله مجابل اليهال وايد ابرك صحيح الدخول ايغث بس هم ادروسنا حلوه وبسيطه

 

[جبروت امرأة]

ياجماعه الخير الاطفال يهبلون وشحلوهم

اصلا عالم الاطفال ابرك مليون مره من عالمنا اللي احنا عايشينه

لكن الدخول من المشرفه والناظره اهو اللي يغث خلاص علي اخر الكورس الواحد تعب وماعاد فيه طاقه يبدع

واهم مايملون من النقد وصغائر الامور التافهه اللي مالها دخل بالعمليه التعليميه والتدريس

هذا باختصار اللي يعانون منه معلمات الروضه

فعشان جذي احنا لما نتضايق ونتحلطم من الاداره

 

[lovely jojo]

احنا العدد عندنا بدا يزيد ...

 

[om deaj]

انا من تاريخ 25 وقبلها باسبوع مغيبة ولدي
معنه شاطر والابلات يسالوني عنه لي غاب
بس كنت موصلة حدي وولدت بتاريخ 25 ولي يومكم ما داوم معني ابي الفكة منه بس ماغيري يودي ويجيب
فكرت فيا قلت ما تسوى يمرض ولا يلقطلي برد ويعدي اخوه وتوه صغير البيبي
خل على اول الكورس الياي ان شاء الله اخليه يلتزم مثل اول

يعطيكم الف عافية صج الروضة شي يغث ولا البجي والدعالة واااااااااااااااااي

 

[أم@الحلوين]

تو الناس ع الغياب
أبلة ولدي اليوم قالتلي بعد اسبوعين يغيبون عشان توهم بادين الخبره من26/12 الى 6/1

 

[الغزلان]

رد: رد : متى يعطلون الاطفال بالروضة؟

اشفيكم خرعتوها المسكينه ههههههههههههههههههه ابشرج اغيبون اول شهر 6 هذا اذا غابو يمكن اداومون في العطله

يا حلات الاسم


اول مرة ادري ان لي ام بالمنتدى

 

[ابله ديما]

رد : متى يعطلون الاطفال بالروضة؟

6/1 اخر يوم

 

[@حلاوة الدنيا@]

اطفال روضتي خلاص مافي بح غابوا وريحونا نشوف الاحد تثبت الرؤية

 

[nero]

بدا عدد الاطفال يقل وااااااايد ان شاء الله الاحد ماكو ولا واحد بصراحة تعبنا من التحضير والتفكير والحضووور

 

[lovely jojo]

خلاص مافي دوام اطفال عندنا ..

 

[Eva-SS]

حنا عندنا حضور ليما الحين بس اليوم ضموا صف حق اولى وصف حق ثانية .. وشكلهم مطولين بعد وعندي طفل اهله مايبونه حتى اخوانه قبله جذي مايغيبون لما مايبقى بالروضة اطفال الا ولدهم ..