عرايس شنو شعوركم بعد الملجة...؟؟

[miss galaxy]

عراااااااااااااايس
من 4 ايام تقريبا كانت ملجتي
وبصراحه حاسه بخوف مو طبيعي وصابتني حاله ارق ماأناام ولوووعه وكل وقتي ابجي وخايفه مووووووووت
من شنو مو عارفه وقلبي يدق بسرعه وتصيبني حاله رجفه

ومرات تجيني وساوس اكنسل الموضوع



علما اني حيااااااااااااااااااويه واستحي من حتى من نفسي

انتم شنووووووو شعوركم بعد الملجه

في احد مثلي ؟؟


وشنوووووووو كان شعوركم بعد الملجه؟

 

[You FOR Me Only]

انا بعد وقبل الملجه كنت اقول ليش بلشت نفسي خخخخخخخ اتوقع وساوس من الشيطااااان

اقري قرآن وتعوذي من ابليس ،، للعلم انا نفسج وااايد استحي واخاف من كل شي بس الحمدلله كله اتعوذ من ابليس واقرا المعوذات والحين احس اشوي ارتحت

 

[Black Diamond]

حبيبتي بعد الملجه انتي تعتبرين متزوجه فتعوذي من الشيطان اللي يوسوسلج بسالفة انج تكنسلين

وبالعكي استانسي ايام الملجه وايد حلوه وراح تعجبج انشالله

 

[مدام زيزو]

رد : عرايس شنو شعوركم بعد الملجة...؟؟

انتي تطلعين معاه والا لا

 

[miss galaxy]

رد : رد: عرايس شنو شعوركم بعد الملجة...؟؟

انا بعد وقبل الملجه كنت اقول ليش بلشت نفسي خخخخخخخ اتوقع وساوس من الشيطااااان

اقري قرآن وتعوذي من ابليس ،، للعلم انا نفسج وااايد استحي واخاف من كل شي بس الحمدلله كله اتعوذ من ابليس واقرا المعوذات والحين احس اشوي ارتحت

:68_asmilies-com:

وانا بعد للحيني اقول ياااااااااااربي ليش بلشت نفسي انا ويني وين هل السوالف مو لي

والله يزيح عنا هل الوساوس ويسهل امووووووووووورنا يااااااااااااااااااااارب

 

[واقعية حـلـم !]

بنات توقعت القى شعوركم فرحه اشفيكم قلبتوها محزنه


انا ما ملجت بس لما اتخيل الوضع احس بارتباك و فرحه


الله يوفقكم و يتمم لكم على خير

 

[((نبض الغلا))]

رد : عرايس شنو شعوركم بعد الملجة...؟؟

انا صراحة كان الوضع عااادي .. ما كنت مستوعبة الموضوع >> علما بأني للحين مو مستوعبة إني على ذمة شخص ما ؟؟

 

[You FOR Me Only]

نبض الغلا


خخخخ حتى انا مثلج للحين مو مستوعبه اني متزوجه احس حلم خصوصا ان زوجي من بلد ثاني فماشوفه كل مره خخخ

 

[MzMzq8]

رد : عرايس شنو شعوركم بعد الملجة...؟؟

مثلج انا للحين والله هالاحساس بس يمكن عشان نحاتي

 

[PO PO22]

لا عادي انا بعد الملجه مااصرت اكل ولايعه جبدي والحين خاايفه لانه قرب

الله يسعدناا ويتمم علي خيييير يارب

 

[سارة ة]

عاادي
ماكو شعور محدد

 

[كلنا نحب الكويت]

الله يسهل أمورج حبيبتي
وألف مبروك

 

[لؤلؤة الكويتْ]

-


آمممم
مآحس إني مملجه !
ومو مستوعبه لأن أحس نفسي حيل صغيره ووهقت عمممري ههههههه

ومآ أستوعب إني إملجه إلآ لمآ تضغطني بنت خآلي ولآ جآبو طآري العرس ..!

 

[زيــن المـهـا]

رد : عرايس شنو شعوركم بعد الملجة...؟؟

والله ضيقتوا خلقي

​

 

[أم*سلمان]

الله يوفقكم

 

[مذهــلــه]

عادي حبوبة شعور جدااااااااا طبيعي

أنا صارلي جريب ال3 شهور وللحين حاسة اني مو مستوعبة اني على ذمة ريال

وحيل استحي منه اذا شفته والا كلمته مع ان يكون في بالي وايد اشياء واسئلة بس حياوية شسوي مالت عالبامية

بس صدقيني مع الوقت راح تحبينه وباجر نذكرج ))

وان شاء الله مع الوقت الله يألف بين قلوبكم

بس اقري على نفسج وتحصني بالمعوذات والقرآن دايم

وربي يحفظج ويحفظنا معاج

 

[ام شووووق]

رد : عرايس شنو شعوركم بعد الملجة...؟؟

وناااااااااسه واحلى شعور

 

[الـزين و الجـود]

رد : عرايس شنو شعوركم بعد الملجة...؟؟

احساسج طبيعي ولا تحاتيين :friends:
انا بجيت بجي لا صار ولا تسوى >> اقول ليش وافقت تقمصت دور اني بروح اخلي اهلي يوم الملجه اطالع كبتي وابجي واطالع سرير واطالع غرفتي كانت عفسه >> واقول باجر ماراح تصير عفسه هييييييييييك وابجي >> اللي يشوفني يقول بتودع مو ملجتها اليوم وما نمت الا الفجر اذكر ..:nocommint:

 

[تنآهيد ..~]

حبوبـه شعورج طبيعي كلنآ مرينآ فيـه
عن نفسي بجيت بجي جنه أحد متوفي لي أستغفر الله
ومآكنت لآ أنـآم ولآ آكل وعآيشه بـ خوف مو طبيعي وكآن مخي مشوش
بس الحين الوضع عآآدي بس للحين أحس مو مستوعبـه إني ملجت وإني بتزوج :$
علماً إني مملجه صآرلي شهرين بس . .

كلهآ جم يـوم وترتآحين وبتضحكين ع نفسج

 

[~Unreachable]

انا قبل الملجه باربع ايام بس ابجي على اتفه شي

يننت اهلي و رفيجاتي معاي

و بعد الملجه ماكو شعور من الصدمه لوول

صارلي تقريبا ٣ اسابيع و ما استوعب اني متزوجه الا اذا طلعت وياه :$

و ان شالله لي العرس اكون متعوده عليه و ما اتوتر و لا ابطلها مناحه خخخ