بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

[فـرفـر]

ليش يشرب؟؟
راعي مخدرات ؟؟

ماشوف عصبيته وبخله عيييب قوي صج انه عيب بس هذا طبع ويمكن بعد الزواج يتغير مع المره
وبعدين هذا اخوها مادري شلون اتكلم عنه جذيه لو شنو المفروض تكون ستر وغطا له

والله يوفقه

 

[Alia]

رفع

حبيبتي البخل طبع شيييييييييييييييييييييييين وترتب عليه شغلات وايد ..... وانا وضحت اهي ليش فتحت لي قلبها راجعي ردودي حبوبه ! مو كرها فيه تكلمت لا خوف من الله

 

[Alia]

upppppppppp

 

[MISS-_-FLOWER]

رد : بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

يمكن البنت تغيره

 

[بـ ع ـثرة آحاسيس}~]

والله هذاااااا مشكلتنا ونظرية الاغلبيه من المجتمعات

لو الرجال فيه عيوب الدنيا الاهل ماعندهم حل غير بنزوجه عشان يعقل ويتعدل

انزين لو ماعقل وتعدل بعد الزواج بنت الناس لعبه ولا فـار تجارب..!!

والله لو بناتهم مارضوى بس شنقول هذا الحين الناس يقكرون بروحهم مايدرون انه كما تدين تدان

انا عن نفسي لو انحطيت بهال الموقف و لوكان اخوي فيه هالعيوب

ولا مثلا مايصلي وسالوني اهل البنت بقول الصراحه للبنت

وبقول انتي حره تبينه يمكن صج يتعدل واذا ماتبينه هذا رائيك ونحترمه واستخيري وشوفي

بس اكييييييييد ماراح اتكلم في اخوووي او اعلم كل الناس لا اذا سالئتني البنت بكون صريحه معها

وبالمقابل بعطيها ايجابيات اخوي لانه اكيد مافي احد كامل مكل لابد كل انسان مثل مافيه سلبيه فيه ايجابيه

لاكن مستحيل اعلم من هب ودب واقعد اتحجى باخوووووي لا بس للبنت اذا سئلت..!!

الله يهدي شباب المسلمين والله يهدينا اجمعين موضوع حلو

 

[النوري نور عيني]

ادعي له بالهدايه ...يا كثرما سمعنا عن الحار والنزر والحكر والله يعين الي بتاخذه وبعد الزواج العكس...الحار دجاجه والنزر يخاف يكلمها والحكر سفرات وطلعات ومطاعم ...والي تبي الستر اتحمل الرجال لو شنو عيوبه ...

 

[q8rose]

اللله يصلحه انشاللله

 

[شموسة كيوت]

رد : بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

بعض الشباب الزواج يغيرة مو شرط تبقى سوالفة السئية حتى بعد الزواج لانة بيحس بالمسئؤلية

 

[Daleela]

فيه رياييل يتغيرون بعد الزواج وفيه لا يظلون على حالهم

اذكر ريلي يسولفلي عن واحد يقول ماكان تكانه وبعد الزواج مرته غيرته خلته يتدين

بس بالنسبة لموضوع ان اتكلم عن الشخص وموضوع زواج من الناحيه الشرعيه لازم تقولين

بس للاسف احنا ما نقدر نسويها وراح يصير زعل وهواش

انا اقول كل شي قسمه ونصيب واهيا ماراح تصلح الكون

 

[فخامه كبريائي]

رد : بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

اول شي انتي ما تدرين يمكن يمكن يتغير!! ...لان يا كثر الي يكونون غير عند حريمهم ...
ثاني شي يمكن الله يكتب له وحده العن منه و اطلع كل الي يسويه من عيونه ..
و ثالث شي اذا بتخطبون له ..لا تاخذون بنت ما تستاهله ..اخطبو له بنت اي كلام يعني مثلا لا شهادة و جمالها نص نص و جذي يعني ...

 

[سارونه*المزيونه]

رد : بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

واااااي الله يعييييين اللي بتاخذه :/

والله يهديييييه يارب

بس نصيحة لاااااااازم البنت تدري عن اطباعة لازم تعرف

حرام تنظلم

 

[Alia]

رد: رد : بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

اول شي انتي ما تدرين يمكن يمكن يتغير!! ...لان يا كثر الي يكونون غير عند حريمهم ...
ثاني شي يمكن الله يكتب له وحده العن منه و اطلع كل الي يسويه من عيونه ..
و ثالث شي اذا بتخطبون له ..لا تاخذون بنت ما تستاهله ..اخطبو له بنت اي كلام يعني مثلا لا شهادة و جمالها نص نص و جذي يعني ...

