رد : تقريري الشامل عن اخن الجزء الثاني
و الحين وصلنا محطه القطار ,, وصلنا الساعه 8 و ربع و قطارنا يمشي الساعه 9 و نص
و يبدا الفلم و الله فلم ,, مادري رعب اكشن المهم سمعوا و حكموا
محطه القطار مافيها مطعم ,, فيها كافيه بس وييييييييييييييييييييييييييييييييع الله لا يوريكم الوصاخه حده المكان يلوع الجبد و طلعنا
لقينا غرفه فيها المكينه مالت الشبس و الكاكاو و قهوه
بس للاسف الغرفه ما فيها كراسي عشان نقعد ,, و الكراسي تكون برا الغرفه يعني بالبرد
يعني يا اكل وقافي ,, يا موت برد و تقعدون اختاروا ؟؟!!!!!
اخر شي رحنا الغرفه اللي فيها يحجزون تذاكر حق القطار ,, لانها مسكره و فيها جم كرسي ,, بس قعدنا ,, جان ايي واحد و يقول 5 دقايق بنسكر تفضلوا طلعوا @@ عفوا ؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!
طلعنا وين نروح ؟؟
قعدنا بالبرد ,, طبعا في شاشه عشان نعرف اي بوابه فيها قطارنا اللي يودينا حق اخن ,, كاتبين بوابه 1 ,, فجاه صارت *****
رحنا سالنا ليش حاطين **** ؟؟!! ليش شلتوا رقم البوابه ,, قالوا لنا لان القطار راح يطول ,, و ماندري متى يوصل و على اي بوابه
احنا @@ مصدومييييييييييييييييييييييييييييييييييييين ,, و كان ثاني يوم الصبح موعد امي
و صارت الساعه 10 يالليل و احنا ناطرين و ماكو مطاعم و لا شي و احنا مو ماكلين من الساعه 3 العصر
ما علينا نطرنا و تعرفنا على هندي و مرته بروحون اخن معانا و متوهقين لان باجر دوامات !!!
قالنا الهندي في منطقه قريبه من اخن ,, بالتاكسي 10 دقايق و اهو يعرف ملوت تكاسي يتصل فيهم
قلنا اوكي ,, بنروووح ,, و رحنا المنطقه
تدرون الساعه جم
تخيلوا @@ من الساعه 8 و ربع احنا بالمحطه
المهم ركبنا القطار و الهندي يدق على ملوت التاكسي و محد يرد ,, قالنا لازم ننزل بمحطه ثانيه لانها كبيره و فيها تكاسي
قلنا اوكي ,, و نزلنا بالمحطه اللي على قولته فيها تكاسي
و هني صارت الصدمه الكبرى
للاسف ما صورت المحطه ,, لكن و الله العظيم و من غير مبالغه مافي بالمحطه و لاااااا قطو
و الله العظيم حتى الحمامات عزكم الله مسكره
ابوي شاف واحد يتكلم انجليزي و كلموه عشان نبي تاكسي لان مو لاقين تكاسي ,, اتصل و فهمهم و قالوا لنا نطروا ساعه @@
و خيرونا ان ننطر ساعه و ايي التاكسي ,, او 6 ساعات و ايي القطار اللي يودي اخن
طبعا قلنا ننطر ساعه وايد احسن
نطرنا ساعه
و هذا ابوي و اخوي ينطرون التاكسي بالبرد :"(
و على ما يوصل التاكسي قعدنا نشوف مسرحيه بالبي اس بي
و لما وصل التاكسي و الا معاه صاحبته الحبيب و يقول اخن لا لا ما اودي @@ عفوا اخوي ,, كل هالنطره اخر شي ماكوووووووووو :"( يا لاهوييييييييييييييييييييييييييييييييييييييييييييييييييييييييييييييييييييييييييييي
المهم لقينا بقاله فاتحه و شرينا منها كيكه كاكاو و ماي نسد يوعنا على ما نلاقي حل
و طلع راعي البقاله بنغالي ,, و الهنود اللي معانا قالوا احنا نتفاهم معاه لانهم يتفاهمون بلغه الاوردو ,, و الله العظيم يا بنات وقفنا بالبرد تقصصنا
و كان في شباب سكاره و هوااااااش و طق و صراخ و دخلنا البقاله و قلناله السالفه ,, و قالنا دشوا انخشوا عن البرد و السكاره
و الحمدلله ,, كان في واحد مار البقاله يعطيهم بضاعه ,, و عنده باص صغيير ,, دش و سلم و الا بعد طلع بنغالي مادري باكستاني شي جذي
المهم قالوله السالفه ,, قالهم معاكم الجوازات ,, قلنا ايييييييييييييييي ,, قال توكلنا على الله
هياااااااااااااااااااااااااااااااااااااااااااااااااا ,, بنرجع الديره ,, الحمدلله رب العالمين ,, الف الحمدلله
طبعا هذا الحجي كانت الساعه 1 بالليل
نزل الريال بضاعته ,, و اخذ حسابه ,, و ركبنا
الهندي و السايق جدام
انا و امي و طلال و الهنديه ورا
ابوي و اخوي بالدبه
لا تبون اقولكم شي يصدمكم ,, الهندي اللي يسوق حط لنا اغاني هنديه صدعنا و الهنديه ترقص رووووووووووووح
و منزل الدريشه و يشرب زقاير ,, وااااااااااااااااااااااااي حده حده فلم :"( :"(
و الحمدلله وصلنا الديره الساعه 3 الفير
على قوله الهنديه << فاينلي هوووووووووووووووووووووووووووووووووووووووووم
و طبعا اجلنا موعد امي لانها تعباااااااااااااااااااااااااااااااااااااااااااااااااااانه لاخر درجه
و الحمدلله رب العالمين وصلنا الديره و الحمدلله على سلامتنا و سامحوني قرقتكم يا بنات ,, بس و الله هذا اللي صار معاي لا و بعد باختصار
و اخيرا هذي صوره السياره اللي ردينا فيها
هاااا فلم اكشن و الا رعب ,, و الا كوميديييييييييييييييييييييييييييييييييي ؟؟؟؟؟؟؟؟؟؟؟؟؟؟؟!!!!!!!!!!!!!!!!
