يومياتي مع شركة هيلث كومباني

[بطوووووطه]

ناطرييييييييييييييييييييييييييييييينج يا حلوه

 

[عنيّد]

مدخل

اشرايكم بمصطلحاتي شكلي حنّيت للدراسه ها لوووول


عطتني 1200 سعرة حرارية


وعطتني ورقة بــ المأكولات والمشروبات المسموحة في أي وقت
‫-‬ المشروبات الغازية (دايت)
‫-‬ شاي ، قهوه ، بابونج ، يانسون …..الخ
‫-‬ المحلي بدل السكر الابيض والاسمر
‫-‬ الخضار : خيار ، خس ، طماطم ، سبانخ ، بروكلي ، جرجير ، فلفل
‫-‬ الحامض ، الخل والخردل
‫-‬ البهارات
‫-‬ شرب الماء قدر المستطاع والافضل كوبان قبل الوجبة


حرّصت علي بخصوص شرب كوبين ماي قبل كل وجبه وشرب لترين ماي باليوم


بالنسبه للوزن بكل مواضيعي الرجيميه كنت احط وزني كاااااش
بس بهذا سمحولي ، لسبب خاص فيني واتمنى انكم تتفهمونه باختصار انا كل ماذكر ارقام الميزان يصير فيني شعور سلبي فلاااااغيه الميزان من حياتي
كل ثلاثاء بيكون يوم الميزان وانشاءالله راح احط لكم جم نزلت بكل مراجعه بدون ماذكر وزني
وبنهاية الموضوع بكشف عن هالسر << حشى المحقق كونان لووول
اعتذر منكم مره ثانيه وانشالله تتقبلون عذري واسبابي ^ـ^



​

 

[عنيّد]

بسم الله الرحمن الرحيم


اليوم #1 يوم الثلاثاء 11-1-2011
اشرايكم بس بالتاريخ الذهبي الي باديه فيه



ملاحظات:
- الريوق يوصل متأخر لاني اطلع امبجر للدوام ، فسويت مثل ماقالت لي الدكتوره ، خليت الريوق والسناك الاول ليوم ثاني ، وبأول يوم أكلت من البيت
- استخدمت قفشة الأكل الكبيره كمقياس لمقدار الوجبه بكل الصور



.
.



أهلا بالحياة الكرتونيه :lololoe:

الريوق
2 شريحة توست أسمر من دايت كير + جبنة سلفايد


سناك #1
قطعة ككاو تقديم


الغدا
برياني خضار + سلطة روب بالخيار والنعناع

رايي: لذيــــــــذ


سناك #2
كيكة البراوني

رايي: لذيــــــــذه


العشا
دياي تندوري مع فلفل اخضر واحمر واصفر (يعني منوعين لي خخخخ) + سلطة ذره وخيار + عصير برتقال

رايي: حليو ، الدياي مشوي عادي مافيه شي من التندوري والذره اعزها والفلفل المشوي لذيذ ، اما العصير فماكنت مشتهيته وخليته لريوق باجر


.
.


هذا كان يومي الاول ، الحمدلله ع النعمه ، حيل كنت متخوفه من الاكل لأني حيييل عسره ، بس البدايه حلوه واتمنى يستمر هالحلى
الاكل يشبّــــع ، لدرجة اني خايفه انفش الله لا يقوله

.
.

دعواتكم
:bye22:

​

 

[missnohaa]

لووووووووووووووووووول ياعنيد ياحلوج وياحلو كلامج

اهم شىء التاريخ الذهبى لا تنسينه لوووووووول

والحياة الكرتونيه ترى حلوه شكلى ولهت عليها

واكلج ماشاء الله امبين وايد حلو بالذات الغداء شكله ناطع هنى ياقلبى

وبالنسبه حق الميزان الحال من بعضه ما احب اقول جم مثل عذرج لووووول

وطيعينى لاتوزنين بالبيت خلى ميزانج عندهم احسن

موفقه ياحياتى :33_1185028183:

 

[زيـنـه]

