متينه وماحملتي عند اي دكتور تراجعين

[شيخة الغراشيب]

الله يرزقج بالذريه الصالحه باقرب وقت تبشرينا يارب

 

[كويتيه مذهله 87]

الله يرزقج يارب قريب

 

[دلوعت مودها]

انا ضعيفه وبس زاد وزني بعد الزواج بس تميت ضعيفه والدكاترهيقولون لو تضعفين شوي بس ماله شغل للحين ماحملت عقب اجهاضي الاول؟؟؟؟؟؟؟؟؟؟؟؟؟؟؟؟؟
انا اراجع عند عيادة فوزيه القطان عندالدكتوره شيماء

 

[غــلآ]

رد : متينه وماحملتي عند اي دكتور تراجعين

وييي اذا على الاحراجات عدي وخربطي


انا مثلج متينه حيل

ويوم بلشت رجيم بعد الدوره على طول حملت ولله الحمد

سوي رجيم والله لو تنزلين 5 كيلو بس راح تحملين بس اهم شي زوجج يتعالج لان مثل ماقلتي عنده ضعف

ومثل ماقلت لج اذا على الاحراجات عدي وخربطي وانا اللي يكلمني اقوله عاجب رييلي تقوم الدكتوره تنجعم لان اصلا مالها شغل ويعه

الرزق من رب العالمين مو من عندها

انا اعرف حريم متاااااااااااااااااااااااااااااااااااااااااان ماااااااااااااااااااااااااااااااااااااااااااان وكاهم عندهم بالاربع والثلاث

صحيح المتن ياثر لكن مايمنع !!


والله

وكل ماحطت هالدكتوره السونار
تقولي البيبي سليم واهي مستغربه عما بعينها

وانا اقول ماشاء الله تبارك الرحمن ربي احفظ لي مارزقتني

يعني جنها ناقده علي اني متينه والبيبي سليم !!



انا اقول روحي وانتي راقعه رااااااااااااسج

الزواج والحب والعشره والحمل عمره ماوقف على وزن

لكن الناس رغم ان وظايفهم كبيره بس العقل صغير ومجبوره تستحملينهم لول

 

[كول سلو]

شيخة الغراشيب
كويتيه مذهله 87
دلوعة مودها

مشكوورييين ماقصرتوا حبايبي

 

[كول سلو]

رد: رد : متينه وماحملتي عند اي دكتور تراجعين

وييي اذا على الاحراجات عدي وخربطي


انا مثلج متينه حيل

ويوم بلشت رجيم بعد الدوره على طول حملت ولله الحمد

سوي رجيم والله لو تنزلين 5 كيلو بس راح تحملين بس اهم شي زوجج يتعالج لان مثل ماقلتي عنده ضعف

ومثل ماقلت لج اذا على الاحراجات عدي وخربطي وانا اللي يكلمني اقوله عاجب رييلي تقوم الدكتوره تنجعم لان اصلا مالها شغل ويعه

الرزق من رب العالمين مو من عندها

انا اعرف حريم متاااااااااااااااااااااااااااااااااااااااااان ماااااااااااااااااااااااااااااااااااااااااااان وكاهم عندهم بالاربع والثلاث

صحيح المتن ياثر لكن مايمنع !!


والله

وكل ماحطت هالدكتوره السونار
تقولي البيبي سليم واهي مستغربه عما بعينها

وانا اقول ماشاء الله تبارك الرحمن ربي احفظ لي مارزقتني

يعني جنها ناقده علي اني متينه والبيبي سليم !!



انا اقول روحي وانتي راقعه رااااااااااااسج

الزواج والحب والعشره والحمل عمره ماوقف على وزن

لكن الناس رغم ان وظايفهم كبيره بس العقل صغير ومجبوره تستحملينهم لول

ياقلبي ريحتيني شوي وعسى ربي يتمم عليج يااااااااااارب وماعليج من هالدكاتره يبطون الجبد ومايراعون النفسيه كلش

ومشكووره مره ثانيه

 

[يا عيون سمي]

حبيبتي ماله شغل المتن بالحمل لان اعرف وحده حييييييييييييييييل متينه من ليلتها حملت طبيعي لا وبعد زوجها متين




