تـجـمـع لمحبي الرضاعة الطبيعية :)

[Dorur]

شلونكم امهات
شخباركم



منو سافرت مع بيبها واهي ترضعه؟ انا اول مرة بجرب
عمره 3 شهور وبس ويكند
شتنصحوني فييييه؟

 

[لومية]

أنا سافرت مع ولدي بس أنا اعطيه مساعد ممية
احس عادي ماتأذيت وايد بس وقت النوم يكون اهوا دايخ يبي ينام وانا قاعده افتر فيه

 

[um_yoyo]

رد : تـجـمـع لمحبي الرضاعة الطبيعية

اضبطت الشفط بس ماطلع ولاشي مني خخخخخ ضايق خلقي معقوله جذي حليبي قليل

 

[روان_الكويت]

شلونكم امهات
شخباركم



منو سافرت مع بيبها واهي ترضعه؟ انا اول مرة بجرب
عمره 3 شهور وبس ويكند
شتنصحوني فييييه؟

واي ذكرتيني تكفين لا تخلينه ولدي الي قبل هذا رضعته 3شهور وماشالله در صدري عليه:rerrerek: وقررنا انسافر تركيا وقلت لريلي ابي اسبوع واذا كلش 10 ايام حجز 13 يوم يعني اسبوعين :lkmnkl:وقلت باخذه مارضا واهلي قالو خليه ارتاحي روحي استانسي :denya: ورحت وطبعا تعبت بالمطار والطياره انتفخ صدري وروح اشفطه واطلع بيدي ويوم وصلنا الفندق الفير شفطه كله وحرام كبيته بالحنفيه وتذكرت ولدي المفروض له
ويوم رديت الا حليبي شويه وحاولت حاولت شريت زيت الحلبه ورهش ماكو فايده مايبي صدري يمص بس ماكو حليب واعطيه صناعي وقطعت الرضاعه وجتني الدوره
الحين ولدي الاخير كمل 3 شهور مستحيل اسافر واخليه انشالله اذا في سفره باخذه ابروحه واخلي الكبار

 

[روان_الكويت]

ام يويو حطي كمادات دافيه ولا اخذي شاور حار وركزي شوي الماي الحار علا صدرج وبعدين سوي مساج خاص للصدر بعدين شفطي
ونطري شوي دقايق وانشالله بيطلع يفضل يكون وقت رضعه الياهل ويكون نايم
انا ما حب اشفط عندي مديلا مادري شسمه نفس مالكم الكهربائي وشريت يدوي مال بيجون ماحب اشفط تعب صراحه
احب اخلي ولدي يشرب مني مو من المميه لانه اذا مص مفيد لج يعطي المخ اشارات احسن
الحمد الله ما اعطيه صناعي كلش بس شاي اعشاب
مص اكثر = اشارات اكثر = حليب اكثر

 

[Dorur]

مشكورين بنات ماقصرتوا
لا ان شالله ناوية اخذه ماني مخليته بس محاتية شوي اخاف لوية

 

[Dua'a]

شلونكم امهات
شخباركم



منو سافرت مع بيبها واهي ترضعه؟ انا اول مرة بجرب
عمره 3 شهور وبس ويكند
شتنصحوني فييييه؟

مرحبا Dorur
آنا كاتبة تجربتي في صفحة 4 ؛)
ان شاء الله تستانسين بسفرتج

 

[Dorur]

دعاء

مشكورة توني قريت تجربتج
الله ايسر ياااارب ما يستعسر علي

 

[Dorur]

مشكورين بنات على تفاعلكم :eh_s(21):
الرها العلبة فيها 28 حبة زيت السمك omega 3 و 56 حبة pregnacare و هي فيتامينات .. كل يوم تاخذين حبة زيت السمك و حبتين pregnacare بعد الأكل