حبيبتي تهقين الام اذا بتدور حق وليدها بتدور واحدة ناقصة !! وبعدين حرام اللي لا شهادة ولا جمال على قولتج مو بشر واحساس حرام !!! ماتفق مع وجهة نظرج كللش

 

[ملواكي]

كل واحد ياخذ نصيبه

 

[((shoOoshoOo))]

الله يهديه

يمكن عقـب الزواج يتغــيـر ماتدرين

 

[Chic & Unique]

ممممممممممممممممممممممممم

الزواج نصيب و الولد صدقيني يتغير مع الزواج انا اخوي بس زوجناه نسانا و نسى الدنيا و سمعا وطاعه حق مرته اي شي تبي يسويلها بس بس بس لازم ماتمدحونه جدام الناس لان حرام بعد البنت بضيع مستقبلها معاه يعني و الله مادري صج حيره ماتقدرين تذمينه ولا تمدحينه لان بتحاسبين عند الله على الكلام اللي بتقولونه انا اقول الله يهديه و لا تقولون لا ذم ولا مدح حق الناس هم راح يسألون عنه و اذا البنت من نصيبه بياخذها و اذا على البخل صدقيني الزواج يغير اما اذا على البنات هو عاد و ضميره مع مرته

 

[Lemon Juice]

ذكرتيني برفيجتي جذي يو اخطبوها وأهله اقعدوا يمدحونه مدح اذهبه ومادري شنو

وأهلها بعد اسألوا عنه ما عنده خرابيط وكل شي ماشي اوكي

صار النصيب وخذاها وعقب شهرين اوصلت حدها مو قادره تعيش معاه تقول ما ينتعاشر كلش

المدح اللي امدحوه أهله طلع بس جذي , وأهلها لما اسألوا عنه ما بيّن شي لانه هالطبايع ما تبين الا بعد الزواج والعشرة

والمسكينه انفصلت عنه

خذت موقف قوي من أهله لانهم ما كانوا صريحين , ما أأيد الأهل يطلعون خياس ولدهم نهائياً بس عالأقل يكلمونه وينصحونه قبل لا يخطبون أي بنت وما يبالغون بالمدح ..

لحد يقول الزواج يغير ويسنع الريال , اذا اهو جذي طبايعه طول عمره شاللي يضمن بعد الزواج يتسنع؟

الله سبحانه الهادي , واذا الأهل حسوا انه الولد له قابليه ينصلح ويتعدل اهني خل يفكرون يخطبون له .. الأهل أبخص بولدهم

واللي طبايعه شينه وباسه قوي ومصر يبي يتزوج وما يبي يغير طبعه قولوا له ترضاها على خواتك؟ إيوونهم رياييل ما ينتعاشرون يتعبون خواتك؟ ترضاها؟!

 

[ام سعود ديكسون]

عليا أنا اطبق المثل الآتي :

يا داخل بين البصلة و قشرتها ما ينوبكش الا ريحتها

و احسن انج ما تدخلين بالعميق بس نصحيهم يقولون لأهلها سالوا عنه قبل الملجة


يمكن اللي تشوفونه أنتو اهله انه معيوب الناس الغرب يشوفونه عريس لقطة

وبالنهاية اشوف وايد رياييل عويان ومو سنعين ويا اهلهم حق حريمهم تسنعوا وصاروا يا دهينة لا تنكتين

 

[ملوكة الامورة]

حبيبتي هذي اشياء عادية
تقددر المرة تغيرها
وذا حبها رح يسويلها كل شي
احسن من الادمان والبلاوي الثانية

 

[ملوكة الامورة]

ليش يشرب؟؟
راعي مخدرات ؟؟

ماشوف عصبيته وبخله عيييب قوي صج انه عيب بس هذا طبع ويمكن بعد الزواج يتغير مع المره
وبعدين هذا اخوها مادري شلون اتكلم عنه جذيه لو شنو المفروض تكون ستر وغطا له

والله يوفقه

اتفق معاها:eh_s(15):

 

[شندوخه]

رد : بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

لاتاخذوله اي وحده والسلام
لادوروله الهاديه والطيبه دوروله وحده مبلتعه وتعرف تتصرف
عشان باجر لا عاشرته تعرف تمشيه عالسراط المستقيم