انا من زماااااااان ادور على احد متخصص يسااعدني ... الله يوووووووووفقج يااارب ...
عندي كم شغله واقفه عندي ماني عارفه اكمل تكفيين ساااااااااعدينييييييييي
1- عندي غرفه نوم 4*4 فيها بس سرير و 2 كومودينو واحسها فااااااااضيه و بنفس الوقت مو عارفه شنو احط فيها ! مع العلم ان غرفه الملابس مع التسريحه بغرفه ثانيه .. يعني شنو اقتراحج احط ؟ ولون الجدران اوف وايت والستاره بيج ساده .. ودي احط فينيل بالارض على شكل خشب (لاني بشقة ايجار) ابي اقل تكلفه ..
2- عندي مدخل الشقه مفتوح على طول على الصاله يعني مافي مدخل .. وفيه مساحه صغيره شلون استغلها واسويها مثل مدخل ؟؟
3- عندي طاوله التلفزيون لونها اسود زجاج وعليها التلفزيون ممكن احط فوق التلفزيون رف خشب اسود ؟ والا ماينفع شكله ؟
ومشكوووووووووره
مشكورة حبيبتي ويوفقج ان شالله
1- إذا تحسين انها فاضة الاكسسوارات اهي اللي تضيف لمسات حلوة، مثلا تحتاجين أبجورتين فوق الكومدينو وفوق الفراش ممكن لوحة بالعرض، واذا الأرضية سيراميك أو رخام ومو حاطة زولية، حطي زولية صغيرة.. أما بالنسبة للألوان انتي على حسب ذوقج لأن ماكو شي يقيدج إذا الطوفة اوف وايت، وممكن تحطين مفارش مطرزة تحت الأبجورتين وشوفي الفرق وممكن على جوانب الفراش اذا ما تبين أبجورات تقدرين تحطين أبليكات (أبجورة حائط) بس تحتاج تمديدات كهربائي
2- المداخل عادة تبين من قصتها وبما ان مدخللج مع الصالة تقدرين تحطين كونسول عاليمين او اليسار حسب المكان الفاضي بس من غير طاولة، بس مرايا، وأصيصات الزرع تغير الغرفة وايـــــد بشكل ما تتخيلين
3- الرف اللي فوق التلفزيون ماله أي لزوم وإذا انتي محتاجة مساحة للتخزين، تحت الطاولة مالت التلفزيون أو عالجوانب عمودين وحطي فيهم اللي تبين بس فوق التلفزيون لا تحطين أي شي
وحياج
مشكووووووووره الله ينوور عليج مثل مانورتيني .... :eh_s(17):
1- غرفه النوم لو احط الارضيه فينيل الخشبي مايطلع حلو ويغير من الفراغ اللي بالغرفه ؟ والستاره هل محتاجه تغيير لـ لون ثاني ؟ ولون الابجورات شنو افضل لون ؟ ولون الزوليه ؟؟
2- المدخل تنصحيني احط بارتشن يفصل الصاله عن المدخل ؟ فيه افكار لمداخل المودرن ؟؟
3- التلفزيون لا والله الرف مالي حاجه فيه بس لان الجدار اللي فيه التلفزيون فاضي وفوق التلفزيون وايد فراااغ، شلون املي الفراغ ؟ مع العلم ان كنب الصاله فضي و رصاصي مع رمادي على شكل حرف L مودرن التصميم وطاولتين بالزوايا من الزجاج مدورين وبالنص طاوله من زجاج مستطيله.. شنو تنصحيني بلون الزوليه للصاله ؟ ولون الابجورات ؟ ولو بحط لوح بالجدار اللي خلف الكنب عندي لون محدد او اي لون ؟؟ (( ساعديني بليززز بالالوان ))
ممكن احط زرع بالصاله ؟؟ اللي نفس مالوت ايكيا الاحواض اللي لونها بيج و ابيض !!
(( ممكن اضافه رفوف بالجدران الفاضيه بالصاله عشان لو بحط براويز صور ؟؟ ))
واسفه اذا ثقلت عليج
1- اللون الخشبي وايد حلو بس لا تحطين البني الغامج لأن المساحة صغيرة، أما بالنسبة حق الستارة ما أعتقد ضروري تغيرينها.. خليها نفسها ولعبي بالأثاث
2- البارتيشن وظيفته مؤقته، يعني مو حلو في صالتج يكون موجود بصفة دائمة ويومية واذا ودج شي مودرن جربي زجاج منقوش أو ضرب رمل بحيث الواحد اول ما يدش ما يشوف الصالة على طول
3- بالنسبة للألون: الزولية ممكن تكون مقلمة أو على ورود كبار (تلقين بالضجيج) بالفستقي والفوشي والأزرق مثلا بحيث تكون الأرضية فاتحة وفيها جم خط من هالألوان.. حتى لو فيها برتقالي هم حلو، والأبجورات تقدرين تلقين بالضبط نفس ألوان الزولية عند هوم سنتر لأن أو صفاة الغانم.. أما اللوحة مو ضروري تكون ألوانها بالضبط نفس الباجي بس حرصي انها تكون من غير اطار او الاطار السلفر الضعيف
في الزوايا أحلى شي أصيصات الزرع ونصيحة لا تحطين طبيعي لأن في الأماكن المغلقة واللي ما يحوشها شمس يموت بسرعة، روحي عند الحديقة الملكية في الشويخ (جدام صفاة الغانم بالشارع الداخلي) راح تلقين عنده أشياء وايـــــــد حلوة وماراح تصدقين ان صناعي وأعتقد الحين عندهم خصم..
وإذا عندج فراغات بالطوفة تقدرين تحطين أرفف بأشكال معينة انتي ترتبينهم بكيفج وتحطين اطارات صور فضية (تلقين عند the one بالمارينا) أو بيضة..
أتمنى تطلع صالتج حلوة ونبي النتيجة