انتي الحمداللله ما فيج شي سليمه لاتفكرين واااااااااااااااااايد بس خلي زوجج يعالج


لاتروحين حق حريم انتي مافييييييييييييييييج شي يعني حرااااااااااااااااااام

 

[كول سلو]

ياعيون سمي

مشكوووووره لافادتج لي ماقصرتي ياقلبي

 

[kitty eyes]

الله يرزقج ان شاء الله

والله انا الدكتور قاللي خففي وزنج للاني بسوي أطفال انابيب مع ان ماكو سبب يمنع الحمل بس ان زايد وزني

انا اراجع عند دكتور فاطمي برويال حياة اللي ضمن الفريق البلجيكي

انصحج فيه حيل ممتاز حتى حق الرجال

الله كريم

 

[وحيدة ابوها]

وين صايره ام سعد؟

 

[دنياالوله]

اول شي لازم تنزلين وزنج
اكلي جلوكوفاج جربته نزل وزني
روحي دكتور متخصص مساعدة انجاب
روحي منصور العرف
ناهض حماديه المواساة وسلامتج

 

[LeeMa q8]

انا متروسه شويات بس مآدري هل لها اثر ولالا .!

والدكتور هم قالي خففي فاتوقع له اثر !

والله اعلم

 

[برونزية رشيقة]

اول شي لازم تنزلين وزنج
اكلي جلوكوفاج جربته نزل وزني
روحي دكتور متخصص مساعدة انجاب
روحي منصور العرف
ناهض حماديه المواساة وسلامتج

دنيا الوله .. كنت داشه أنصحها بالجلوكوفاج بس سبقتيني:eh_s(7):

حبيبتي المتن له دور ويأثر حسب جسم الوحدة ..
حمواتي كل وحدة شمتنها ويحملون ماشاءالله ..

وبنت عمي بعد عمري مااااااااااا فيها شي .. بس تمت 6 سنين ماحملت .. افترت على كل دكاترة الكويت ..
بعدين سيد قطب مادري محمد قطب .. المهم اسمه فيه قطب وهذا واااااااااااااايد شاطر ..
قالها ضعفي وراح تحملين خذت حبوب الجلوكوفاج لمدة 4 أو 5 شهور مع تخفيف أكل بس ما اقطعتهم طوال الشهور ..
وهو عطى زوجها فيتامينات وشغلات لأنه مثل ريلج فيه شوي ضعف ..
وحملت ويابت ولد الله يخلليه لها ..
وتعالي قريت ردودج كاتبة أن النفسية صفر ....
لا لا لا لا لا لا لا لا لا يا قلبي ما نبي هالكلام

خللي نفسيتج حلوة ومستانسة وفرحانة ترى يأثر عالحمل ..
كل ما نفسيتج كانت تعبانة نزلت هرموناتج .. وتخربطت

سووي أللي قلت لج عليه ويااااااااااااااارب تبشرينا عن قريب أنج حامل :eh_s(7):

 

[درر2008]

في بعض الحالات تكون السمنه السبب الرئيسي لتاخر الحمل

 

[إرتعاشة ناي]

مهجه البدر انصحج لها حبيبه واسلوبها عسسل ولا ماديه

 

[سـما]

حبيبتي اذا الدكتورة قالت لج انج سليمة وطلع فعلا زوجج فيه ضعف , لا تتعبثين بنفسج !
نصيحة اخت .. اذا قالوا اخذي منشطات ما منشطات قولي ليش؟ وانا سليمة؟

عالجوا زوجي اول وبعدين يصير خير
اذا تعالج ان شاء الله وطلعت نتائجة فعلا تحسن .. ذيك الساعة يصير خير
اما ان ما تعالج لا تخلينهم يتعبثون فيج والمتن ماله علاقة الا اذا أثر على الهرمونات , اذا هرموناتج سليمة ما يهم
لا يقصون عليج على بو انهم يرددون كلام ما يفهمونه ,
انا كان قالت لي ماجدة اليتامي دام الوزن ما اثر على الهرمونات يعني مايهم كم وزنج

وبالنهاية ترى ان انقاص الوزن زين لج ولنفسيتج وحتى لصحتج على المدى البعيد
لان اذا ما تاثرت الهرمونات الحين راح تتاثر بعدين عاجلا ان اجلا , وان شاء الله ما فيج الا العافية
لازم هو يروح حق دكتور متخصص للرجال
ترى دكاترة الولادة والنساء مو دارسين ومتخصصين كثر اطباء الرجال للخصوبة