دعاء حبيبتي اليوم شريتلي علبة
بس بسأل اكل الثلاث حبات مرة وحدة؟ ولا اقسمهم خلال اليوم؟

 

[Dua'a]

دعاء حبيبتي اليوم شريتلي علبة
بس بسأل اكل الثلاث حبات مرة وحدة؟ ولا اقسمهم خلال اليوم؟

هلا Dorur :eh_s(7):
اي ثلاثتهم مع بعض

 

[om_7amny 85]

رد : تـجـمـع لمحبي الرضاعة الطبيعية

بنات انا ارضع ولدي طبيعي بس مومباشره لا كله بالمميه اسحب له

 

[om_7amny 85]

رد : تـجـمـع لمحبي الرضاعة الطبيعية

انزين شتسوون اذا زايرين بيت حمولتج و انتى تبين ترضعين ؟؟
او انعزمتى عرس او رحتى مكان و تأخرتى و البيبي ما عنده رضعه شلوووووون ؟

 

[om_7amny 85]

رد : تـجـمـع لمحبي الرضاعة الطبيعية

بنات هل حبوب منع الحمل ألي مع الرضاعه خفيفه و يصير عليها حمل ؟؟

 

[MiSs_PiNkOz]

بنات صارلي جم يوم مارضع بنتي عدل يعني يمكن مره وحده باليوم وحاسه انه واااااايد حليبي قل وقاعد يختفي

وضايق خلقي مادري شسوي تتوقعون اذا شربت حبه حلوه وشومر يزيد؟؟؟

 

[MiSs_PiNkOz]

وبغيت اسأل اذا نفسيتي تعبانه ورضعت بنتي يأثر عليها او يضرها ؟؟

 

[MiSs_PiNkOz]

بناات انتوا ترضعون طبيعي ولا لأ؟؟؟

 

[MiSs_PiNkOz]

يووووه كتبت اللي فوق بالغلط خخخخ

 

[om_7amny 85]

رد : تـجـمـع لمحبي الرضاعة الطبيعية

مادري اذا الحبه الحلوه تزيد من الحليب او لا
بس كل ما كثرتى من الرضاعه كل ما زاد الحليب
و اذا تقدرين سحبي بالمكينه و حفظي حق البيبي
انا اكل بقل (البصل الأخضر) و اشرب ماي وااااااااااااااااايد و حليب كامل الدسم
ركزي على الأجبان و الروب و كل مشتقات الحليب
و الخضروات و الرطب

 

[arnoba15]

قوه عسولات انا قاعده الحين اشفط حليب حق بنتي بس مادري مايطلع وايد يمكن بس لي ال50 وهذا من صدي اليمين اما صدري اليسار مايطلع وايد كلش مادري ليش مع ان احط الشفاط عدل بس حبيت اعرف المفروض اشكثر لي اي رقم وانا الحين بنتي عمرها 3 اشهر معقوله حليبي شوي لي هالدرجه ؟؟؟؟

 

[MiSs_PiNkOz]

رد: رد : تـجـمـع لمحبي الرضاعة الطبيعية

مادري اذا الحبه الحلوه تزيد من الحليب او لا
بس كل ما كثرتى من الرضاعه كل ما زاد الحليب
و اذا تقدرين سحبي بالمكينه و حفظي حق البيبي
انا اكل بقل (البصل الأخضر) و اشرب ماي وااااااااااااااااايد و حليب كامل الدسم
ركزي على الأجبان و الروب و كل مشتقات الحليب
و الخضروات و الرطب

اي اشفط لها واشربها بس الشفط ايبط الجبد يطول او اني ماعرف اشفط عدل

لوووول عاد اذا كليت بقل اتوقع ريلي ينحاش مني خخخ

اي انا قبل كنت اكل بس صارلي يومين مالي نفس اكل يعني خرابيط ويمكن من جذي قل حليبي ولاني بعد

ماارضع عدل

وتسلمين ياقلبي بجرب الروب والرطب