رد : يومياتي مع شركة هيلث كومباني

go عنيد go

يه يه يه .. بالعافيه و ان شاء الله يكون نزولج على اللي في بالج .

good luck

 

[عنيّد]

رد: رد : يومياتي مع شركة هيلث كومباني

لووووووووووووووووووول ياعنيد ياحلوج وياحلو كلامج

اهم شىء التاريخ الذهبى لا تنسينه لوووووووول

والحياة الكرتونيه ترى حلوه شكلى ولهت عليها

واكلج ماشاء الله امبين وايد حلو بالذات الغداء شكله ناطع هنى ياقلبى

وبالنسبه حق الميزان الحال من بعضه ما احب اقول جم مثل عذرج لووووول

وطيعينى لاتوزنين بالبيت خلى ميزانج عندهم احسن

موفقه ياحياتى :33_1185028183:

اي عشون عيل تاريخي ذهبي ، معروض للبيع بعد
بالنسبه للاكل امس بالذات الغدا صج كان لذيذ وعجبني
والميزان اي والله هالعذر شي نفسي يعني مو باليد
بس المشكله الحين بالقسم حاطين مسابقه وودي اشارك فيها ومتردده بسبة انهم يبون الوزن ;\
هممم شوفي انا اوزن بالبيت لسبب واحد ، ان ميزان البيت اهو الي دايم معاي ، لكني ما اوزن كل يوم ، بس يوم المراجعه ، عشان اعرف الي لي والي علي بعد ما اخلص منهم ^ـ^
يسلمو مس نهى ماتقصرين وربي يوفقج

go عنيد go

يه يه يه .. بالعافيه و ان شاء الله يكون نزولج على اللي في بالج .

good luck

هلا وغلا بأول الشامتووووووون
يعافيج ربي ويااااعسااانا كلنا ننزل ونوصل للي ببالنا بصحه وعافيه ياااارب :e3:

 

[just-me]

موفقة يالغالية

عاشت عنيد عاشت

عسى الله يوفقج و يثبتج و يقوي ارادتج

قدها عنيد قدها

 

[just-me]

عاد امس كان عشاي معكرونه ارابياتا مالت دايت كير امبي كليتها بثانيتين

بسرعة خلصت من الصحن ما ادري ليش لووووووول

جنه موضوع الكراتين شاقني

 

[Mystique]

شكله لذيذ نم نم!

 

[عنيّد]

موفقة يالغالية
عاشت عنيد عاشت
عسى الله يوفقج و يثبتج و يقوي ارادتج
قدها عنيد قدها


عاد امس كان عشاي معكرونه ارابياتا مالت دايت كير امبي كليتها بثانيتين
بسرعة خلصت من الصحن ما ادري ليش لووووووول
جنه موضوع الكراتين شاقني

عاااش من قاااال ، ماتقصرين جسوت ، وررررربي يسهل وصج اكون قدها _03BA:
عليج بالعافيه المعكرونه ، بس شنو نفهم من الجمله الورديه ؟
بعدين على الاكل بثانيتين حرام عليج جسوت انتي الحين مخضرمه رجيميا يعني المفروض تعرفين اهمية المضغ التمام للاكل
انا صرت احسب وانا اكل حتى لو مندمجه بسالفه او شي بداخلي اعد لما العشرين لووووول

شكله لذيذ نم نم!

لا لا مو شكله ، اهو فعلا نم نم :dddds:

 

[Mystique]

عليج بالعاافيه :eh_s(7):

انا راح اقارن بين صور موضوعج و موضوع مس نهى و اقرر عند اي شركه اروح :j013:

 

[المتميزة دائما]

رد : يومياتي مع شركة هيلث كومباني

هلا عنيد عوافي يارب فالج النزول بصحة وعافية موفقة ولا تنسين الماي لووول

 

[mn.mn]

بالتوفيق بالتوفيق انتم السابقون واحتمال احنا اللاحقون

 

[BiiShOoO]

مووفقة ياا رب و عليج بالعااافية

 

[شوكولاته&فانيلا]

ماشاء الله الأكل شكله يشوق

موفقه حبيبتي وربي يحقق لج اللي تبينه يارب

متابعة..

