إللي عندها أي استفسار بخصوص الديكورات والبناء تتفضل ( للفائده فقط )

[aroosalshemal]

رد : إللي عندها أي استفسار بخصوص الديكورات والبناء تتفضل ( للفائده فقط )

السلام عليكم

والله انتي نازله من السماء

صارلي فتره فارشه صالتي صج ان نواقصها اكسسوارات وهذا سهل

لكن اللي متعبني الستاره .... مثل ما انتي شايفه الموديل أعتقد


محتاجه ستاره ناعمه علشان مايغطي موديل الغنفه وما يروح شغل

الطوفه.. حيل محتاره.

بغيتج تساعديني بموديل ... وتعطيني فكره عن جديد خامات

الستائر والشيفون ..



على فكره الدريشه فيها شتر من بره للعلم .. وانا حاطه اللون

الشذري كتغيير لكن ما احب ادخله بالستاره

 

[S K Y]

ناطرينج يا مصممتنا

 

[الكويت حياتي]

بسألج حبيبتي قتلج بنزل صوره غرفه اعيالي بس لما الحين ما عرفت بس بحاول اسأل ربي يعيني

بس بسأل شنو اختار اول ورق الجدران او الستاره اول ؟؟؟ ابي افكار للستاير القى عندج مواقع فيها ستاير اطفال دورت بقوقل ماحصلت يريت تساعديني ربي يحفظج

 

[تـــوبـــا]

رد : إللي عندها أي استفسار بخصوص الديكورات والبناء تتفضل ( للفائده فقط )

يعطييش العافيه ابي منك لو سمحتي صور لواجهات للفلل

 

[tattoma]

رد: مصممة ديكور داخلي تجيب على أسئلتكم.. إللي عندها أي استفسار تتفضل

http://up.arab-x.com/jan11/ieg50661.jpg
http://up.arab-x.com/jan11/rm750661.jpg
ينفعون بعد هذوول الطاولات ؟؟ وهل لازم يكون لون السرير نفس الطاوله والا مايقيدني ؟؟ لاني ماراح الاقيهم اكيد بالسوق راح احاول اسويها بمنجره ..

آسفة عالتأخير بالردّ

بالنسبة للطاولات اللي بالصور: الألولى موديلها كلش مو حلو كأنها في المرحلة الأولى من النجارة، أما الثانية وايد حلوة وتترس المكان..

اذا حطيتي طاولة من هالنوع ما ينفع السوفا عاليمين أو اليسار وإذا فراغ كبير، جربي كرسيين وطاولة بالنص بينهم ووراهم لوحة بالعرض واذا ما عجبج جربي الكنبة الطويلة (بس يكون وراها نص ظهر أو ظهر كامل) وفوقها كوشيات ويمها طاولة صغيرة وإن شالله تطلع حلوة

 

[tattoma]

رد: رد : مصممة ديكور داخلي تجيب على أسئلتكم.. إللي عندها أي استفسار تتفضل

حبووووووبه انا عندي شقتي جديده للحين ماسويت شسي فيها لاصبغ ولا ارضية ولاشي
والقه عبارة عن 3 غرف وصاله مطبخ تحضيري
انا امووت على نظام امريكي
وباخذ رايكم بالنسبه للارضين شرايج تكون لونها خشب باركية او سراميك ابيض اي وااحد فيهم شرح
والسقف شنو افكارج فيه؟؟؟ ينفع احط فيه مرايا بس على اشكال غريبه مثل الدمعه او الورده شايفتها بموقع امريكي لووووووووووووول
والمطبخ التحضيري شسوي فيه اغطيه والا اخليه فاتح على الصاله ؟؟ ابي فكره علشان مايخرب المنظر
بشكل عااام اانا احب الخشب لووون البني الغامق الحلوووو مو المحروووق
اتمنى انك فهمتيني لوووووووووووووووووووووووووول
ياليت تردين على كل اسئلتي
وشاكره لج حبووبه

هلا فيج حبيبتي وحياج الله معانا

بالسبة لأرضية الشقة لا تفكرين بالسيراميك الأبيض لأن جداً عادي ومافيه أي فن ويستعمل في الحمامات تكرمين والمطابخ، فيه وايــد ألوان شرحة مو بالضروري الخشب أو الأبيض، بس الألوان الفاتحة بشكل عام اهي الشرحة، وهم يعتمد اختيار اللون على نوع الشقة: كلاسك أو مودرن بس بما انج تحبين الأمريكي يعني شبه كاسك

بالنسبة للسقف أنا أحب المرايات وايــد ولكن مو التقليدية، أكو مرايات مغبشة وبنية ووما تحطينها قطعة وحدة، لازم يقطعونها لج مربعات أو تصفينها على شكل معيّنات وما أفضل شكل الدمعة أو الوردة لأن هالأشكال يفضّل تكون بمحاذاة الأرضيات..

