بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

[yara moon]

والله موقفها مثل موقفي ..
انا اخوي نفس الشي وامي رفضت تخطب له لانه مغازلجي وهمه بس البنات وغير كذا اكتشفنا انه يشرب
ومايصلي صحيح معانا حبوب بس هالشي مايشفع له اننا نخطب له وبنت الناس تتوهق فيه

اخرتها سوى روحه ملتزم ويصلي كم شهر ولا يكلم وخطبنا له ووافقو عليه والحين رجع لسوالفه بعد ماملك على البنت
وانا متضااااايقه بس حبيت اصير محايده ولا اتدخل خاصه اني ساكنه بعيد عنهم وماراح احضر زواجه لظروفي وهالشي فرحني

 

[مملوحة_الوصايف]

رد : بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

انا برايي ما قال يبي بتزوج الا واهو وده يتغير من داخل او فيه قابليه والله ماتدرون عنه يمكن يتغير بعد الزواج او مرته تقدر تغير منه

 

[Alia]

حياكم الله بنات مشكورين

 

[q8_pearls]

الله يستر علينا وعليهم

 

[الأميرة الحزينة]

بالنسبة لي اذا اخوي فيه عيوب وايد ما اخطبله ولا اتدخل بخطوبته عشان مابي استاثم ببنت الناس.. :080402ask_prv:
بس بهالحاله اذا الأم خطبتله تختار الأم الألفاظ اللي تبين حق البنت ان فيه بعض العيوب واهي وذكائها عاد..
:bbbiu: مثلا والله ولدي قلبه طيب بس شوي عسر بهالشغله مايحب الوحده تسويه يعصب .. يعني البخل تقول اهو حريص ويبيله وحده تفهمه .. وجذي بهالطريقه وخل تقعد معاه البنت ويكلمها واذا وافقت عليه خلاص محد ياخذ غير نصيبه وعلى فكرة هالنوعيه من الرياييل يتغيرون 180% عقب الزواج :yaaaaaarb: يصير واحد ثاني ورفيجتج نفسها بتشوفه عقب غير :080402ask_prv:

 

[ضايعة بدنيتي]

انا استغرب من ردود بعض البنات . مرة تلقينهم يتشكون لما ينطرح موضوع السؤال عن المعرس لما يتقدم لبنت وشكثر الناس تخدع في مدح الشخص وبعد الزواج يطلع العكس ..

الحين البنت ضميرها صاحي وقالت الحقيقة بحال اخوها صارت نحيسة وحقودة ؟؟؟ صحيح الناس غريبة


انا ما اشوفها غلطت .. انا عندي اخو . .احبه واموت فيه .. ولكنه طايش وما يصلح للإستقرار .. ولو بيوم جاني احد وسألني عنه .. بقول الحقيقة لان ربي بيحاسبني وما بخدع الناس . الي ما برضاه على نفسي ما برضاااااااااه على بنات الناس

حبيبتي انا اقول انها تبدا تكلمه شوي شوي .. وتذكره بربه وان حرام يظلم بنات الناس معاه ورب العالمين يمهل ولا يهمل وحرام ياخذ بنت الناس وهو هذا حاله .

ونصيحتي لها لا تخدع الناس ولا تكذب عليهم . هذا مو كره لأخوها بس هذا حق . والساكت عن الحق شيطان اخرس .

الله يهديه ان شاء الله

 

[Alia]

انا استغرب من ردود بعض البنات . مرة تلقينهم يتشكون لما ينطرح موضوع السؤال عن المعرس لما يتقدم لبنت وشكثر الناس تخدع في مدح الشخص وبعد الزواج يطلع العكس ..

الحين البنت ضميرها صاحي وقالت الحقيقة بحال اخوها صارت نحيسة وحقودة ؟؟؟ صحيح الناس غريبة


انا ما اشوفها غلطت .. انا عندي اخو . .احبه واموت فيه .. ولكنه طايش وما يصلح للإستقرار .. ولو بيوم جاني احد وسألني عنه .. بقول الحقيقة لان ربي بيحاسبني وما بخدع الناس . الي ما برضاه على نفسي ما برضاااااااااه على بنات الناس

حبيبتي انا اقول انها تبدا تكلمه شوي شوي .. وتذكره بربه وان حرام يظلم بنات الناس معاه ورب العالمين يمهل ولا يهمل وحرام ياخذ بنت الناس وهو هذا حاله .

ونصيحتي لها لا تخدع الناس ولا تكذب عليهم . هذا مو كره لأخوها بس هذا حق . والساكت عن الحق شيطان اخرس .

الله يهديه ان شاء الله

مابعد ردج رد... هذا كلامها وتقول مستحيييييييييييييييييل اتخلى عن مبداي

 

[%دانة%]

رد : بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

اللة يهدية ويصلحة

 

[سامرينا]

صراحه حرام يزوجونه واهوا هذا طبعه
بنات الناس مو لعبه الا جان في وحده راضيه بمواصفاته
ولا وحده من خواته تحاجيه وتفهمه

 

[Alia]

مو من النوع اللي يسمع بنصيحة عنده انا ومن بعدي الطوووفان

 

[غنج اهلها]

رد : بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

من قلب الله يعين اللي بتاخذة ويخلية لكم