سؤال بخصوص الزواج .. محتاره!

[حصوونه]

حياكم الله بنات

بدخل بالموضوع على طول


بالمجتمع وبكل مكان عموماً نلقى ناس اجتماعيين يحبون العلاقات الإجتماعية يزورون القريب والبعيد ..

وناس انطوائيين أو نقدر نقول مو اجتماعيين وايد لكن اذا انعزموا يقومون بالواجب ويلبون العزيمه

انا لاحظت الناس الاجتماعيين واللي بناتهم على طول معاهم اهما اللي ما شاء الله تبارك الرحمن العين عليهم وينخطبون حتى وان كانت مواصفاتهم عادية , ونلقى أغلبهم متزوجات الحمد لله الله يهنيهم ويسعدهم ..

هالشي لامسته حتى بحياتي , احنا بيتنا كلش مو اجتماعيين يا دوب بعيد الفطر والأضحى ورمضان نزور أهلنا ومو كلهم بس القراب ..

اختي عمرها 22 وما انخطبت خير شر محد يشوفها كلش

وانا عمري 24 , انخطبت 4 مرات .. مره عن طريق وحده من أهلنا تعرفني والخطبة الثانية شافوني بعزاء

والثالث والرابع عن طريق بنتين معاي بالدوام

لاحظوا انه أغلبهم شافوني بالمحيط الخارجي .. يعني مو وانا قاعده حاكرة نفسي بالبيت يوني

فما بالكم بالبنات اللي على طول مع أمهاتهم وين ما يروحون سواء عزيمة أو استقبال أو عرس أو دروس دينية ...الخ

مادري هل يتهيأ لي أو فعلاً الزواج يبيله سعي وما ننخش ببيوتنا ؟

حتى البنات اللي حوالي واللي نفس وضعنا مو اجتماعيين قلة يخطبونهم .. محد يشوفهم!

الحمد لله مؤمنة بالقسمة والنصيب وكل شي بيد الخالق سبحانه

ما طرحت هالموضوع الا لأني لاحظت هالشغله وأبي منكم تشاركوني برايكم ..

 

[الطير الاسير]

لا مو شرط تكون البنت اجتماعيه بس انا ايد ان الام تكون حرجه في هذي الامور يعني في بنات اعرفهم يجونهم ناس يخطبونهم بس امهم من النوع البارد الي ما عندها حراره بالموضوع تخلي الموضوع عادي يمشي على حسب الاصول يعني اتوقع السؤال عن الولد ياخذ يويمين الي اربع ايام الكويت صغيره والكل يعرف بعضه بس هي تخلي اسبوع اسبوعين الي شهر يعني اتوقع انه الامر بيد الاهل اكثر من انه البنت تكون اجتماعيه حراره الاهل هي تمشي الموضوع

 

[كراميلا مرة]

ايي غعلا كلامك عدل
بس احنا بمجتمعنا مايصير البنت لازقه بامها
واشوف الناس ماتعجبها البنت اللي مع الحريم هذا مجتمعي

 

[noo7a]

اممممم
انا كلش ماكنت اطلع حياتي من الجامعه لي البيت حديييي بيتوتيه
بس الحمدلله معارف امي وايد ويدرون ان عندها بنت لان يوم كنت صغيره على طول معاها من كبرت حبيت قعده البيت
تصدقين مره امي كانت معزومه على عرس و طبعا قالت لي وانا ماحب اروح العروس كلش
فراحت بروحها و اهي بالعرس كانت يمها وحده امي ماتعرفها فامي قاعده تشوف البنات و قاعده تشكي الحال حق المره الي يمها لوووول قاعده تقولها البنات يموتون على سوالف العروس وانا بنتي احن عليها تييي معاي ماتحب جان المره تبطل عيونها قالت لها انا قاعده ادور حق ولدي مره و اليوم قلت له بروح عرس في بنات وايد جان يقولي لا انا مابي من النوعيه الي ٢٤ ساعه مطيحين بالعروس بسسسسس بنتج هذي الي يدورها ولدي لوووول
وسبحان الله كنت قاعده بالبيت ولا حظرت العرس وهم انخطبت من العرس لوووول
بس ما كان اهو سعيد الحظ الي خذاني

 

[عروس الخير]

كلامج فيه من الصحة الكثير

والتوافيق من الله

 

[كويتيه و اافتخر]

رد : سؤال بخصوص الزواج .. محتاره!

