عفيييه يالقيصريات ساعدوني

[عصير مانجا]

رد : عفيييه يالقيصريات ساعدوني

اختي نصيحه اخذي ابرة الظهر ماتحسين بشي ويحطون ستاره ماتشوفين لان البنج كامل يصير بعده كحه وانتي بروحج جرح وكل ماتكحين يعور الجرح

 

[moon night]

بعد قلبي ماقصرتو ريحتوني شوي والله كنت ميته خوف
الله لايحرمني منكم فديتكم

توني ادري ان عادي اقدر اخذ ابرة الظهر واخذ كمام ؟؟؟؟

 

[أم عبداللطيف]

ألله يهون عليييج يارب

شوفي انا جربت القيصرية وعطوني بنج كامل وانا اقولج نفسياً وراحه انه كامل لانه كفايه تدشين غرفه العمليات الي تيب المرض والنكد والله انا دشيت حسييت انه قلبي يبي يطلع وعلى طول خدروني والحمدالله غمضت فتحت الا انا والدة

والله ابرة الظهر تخوف وغير هذا تشوفييين الوضع كله جدامد وقلب ابنادم شنو والله تكرهيين نفسج لانه تحسين فيهم انه مفتوح ببطنج وتشوفيين الياهل وتحسين انه اي انتي اللي مشقوقه وااي انا اكره هالشعور بصراحه

وهذا طبعا يعتمد عليج انتي شنو هل تقدرين تتحملين الوضع وانتي استخيري وقرري والله يكتب لج مافيه خير وصالح

 

[i'am THE ONE]

رد : عفيييه يالقيصريات ساعدوني

ماكو الا الخير وتوكلي علي الله

انا جربت الاثنين وارتحت علي ابرة الظهر

 

[جوانا2010]

رد : عفيييه يالقيصريات ساعدوني

حبيبتي لاتخافين وتوكلي على الله بالعكس القيصري ترى عندي احسن

والله انا في البدايه حاولو يولدوني طبيعي وشفت الموت وادعي اني اولد بعمليه

والحمدلله اخيرا قال الدكتور عمليه والله اني مت فرح لاني من جد ماتخيل الطبيعي

المهم حبيبتي طلبت بنج كامل ومستحيل افكر بنصفي لاني اموت خوف وماانصحك فيه

اش تبغين بوجع الراس احسن تتخدرين كامل ولا تحسين بشي والله احسها مو بسيطه يسوونها وانتي صاحيه

والحمدلله قمت بسلامه وبنوتتي كانت صحتها حلوه واول مافتحت جابوها عندي ..............

لاتخافين حبيبتي توكلي على الله والله يقومك بسلامه انتي والبيبي....

 

[توكلت على الله 22]

الله يسهل عليج وتولدين بالسلاااااامة

 

[moon night]

حبيبتي سويت ماقصرتي
اجمعين انشالله

 

[moon night]

هل من تجاااارب ؟؟؟

 

[اخر ايام الحب]

رد : عفيييه يالقيصريات ساعدوني

مااادري انا بكريه .ولسى على ولادتي 4 اشهر


وخاااايفه مثلك ..الله يسهل عليك ويخفف الالم

 

[moon night]

حبيبتي اخر ايام الحب

الله يهون عليج يارب وعلى كل وحده حامل انشالله

 

[hneen2]

بالعكس ابره الظهر زينه لج وللبيبي وماتشوفين شي يحطون ستاره تغطي
وانصحج بقوه تسوينها بالصباح لان اقوي الدكاتره بالصباح يطقون ابره ظهر وشطار
والخاص يطلبون مرات دكاتره من الصباح

توكلي علي الله واخذي ابره ظهر كافي تشوفين البيبي شلون يبجي وأييبونه لج احلى لحظه بحيااتج
لو لها اثار جان الدكاتره ما عطوها لأحد وكل جسم غير عن الثاني

معاها بكل كلمه

انا قيصريه. بالصباح وابره ظهر الف الف الحمدالله كانت ولاده بسهاله والدكاتره يهبلوووون ماشالله

 

[A7bny =)]

رفع لأحلى موون =)

 

[moon night]

حنييييييين انا ماراح اولد بالصباح راح اولد برويال حياة لان دكتورتي نداء بوخضور هناك
والله كريم

 

[moon night]

رفع لأحلى موون =)

الله يرفع قدرج يااحلى احبني :yaaaaaarb:
بعد قلبي نور الموضوع بمرورج الاكثر من عسل :hjy5jewf:

 

[حظى واعرفه زين]

رد : عفيييه يالقيصريات ساعدوني




انا 3 عمليات قيصرى وعن تجربه ونصيحه اخت لاخت اخذى الكامل جربي مرتين نصفى واخر مره كامل
وتحسفت انى قبلها اخذت نصفى وربى يسهل ويهون عليج حياتى.

 

[مس لوتس]

بقولج شي ياالغاليه من منطلق علمي وكلام دكاتره معروفين مافيه شي اسمه حوض صغير اهو علاقه عكسيه ع حجم البيبي قد يكون اكبر من الحوض او اصغر وشلون يعرف الدكتور انه يسوي بالشهر التاسع اشعه لحوض الحامل يشوف حجم الجنين وقت الولاده قادر انه ينزل او لا للعلم رفيجه اختي حوضها ع كلام دكتوره صغير وجابت عيالها طبيعي يعني مافيه شي صغير هو حجم البيبي كبير او لا قادر ينزل او لاوان شاالله تولدين طبيعي وماعليج من كلام الدكاتره وان دعت الحاله لطبيعي اختاري بنج كامل بس راح تتعبين كحه وبلغم بس انتي فوضي امرج لله واستغفري لان ابره الظهر مو مع الكل تضبط سببت لاختي كهربا وحماتي دكتور الابره طزها بظهرها وطلع ماي قال ماتناسبج ابره الظهر اخذي كامل وربي ييسرلج امورج ولاتحاتيين تري انا قيصريه والسبب خطا في تشخيص حالتي وخذيت كامل عسي ربي يرزقنا طبيعي وياجرنا وسوري طولت قرقا ولاتحاتيين وموفقه

 

[dnyay_mll]

رد : عفيييه يالقيصريات ساعدوني

الله يسهل عليج وتولديـن بالسلامه

انا جربت القيصريه على اخر العنقود

لكن لي الحين مادري كان بنج كامل ولا لا

لان بالبدايه غزوني ابرة الظهر وبعد ماتوسعت الله ماكتبلي اولد طبيعي

وعلى طول عالعمليه

بس اللي اذكره اني كنت نايمه واول ماطلع البيبي شفته وخيطوني هذا اللي اذكره

يمكن معطيني الكمام مادري بالظبط

 

[moon night]

مس لوتس ودنياي ملل

يشرفني مروركم العطر تسلمون بعد قلبي