شركات تاجير الممرضات من جربهم ؟

[انثى جديده]

السلام عليكم ورحمة الله وبركاته
خواتي اكيد سمعتوا عن الشركات اللي عندها ممرضات ويجون للبيت
انا راح اولد عمليه قيصريه بإذن الله ففكرت اني بدل ما اولد في الخاص وادفع الف واكثر
اولد في الحكومه واجيب ممرضة تقعد عندي وتجابل المولود وتشيله عني
فشرايكم فيهم وكم اسعارهم وهل ينامون عندي في المستشفى اذا طلبت منهم
وشلون نفسياتهم وتعاملهم معكم وهل يعرفون للعنايه بالولاده القيصريه ؟

 

[bluegg]

ما عرف شي عن الموضوع وانشالله البنات يفيدونج وكلنا نستفيد
والله يقومج بالسلامة

 

[" غـادهـ "]

رد : شركات تاجير الممرضات من جربهم ؟

.

آنا خآلتي كآنت تتعامل معآهم
ليش لآن عندهآ معآق آلله يحفظه يآرب
من آلصبح ليمآ آلعصر ..
وعلى فكره ترى يوميتهم مو هينه غاليه
آلآفضل ولدي بخآص وريحي عمرج !!
عسى ربي يهون عليج ويقومج بآلسلآمه

.

 

[LiL MaMa]

رد : شركات تاجير الممرضات من جربهم ؟

انا اللي اعرفه انهم ايون البيت
بس ما ادري اذا ايون المستشفى

و ترى غاليين اسعارهم مو هينه

اوولدي بخاص واايد احسن

 

[انثى جديده]

رد : شركات تاجير الممرضات من جربهم ؟

مشكورين على الردود
والله يعطيكم العافيه

 

[متجددة]

السلام عليكم
اختى اولا الله يهون عليج الولاده انشالله وبخصوص سؤالج :
انا ولدت قيصريه وجبت ممرضه تعتنى بالطفل بس صراحه ريحونى حيل الممرضات وياليتنى ادرى من زمان عنهم جان ماقطيتلى فوق الالف على الخاص .
لان المستشفى حدج بتقعدين فيه ليالى وان طلعتى وانتى مسويه عمليه حيل بتبهدلين وتتعبين خصوصا اذا ماعندج احد يساعدج مثل حالتى انا منفسه فى بيتى وتعبت حيل اول الايام وجزاها خير وحده قالتلى جيبى ممرضه ع الأقل تعتنى بالبيبى وتريحج .
نظام الممرضات تجى 12 ساعه انتى تختارينها . انا مثلا كانت وحده تجينى 8 الصبح وتروح 8 بلليل . وتجى وحده غيرها 8 بلليل لى 8 الصبح . ومن ارتحت 3 ايام قمت عاد اجيب بس وحده . اجيبها 8 بلليل وتروح 8 الصبح .لان فترة الصبح خدامتى تساعدنى وبالليل النيرس عندى لحد ما اشيل عمرى ويلتام الخياط .
وفعلا اختى ترا غاللين الوحده تاخذ بالشفت 10 دنانير . بس والله مو حسافه على الاقل تروحين تنامين والطفل بايد امينه ماتخافين عليه .

 

[الشامريه]

متجدده حطي الرقم الله لايهينج

 

[*ريما*]

رد : شركات تاجير الممرضات من جربهم ؟

رفع

 

[حورية آلكويت]

نبي الارقام

 

[:: Diva ::]

طق عصي عليهم ماراح تلاقين قبل
كان السعر حلو و متوفر
الحين اقل شي على الشفت بالشهر 300

و اذا تبين شفتين عند ارخص شركه ب 600
امممم صارت تجاره الحين

 

[قلبي القرآن]

رد : شركات تاجير الممرضات من جربهم ؟

انا خذيت ممرضه من شركة العيسى اتهبل
وريحتني حيل وفاهمين خذيتها من 7 بالليل لي 7 الصبح
12 ساااعه بفترة النفاس لأن انا كنت بالجامعه ادرس ومحتاجه لوحده تساعدني
وبنتي والدتها بالشهر الثامن ومحتاجه احد يجابلها لأنها ماترضع عدل اطول بالرضاعه
وكانت خدامتي وامي يمسكونها من الصبح لي الليل
والحمدلله صج ريحتني وخليت خدامتي اتعلم منها شلون ترضعها وتغير حفاضتها
واتسبحها صج انفعتني وريحتني

 

[انثى جديده]

رد : شركات تاجير الممرضات من جربهم ؟

طيب شنو احسن شركه اطلب منهم
واهم شيء تكون حنووووونه على البيبي
وشنو جنسية الممرضات

 

[قلبي القرآن]

رد : شركات تاجير الممرضات من جربهم ؟

انا اللي اعرفه احسن شركة العيسى
والممرضه اللي كانت عندي هنديه وصج حنوونه

 

[شوقي وغلاي]

رد: رد : شركات تاجير الممرضات من جربهم ؟

انا اللي اعرفه احسن شركة العيسى
والممرضه اللي كانت عندي هنديه وصج حنوونه

كم خذوا منج ؟ وكم رقم الشركة ؟ الله يجزاج الف خير انتي وصاحبة الموضوع وكل وحدة كتبت افادتها .....

 

[أبرار بن فهد]

رد : شركات تاجير الممرضات من جربهم ؟

شركة مشعل وايد زينه وياخذون على الشفت من 7 الصبح لمن 7 بليل او العكس11 دينار السيلانيه و الفلبينيه 12 دينار واذا تبين رقمهم هذا رقمهم 24588216 او 24588217

 

[super star]

رد : شركات تاجير الممرضات من جربهم ؟

جزاكم الله خير

 

[قلبي القرآن]

رد : رد: رد : شركات تاجير الممرضات من جربهم ؟

كم خذوا منج ؟ وكم رقم الشركة ؟ الله يجزاج الف خير انتي وصاحبة الموضوع وكل وحدة كتبت افادتها .....

هلا حبيبتي هذا رقمهم 24345111
والصراحه مادري ناسيه سعرهم ماكوو ذاكره :eh_s(4):
بس على ما أظن اذا تبينها بالأيام اليوم 14 دينار واذا شهر واكثر 12 دينار
واحسن دقي عليهم وتأكدي