إللي عندها أي استفسار بخصوص الديكورات والبناء تتفضل ( للفائده فقط )

[الكويت حياتي]

رد: مصممة ديكور داخلي تجيب على أسئلتكم.. إللي عندها أي استفسار تتفضل

بصور الغرفه وارسلها ماعرف بس بحاول شكرا ولي عوده مو تنسيني انه الحلوه

 

[tattoma]

رد: مصممة ديكور داخلي تجيب على أسئلتكم.. إللي عندها أي استفسار تتفضل

1- يعني البنش مايصلح لي ! لان انا عندي فراغ بالصاله جدار متر ونص او متر و 70 ! مايصلح احط البنش ولا كرسي او كنبه لشخص ! ( طيب شنو رايج احط عشان املي الفراغ ) محتااااااره حيييييييل ومدري شنو احط
هذي صوره الكنب اللي عندي:
http://im.gulfup.com/2011-01-12/12948274701.gif
2- انا ناويه انجد الكنب بعد فتره ( مع انه جديد ) بس نوعيه الاسفنج رديئه توهقت فيها شاريته من هوم سنتر :cxxxp:
الكنب اللي عندي حتى لو انجده يبقى كلاسك ؟ مو مودرن؟ يعني شنو اللي يخليه مودرن او كلاسيك الموديل مو نوع القماش ولونه ؟؟ (( انا ودي بالمودرن )) شنو الوانه و اقمشته ؟
3-مستقبلاً اذا ابي انجده شنو تقترحين علي؟ اي نوع قماش يكون عملي؟ وبرايج لو انجده كله لون واحد احسن وادخل مخدات صغيره ملونه عليه ؟ والا شنو رايج ؟؟
4- الطاوله المدوره شنو يناسبها من موديل كنب ؟ يعني لو بحطها بمجلس للضيوف ثاني ( لان لسى ماشريته ) شنو الموديل اللي يناسب ؟ لان ودي استفيد منها توها جديده
والله يووووووووووووووووووووفقج يااااااااارب دنيــــا واخــــــره ...

:aha:

حبيبتي طول الوقت كنت أشوف الصورة بالتلفون والحين شفتها عالكمبيوتر أوضح.. بس الكنبات مودرن وأنا أعتذر عن الخطأ، مو كلاسك الموديل يعني يمشي السجاد المودرن اللي من غير أطراف..

1- البنش اللي من غير ظهر لازم يكون في الأماكن إللي من غير طوفة، وأفضل لو أشوف المنطقة الفاضية عشان أحدد

2- موديل الكنب 100% مودرن واللي يحدد الفرق بين المودرن والكلاسك عدة عوامل:
* الألوان المستخدمة
* الموديل

ألوان المودرن عادة تكون سادة مو مشجرة ولكن ممكن مقلّمة ومن هالألوان: الأبيض، الأسود، الرمادي..
وبإمكانج استخدام كل الألوان الثانية إذا كان الموديل مودرن بس شرط يكون سادة من غير تشجّر..

3- أكثر أنواع القماش عمليّة اهو الشانيل (نوع القماش اسمه شانيل) لأن متين ويتحمل وعادة يستعمل في الكنبات المودرن، واذا فكرتي مستقبلاً تغيرينه جربي اللون الأسود أو الرمادي حتى الظهر يكون كله لون واحد وتقدرين تحطين كوشيات بألوان ثانية شي مقلم وشي وسادة

4- الطاولة المدورة ممكن تنحط بين كرسيين بس في المجالس يفضل بالزوايا الطاولات المربّعة

واذا احتجتي اي شي ثاني دزيلي صور المكان وانا اقول لج بالضبط
والله يوفقج ان شالله ومشكورة ما تقصرين

 

[tattoma]

رد: مصممة ديكور داخلي تجيب على أسئلتكم.. إللي عندها أي استفسار تتفضل

السلام عليكم
يعطيج العااافيه ...صراااحه جيــــتي بووقتج
غرفتــي طوولها 4×6
والطووفه لوونها (اوف واايت) والزووليه لوونها من درجاات المشمشي
وغرفة النووم لونها بني غامج (موهجني)
ومحتااره بالفرش والاكسسواارات
ياريت تعطيني رااايج باللون اللي ادخله عليه هل زيتي فااتح رااح يكوون منااسب
وبكوون مشكووره لج ...

