تـمـنـى الخـيـــر (مشروع تجاري بطابع إنساني)

[<miss botamba>]

الســـــلامـ عــــليــــكمـ و رحــــمهـ الله و بـــركـــاتـهـ


اليوم مو مثل ماتعودتوا على مواضيعي كلها مطاعم x مطاعم


اليوم بوريكم مكان امس زرته من بعد ما شفته على قناة الوطن و خصوصا في برنامج نوف االمضيان Spot Light





تمنى الخير: اسم غريب بالنسبه لمحل .. شنو اهوا المحل؟ و ليش سموه هالاسم؟

طبعا انا قبل ما اروح المحل ماكنت اعرف شالسالفه مجرد اني شفت اللقاء مع احد ملاك المحل عجبني ستايل المحل و البضاعه وعزمت اروح ..


لمن رجعت البيت من بعد زيارتي رجعت للعم قوقل الله يطول بعمره و فادني بمقاله صادرتها وكاله كونا .. وبما اني ذكرت كونا احب انوه ان العنوان مأخوذ من المقاله الاصليه المصدره من قبلهم



تمنى الخير محل انيق موجود في سوق الخضار و السمج الموجود في سوق شرق .. له طابع ريفي جميل

البضاعه الموجوده عندهم متنوعه مابين انتاج خاص من قبل مزرعتهم الموجوده بالوفره (مزرعه ياسمين) ومابين منتجات تم استيرادها من دول متعدده و منتقاه بعنايه ..

طبعا بالبدايه المشروع يهدف لطرح بضاعه صحيه بالسوق خاليه من المبيدات الحشريه و الاصباغ الصناعيه ويهدف المشروع ايضا ويسعى للحد من امراض العصر الحديث و اهما السرطان (الله يكافينا معاكم شره) و ايضا المشروع له طابعه الانساني من خلال تخصيص جزء لريع امراض السرطان وعلاجها جزاهم الله عليه كل خير ان شاء الله ..

المنتجات الموجوه بالمحل متنوعه بدءا من البيض الي يتم انتاجه عن طريق دجاج يتم تربيته او اعلافه طبيعيا .. بالكويتي الديايه عندهم مهدوده بالمزرعه تاكل من اي مكان تبيه مو محكوره باقفاص والعلف كله طبيعي فالبيض المنتج عندهم يتميز بان حجمه صغير نسبيا مقارنه بالبيض العادي بس من داخل البيضه نفسها تكون واايد غنيه بقيمتها الغذائيه لان علفها طبيعي ..

عندهم بعد اجار و طرشي و معبوج كله صناعه كويتيه وبدون مواد حافظه وبعد عندهم بهارات يتم تصنيعها من قبل جدتهم ..


غير هذا عندهم اواني الفخار للطبخ واهيا مثل ما متعارف عليه انها اصح طريقه للطبخ بالاضافه للمربى .. طبعا المربى تكون فواكتها مستورده بس تصنيعها بالكويت .. ومن المربيات الي شدتني مربى التين و مربى الطماط ..


ايضا في عندهم الفواكه المجففه و العسل الي اما يكون انتاج الكويت او العسل الطبيعي من اليمن و سويسرا وكذلك عندهم الفلفل المجفف و الماشروم المجفف والبقوليات الي يزرعونها بمزرعتهم .. وعمليه التجفيف تتم اما خلال الشمس او الافران بدون استخدام اي مواد ..

ومن الاشياء المستوره زيت الزيتون قطفه اولى من فلسطين والاردن وايضا يبيعون خلطات زيتون يتم تصنيعها من خلال احد السيدات المتعففات تعاني من حالات ماديه صعبه واهما يساعدونها بالشي هذا ويساعدونها على العمل و تلاقي خلطاتها اقبال قوي من زبائن المحل ...


وعندهم منتجات مصنعه خصيصا لبعض المطاعم وراح تلاقونها بالمحل .. وايضا عندهم قسم يبيع الاجبان و الحليب و اللبنه ..

والحين اخليكم مع الصور ..​

 

[<miss botamba>]

مشترياتي من المحل:​

اللبنه حاامضه و فيها شوي مروره

المعبوج عجييب

الجبنه ماالحه


وللمعلومات و الاستفسار ..

 

[{هتًان}]

رد : تـمـنـى الخـيـــر (مشروع تجاري بطابع إنساني)

عاد انا واخوي نطالع التقرير ومتشفقين نعرف وين موقع المحل

ماقصرتــــي

 

[krkooora]

وااااااااااااو حده شي شي
اول مرة اعرفه
وبرنامج نوف متى يطلع
؟؟
عجبني المحل
بس حسافه ماتمدحين اجبانه ؟؟؟
يعطيج العافيه موضوع مميز

 

[<miss botamba>]

رد: رد : تـمـنـى الخـيـــر (مشروع تجاري بطابع إنساني)

عاد انا واخوي نطالع التقرير ومتشفقين نعرف وين موقع المحل

ماقصرتــــي

الله يعافيج يالغاليه :33_1185028183:

 

[<miss botamba>]

وااااااااااااو حده شي شي
اول مرة اعرفه
وبرنامج نوف متى يطلع
؟؟
عجبني المحل
بس حسافه ماتمدحين اجبانه ؟؟؟
يعطيج العافيه موضوع مميز

هلا بالحب كركر

برنامج نوف جنه يوم اليمعه بس not sure

المهم طرشت مسج حق نوف بالتويتر وان شاء الله ماتعطيني skip :wqedqw:

اذا ردت علي اقولج

الجبن امم مو خايس مره وحده مادري يمكن ليش علشان مافيه مواد حافظه فيكثرون الملح .. يجوز !!

واللبنه حلوه بس هم مادري ليش فيها مروره .. قلت حق امي خل نخليها جم يووم نشوف شسوي الله عليها

والجبنه امي امس نقعت قطعه بماي وخلتها ليله بالثلاجه اذوقها وهم اعطيج ال update

بس روحي المحل شوفيه يونس


و :e3: على المرور


;**

 

[shmoo5 2ntha]

رد : تـمـنـى الخـيـــر (مشروع تجاري بطابع إنساني)

شغل عدل مدل

يبيله نزوره

خووووووووووووووووووووووووووووووووش تقرير

ماقصرتي حبوبه وعليج بالعافيه

 

[<miss botamba>]

رد: رد : تـمـنـى الخـيـــر (مشروع تجاري بطابع إنساني)

شغل عدل مدل

يبيله نزوره

خووووووووووووووووووووووووووووووووش تقرير

ماقصرتي حبوبه وعليج بالعافيه

الله يعافيج ومشكوره على الطله :hjy5jewf:

 

[** باربي **]

خووش مشرووع الله يكثر من هالمشاريع الانسانية ويعطي اصحابها والمشاركين فيها الخير

يسلموو موضوعج مميز يماااي ريحة المعبوج هههه

 

[summer's day]

رد : تـمـنـى الخـيـــر (مشروع تجاري بطابع إنساني)

يعطيج العافية

 

[Mona Lisa]

رد : تـمـنـى الخـيـــر (مشروع تجاري بطابع إنساني)

مشكوره حبيبتي ما قصرتي الاجبان بس اللي حاطه صورهم ولا فيه غيرهم

 

[قبله الدياحين]

وااااااااو حده يشوق
يعطيج العافيه

 

[.]

خوش فكره ماشاءالله..

بمره ان شاءالله..

عندهم منتجات للبشره غير الصابون ؟؟

ومشكوره..

 

[<miss botamba>]

خووش مشرووع الله يكثر من هالمشاريع الانسانية ويعطي اصحابها والمشاركين فيها الخير

يسلموو موضوعج مميز يماااي ريحة المعبوج هههه

آمـــيــــن :yaaaaaarb:

ومشكوره على المرور ;*

يعطيج العافية

الله يعافيج

مشكوره حبيبتي ما قصرتي الاجبان بس اللي حاطه صورهم ولا فيه غيرهم

العفو ماسوينا شي :eh_s(17):

الصور الي حاطتها تقريبا اهيا الاغلبيه الغالبه

ممكن نفس النوع بس تلاقين بدال حليب بقر يكون حليب غنم او ماعز جذي

وفي جبن معجف مادري اذا موجود له صوره

في لبنه ماعز و لبنه بقر

جذي ..

وااااااااو حده يشوق
يعطيج العافيه

الله يعافيج

خوش فكره ماشاءالله..

بمره ان شاءالله..

عندهم منتجات للبشره غير الصابون ؟؟

ومشكوره..

لا بس هالصابون تقريبا اهوا مشابه لصابون الرقي

وحياج الله ;**

 

[ام خالد 78]

يعطيج العافيه

 

[<miss botamba>]

يعطيج العافيه

الله يعافيج

 

[Red_RoOos]

يعطيج الف عافيه ع التقرير


كنت اطالع البرنامج وشدتني فكره المحل وديكوراته حده يونس

 

[ســــارونه]

كاشكل عجبني

بس كاطعم تقولين مو حلو

بصراحه اهم شي الطعم

مشكوره حبيبتي

 

[كيفي كويتيه~]

رد : تـمـنـى الخـيـــر (مشروع تجاري بطابع إنساني)

يسلمو

 

[Miss McDonald]

رد : تـمـنـى الخـيـــر (مشروع تجاري بطابع إنساني)

.

يعطيج العافيه