اقول حق خدامتي ولا ما أقول ؟

[:: Diva ::]

السلام عليكم




بنقل الى شقه يدييده
و هالشقه بتكون في بيت حمولتي
بس منفصله


يعني الياهل بيكون بروحه مع الشغاله
الى ان ارجع من الدوام


و خدامتي دفشه
و هبله

يعني لو اقول لها سوي سيرلاك على ما ابدله
انا اخلص تبديله و تغسيله و ملابسه
و اهي اتييب لي السيرلاك بس يطبخ !!
مغلي

و بتوكله على طول @@
لو الله ما ستر و خلاني اشوفه يبق بق


يعني كلش مو مال مسؤوليه
مره قلت لها باخذ شاور ديري بالج عليه لا تفتحين الدريشه

خشيت روحي ورا الباب ولا الاخت
تبطل الدريشه بعز البرد و تطلع الياهل يعني بتسكته لا يبجي
و اهو توه سابح !!


واي ياربي


و لا اقدر اردها الحين ولا اطلب غيرها
يعني ملزومه اطوف و اتحمل




طبعا الي قلته نقطه ببحر
اهي ودها تخدمه بس ما تعرف شلون
ما تسمع الكلام بس تحاول على كيفها



المهم

بركب كاميرات مراقبه
بالصاله + غرفته + المطبخ

تراقبها الوقت الي ما اكون فيه بالبيت


اخاف ما اقول لها و اكتشف عقب انها طقته والله والله والله
احلف ان ريلي راح يقص ايدها !

لان ذاك اليوم سمع عن سالفة خدامه طاقه بنت صاحبه طراق
و ارتفع ضغطه الا يكسرها !!


و انا بجلط !!
و اكيد باخذ اجازه خاصه و بقعد بالبيت انطر خدامه ثانيه
اعلمها كل شي من اول و يدييد




و اخاف اقولها ان البيت مراقب
و تحاول تطقه او تأذيه او تنزره بعيد عن الكاميرات



مادري انتوا شرايكم ؟
:eh_s(1):

اقول لها اني اراقبها ولا لأ ؟​

 

[دنيتى زوجي M]

اكيد لا حبيبتي انتي بتحطين الكاميرا عشان ولدج وتشوفين شنو تسوي من وراج شلون تقولين لها !!

 

[:: Diva ::]

مادري يمكن ما فهمتي قصدي



اذا بقولها فالقصد وقايه !!
يعني ليش انطرها تطقها علشان اموت و اطقها و اسفرها


و علشان تخترع و تحس اني ما اهدها و عليها مراقبه حتى و انا بالدوام
لاني من يبتها ما هديته معاها بروحهم اكثر من دقايق
شاور و لا ابدل !!





هذا القصد
اقول لها علشان تخترع و تدير بالها عليه



مو احسن

من اني اخليها تطقه و تعوره ؟


يما قلبي بس قلت الكلمه حسيت بيغمى علي

 

[احلى صحبه]

رد : اقول حق خدامتي ولا ما أقول ؟

حبيبي حطي كاميرات بالشقه كلها وقوليلها عشان تخاف وماتقدر تسوي شي وقوليلها انج بتشوفينها من الدوام
بنت خالي مسويه جذي وماشافت من خدامتها شي

 

[:: Diva ::]

رد: رد : اقول حق خدامتي ولا ما أقول ؟

حبيبي حطي كاميرات بالشقه كلها وقوليلها عشان تخاف وماتقدر تسوي شي وقوليلها انج بتشوفينها من الدوام
بنت خالي مسويه جذي وماشافت من خدامتها شي

هذا بالضبط الي اقصده

ابيها تحس اني موجوده و اراقبها في كل شي

مو تستغل اني مو موجوده و تيوعه و لا ما تبدل له

عاد اهي و انا موجوده تهمله

يعني تدري دلاقه مبلول بس ما تبدل له بهالبرد

الا اكتشف انا بالصدفه

 

[أم حمودي**MALL**]

والله مادري شقولج
اللي بسوي شي يسويه مايرده كاميرا ولا مراقبه يعني ماتقدر تتخشش بالحمام وانتي بكرامه
انا من رايي لا تقولين عشان تكتشفينها اذا سوت شي

 

[الفدنه]

لا تقولين لها
لو درت وناويه على اذيته هم بتعرف تاذيه
قلبي عورني من موضوعج
ياربي ...........
ماتقدرين تودينه لامج او خالتج ؟؟

 

[++The DuchesS++]

اول الايام لا تقولين شوفيها احسن عشان نفسيتج ترتاح

 

[نطوووعه]

رد : اقول حق خدامتي ولا ما أقول ؟

انا من رايي خليها تشوف الرياييل واهما يركبون الكامرات وانتي خخمري لا تعلقين اهيا اكيد تشوف و تفهم انها متراقبه بس اذا سئلتج قوليلها الحين شقه بروحنا واخاف احد يدخل علينا بلليل والا اي تاليفه من هالقبيل عشان ماتحس انها اهيا المقصوده من ورى هالكامرات وبس

 

[:: Diva ::]

والله مادري شقولج
اللي بسوي شي يسويه مايرده كاميرا ولا مراقبه يعني ماتقدر تتخشش بالحمام وانتي بكرامه
انا من رايي لا تقولين عشان تكتشفينها اذا سوت شي

يماااا

نسيت الحمام
الي اغسله و اسبحه فيه
صح ..
لو تلته كف هناك و لا تطقه على مقعدته
ما راح ادري
و اهو يا بعد روحي صغير للحين ما يعرف يتكلم ولا يقول

 

[:: Diva ::]

لا تقولين لها
لو درت وناويه على اذيته هم بتعرف تاذيه
قلبي عورني من موضوعج
ياربي ...........
ماتقدرين تودينه لامج او خالتج ؟؟

والله من الصبح شفت باليوتيوب فلم
و قاعده ابجي صار لي جم ساعه

والله العظيم مع اني بالدوام بس بجيت
مو قادره اتخيل ان ممكن يصير حق وليدي


اهو الحين عند خالتي
بس عقب مادري ..