ان شااء الله بناات يفيدوونج

 

[واثقة بجمالها]

الله يرزقنا واياكم وبنات المسلمسن الازواج الصالحه

 

[kaify q8ya]

رد : سؤال بخصوص الزواج .. محتاره!

السلام عليكم حبيبتي

كلامج حلو,, لكن كل شي نصيييييييييييييييييييييييييييييييييب

يعني في بنات مو كفو ,, و ياخذون رياييل ذهب

و في رياييل مو كفو و ياخذون بنات اخلاااق

مو شرط ان اذا البنت تروح من مناسبه لي مناسبه معناته عشان يخطبونها

في بنات يروحون كل المواجيب و لي خطبوهم يقولون لا مانبي نتزوج

بس احنا دايما يقولون عندنا ,, اخذي بنتج معاج خل الناس يشوفونها

يعني حلات البنت تكون مع امها صح مو 24 ساعه بس طلعاتها الاحسن تكون مع امها

و الله النصيب اييج بديرتج او مو بديرتج يعني و انتي مسافره

تخيلي انا كنت بامريكا و تعرفت على ناس كويتيين ,, وعندهم ولد يبي يتزوج و قاعد يدور ,, و الله ام الولد بات امريكا عشان تشوفني << اشدعوه عليها مافيها صبر ههههههههههههههههههههههههههههههههههههههههه

و الله ترى السالفه صج بس ما صار نصيب

و الله يرزقج الزوج الصالح يارب ,,, و تكون سنه خير عليج انتي و اللي ما تزوجوا الله يرزقهم يااااااااااااااارب

 

[هــنــوف]

رد : سؤال بخصوص الزواج .. محتاره!

[color="indigo]عدل كلامج حبيبتي بس بحدوود اكون اجتماعيه بس لقرايبنا يعني عرس او عزيمه او استقبااال اي احرص اني اروح لهم بس مو تفكيري علشااان الخطبه طبعاا لا بس لاني احب هالاجتاماعات الي تكوون محفوووفه بيننا وكلهم اعرفهم اذا بيشوفني احد ماعرفه راح يكوون بعرس او استقبااال اكييد
وشي طبيعي محد راح يخطب اختج اذا محد يدري انها موجوده ليش انتي بتخطبين لاخوووج وحده ماتعرفينها ولا تدرين انها موجوده ولا شفتيها ؟؟[/color]

 

[[[ عيون جابر ]]]

رد: رد : سؤال بخصوص الزواج .. محتاره!

السلام عليكم حبيبتي

كلامج حلو,, لكن كل شي نصيييييييييييييييييييييييييييييييييب

يعني في بنات مو كفو ,, و ياخذون رياييل ذهب

و في رياييل مو كفو و ياخذون بنات اخلاااق

مو شرط ان اذا البنت تروح من مناسبه لي مناسبه معناته عشان يخطبونها

في بنات يروحون كل المواجيب و لي خطبوهم يقولون لا مانبي نتزوج

بس احنا دايما يقولون عندنا ,, اخذي بنتج معاج خل الناس يشوفونها

يعني حلات البنت تكون مع امها صح مو 24 ساعه بس طلعاتها الاحسن تكون مع امها

و الله النصيب اييج بديرتج او مو بديرتج يعني و انتي مسافره

تخيلي انا كنت بامريكا و تعرفت على ناس كويتيين ,, وعندهم ولد يبي يتزوج و قاعد يدور ,, و الله ام الولد بات امريكا عشان تشوفني << اشدعوه عليها مافيها صبر ههههههههههههههههههههههههههههههههههههههههه

و الله ترى السالفه صج بس ما صار نصيب

و الله يرزقج الزوج الصالح يارب ,,, و تكون سنه خير عليج انتي و اللي ما تزوجوا الله يرزقهم يااااااااااااااارب

معاها :icon30:

 

[M!s$ GoOnA]

رد : سؤال بخصوص الزواج .. محتاره!

