ليش ((بعض)) اللي يشتغلون بمحلات التجميل جذي !!! يعني درينا عمولة بس .. دشوا سالفتي

[دلع السلاطين]

لوووووووووووووووووول

اييييييييي يبطون الجبد لما تكونين يايه تبين شي معين لااتسحبج لشي ثاني

انا اطنشهم علي طول اول ماتيي اقولها لامابي شي بطالع

 

[بدويـــة مودرن]

صح والله نفس اللي يصير معآي اكون دآخله المحل ابي شغله معينه تقرق على راسي وانسى اللي ابيـه واطلع بدون مآ أشتري ولارديت البيت اتذكر وآي انقهر لووول

 

[Bashful]

الله يعينج

انا الصراحه صرت ازف عشان كل وحده تحترم نفسها لانهم مو كفو احترام


ولاحظتوا بالفتره الاخيره ما يعطونا samples

??

 

[^_^ Coco Chanel]

رد : ليش ((بعض)) اللي يشتغلون بمحلات التجميل جذي !!! يعني درينا عمولة بس .. دشوا سالف

وووووعععععع صج قطيعه ....
وااايد مريت بمواقف من هالاشكال الخمه !! والله لازم يعطونهم دروس دورات اي شي !
بس انا احقررررر من قلب ولا اعطيهم ويه ، عادي هي تعصب وانا طااااااااااااااف
يعني لا تعطينهم اي اهتمام كلش، واذا قاعده تكلمني الف ولا جنه في احد يتكلم خخخخخخ
والله انا حييل احب الناس وما احب احقر احد، بس هاذول لازم تعاملينهم جذي عشان يفهموون

 

[كيم كارداشيان]

حياتي موب سالفة عمولة

السالفة ان مشترى الكماليات والع\طور انضرب بعد الازمة العالمية .. وصار محد ياخذ

فانتي كنز بالنسبة لهم .. حد يدخل محلهم يحاولون يبيعون له اكثر شيء ممكن


انا من قبل العيد ما نزلت السوق ولا المول .. لأني اريد اخلص اللي عندي واعرف عمري لو رحت بقول هذا ليميتد وهذا اباه ..

وتاكدي ناس وايد مثلي .. فهي تبا تبيع اكثر ما يمكن لأن من المحتمل ان اللي يدشون عليها المحل باليوم موب اكثر عن 20 شخص ولو كل واحد اشترى ب 20 دينار ما بتدخل قيمة اجار محلها وكهربتها وهالسوالف

 

[فتاة.]

اي والله صاجة
لزقه
المشكلة في هذولا الي يصيرون بره المحل وترشرش عطر على ورقه تشممج غصب
مره بالافنيو رحت بس علشان اروح عند فيفا علشان ادفع الفواتير واطلع اقرب مكان لي الافنيو
ولا وحده ترش عطر وتعطيني الورقه قلتلها مشكوره ومشيت ولا تمشي وراي وتقول طيب تعالي حعملك عرض
قدام الناس المشكله تنحرجين وتوقفين اقولها بصوت واطي ماعجبني تقول ولو طيب شوفي في احسن منو قلتلها ماابي اشتري وغصب تبي تدخلج المحل
الواحد ينحرج خصوصا قدام الناس

 

[SILVER ROSE]

واااي صج يبطون الجبد يكرهون الواحد يدش مراكز التجميل حتى يتطمش يشوف شنو اليديد

 

[استغفرالله^^]

رد : ليش ((بعض)) اللي يشتغلون بمحلات التجميل جذي !!! يعني درينا عمولة بس .. دشوا سالف

والله بنات انا صارتلي جذي تحن علي انا جايه ابي اشم عطورات البنات حاطينهم بالمنتدى
وهي تحن علي بشرتك وبشرتك انتي شكو ببشرتي انا جايه ابي عطر اخر شي قالت ابي اسويلج فحص
وتقعد تلوي ويهي وتغفصه اخر شي عطتني كريمات ب 80 دينار واخذهم وايي عند الكاشير واحطهم واروح

 

[Mona Lisa]

رد : ليش ((بعض)) اللي يشتغلون بمحلات التجميل جذي !!! يعني درينا عمولة بس .. دشوا سالف

صج أسلوبهم يبط الجبد نبيكم نقولكم تعالوا بلا حنه والوحده فينا بتاخذ راحتها أنا من أشوفها وراي ابطها بويها ليما أبيج

اقولج يعني احترمي نفسج خليولون شكو نستحي شوفوا يا بنات خلنتفق كلنا عالاسلوب معين وليما يشوفونا ما لنا خلق ونقولهم

خلونا على راحتنا واذا نبيكم نقولكم وما نجاملهم وباللحظه هاذي يحترمون نفسهم *

 

[noor salam]

اهما يسوووون جذي لان لهم عمولة على المنتج الي يبيعونه

 

[Alia]

الله يعينج

انا الصراحه صرت ازف عشان كل وحده تحترم نفسها لانهم مو كفو احترام


ولاحظتوا بالفتره الاخيره ما يعطونا samples

??