والله يكتب لج الذرية الصالحة وللجميع

 

[cute_batoota]

اختي طبعاً زوجج لازم أجيك ويعالج للمشكله الي عندة والله يرزقك يارب بس بقولج عن تجربتي أنا الشخصيه أنا كنت متينه حيل وكانت دورتي مو منتظمه من المتن وطبعاً كنت اروح وأراجع وهم اقولولي ماكو شي بس نزلي وزنج طبعاً كنت امل من هالحجي لاني كنت أشوف بنات امتن مني مرتين ويحملون وهم الناس اقولولي لا ماله شغل المتن ويضربولي الامثله عن البنات الي حملو وانا كنت اقول صح كلامهم ورحت حق الدكتور وقالي اذاةتبين اعطيج علاج وفعلاً عطاني علاج وكان فيه بويضات وكل وحدة احسن من الثانيه بس بكل مرة ما أصير حمل اقترح علي اسوي تلقيح سويت كذا واحد وكل أموري كانت سليمه بس هم ماكو فائدة ليما اخر شي لجأت لأطفال النابيب وفشلت مع ان هم كانت أموري كلها زينه بس ما كتبلي ربي وقتها وتحطمت نفسيتي ضيعت اربع سنين من حياتي وانا اعالج المشاكل الثانويه والمشكلة الأساسية ما حاولت احلها بسبه أني كنت شايفة ان المتن مو مشكله ووايد متان حملو والكلام الي اسمعه ليما قررت وقلت خلاص أنا بضعف وادخل نادي أنسى موضوع الحمل هذا وأتوكل على ربي وفعلا دشيت نادي وسويت رجيم وضغطت على نفسي وطبعاً بهالفترة قريت سوره البقرة ولازمت الاستغفار وهم أذكار الصباح والمساء ما تركتهم والله نزلت فوق ال35 كيلو من وزني وصرت حتى بالحركة خفيفه حياتي كلها تغيرت وحسيت وقتها، ان رب ضارةٍ نافعه يمكن لو ما مريت بكل هذا جان ما نزلت وزني، وطبعاً عقبها سافرنا أنا وريلي ورديت من السفر ورديت على النادي وطبعا كانت دورتي منتظمة من النادي ولما رديت من السفر تأخرت علي ضاق خلقي وخفت اكون فيني شي وما فكرت حتى احلل من كثر ما الموضوع كان بعيد عن بالي بس مادري شيلي خلاني احلل والمفاجأة أني طلعت حامل بفضل ربي وكرمة ورحمته ما اقدر اوصفلج الفرحة وبنفس الوقت الندم على السنين الي ضيعتها من غير ما افكر انزل وزني ومن غير ما اخلي العلاج والدواء على رب العالمين الي اذا أراد شي يقول له كن فيكون والله اول شي لازم ايمانج بربج يكون كبير والتقرب لربج اكون اكبر. وثاني شي اسعي بالي تقدرين عليه والي الحين تقدرين عليه انج تنزلين وزنج لان الحمل مو بايدج ولا بايد الدكاترة حتى لوو كان بروفوسور الحمل بايد ربج الكريم الرحيم والله يااارب يسعدج ويرزقج ويفرح قلبج عاجلاً وليس آجلاً وكل تأخيرة وفيها خيرة ما تعرفينها الا بوقتها والله يكتبلج الي فيه الخير وسامحيني طولت بس حبيت أفولج تجربتي لأني عانيت والله برحمته رحمني

 

[Judy . abbot]

حبيبتي مابي احبطج بس رفيجت اختي ما حملت بسبه الوزن الزايد قالها الدكتور بس ضغفي مافيج ولا شي
ضعفت جنه 10 او 15 كيلو جان تحمل سبحان الله
انا ما اقول سبب رئيسي بس الشي الي تقدرين عليه وبيدج ليش ما تسوينه
والله يوفقج ويرزقج بالذريه الصالحه
وعندج ناهده العلي امل الراشد محمود الاسطل وايد دكاتره *

 

[درر2008]

صاااااااااااااااااااجه اضعفي وشوفي شلون بتحملين باذن رب العالمين

 

[عسل حدي]

رب لا تذرني فردا وانت خير الوارثين