السلام عليكم
بنات ودي افضفض اللي بقلبي كلة لو ما اطلع اللي بقلبي يمكن يصير فيني شي
(((((((((((رجا ابوس على راسك يالمشرفات لاتنقلون موضوعي لان هنا امهات واغلبهم كبار وفاهمات ))))
انا كنت مسجلة وعضوة في المنتدى بس من الاصل مشاركاتي قليلة وسويت فورمات للجهاز ونسيت كلمة السر والمهم سجلت بنك جديد
سالفتي ماتنتهي لو مليت كل المنتدى بالسطور
انا بنت عمري17عام
اخواني واخواتي 4
الكبير وهو اصغر مني عمره14 الله يرحمة
واختي اللي اصغر منة 12
واللي اصغر 9
والولد الصغير 5
الموت غيب امي وابوي واخوي الكبير عبادي 14سنة في حادث سيارة وهم مسافرين
طبعا ماقدر اوصف حالتنا بذي اللحظة احس الدنيا صارت تافهه وتمنيت لو لحقت بامي وابوي وماشفت اللي جانا بعدهم
انا البنت الكبيرة17 حاولت اصبر اخواتي الثنتين واخوي الصغير 5سنوات وكان عمرة اربع سنوات لما توفو امي وابوي واخوي الكبير
حسيت الدنيا كلها بعينيي قطعه ظلام
وماحد يحس بالمصيبة الا اللي وقع فيهاا
عانيت وعانيت مع اخواتي وخاصة انو ماصار لنا احد بهالدنيا يعني بقينا حنا البنات واخوي الصغير
ماعندنا خالات وعماتي واعمامي عندهم مشاكل مع ابوي وكل واحد منهم عنده مشكلة مع الثاني والسبب الورثة من ابوهم
المهم عمي الكبير اظطر اننا نجلس عنده لان ماصار لنا احد نهائي بالدنيا
وقال اسمعي يافلانة( يتكلم معي) والله لو مو كلام الناس كان مكانكم بالشارع
والله عيوني تورمت من كثرة البكي وخاصة معاملة عمي وزوجتة معنا
اول شهر وثان شهر زوجة عمي طيبة بس بعدين صارت تضرب باخواتي وتسبنا وتلعن امي وعمي عادي عنده
بنات قبل اربعه ايام اخذت اخواتي وطلعنا فوق السطوح حتى يرتاحو مننا شوي احس عبء عليهم في البيت
تخيلو حتى لو احتجت شي ما اطلب واخواتي لو احتاجو شي اقولهم لاتتكلمون
بنات امانة امانة امانة الان وانتو تقراون الموضوع احمدو ربكم على نعمة الام والاب والله هم نعمه
حنا نذلينا وعشنا حياة ذليلة بعدهم حتى الدمعه بعيني مظلومة ما احب ابينها حتى ماتشمت فينا زوجة عمي
تخيلو اذا بتناديني ماتقولي يافلانة لالا تقولي يابنت الحولة <<<<<<<امي فيها شوي حول بعينها بس مو واضحة حيل
وحتى تنادي خواتي كذا
وكل يوم وقت الاكل تقعد تتكلم كلام ماصخ واللة يابنات لي اربع ايام ما اكل زين بس اقعد معهم على الاكل واللقمة واقفه بنص حلقي واقوم
وخواتي ياقلبي عليهم ياكلون ومايسمعون لكلامها
كلة تقول ميزانيتنا انتهت والسبة منكم؛ كنا نطبخ شوي الحين لازم اطبخ واتعب نفسي عشان عيال الحوله
بنات تعبت نفسيتي حتى بالمدرسة كسولة وما اركز
اتمنى اضم قبر امي واشكي لها حالي
والله ورب الكعبة الام نعهم بالدنيا
لو من اليوم ليوم القيامة نشكر الله ماوفينا حقهااا
بنات حتى اخوي الصغير 5سنوات يقول خلاص نادي ماما تعبنا هنا بيت عمي ياقلبي عليةيحسبها ترجع
بنات الكلام كثير وماحب اطفشكم بس اذا ماعندكم مانع بقولكم سالفه عرسي اللي بعد شهر :krkrkr::krkrkr:
واذا مليتو خلاص ما اقولهااا
بنات لا اوصيكم على امهاتكم وابهاتكم
