بيــــت الحمـــووله ولا شــــقه بـــرووحج ؟؟!!

[أمـ مـحـمـد ــ]

الســــــــــلام عليكم ...

أنا أول مره أكتب موضوع بهالقسم ..
وحبيت آخذ رايكم بشــغله ..
آنا ساكنه بــشقه ومفكرين نــطلع ونــسكن فبيـت حـموولتي ..
ومستغربـه إن في وايد ناس ما يأيدوني ويقولون لي خلــج بعيده بروحج احسن
آنا علاقتي مع أهــل زوجــي الحمدلله زيــنه .. بس خالتي عليها شوي من حركــات تشيش ريلي علي وجذي هههههه

وآنا مو عارفه ليلحين أروح ولا لأ !!
فقــلت انتو اغلبكم مجرب بيت الحموله وإن شاء الله بتفيدووني ..

كل وحده تقولي رايها وراح اخذ راي الاغلبيه وبعين الاعتبار لان لازم هاليومين اقرر وانا مو عارفه شسوي

وســـوري عالطوالـــه​

 

[iLLuMinaTion]

سؤال صعب

 

[روحي زوجي]

رد : بيــــت الحمـــووله ولا شــــقه بـــرووحج ؟؟!!

اقضبي ارضج

شقه بروحج ابرك

خلك بعيد وسالم

 

[ذهب ابيض]

انا اشوف بيت بروحج افضل
ماتكونين متقيده بالحموله
يعني بتلتزمين فيهم
بتضطرين تنزلين كل يوم
تحسسين من بعض الكلام
وشغلات واااجد
بس بروحج تاخذين راحتج اكثر ندتروحين وتردين متى ماتبين
ماكو احد يراقب او يحاسب او يحرش

يعني
هذا رايي

 

[Killer^Girl]

انا كنت نفسج .. بشقه بروحي وبعدين لظروف رديت بيت اهل ريلي
مع انهم الحمدلله وايد زينين وماشفت منهم شي يضرني الحمدلله
بس الوضع بشكل عام ماكان مريح وماكان في خصوصية ابد
والي متعودة انها تكون بشقه بروحها صعب تتأقلم ويا المشاركة

 

[Alia]

شوفي حبيبتي اذا عندكم ظروف فقعدي عندهم بس خلج خفيفة يعني موكل مجابلتهم يعني رسمي واحتفظي دايما بخصوصيتكم تدري ليش قتلج رسمي لانه ذكرتي انه خالتج تشيش ريلج

انا اول ماتزوجت عندهم وبعدين بشقة .. الصراحة راحة نفسية واستفلالية وصرنا غالييين اكثر هههههههههههههههههههه

 

[غلاي غير]

هلا ام محمد شلونج
بقولج شغله انتي قلتيها خالتج لها حركات اتيش زوجج
يعني ان سكنتي معاهم بالطالعه والنازله بتشوفج وبتزيد الحاله
اذا ظروفكم تسمح خلج بعيده احسن ومن زواره لزواره تشوفينهم احسن ومايتدخلون فيج ولا بتربية عيالج

 

[حياتي فراغ]

رد : بيــــت الحمـــووله ولا شــــقه بـــرووحج ؟؟!!

حتى لو كانوا زينين
الافضل انج تنحاشين منهم

 

[أمـ مـحـمـد ــ]

رد : بيــــت الحمـــووله ولا شــــقه بـــرووحج ؟؟!!

محد ايد اروح بيت حمولتي ..
وانا ما سألتكم الا لانكم افهم مني بهالسالفه ..
وماقصرتو كل اللي ردوو

 

[أمـ مـحـمـد ــ]

رد : بيــــت الحمـــووله ولا شــــقه بـــرووحج ؟؟!!

هلا غلاي انا بخير وشكلي بقضب ارضي وانحاش منهم على قولة البــنات
حتى لو انا مالي شغل وطبعي أطوف وما أهتم بس لابد من اني راح اسمع شي يضايقني

 

[ابدا يالغالي مانساك]

رد : رد: بيــــت الحمـــووله ولا شــــقه بـــرووحج ؟؟!!