الله يعافيج يا هلا
بالنسبة للألوان إذا قصدج المفارش والستارة وغيرها أنا أعتقد اللون الزيتي الغامج أفضل وهم يعتمد على درجة المشمشي ولا تخلين اللون الثاني (الزيتي أو غيره) بروحه، خلي مجموعة ألوان فيها مشمي وزيتي، حتى العنابي يطلع وايــد حلو

بس حطي ببالج ان درجة اللون تأثر وايد باختار الألوان الثانية

 

[S K Y]

رد: مصممة ديكور داخلي تجيب على أسئلتكم.. إللي عندها أي استفسار تتفضل

حبيبتي طول الوقت كنت أشوف الصورة بالتلفون والحين شفتها عالكمبيوتر أوضح.. بس الكنبات مودرن وأنا أعتذر عن الخطأ، مو كلاسك الموديل يعني يمشي السجاد المودرن اللي من غير أطراف..

1- البنش اللي من غير ظهر لازم يكون في الأماكن إللي من غير طوفة، وأفضل لو أشوف المنطقة الفاضية عشان أحدد

2- موديل الكنب 100% مودرن واللي يحدد الفرق بين المودرن والكلاسك عدة عوامل:
* الألوان المستخدمة
* الموديل

ألوان المودرن عادة تكون سادة مو مشجرة ولكن ممكن مقلّمة ومن هالألوان: الأبيض، الأسود، الرمادي..
وبإمكانج استخدام كل الألوان الثانية إذا كان الموديل مودرن بس شرط يكون سادة من غير تشجّر..

3- أكثر أنواع القماش عمليّة اهو الشانيل (نوع القماش اسمه شانيل) لأن متين ويتحمل وعادة يستعمل في الكنبات المودرن، واذا فكرتي مستقبلاً تغيرينه جربي اللون الأسود أو الرمادي حتى الظهر يكون كله لون واحد وتقدرين تحطين كوشيات بألوان ثانية شي مقلم وشي وسادة

4- الطاولة المدورة ممكن تنحط بين كرسيين بس في المجالس يفضل بالزوايا الطاولات المربّعة

واذا احتجتي اي شي ثاني دزيلي صور المكان وانا اقول لج بالضبط
والله يوفقج ان شالله ومشكورة ما تقصرين

ان شاء الله بدز لج الصوره حقت الفراغ اللي بالجدار اللي عندي وياارب الاقي حل !

مشكووووووووووووره واااااااااااااااااااااااايد

 

[S K Y]

رد: مصممة ديكور داخلي تجيب على أسئلتكم.. إللي عندها أي استفسار تتفضل

تنفع هذي الطاوله للفراغ بغرفة النوم ؟؟ :080402ask_prv:


http://www.almlf.com/get-1-2011-almlf_com_5hljg7mt.jpg

 

[بنت الامارت 55]

رد: مصممة ديكور داخلي تجيب على أسئلتكم.. إللي عندها أي استفسار تتفضل

مشكوره اختي للحين ماحددنا بالنسبه للاثاث للحين بس من خبرتج عشان نحدد لون الصبغ لازم نكون مقررين شنو بنفرش اذا كان كلاسيك او مودرن ؟

فيه اخطاء عندنا بالبيت ان شاء الله اذا رحت البيت صورتها وحطتيها لج لاني ابي مشورتج شلون نغطي على هالاخطاء وياليت لو الاداره تثبت لنا الموضوع لانه بجد مفيد وجزاكم الله كل خير .

 

[tattoma]

رد: مصممة ديكور داخلي تجيب على أسئلتكم.. إللي عندها أي استفسار تتفضل

تنفع هذي الطاوله للفراغ بغرفة النوم ؟؟ :080402ask_prv:


http://www.almlf.com/get-1-2011-almlf_com_5hljg7mt.jpg

العفو حياج الله

تنفع الطاولة اذا الغرفة مودرن واذا تحتاجينها، يعني مو بعد فترة تصير حوسة وتحطين عليها كل اغراضج، خليها منظر حلو وبنفس الوقت استفيدي منها: يعني عليها علبة كلينكس او مجموعة مجلات تقرينها او بس منظر ممكن

 

[tattoma]

رد: مصممة ديكور داخلي تجيب على أسئلتكم.. إللي عندها أي استفسار تتفضل

مشكوره اختي للحين ماحددنا بالنسبه للاثاث للحين بس من خبرتج عشان نحدد لون الصبغ لازم نكون مقررين شنو بنفرش اذا كان كلاسيك او مودرن ؟

فيه اخطاء عندنا بالبيت ان شاء الله اذا رحت البيت صورتها وحطتيها لج لاني ابي مشورتج شلون نغطي على هالاخطاء وياليت لو الاداره تثبت لنا الموضوع لانه بجد مفيد وجزاكم الله كل خير .