 

[عنيّد]

عليج بالعاافيه :eh_s(7):
انا راح اقارن بين صور موضوعج و موضوع مس نهى و اقرر عند اي شركه اروح :j013:

هممم ترى هالمقارنه مو عادله حرام
انا وايد اكلات لغيتها ، ومن هالاكل بعد لاغيه اشياء
المهم وين ماتكونين عساج تتوفقين وتنزلين بصحه وعافيه

بالتوفيق بالتوفيق انتم السابقون واحتمال احنا اللاحقون

هلا وغلا منمن ، انشالله التوفيق لنا كلنااااا :weight_lift:

مووفقة ياا رب و عليج بالعااافية

يعاااافيج ربي واجمعييين انشالله

هلا عنيد عوافي يارب فالج النزول بصحة وعافية موفقة ولا تنسين الماي لووول

هلا فيج ميزو ،، لووووول والله اذكرج بقلاصين الماي لا موناسيتهم الحمدلله ^ـ^

ماشاء الله الأكل شكله يشوق
موفقه حبيبتي وربي يحقق لج اللي تبينه يارب
متابعة..

اسمج كله كالوريز خخخخ
والله اهو يشوق ولو ماهو اكل رجيم جان وزعت عليكم بس اسفه صراحتن يعني
حتى امي اليوم لما قلتلها تذوق شي كانت خايفه مني لوووووووول

 

[عنيّد]

بسم الله الرحمن الرحيم


اليوم #2 يوم الأربعاء 12-1-2011

الظاهر اليوم استوعبوا الجماعه اني مشتركه بالـ رويال ! الله بالخيييير او يمكن هذاك اول قوطي لانه مكتوب عليه نحط الاكل بالثلاجه بس هذا مومكتوب < اموت بالاستنتاجات انا oster_av1:
طبعا صورت هالصوره بعد ما الخدم قلبوا القوطي من قوطي اكل الى قوطي زباله تكرمون


.
.


الريوق
صمونة لبنه بالخيار والزيتون + عصير برتقال

رايي: حبيـــتها حيث اني من عشّاق اللبنه :eh_s(22):



سناك #1
سلطة فراولة

رايي: مُنعشـــه



الغدا
ستيك لحم + بطاط + روزميري + سلطة خس وخيار

رايي: الستيك عادي يمكن لاني قايله لهم لاتحطون الصوص عليه ومخلينه جانبي وحطيت شويه عالستيك ، البطاط حلاته صراحه مقلي والروزميري ماعرفه طلعت معناه طلع اكليل الجبل وبما اني مو من ربع هالسوالف فعطيته امي ذاقته ماعجبها فاخذت بذوقها


سناك #2
حلو اسمه Chocolate Matrics

رايي: لذيــــــــذه


العشا
خبزتين شورما دياي + سلطة سيزر بالدياي

رايي: عجبنــي


.
.


وهذا هو اليوم الثاني عدا بسلام ولله الحمد :weight_lift:
والله يستر من هالكرش المنترس ! :botetoo:

.
.

دعواتكم
:bye22:

​

 

[الحراير]

بالعــــــــــــــــــافيه عنيد وان شاءالله تضعفين بصحه وسلامه

 

[ZajiL]

هلا وغلا عنود يم يم يم شوقتين على اكلهم
عليج بالف عافيه حبيبتي
والى الامام سر

 

[عنيّد]

بالعــــــــــــــــــافيه عنيد وان شاءالله تضعفين بصحه وسلامه

يعافيــــــــج ربي ، واجمعين انشالله :yaaaaaarb:

هلا وغلا عنود يم يم يم شوقتين على اكلهم
عليج بالف عافيه حبيبتي
والى الامام سر

هلا بالمهلي وااااااالله
يعافيج ررررربي
سرررر سرررر سرررر :RoadRunner: