P.f. Chang's

[<miss botamba>]

الـــــســـــــــــــــلامـ عــــــــــليكمـ و رحـــمـــــــهـ الله و بــركــــــــــــــــــــاتـــهـ





شلونكم بنيات !!


طبعا انا حدي مبسطه بالقسم هذا و وايد عندي مطاعم مصورتها وكل ماتميت بنزل شي يديد

واليوم موضوعي مثل ما انتوا شايفين عن مطعم

P.F. CHANG'S


المطعم الصيني الموجود بالافنيوز مقابل H&M من جهه مدخل الملابس الداخليه

وموجود يمه آل فورنو و لانوتر ومن بره يمه فيلا فيروز


المطعم اعتبره من احلى المطاعم التوب الموجوده بالكويت وكل ما تميت لازم اروحله
اكله نااااااااااااااااااااااااااااطع !!

المهم ما اكثر حجي و اخليكم مع الصور

اي قبل لا ابدي الصور الي ماعليها اسمي مأخوذه من النت









على كل طاوله بتشوفون هالشي اللطيف

الغراش فيها الشفاف على ما اعتقد نوع من الخل و البني صويا صوص و الاحمر مثل زيت فلفل شغله جذي

والمواعين الصغار واحد فاضي و الثانين واحد فيه مثل معبوج صيني و الثاني شغله مثل حروره الماستادر

يسوون لكم خلطات حسب تبون فلفل تزيدون زياده زيت الفلفل تبون حموضه تحطون الخل جذي حق تبربس ههههه





المشروبات ( وعلى فكره المشروبات الغازيه عندهم ريفيل)








المقبلات


DUMPLINGS

عباره عن عجينه محشيه اما خضار او دياي او ربيان و تختارون اما تكون مطبوخه على البخار او مقليه

والنوع الي اخترناه خضار و على البخار

حلو حق الي يحبون جذي شغلات غريبه احس مو اي احد يستسيغ العجين واعطيه 8 من 10





DYNAMITE SHRIMP

انا اسميه الربيان الجراغي تقريبا نفس طريقه الربيان بالبقسماط بس فوقه صوص جراغي فلفل تعرفون بالكرتون لمن يطلع دخان من الاذون جذي لول

بس حده لذيييييييييييييييييييييييييييييييييذ و اهوا رقم واحد عندهم بالطلبات

واعطيه 20 من 10






الاطباق الرئيسه


CRISPY HONEY CHICKEN

عباره عن قطع دياي فوقها بقسماط خفيف و عليه صوص عسل بس مو شيره وايد وطعمه حلو
ويقدمون معاه عيش ابيض

واعطيه 7.5 من 10




وزووم على الطبق و العيش










SINGAPORE STREET NOODLES

عباره عن نودلز مع خضار و دياي و ربيان

وااااااااايد احبه ولذيذ وشوي سبايسي


واعطيه 10 من 10





وزووم





وبالنهايه الحساب

والشي الي يضحك اني توني ألاحظ انهم مو حاسبين المشروبات هههه






تقييمي للمطعم:

الجو العام 10-10
جوده الاكل 10-10
الخدمه 10-10
الاسعار 8-10


الي يبون كباين المطعم في كباين او غرف VIP
بس للاسف ما ادري اذا هل لازم لها سعر معين او لا

وفيه قعدات داخليه صاده و فيه قعدات خارجيه صاده شوي



والحين بوريكم اطباق مجربتها من قبل وتقييمي لها


من المقبلات


CRISPY GREEN BEANS

عباره عن فاصوليا على طريقه التامبورا

واايد حلو والصوص ماله احلى

واعطيه 10-10

واذا بتطلبونه لا تكثرون من المقبلات لان صحنه وايد راهي





CHANG'S CHICKEN LETTUCE WRAPS

عباره عن خلطه دياي مثل حمسه و يقدمون معاه خس

انتوا عليكم اتحشون وتاكلون

طعمه وااايد حلو

والخس ريفيل هههههه


واعطيه 10-10





الاطباق الرئيسه

VIP DUCK


الطبق الي اكثر شي مشهور عندهم
على ما اعتقد اهيا عباره عن نص بطه

طعمها زين اذا ماتحبون البط ما انصحكم تطلبونها

لان انا امووووت على البط بس ما اعجبتني وايد

واعطيها 7.5-10





MONGOLIAN BEEF


عباره عن قطع لحم وعليه صوص ذكرني بطعم النيغيمياكي مال ماكي
اهوا نفس صويا بس على حلاه شوي ومعاه بصل اخضر