خلي الديكور بالسقف طبقتين أو ارتفاعين مختلفين والمرايا أما تكون إطار أو تكون بالجزء اللي داخل والباجي صبغ عادي

أما المطبخ التحضيري طبعا لا تغطينه لأن فكرته ان يكون عالصالات يخدمهم لأن مو رئيسي وماراح يكون فيه ريحة طبخ، وفهمت من كلامج انج تحبين الكلاسك.. جربي في الديكور تستعملين أكثر من درجة لون وان شالله تستفيدين منا

 

[tattoma]

رد: مصممة ديكور داخلي تجيب على أسئلتكم.. إللي عندها أي استفسار تتفضل

هلااااااااااااااااا اختيه
عندي كم شغله وحابه استشيرج فيهم
حطيت الارضيه رخام ابيض معرق برمادي مع اطار اسود وفى مكان اخر اصاله عندي صاله نص دائريه حطيت الرخام كامل اسود
خذيت كراسي لونها اسود ساده مع خشب فى الاطراف لونه سيلفر الحين ابا اخذ كراسي للمدخل لونها بنفجسي او سيلفر محتاره
ولون الطوف مب عارفه عندي مدخل مفتوح على صاله ما عرف اي لون احطه وعندي صالتين المستطيله والدائريه مب عارفه احط ابيض
او سيلفر وعندي ورق جدران سيلفر مع بنفجسي حلوو وعندي ورق الخلفيه سوده وفيها نفس عناقيد بالون الابيض وسيلفر بس حلوو
وعندي سيلفر ساده وعندي اسود ساده اكيد الكراسي ما بحط خلفيتهم سوده ما راح تبين
لو حابه اصور الورق بصوره ووجزاج الله الف خير

هلا فيج والله

الصراحة احترت.. لأن كألوان كلها تمشي مع بعض.. بس ماقدر أحدد إلا لما أعرف كمية اللون الأسود في الصالة أو شنو اللون الطاغي بشكل عام، يا ليت لو تصورين لي المدخل والصالة النص دائرية وان شالله أقدر أساعدج

 

[tattoma]

شوفي حبيبتي تقسيمي لصالة المعيشة وبما ان طول الصالة 6م قررت اني استبدل طاولة الاكل ببوفيه اوركن صغير للشاي والقهوة يكون فيه غلاية والة كوفي وقررت اني احط حاجز مثل مانتي شايفه قدام الدرج علشان يثبت الصوفا والحاجز ثابت فماادري اخليه زجاج اوجبس وش الافضل والي يناسب الاثاث المودرن وماادري تقسيمي بيسهل الحركةوالا لا ....ادري اتعبتك بس انتي كريمة وحنا نستاهل

أعتذر عن التأخير في الرد

بالنسبة للحاجز وايـد حلو في حالة المساحة تسمح، يعني جم متر بين الدرج وبين الحاجز؟
اما بالنسبة لنوعية الحاجز خلي عالجوانب جبس وبالنص زجاج.. وإذا كان الزجاج ضرب رمل مثلا، ماراح يكشف أو ممكن تخلينه كله جبس وفوقه بس بالنص..
ما راح أقدر اقرر اذا بيسهل الحركة أو لا إلا إذا عرفت المساحة بالمتر.. أما من ناحية العملية أعتقد انج حليتي مشكلة ترتيب الأثاث وزدتي مساحة الطوفة.. ويا ليت إذا تقدرين تصورين أو تقيسين بالضبط بالمتر بين كل شي

وافا عليج بس تستاهلون والله

 

[tattoma]

رد: رد : إللي عندها أي استفسار بخصوص الديكورات والبناء تتفضل ( للفائده فقط )

السلام عليكم

والله انتي نازله من السماء

صارلي فتره فارشه صالتي صج ان نواقصها اكسسوارات وهذا سهل

لكن اللي متعبني الستاره .... مثل ما انتي شايفه الموديل أعتقد


محتاجه ستاره ناعمه علشان مايغطي موديل الغنفه وما يروح شغل

الطوفه.. حيل محتاره.