العفو حبيبتي وحياج الله

اختيار لون الصبغ يعتمد بدرجة كبيرة على نوعية الأثاث ويفضّل تقررون قبل الصبغ عشان التناسق، وياليت تصورين عشان اقدر اساعدج ان شالله

 

[NaNa-sa]

رد: مصممة ديكور داخلي تجيب على أسئلتكم.. إللي عندها أي استفسار تتفضل

الله يعطيك العافيه عسووله ماتقصرتي مع البنات


عسوله بغيت منك تعطيني رأيك غرفتي صبغها موف فاتح الموف لمن تمزجينه بأبيض يصير على بياض هذا لونها وتعبت مالقيت دولاب يناسبها اخذت احمر غامق وطقم المناديل وسلة المهملات اكرمك الله نفس الدرجه احمر بس برضوا مافي تغيير احس الغرفه تجيب النوم ودي اغير شيء فيها ابيها تنتعش بدل الخمول من يوم اخشها اتكيسل تنصحيني بورق جدران لجدار واحد وايش الالوان تنصحين فيها الفرشه لونها وردي على بيج على موف غامق جايه مع الصبغ بس الدولاب شاذ وتوه جديد مايمدي اغيره مره محتاره من رمضان وانا بحوسه معاه مو عاجبني بس الله يهديهم اهلي بالقوة تى لقيت شيء على ذوقي بس اللون تعبت وبالنهايه قالوا اخر يوم لك وتعبت واستسلمت وخذيته .. انتظر نصيحتك..

 

[tattoma]

رد: مصممة ديكور داخلي تجيب على أسئلتكم.. إللي عندها أي استفسار تتفضل

هلا حبيبتي حياج الله

بالنسبة للون الموڤ مع الأحمر أبدا ما يناسب وبما ان الدولاب والاكسسوارات أحمر، أسهل لچ تصبغين الطوفة أو تحطين لها ورق جدران كاملة، والأبيض اهوا الأفضل في هذي الحالة عشان ما يصير وايد ألوان والأحمر بحد ذاته لون قوي صعب تحطين معاه ألوان ثانية، ومو بالضرورة كل شي تخلينه أحمر عشان يناسب مع الدولاب، جربي الأوف وايت ودرجاته للطوفة وباجي الاكسسوارات والسجادة

اما اذا بتغيرين الأحمر كله راح يختلف الوضع ويفضّل أشوفها

 

[NaNa-sa]

رد: مصممة ديكور داخلي تجيب على أسئلتكم.. إللي عندها أي استفسار تتفضل

الله يعطيك العافيه ياقمر

 

[S K Y]

رد: مصممة ديكور داخلي تجيب على أسئلتكم.. إللي عندها أي استفسار تتفضل

العفو حياج الله

تنفع الطاولة اذا الغرفة مودرن واذا تحتاجينها، يعني مو بعد فترة تصير حوسة وتحطين عليها كل اغراضج، خليها منظر حلو وبنفس الوقت استفيدي منها: يعني عليها علبة كلينكس او مجموعة مجلات تقرينها او بس منظر ممكن

- ايه الغرفه مودرن خشب بني السرير والكومودينو خشب بنبي والاطراف اسود

- مااحتاجها بس اس ابيها منظر واحطها فيها شغلات ديكور او شموع وفوقها بعلق لوحه . ينفع تكون مقابل السرير ويمها كرسي او كنبه ؟؟

 

[tattoma]

رد: مصممة ديكور داخلي تجيب على أسئلتكم.. إللي عندها أي استفسار تتفضل

NaNa-sa

الله يعافيج حياج الله


SKY

اي وايد حلوة، حطي الطاولة وفوقها لوحة وعليها اكسوارات وشموع بس الكرسي مو ضروري

 

[S K Y]