حلو كتجربه او يعني كل ماتميتوا تطلبونه


واعطيه 8.5-10







واخر شي الاكله الي اموووووووووووووووووت عليها وصج عذااااب

الي اهيا


LEMONGRASS PRAWNS WITH GARLIC NOODLES

عباره عن نودلز مخلوط بصوص على زيت شوي و زيت على طعم ليمون شوي وفيه ثوم بس مو واضح وايد
ومعاه ربيان

اعطيه 50-10

واااااااااااااايد لذيذ





وبجذي خلصت تقرير زيارتي ل P.F. CHAN's
واتمنى انه عجبكم
ومشكورين على المتابعه

 

[خشف بدو]

المظعم شكله يشوق يعطيج العافيه وان شاء الله لي زيارة

 

[<miss botamba>]

المظعم شكله يشوق يعطيج العافيه وان شاء الله لي زيارة

الله يعافيج ومشكوره على المرور

:balo:

:e3:

 

[digital]

عليكم بأألف عافيه

احب الديناميت شرمب يم يم

 

[sun_kisses]

امممممم

P.f. Chang's

من المطاعم المفضلة عنديييييي

عندهم طبق لذيذ يكون دياي بصلصة البرتقال يميييي
والعيش الاسمر مالهم هم لذيذ انصحكم تجربونه :>

يسلمووو على التقرير الي ييوع :>

 

[هنـــد]

يم يم

باين عليه حده لذيذ

على كثر ماروح الافنيوز واشوفه جدامي عمري ماجربته

عليج بالعافيه

 

[وين^العهود]

رد : P.f. Chang's

عليكم بالعافيه

ويبيله اجربه

شكل الربيان خطير

 

[miss.42]

يبيييله اجربه

يسلمووو حبوبه

 

[SILVER ROSE]

عليج بالعافيه

 

[زوجة الفنان]

رد : P.f. Chang's

من المطاعم المفضله عندي
وعندهم شوربة سويت اند سور عذاااااااااب
والسبرنق رولز بالخضار لذيذ
يعطيج العافيه عالتقرير الروعه

 

[أم روعة]

تقريرج روعه صج شوقتيني اجرب المطعم
والطبق الاخير اللي فيه ربيان حده تعذيب
يعطيج العاااااااافيه

 

[Mona Lisa]

رد : P.f. Chang's

مشكوره وعليج بالعافيه

 

[أم حمودي**MALL**]

ماشلله عليج خوش تقرير
دايم امر عنده بس ماعرف شطلب
خلاص بروحله

 

[<miss botamba>]

digital


الله يعافيج


sun_kisses



ان شاء الله المره اليايه اجرب العيش الاسمر بس البرتقال امم يبيله اتشجع واجربه
مشكوره على المرور


هنـــد

الله يعافيج
وضروري تجربينه


وين^العهود

الله يعافيج
جربيه وادعيلي



miss.42

مشكوره على المرور وحياج الله


SILVER ROSE

الله يعافيج مشكوره



زوجة الفنان

الله يعافيج
وان شاء الله اجرب اطباقج واقولج رايي فيهم



أم روعة


الله يعافيج
وانصحج تجربينه
عذااااب



Mona Lisa

العفو والله يعافيج


أم حمودي**MALL**


مشكوره على المرور
وروحي جربيه وادعيلي
واايد حلو وتغيير عن باجي المطاعم

 

[krkooora]

عليج بالعافيه بو تمبوه
مجربته مرة بس و كنت طالبه البينز بالبقسماط و الجكن اللي بعسل و كان لذيذ الاكل
و فاقدينج بموضوع الهبات طلي علينه ! لا تقطعين

 

[<miss botamba>]

عليج بالعافيه بو تمبوه
مجربته مرة بس و كنت طالبه البينز بالبقسماط و الجكن اللي بعسل و كان لذيذ الاكل
و فاقدينج بموضوع الهبات طلي علينه ! لا تقطعين

الله يعافيج كركر ;**

وشوي بطول عليكم علشان تولهون زياده علي ونورتي موضوعي :tek:

 

[جوري الكويت]

رد : P.f. Chang's

عليج بالعافيه

انشاله بجربه

 

[zahoora304]

لج وحشة ومكانج باااااااين و عليكم بالف الف عااافية حبيبتي

 

[رقي]

هذا مطعمي المينون المفضل

 

[^noonaa^]

عليكم بالعاافيه


عاد اتصدقيييييين انا ماااعجبني اكلهم وريلي يستااانس عليه


يمكن لاني ماحب السي فود