صباح \ مساء الخير
من زمان والله ودي أنزل هالموضوع بس كنت انتظر النتيجه النهائيه للتجربه ..
البدايه كانت شهر 7 -2010 .. من خمس شهور بالضبط رحت لعياده جلديه
علشان اخذ ابر ميزوثيرابي لشعري .. وشعري ولله الحمد بشكل عام زين طويل
وكثيف ونعومته وسط بس مشكلتي في المنطقه الأماميه من الراس شعرها خفيف
عن باجي شعري .. وانا وجهي مايصلح بدون قذله فــ لما أقص القذله تبين خفيفه
ويصير فرق بينها وبين باجي شعري .. طبعا جربت خلطات وكريمات وزيوت
وللأمانه زيت الثوم ( زيت منقوع فيه فصوص ثوم كنت اخذه من عطار ) نفعني
وايد بس ماستمريت عليه اكثر من شهرين ماتحملت ريحته ابد ..
قبل لا ابدا اتكلم عن العلاج بقولكم عن جم زيت استخدمتهم ولاحظت لهم نتيجه وهذي
الزيوت عن تجربتي الشخصيه معاهم .. وترا انا شعري شوي جاف بس لله الحمد طويل وكثيف
زيت السمسم = يطري وينعم الشعر
زيت الميرميه = يسود الشعر للي فيهم شيب
زيت اللوز = يطري ويطول الشعر
زيت الجرجير + الخروع = يكثف الشعر
زيت أم الجدايل \وادي النحل = يطول الشعر بسرررعه
زيت الثوم = يكثف الشعر وينبته للي تتحمل ريحته
زيت الزيتون اللي بالقوطي الاخضر = يطول الشعر
وللأمانه الزيوت نوعين :
زيوت حااااره مثل زيت الزيتون والجرجير
وزيوت بااارده مثل زيت اللوز والسمسم
لازم تخلطينهم بكميه متساويه .. يعني ماينفع تحطين زيوت حاره بروحها
على شعرج .. بتصير حاميه عليه وتحرقه .. ولا ينفع تحطين زيوت بارده
ماراح يكون لها التأثير المطلوب .. علشان جذي تشوفين الزيت اللي تبين
وتضيفين له زيت بارد او حار بكميه متساويه ..
والحين بتكلم عن تجربتي مع الميزوثيرابي .. وبدون ذكر اسم العياده علشان
لا أحد يقول دعايه لمكان معين .. في البدايه لما بديت العلاج كان شعري يتساقط
من قلب فــ كان هدفي وقف التساقط وانبات الشعر للمنطقه الأماميه .. وطبعا الدكتور
عطاني ادويه امشي عليها مع أبر الميزوثيرابي كورس كامل 6 جلسات كل اسبوع
جلسه .. وانا كنت اروح كل اسبوعين .. ووقفت شوي برمضان ورجعت كملت
وتالي زدت من عندي جلستين .. والجلسه ضمن الكورس بــ 20 دينار وخارج
الكورس بــ 25 .. والدكتور وصف لي التالي :
اول شي الشامبو اسمه Anagen سعره فوق 6 دنانير ومكتوب في موقعهم انه يقوي
الشعره من الداخل ويعالج الشعر الخفيف المتكسر .. تقييمي له 50 % .. حسيته شامبو
عاااااادي جداااااا وينشف الشعر وميزته الوحيده ريحته قرفه واااايد حلوه
ثاني شي حبوب الترا هير فورس سعرها فوق الــ 8 دنانير Ultra hair force
مكتوب في موقعهم انها مكملات غذائيه للشعر ومكوناتها كلها فيتامينات .. تقييمي لها
80% وقفت تساقط شعري + ما ماتنتني + ماطلعت لي شعر بباجي جسمي ولله الحمد
مكتوب في موقعهم انها مكملات غذائيه للشعر ومكوناتها كلها فيتامينات .. تقييمي لها
80% وقفت تساقط شعري + ما ماتنتني + ماطلعت لي شعر بباجي جسمي ولله الحمد
ثالث شي كان امبولات كاستاليا Castalia lavilon Ampoule وهي عباره عن علبه
فيها 12 امبوله كل وحده 5 ملي .. وسعر الكرتونه اظن 22 دينار وماني ذاكره بالضبط
وتققيمي لها 60 % ماحسيتها نفعت ولا ضرت عادي بس جففت شعري وايد ,وهي حسب
فيها 12 امبوله كل وحده 5 ملي .. وسعر الكرتونه اظن 22 دينار وماني ذاكره بالضبط
وتققيمي لها 60 % ماحسيتها نفعت ولا ضرت عادي بس جففت شعري وايد ,وهي حسب
موقعهم لتساقط الشعر وصناعتها فرنسيه
واخر شي Revivogen وحسب الموقع هو يعالج مشكلة الشعر من الجذور ويقويها
وينبتها بشكل قوي سعره حسب ما اذكر 35 دينار ..
تققيمي له 80 % بشكل عام حسيت انه المنتج جيد وافضل من اللي قبله بمراحل
في النهايه .. اللي طلعت فيه :
1- وقف التساقط بشكل شبه كامل تقريبا 90 %
2- ما فادني من ناحيه انبات الشعر ابدا يعني من هالناحيه 0%
3- لاتشترون من الصيدليات التابعه للعيادات اسعارهم مبالغ فيها
4- لاتشترين كل شي يقول عليه الدكتور والسلام .. ليش يصرف
لي نوعين امبولات ؟
5- لاتستخدمين اكثر من منتج مع بعض ماراح تعرفين ايهم اللي فادج صج
6- اسألي عن افضل الممرضات لأني جربت ممرضتين وحده بالبدايه وكنت
اظنها زينه بس لما جربت الهنديه تالي طلع فرررررق بينهم
وبس .. تحياتي للجميع :eh_s(7)::eh_s(7)::eh_s(7):
1- وقف التساقط بشكل شبه كامل تقريبا 90 %
2- ما فادني من ناحيه انبات الشعر ابدا يعني من هالناحيه 0%
3- لاتشترون من الصيدليات التابعه للعيادات اسعارهم مبالغ فيها
4- لاتشترين كل شي يقول عليه الدكتور والسلام .. ليش يصرف
لي نوعين امبولات ؟
5- لاتستخدمين اكثر من منتج مع بعض ماراح تعرفين ايهم اللي فادج صج
6- اسألي عن افضل الممرضات لأني جربت ممرضتين وحده بالبدايه وكنت
اظنها زينه بس لما جربت الهنديه تالي طلع فرررررق بينهم
وبس .. تحياتي للجميع :eh_s(7)::eh_s(7)::eh_s(7):
