بروح السليل .. شنو فيه ؟؟

[ترتر زري]

بنات السلام عليكم ورحمة الله وبركاته



ملينا من المولات إلي عندنا الأفنيوز والكوت والبيرق وغيرهم قلت اليوم ودي أغير وأروح السليل بس أخاف أتفشل عند ريلي بما أني صاحبة الأقتراح .. فياليت الجهراويات يفيدوني مشكورين شنو فيه ويستاهل العنوه ولا لأ .. أقصد مطاعم زينه وغيره

أنا رحت له من زمان أول مافتح اللحين مدري شنو صار فيه ... ؟؟؟

وثانكس كبير مقدماً

:aha:

 

[ابداعات كويتيه]

والله سليل في شاليها حلوه ومطاعم بعد حلوه وسوق
المطاعم فيه لبناني وكويتي ووجبات سريعه

 

[الرشوف]

عادي


اذا للشاليهات روحي

بس كمجمع
ماكو شي

 

[وبعدين؟]

رد : بروح السليل .. شنو فيه ؟؟

حليووو مو ذاك الزوود

 

[كريتوز]

شوفى اخيتى انا بعيد ميلاد زواجى حجزت غرفه بفندق السليل وسويتها مفاجأه لزوجى
كفندق حلو وهادى وشرح والليله ب60 دينار عندهم
مع وجبه فطور مجانا
وخدمتهم 100% اما عن الشاليهات ماعندى خلفيه عنهم بس انى سمعت مسوين بحيره صناعيه جنه بحر
اما عن المجمع يعنى زوين فيه بس محلات راقيه شوى
والمطاعم احلى شي المطعم اللبنانى كـ نظافه وطعم وجو رومانسي
بالاضافه للحديقه اللى موجوده داخل ومحلات العصير
اتمنى انى فدتج حبووو

 

[Dreams Of a girL]

رد : رد: بروح السليل .. شنو فيه ؟؟

عادي


اذا للشاليهات روحي

بس كمجمع
ماكو شي

صاجه
انا نفس راييهاا :icon30:

 

[عليـا]

رد : بروح السليل .. شنو فيه ؟؟

اولا نصيحه ... لا تروحين بوقت عطله (زحمه)
خلي روحتج ايام الاسبوع
وشغله ثانيه المجمع عـــادي مو ذاك الزود مطعم لبناني واحد
مع مجموعه من مطاعم الوجبات السريعه
الفـندق كويس هـــــادي والشاليهات كمان

 

[انسام الكويت]

ويع موذاك الزود مجمع شكبره مافي شيء حلو بس سنتر بونت

أنا أروحله لضروره حق سنتر بونت وغير جذي ماروح لا محلات زينه

لا مطاعم ولا كوفيهات وبالعطله رحتله بالغلط شوفي الزحمه ويممممممه يالخز


تلوووع جبدج من قلب نصيحه خاليج عالأفنيوز والبيرق والكوت وإايد أبرك