رد: مصممة ديكور داخلي تجيب على أسئلتكم.. إللي عندها أي استفسار تتفضل

NaNa-sa

الله يعافيج حياج الله


SKY

اي وايد حلوة، حطي الطاولة وفوقها لوحة وعليها اكسوارات وشموع بس الكرسي مو ضروري

اذا حطيتها مقابل السرير بيصير اليمين واااايد فاضي شلون اقدر املي هالفراغ ؟ الكرسي او صوفا او اي شئ ماينفع ؟

- ارسلت لج صور الفراغ اللي بالصاله (الجدار)+ مخطط المجلس

 

[S K Y]

رد: مصممة ديكور داخلي تجيب على أسئلتكم.. إللي عندها أي استفسار تتفضل

http://up.arab-x.com/Jan11/iEG50661.jpg

http://up.arab-x.com/Jan11/RM750661.jpg


ينفعون بعد هذوول الطاولات ؟؟ وهل لازم يكون لون السرير نفس الطاوله والا مايقيدني ؟؟ لاني ماراح الاقيهم اكيد بالسوق راح احاول اسويها بمنجره ..

 

[ليه خليتني أحبك]

رد : مصممة ديكور داخلي تجيب على أسئلتكم.. إللي عندها أي استفسار تتفضل

حبووووووبه انا عندي شقتي جديده للحين ماسويت شسي فيها لاصبغ ولا ارضية ولاشي
والقه عبارة عن 3 غرف وصاله مطبخ تحضيري
انا امووت على نظام امريكي

وباخذ رايكم بالنسبه للارضين شرايج تكون لونها خشب باركية او سراميك ابيض اي وااحد فيهم شرح

والسقف شنو افكارج فيه؟؟؟ ينفع احط فيه مرايا بس على اشكال غريبه مثل الدمعه او الورده شايفتها بموقع امريكي لووووووووووووول

والمطبخ التحضيري شسوي فيه اغطيه والا اخليه فاتح على الصاله ؟؟ ابي فكره علشان مايخرب المنظر


بشكل عااام اانا احب الخشب لووون البني الغامق الحلوووو مو المحروووق

اتمنى انك فهمتيني لوووووووووووووووووووووووووول

ياليت تردين على كل اسئلتي

وشاكره لج حبووبه

 

[لهيب الثرى]

رد: مصممة ديكور داخلي تجيب على أسئلتكم.. إللي عندها أي استفسار تتفضل

هلااااااااااااااااا اختيه

عندي كم شغله وحابه استشيرج فيهم

حطيت الارضيه رخام ابيض معرق برمادي مع اطار اسود وفى مكان اخر اصاله عندي صاله نص دائريه حطيت الرخام كامل اسود

خذيت كراسي لونها اسود ساده مع خشب فى الاطراف لونه سيلفر الحين ابا اخذ كراسي للمدخل لونها بنفجسي او سيلفر محتاره

ولون الطوف مب عارفه عندي مدخل مفتوح على صاله ما عرف اي لون احطه وعندي صالتين المستطيله والدائريه مب عارفه احط ابيض

او سيلفر وعندي ورق جدران سيلفر مع بنفجسي حلوو وعندي ورق الخلفيه سوده وفيها نفس عناقيد بالون الابيض وسيلفر بس حلوو

وعندي سيلفر ساده وعندي اسود ساده اكيد الكراسي ما بحط خلفيتهم سوده ما راح تبين

لو حابه اصور الورق بصوره ووجزاج الله الف خير

 

[بشاير الخير]

مشكورة اختي وانا بانتظارك في تقسيم صالة المعيشه وفي تقسيم صالة مجلس النساء اللي في القبو وياليت تشورين علي بلون الصبغ والبلاط بعد وانا من السعوديه وصعب تواصلي معك وكل ماشفت ردودك جاء في بالي الحديث خير الناس انفعهم للناس

 

[بشاير الخير]

شوفي حبيبتي تقسيمي لصالة المعيشة وبما ان طول الصالة 6م قررت اني استبدل طاولة الاكل ببوفيه اوركن صغير للشاي والقهوة يكون فيه غلاية والة كوفي وقررت اني احط حاجز مثل مانتي شايفه قدام الدرج علشان يثبت الصوفا والحاجز ثابت فماادري اخليه زجاج اوجبس وش الافضل والي يناسب الاثاث المودرن وماادري تقسيمي بيسهل الحركةوالا لا ....ادري اتعبتك بس انتي كريمة وحنا نستاهل

 

[لهيب الثرى]

لو حابه صور الكراسي نزلتهم من الموقع