بغيتج تساعديني بموديل ... وتعطيني فكره عن جديد خامات

الستائر والشيفون ..



على فكره الدريشه فيها شتر من بره للعلم .. وانا حاطه اللون

الشذري كتغيير لكن ما احب ادخله بالستاره

وعليكم السلام ورحمة الله وبركاته

اختي بما ان الدريشة ماكو فوقها ديكور داخلي للستارة معناته تحتاجين تاج للستارة، وهذي بعض الموديلات البسيطة وأتمنى تعجبج.. وبالنسبة للون ماكو مشكلة تدخلين التركواز (الشذري) بالستارة لأن الصالة الغالب فيها الذهبي

 

[tattoma]

بسألج حبيبتي قتلج بنزل صوره غرفه اعيالي بس لما الحين ما عرفت بس بحاول اسأل ربي يعيني

بس بسأل شنو اختار اول ورق الجدران او الستاره اول ؟؟؟ ابي افكار للستاير القى عندج مواقع فيها ستاير اطفال دورت بقوقل ماحصلت يريت تساعديني ربي يحفظج

بالنسبة لتحميل الصور:
1) http://www.rofof.com/
2) ضغطي على [Browse] واختاري الصورة اللي تبينها وموجودة على جهازج
3) ضغطي على [ارفع]
4) ضغطي على [انقر هنا لعرض الرابط]
5) ضغطي على [نسخ]
6) حطي الرابط اهني بالرّد


طبعا تختارين لون الجدران أول شي وعقبها الستارة واذا صورتي المكان ان شالله اعطيج افكار بالنسبة لستاير الأطفال​

 

[tattoma]

رد: رد : إللي عندها أي استفسار بخصوص الديكورات والبناء تتفضل ( للفائده فقط )

يعطييش العافيه ابي منك لو سمحتي صور لواجهات للفلل

الله يعافيج حبيبتي

بالنسبة للواجهات اللي عندي كلها أوروبية وفيها قرميد والأغلب دور واحد.. جم دور البيت؟
وعادي القرميد ؟

 

[الطماطه]

رد : إللي عندها أي استفسار بخصوص الديكورات والبناء تتفضل ( للفائده فقط )

يعطيج العاافيه على المجهوود وان شاء الله بميزاان حسناااتج

يالغااليه عندي غرفة اختي مسااحتها5/4 واثاثه بني غامج محروق وكبتها عوود وفخم والسرير اللي فيه اعمده نفر ونص تسريحه وكبت ادراج الهندي اللي يصر تنازلي الادراج وينحط من صوب التسريحه مكاانه ميتغير عشان مساحة الغرفة وبتغير الغرفه من
1_ ديكور2- وسيراميك 3-وصبغ

شنو تقترحين الالواان وبخاطرها تحط ديكور على اطرااف الغرفه بالجهة اللي من صوب السرير ويكون فيه ليتات مخفيه والسقف يكون فيه بالنص مثل الشمع الذايب فهمتي قصدي وتصبغه بدرجات الخشبي تتوقعين يطلع حلو وعلى فكره تبي الوان تكبر المساحه وابي اقترااحااتج لكل شي حتى ديكور السقف اذا عندج فكره حلوه لو ماعليج امر وبنتظار ردج

 

[tattoma]

الله يعافيج اختي مشكورة وما تقصرين

الديكور: عندي أكثر من تصميم يكون فيه إضاءة داخلية بس ارجع البيت احطهم ان شالله
الألوان: الأثاث البني المحروق تمشي معاه وايد ألوا بس شخصياً أفضّل درجات البيج والذهبي مع الإضاءة الصفرا يطلع فخم
السيراميك: اكو نوعيات ملساء ناعمة وكأنها رخام بس اهو جرانيت وماينفع لون غامج لأن حجم الغرفة مو وايد كبير