ان شالله اشوف لي حل

 

[cheese cake 84]

شوفي حبيبتي ماااكو كثري يموووت خوووف من الخدم ان يسوون شي بعيالي عشان جذي لو ولدج عمره سنه وديييييييه حضانه زينه ومضمونه انا شعاري نااار الحضانه ولا جنه الخدامه وعالكاميرات طبعااااااا قوليلها ان بكل مكان انتي حاطه كاميرا بس لاتشوف مكانهم عشان تحط ببالها ان بكل زاويه في كاميرا هذا شي الشي الثاني انتي قلتي بييت حمولتج بس منفصله يعني يادوب خطوتين وتوصلين عند حمولتج لييش ماتودينه الصبح عند خالتج مع الخدامه يعني خالتج اطالعه تشرف عليه والخدامه اهى اللي تشيله وتسويله لان من قلتي ان سيرلاك مغلي وبتحطه بحلجه مادري هذي مو طبيعيه حتى عالحمام بدامها جذي مو ثقه انا اقول علميها تمسحه بوايبس ولا قطن وماي وعقبها انتي غسليه عدل لي رديتي وخليها تستخدم وايبس سيباميد يهبل ومافي ريحه اضمن من ان ادخله ويطيح منه :/

 

[●|أملي بالله كبير |●]

رد : اقول حق خدامتي ولا ما أقول ؟

*

اخاف تقولين لها وتطلع برا الشقه وتطقه او تسوي شي فيهلاتقولين لها احسن واذا تقدرين وديه حضانه احسن واضمن لج
وشوفي هالمقطع وعسى ربي يحفظه لج ويخليه
من فوائد الأذكار - قصه تستاهل دقيقتين من وقتك

http://www.youtube.com/watch?v=h6VRSV8CF60&feature=related

 

[●|أملي بالله كبير |●]

رد : اقول حق خدامتي ولا ما أقول ؟

*

اخاف تقولين لها وتطلع برا الشقه وتطقه او تسوي شي فيهلاتقولين لها احسن واذا تقدرين وديه حضانه احسن واضمن لج
وشوفي هالمقطع وعسى ربي يحفظه لج ويخليه
من فوائد الأذكار - قصه تستاهل دقيقتين من وقتك

http://www.youtube.com/watch?v=h6VRSV8CF60&feature=related

 

[noo7a]

اذا اسم الله عليه مكمل سنه وديه حضانه
كافي بالج يكون مرتاح
و اهو بعد راح يستانس مع اليهال بدال حكرته مع الخدامه من الصبح

 

[ام دليار]

رد : اقول حق خدامتي ولا ما أقول ؟

شوفي غيرها لأنو أذا صار شي لئبنك ماعاد ينفع الندم

 

[nsoom777]

زين يا اختي انتي تقولين بتسكنين عند حمولتج خلاص كلمي خالتج عن خدامتج وخليها تنزل ولدج عندها
كل يوم بس يقوم من النوم تبدله وينزل عندها توكله وتقعد معاه الخدامه وتشوفه على نظرها لين تردين من الدوام
واذا ما تقدرين علمي خدامتج انج حاطه كاميرات في البيت كله حتى الحمام وانج تشوفينها من هناك

 

[الابلة الحلوة]

رد : رد: اقول حق خدامتي ولا ما أقول ؟

والله انا اقوولج
ح3 حلول مافيه غيرهم

يعني مو مال انه اتطقه واتصيدينها ماحب جذي

جذي انا اندم

يا اتنزلينها ويا ولدج الصبح عند خالتج

اذا خالتج لها بال الخدامة اتدير بالها عليه تحت عيونها

او اتدخلينه حضانة
او بيت اهلج


كنت نفس حالتج حسيت انه خدامتي اتطق بنتي الصغيرة

وديتها الحضانة مابغيت اني اصيدها

بس صدتها همن اتطقها ( و كتبت موضوع عنها اهنيي )

بس المشكلة اني الحين صارلي ماعندي خدامة شهر كامل (((

فاا انتي دبري نفسج

يعني قعديها الحين و طلبي يديييدة

بلاا الخرعة

واذا على التعلم انتي بيبي واحد عندج ماراح يكون التعلم صعب عالخدامة عرفتي

وركبي همن كاميرا علشان اتعرفين اهيا شتسوي

لو طلعتي و خليتيها بروحها بعد

 

[أحلى^حياه]

لازم تقولين علشان تخااااف
وخلي ريلج يعطيها جم تهديد عالخفيف مو حيل

 

[ام كوشه منكووشه]

رد : اقول حق خدامتي ولا ما أقول ؟

حبيبتي حطي الكاميرات بس لا تقوالين لها عشان تعرفين نوعيتها وترتاحين اذا اهىا امينه ولا لأ على الياهل
ودام انتى بتسكنين عند حموالتج خلى الخدامه مع البيبي ينزالون الصبح عند خالتج لين تطلعين من الدوام او سجليه بحضانه