حامل ومعاي ... وخايفة من .... ؟؟؟؟

[اتعطر من وجودك]

مرحبا خواتي


انا حامل وبالشهر الرابع ومعاي سكر حمل ومرتفع والدكتورة قالتلي اذا ظل جذي بعطيج ابر انسولين وانا حدي خايفه منها لان قالولي راح يتعود عليها جسمج فماادري تنصحوني اخذها والا اطنش


الله يوفق اللي ترد علي يارب ويحقق اللي في بالها

تكفون ادعوا لي ان الله يشافيني ,,,​

 

[أهداب]

رد : حامل ومعاي ... وخايفة من .... ؟؟؟؟

حبيبتي لازم تاخذينها
تعودتي اوماتعودتي
صحتج اهم خص انج علي ويه ولاده
حاولي تسوين حميه عن النشويات والسكريات
اذا ظل مرتفع ياقلبي مالج الا تاخذينها
الله يقومج بالسلامه

 

[زينانه]

والله مادري ... بس عشان تتفادين ابر الانسولين ليش ماتسوين حميه غذائيه خاصه بمرضى السكر
اذكر وحده سوتها ومشت عليها .. وافتكت من الابر بحملها.ميخالف تحملي الاكل والشرب بنظام جديد
ليما تولدين وانشالله يروح عنج.

 

[tho tho]

رد : حامل ومعاي ... وخايفة من .... ؟؟؟؟

مو زين اطنشين حبيبي
لازم تاخذينها ،، ماراح ياثر حبيبتي
بس فترة الحمل و بعدها راح اتهدينها
الله يسهل عليج حبيبتي

 

[كوكي العسل]

الله يعينج

اختي اهم شي ان تهتمين باكلج ويكون صحي تركي الحلويات نهائيا واكلي خبز اسمر وعيش اسمر

عندي سؤال شنو الاعراض اللي تحسين فيها مع سكر الحمل لان وايد خايفه ان لا سمح الله يكون فيني

 

[om deaj]

ميخالف سمعي كلام الطبيب احسن

رفيجتي جذي وكتبولها ابرتين باليوم تقريبا
بس هي تاكل حلو

الله يتمم عليج يارب

 

[كويتيه مذهله 87]

حبيبتي لا زم تاخذينها
وان شالله اذا ولدتي راح يروح السكر وماتحتاجين ابر

وخل تعطي نظام غذاائي بدون سكر
ولا تاكلين حلويات
,,,

 

[مجنونة بس عاقلة]

خوذيها الزم ماعليك صحتك وسوي حميه
وسكر الحمل ان شاء الله يروح بعد الولادة

 

[(أم نونو)]

رد : حامل ومعاي ... وخايفة من .... ؟؟؟؟

اخذيها مو زين ارتفاع السكر ياثر على الجاهل انا امي اذكر لما كانت حامل تاخذ ابر ولما يرتفع تتنوم لين ينظبط لانه مو زين

 

[اتعطر من وجودك]

رد : حامل ومعاي ... وخايفة من .... ؟؟؟؟

مشكورين خواتي الغاليات

المشكله اني مااكل حلى بس ماقاعدة امشي على الحميه

 

[اتعطر من وجودك]

رد : رد: حامل ومعاي ... وخايفة من .... ؟؟؟؟

الله يعينج

اختي اهم شي ان تهتمين باكلج ويكون صحي تركي الحلويات نهائيا واكلي خبز اسمر وعيش اسمر

عندي سؤال شنو الاعراض اللي تحسين فيها مع سكر الحمل لان وايد خايفه ان لا سمح الله يكون فيني

حبيبتي سوي تحليل سكر اذا خايفه وان شاء الله مايكون فيج
انا اللي خلاني اسوي دكتورتي بعد ملاحظة ان وزني يزيد حيييل ​

 

[جذابه بنت ذيابه]

رد : حامل ومعاي ... وخايفة من .... ؟؟؟؟

حببيتي لا تكثرين من اكل الكاكاويات
ونصيحه اخذيها تراها تروح بعد الحمل
لاتحاااتين

 

[tmtmt]

لا شلون تطنشين !
اخذيها سووي الي عليج لا تتحسفين

 

[غــلآ]

رد : حامل ومعاي ... وخايفة من .... ؟؟؟؟

اذا كتبتهم لج الدكتوره لازم تاخذينهم
لان السكر يسبب تشوهات للجنين حبيبتي

مايصير تطنشين

 

[ام فوااز]

رد : حامل ومعاي ... وخايفة من .... ؟؟؟؟

اخذي بعد شتسوين لاتجازفين بعمرج
الدكاترة افهم منا ويعرفون وان شاء الله يارب ماتحتاجين

 

[OM AWWASHA]

رد : حامل ومعاي ... وخايفة من .... ؟؟؟؟

حبوبه ليش ماتجربين تروحين دكتور تغذيه وتقولين له عن حالتج ويكتب لج جدول يناسبج من ناحية السكر ومن ناحية الحمل بعد

والله يشفيج يارب

 

[اتعطر من وجودك]

رد : حامل ومعاي ... وخايفة من .... ؟؟؟؟

حبوبه ليش ماتجربين تروحين دكتور تغذيه وتقولين له عن حالتج ويكتب لج جدول يناسبج من ناحية السكر ومن ناحية الحمل بعد

والله يشفيج يارب

المشكله ان عندي هالنظام رحت للدكتورة مثل ماقلتي بس ماعندي ارادة يوم امشي على النظام ويوم لا

والمشكله اني قاطعة الحلويات ماكلها ... تكفون بنات ادعولي والله احاتي السكر يثبت معاي ​