ان شالله اذا حطيت لج الصور بتعرفين قصدي

 

[بشاير الخير]

حطيت التقسيم الاخير مع المقاسات هل فيه امكانيه

 

[بشاير الخير]

حطيت التقسيم الاخير مع المقاسات هل فيه امكانيه

 

[تـــوبـــا]

رد : إللي عندها أي استفسار بخصوص الديكورات والبناء تتفضل ( للفائده فقط )

يعطيج العافية والبيت دوريين وعادي القرميد وابي صور على الطبيعة مومن النت

 

[{ انعم دفشة ~]

رد: مصممة ديكور داخلي تجيب على أسئلتكم.. إللي عندها أي استفسار تتفضل

السلام عليكم

اختي ملاك: بخصوص المكتب والوان الطوفة، انا ضد فكرة اختيار لونين لنفس الغرفة وكل طوفة لون خاصة اذا كان اللونين سادة، يعني بعض الغرف ممكن تستعملين لون طوفة مقلم مثلا والباجي سادة خاصة لغرف الأطفال.
بالنسبة للون التفاحي جدا رائع بس ما يكون فاقع يعني اختاري الزيتوني الفاتح أو درجات الزيتي ولكن أفتح درجة بما ان الغرفة حجمها متوسط، والبيج ودرجاته كلها حلوة للمكاتب ولكنها تقليدية مع انها الأفضل. في حالة احترتي معاه أفصل شي اختيار لون محايد بين البينين وراح تشوفين الوان وااااايدة ومتعددة عند الصباغ ما تتخيلين، واكو الوا بيجية مايلة للزيتوني اختاريها بس حاولي يكون درجته فاتحة.

اللي حاطتلي الصور، الصراحة عجبني الwall paper وايد وحسافة تغيرينه، واذا فكرتي في المستقبل تغيرينه لا تحاولين باللون الأزرق السماوي ولا الاخضر لأنها الوان تساعد عالاسترخاء وهذا مكتب دراسي يعني تحتاجين طاقة وافضل الالوان اهي الالوان الحارة مثل درجات الاصفر والبرتقالي والفوشي ينفع لغرف الناس اللي يشتغلون في مجال ابداعي لأن جدا حيوي.
بس عندي تعليق على الستارة: ما ينفع هذا الموديل للمكاتب لأن كلاسك فخم، تحتاجين تغيرينها أما الأثاث ابتعدي عن المودرن تماما لأن ما يمشي مع الطوفة واختاريه بلون غامج ( بني مهوجني ).


(قسي قلبك تعيش):
----------------
في هالحالة تعتمد التكلفة على اللي راح ينفذ ولازم زيارة عشان يشوف شنو المعوقات اللي راح تواجهه لأن احيانا تكون العملية صعبة واحيانا سهالات. وانتي استخيري وشوفي


(ذبحني صمتي):
--------------
حبيبتي اذا انتي في مرحلة التشطيب او التأثيث يمديچ تسمعين النصايح وان شالله تستفيدين

تسلمين حبيبتي

 

[مذهلة 78]

رد : إللي عندها أي استفسار بخصوص الديكورات والبناء تتفضل ( للفائده فقط )

السلام عليكم

حبيبتي انتي عندج مكتب هندسي وهل تصممون ديكورات داخليه ولا ممكن تصممون فلل

 

[S K Y]

1- تنفع فكره المرايا الكبيره بغرفه النوم بالزاويا ؟؟ ممكن تشغل فراغ ؟ وفكره الارفف تناسب للغرفه اللي عندي او لا ؟ ؟





2- لو لقيت كنسول مودرن اقدر احطها بغرفه النوم والا مايناسب ؟

مثل هذي مثلا !

 

[tattoma]

رد: رد : إللي عندها أي استفسار بخصوص الديكورات والبناء تتفضل ( للفائده فقط )

يعطيج العافية والبيت دوريين وعادي القرميد وابي صور على الطبيعة مومن النت

الله يعافيج.. للأسف أنا مصممة ديكور داخلي وما عندي أي تصاميم لواجهات الفلل إلا اللي من الانترنت، تدرين إللي عالطبيعة صعبة تصورين لأن فيها خصوصية بالنسبة لأصحاب الفلل.. يا ليت أقدر اساعدج