ايدها فاقضبي ارضج وقعدي بشقتج بعيد المشاااااااكل

انا اشوف بيت بروحج افضل
ماتكونين متقيده بالحموله
يعني بتلتزمين فيهم
بتضطرين تنزلين كل يوم
تحسسين من بعض الكلام
وشغلات واااجد
بس بروحج تاخذين راحتج اكثر ندتروحين وتردين متى ماتبين
ماكو احد يراقب او يحاسب او يحرش

يعني
هذا رايي

 

[@فطفوووطه@]

رد : بيــــت الحمـــووله ولا شــــقه بـــرووحج ؟؟!!

انا اخترت بيت الحموله <<<< اذا كانوا طيبين وكافين خيرهم شرهم

كل شي له مميزات وعيوب

من مميزاتها بالنسبه لي

- انه اذا طلع زوجج تخافين بروحج
- اذا زهقتي على الاقل تنزلين عندهم وتسولفين وتغيرين جو
- لاسمح الله سار فيج شي عالاقل عندج احد وماتخافين
العيوب

انج تاخذين حريتج بروحج ولامن شاف ولامن دري
- تسافرين تطلعين محد درى عنج
وبالاخير الامور هذي ترجع لطبع الحموله وبس

 

[^غلاي أنت^]

حبيبتي شقه بروحج وااااااااااااايد احسن نصيحه وسمعيها مني ..
ما اعتقد في اطيب واحسن من خالتي وعمي وحمواتي وحتى حمواني والله كلهم احسهم اخواني والله الشاهد اذا صارلي شي مع ريلي على طول كلهم معاي من كبيرهم لي صغيرهم ..
بس الخصوصيه حلوه وراح تضطرين لازم تقعدين معاهم طول اليوم وتجاملينهم لو على نفسيتج وراحتج لو كنتي تعبانه مثلا ..
يعني مثلا اذا ما نزلتي ما راح يقولون تعبانه راح يقولون زعلانه من شي او متهاوشه مع ريلها او سمعت شي زعلها منا ..
اذا بتطلعين بتروحين ماراح تقدرين تاخذين راحتج راح تحسين نفسج مراقبه..
اشياء وايد مابي اضايقج فيها .. على فكره انا اول ماتزوجت كنت شقه بروحي وعقب سكنت بيت عمي لمدة 5 سنين وتوني من4 اشهر تقريبا طلعت شقه بروحي .. وبالتوفيق لج حبيبتي..

 

[حرم راشد الماجد]

تم التصويت




شقه بروحي وايد افضل

 

[جذابه بنت ذيابه]

رد : بيــــت الحمـــووله ولا شــــقه بـــرووحج ؟؟!!

شقه بروحج افضل وارريح

 

[لمسه حزن]

رد : بيــــت الحمـــووله ولا شــــقه بـــرووحج ؟؟!!

بيت الحموله

 

[Čut!e Quèéи]

رد : بيــــت الحمـــووله ولا شــــقه بـــرووحج ؟؟!!

انا في بيت حمولتي من 10 سنوات

خالتي تهبل تحبني ولا تضايقني

ولا تشيش ريلي ولا شي اصلا كله تيني وتشتكي لي وتاخذ رايي

بس انتي تقولين انها من النوع الي تشيش اذا سوالف كبيره لا يبا قعدي بشقتج احسن

بروحج حامل وين تقعدين وياهم واهيا كله تشيش ريلج عليج بس اذا قطات صغيره ولا تأثر على العلاقه بينج وبين زوجج وبينها

لا عادي روحي عندها وعذرج حامل عوديهم انج ماتقعدين وياهم وايد الا حزت الغدا والعصاري على الجاي والقهوه

ولا تنسين انج تعاونينها مايصير قاعده عندها ومطنشتها واهم شي المكان مريح

 

[RoWaIsHeDyA]

رد : بيــــت الحمـــووله ولا شــــقه بـــرووحج ؟؟!!

بروحكم احسن بره بيت الحموله

 

[جوري الكويت]

رد : بيــــت الحمـــووله ولا شــــقه بـــرووحج ؟؟!!

خليج بعيده و عزيزه

ما انصحج تردين .. مهما كانوا زينين

اخف تردين تسكنين معاهم و عقب جم شهر تكتبين مو

 

[غــلآ]

رد : بيــــت الحمـــووله ولا شــــقه بـــرووحج ؟؟!!

اهي المساله مو مساله ان علاقتج بحمولتج زينه والا لا


بس حطي في بالج ان حتى بتربيه عيالج راح يصير في تدخل منهم

وغير الشغلات اللي بتنغثين منها

انا اقول شقه بروحج وايد افضل