السلام عليكم حبيبتي

كلامج حلو,, لكن كل شي نصيييييييييييييييييييييييييييييييييب

يعني في بنات مو كفو ,, و ياخذون رياييل ذهب

و في رياييل مو كفو و ياخذون بنات اخلاااق

مو شرط ان اذا البنت تروح من مناسبه لي مناسبه معناته عشان يخطبونها

في بنات يروحون كل المواجيب و لي خطبوهم يقولون لا مانبي نتزوج

بس احنا دايما يقولون عندنا ,, اخذي بنتج معاج خل الناس يشوفونها

يعني حلات البنت تكون مع امها صح مو 24 ساعه بس طلعاتها الاحسن تكون مع امها

و الله النصيب اييج بديرتج او مو بديرتج يعني و انتي مسافره

تخيلي انا كنت بامريكا و تعرفت على ناس كويتيين ,, وعندهم ولد يبي يتزوج و قاعد يدور ,, و الله ام الولد بات امريكا عشان تشوفني << اشدعوه عليها مافيها صبر ههههههههههههههههههههههههههههههههههههههههه

و الله ترى السالفه صج بس ما صار نصيب

و الله يرزقج الزوج الصالح يارب ,,, و تكون سنه خير عليج انتي و اللي ما تزوجوا الله يرزقهم يااااااااااااااارب

وانا بعد ويااها ..

مشالله كلامها حلو ،، ومنطق ،، وعين العقل

 

[رحيق الجنه]

رد : سؤال بخصوص الزواج .. محتاره!

ماله شغل

أنا خالاتي ما كانوا يطلعون من البيت في منهم تزوجوا ناس ما كنا نتوقع ياخذون منا

قسمة ونصيب

الله يرزقج ويرزق أختج بزوج الصالح أمين يا رب

 

[Tulips]

رد : سؤال بخصوص الزواج .. محتاره!

اي صح الطلعات تلعب دور كبير بالزواج

وطبعا بالنهايه نقول النصيب من الله لانه هم في بنات محبوسين فالبيت بس ينخطبون بس هذيلا نسبتهم قليله بالنسبه للي تروح وتطلع مع امها

 

[الأميرة جوري]

رد : سؤال بخصوص الزواج .. محتاره!

الله يكتب اللي فيه خير .....والزواج قسمه ونصيب وربي اذا كاتب للانسان شيء بياخذه ..والواحد هم ياخذ بالاسباب

 

[جوري الغرام]

رد : سؤال بخصوص الزواج .. محتاره!

الزواج قسمه ونصيب

بس أحس اللي تكون اجتماعيه بمعنى أنها تحضر عروس و مواجيب وجذيه الناس تشوفها أكثر من اللي قاعده بالبيت

وهم أعرف بنات من عرس لعرس بس محد يخطبهم وناس قاعده بالبيت وتنخطب يعني السالفه قسمه ونصيب والله موزع الأرزاق

 

[Miss McDonald]

رد : سؤال بخصوص الزواج .. محتاره!

,


تعتبر عامل مسآعد ..
اغلب الزواجات يكونون اهله شايفينها بمكان ما .. عرس .. استقبال .. إلخ ,


الله يرزقكم بالازواج الصالحين

 

[miss.42]

يسلموو عالموضوع

 

[Tutti-Frutti]

رد : سؤال بخصوص الزواج .. محتاره!



امممممم لا مو لازم
اعرف بنات مو اجتماعيين بس تزوجو
وبنات اجتماعيين ويروحون عزايم وجذي بس ما تزوجو

كله نصيب من رب العالمين

 

[اللاندكروز]

الزواج قسمه ونصيب ... ومحد ياخذ إلا نصيبه ورزقه .....

 

[يبقى الوله]

رد : سؤال بخصوص الزواج .. محتاره!



هاذا نصيب ومحد يدري فيه غير ربج

اعرف لج وحده ولله العظيم ان محد يدري عنها طلعت من الثانويه وظلت ليما صار عمرها 20 سنه ومحد يدري اصلا عنها

وبنات عمها شكثرهم وبكل مناسبه ينشافون وماشاء لله جمالهم يفوق جمالها وسبحان لله تزوجت قبلهم وجاها نصيبها عسى لله يهنيها

يعني هالشغله بيد رب العالمين وعسى لله يرزق بنات المسلمين ويستر على الكل يارب