حبيبتي لانه اهما ياخذونهم ويعطونهم ربعهم واهلهم ومرات لهم انا متاكده من كلامي

 

[Alia]

انا اتمنى من كل قلبي احد يشتغل او يملك او اي شي يتخذ قرار بعمل دورات لهم لاعت جبودنا ترى في بنات على نياتهم وتصدقهم وحييييييييييل تشتري ولا تدري انه الي جدامها نصابه بس همها بيع

 

[مــســك]

وااااااااااااااي وربي ما آلوومج ..



وزين تسووين فيهاااا ..



شكثر الي مروو علييييييييييييييي قطيعه ..



لا والحين صاروو بالجمعيه تخيلي ههههههههههههههههههههههه



هذيك المره رحت الجمعيه انا واختي .. صوب الكريماات .. بشتري .. جان تجيني وحده مصريه .. عايزه حاقه من اي مستحضرات ؟


قلت لهاا لا مشكورة ..

جان تقول فيي كريمات خاصه بالبشرة وقميله اووووي ..


قلت لهااا مااابي .. آنا جيت بآخذ شغله وخلاص ..؟



جان تروح .. وتجي << ماكوو فايده ..؟


جان تقوول متآكده مش عايزه حاقه ؟


مارديت عليها بس عطيتها نظرة خليتها تندم انهاا قالت ليي هالكلمه << اموت ع النظرات هههههههههههههه





بس عفياا اي محل تجميل الي رحتي له شسمه لا تقولين الجوثن بس ؟

 

[Alia]

لا مو الجوثن ههههه اصلن ماحب الجوثن ماروح وايد هناك

 

[ام الورد83]

الله يعينج احسن تستاهل ماسويتيه فيها عاد انا ما احب اللزقه الصراحه احيانا ما احب ادخل من حنتهم

 

[Leann]

رد : ليش ((بعض)) اللي يشتغلون بمحلات التجميل جذي !!! يعني درينا عمولة بس .. دشوا سالف


بعض؟؟؟

، الله الكل بمراكز التجميل يسوي هالحركات صرت اكره ادخل هالاماكن من كثر ما يلحقون

اخر مرة كنت بسيفورا دشيت و كل ما امر يم شي ابي اطالعه يرزون بويهي اشياء و يلحقون يطلعون الواحد من طوره و انا بكل نفسيه اقولها لا مشكورة و حتى ما اطل بعينها عشان تستحي على دمها و توخر ..

و اللي بالجمعيات طبعا لمن اشوف وحدة في ممر لازم ادش اخذ اللي ابيه بسرعه و اطلع و الا ماقدر اتنرفز منهم

و المشكلة اذا احتجتي شي ما تلاقين احد يعطيج ويه

يبيله احد يعطيهم درس بالتسويق عشان يعرفون شلون يجذبون الزباين مو ينفرونهم

محلات بره كلما دشيت مكان اللي تشتغل تقولي اذا تبين مساعدة انا موجودة و توخر عني تخليني على راحتي

 

[المـــــها]

إييييييييي و الله قطييييييييعه من هاللزقاتيخلوني أكره أشتري
كلش ماخذ راحتي ولا اشوف ولا شي!

 

[JvvvC]

رد : ليش ((بعض)) اللي يشتغلون بمحلات التجميل جذي !!! يعني درينا عمولة بس .. دشوا سالف

مشكلتهم يفكرون الوحده بنك متنقل
صادفتني وايد مواقف معاهم انا اسميهم اشريطيه لوووول
صرت ادش المحل ويا ريلي وبس يفتح لشريطي حلجه انا طااااااف
يقوم يغث ريلي و مسكين ريلي بسرعه يقتنع ايي يسألني اقوله مو شي جدام لشريطي خخخخخخ لحد ما يزهق و يوخر عنا

 

[viva la glam]

وااااااااااااي قطييييعه صاجه يدبلون الجبد

 

[هنـــد]

رد: رد : ليش ((بعض)) اللي يشتغلون بمحلات التجميل جذي !!! يعني درينا عمولة بس .. دشوا

عرفت اللي تقصدينه بوتس صح ؟

اصلا اغلب مراكز التجميل جذي انا اخذ اللي ابي واطلع واسوي نفسي ماسمع اخليها اتسولف واطلع كل الي بجبدها واروح اخذ الي ابي لوول