هل ندمتي على معرفة اي شخص

[اجمل اقداري]

هناك من يجعلك تندم على معرفته.. يسقيك الإحساس بالندم كلما التقيته أو تحدثت معه.. مواقفه تخذلك .. وتصرفاته

تخجلك.. فتتمنى بينك وبين نفسك لو أن الزمان يعود إلى الوراء كي يبتعد عنك..

و لا تكرر خطأك الفادح في تصديقه...
لكنك عند كل أمنية محبطة تكتشف أن الزمان لا يعود إلى الوراء...

وعندها لا تملك سوى الاعتذار لنفسك على هذه المعرفة...
في حياة كل واحد منا هناك مواقف كثيرة ومتعددة ومختلفة تجعلنا نجد راحة نفسية مع جماعة نعرفهم فقط من مدة قصيرة ,

ومع ذلك نجد أنفسنا نرتاح لهؤلاء الناس نحس كأننا نعرفهم من سنين قديمة..
ومن ناحية أخرى يكون لنا صلة مع قرابة ممكن أن تكون من بعيد أو قريب لا نرتاح لوجودهم معنا أو التحدث معهم , فنحس

بإحساس غريب كلما رأينهم فنندم على معرفتهم..
ولكن احيانا تقول بعض الفتيات و الشباب في ذاكرتي شخص لم ولن اندم على معرفته..

هل شعرت في يوم من الأيام بهذا الإحساس ؟؟
وهل فعلا ندمت على مثل هذه المعرفة ؟؟

موضوع للمناقشه

انتظر ردودكم​

</i>

 

[ام وليد hamood]

بصراحة ناس واايد للاسف ندمت اني عرفتهم مادري هالزمن اللي تغير والا نفوس الناس .. واللي قاهرني اكثر انها تاكل وتشرب معاي ومن وراي تطعن فيني .. يعني لو الكلام ياي من شخص واحد جان ما صدقت الا من عدة اشخاص واهي بعد تتكلم عليهم عندي بس انا حمد لله مو من طبعي انقل حجي .وغير جذي جذي ناس كثير ومواقف اكثر تخليني اندم اني عرفتهم .

 

[ليدي22]

ما أندم إني ( تعرفت ) على شخص
لأنه مو بيدي أتعرف عليه الظروف جمعتني وياه بنفس المكان

لكن اللي أندم عليه هو اشلون تعاملت معاه
هل اعتبرته صديق من أول قعدتين و طيحت الميانة معاه و لما انقرصت قلت خاني؟
هل جاملته و طوفت له أخطااااءه بعدين انفجرت بوجهه و قلت له ماني طايقتك
هل كنت عامية عيوني عن عيوبه و مكمله معاه و لما ما لقيته حوالي بوقت الشدة قلت باعني

عن نفسي أحط اللوم علي اشلون عاملت اللي معاي
و اللي أندم عليه هو كل غلطة غلطتها بحق أي صديق

شاكرة لج طرح الموضوع:33_1185028183:

 

[جيكره(و)تتغلى25]

انا مع ليدي



بس تندمت عطيت كل ماعندي اخر شي عزاااا ماتحضر سالفه صارلها 5سنوات للحين بقلبي ولا راح اسامحها

 

[حوري نور عيوني]

.. مواقفه تخذلك .. وتصرفاته

تخجلك..

الحمدالله عمري ماندمت على ناس هذي اطباعهم الله يشفيهم بالعكس احمد ربي اللي رفع شآني عنهم مستوى واطي ومخجل​

 

[سحابة امل]

اكيد ندمت ووااااااااااااججججججججججججد
على ناس ماتستاهلني ولا تستاهل اني اكلمها واشوفها ..

بس وش اسوي هذي الناس واطباعهم اللي تخليك تشك بيوم انك عرفت ناس من هالاشكال

<< عورتوا قلبي على هالموضوع

ببكي الحين :<

 

[ابداعات كويتيه]

ناس وااايد تحسفت اني تعرفت عليهم ومدري السبب من شنو كل عقب ٥سنوات تنكشفلي اشياء غريبه عجيبه وتكشفلي نوايا الناس اللي حولي بس ماقول الا الله فوق الكل والله يكشف نوايا كل حاقد وخبيث واناني والله يعطي كل واحد على نيته

 

[غلا123]

انا ندمت على شخص علاقه سنتين

وعند اول مشكله بان على حقيقتوا

لاحسافه ولاندامه عليه

 

[سمر بنت الكرخي]

رد : هل ندمتي على معرفة اي شخص

انا ان بكيت ماابكي على فرقا ولا سهد وشجن ابكي على عمري اللي ضاع من غييييييييييير ثمن
المشكله الشخص اللي ندمت على معرفته اهو زوجي

 

[ReeM ^ Style]

رد : هل ندمتي على معرفة اي شخص

لا ابد
واعتبرهم دروس تضيف لحياتي الحكم وحسن التصرف في المره القادمه

 

[om faisal]

الانسان مايندم علي معرفة الشخص نفسه لكن يندم علي المكانه اللي يحطه له ونوع الصداقه اللي يأخذها الشخص وبالاخير يطلع مايستاهل تكتشفين انه مايحب الا نفسه وبس وانتي اغليتيه علي نفسح صج خساره

 

[Tutti-Frutti]

رد : هل ندمتي على معرفة اي شخص



اي ندمت وايد ولـ عده اسباب

 

[om_dodo]

ندمت على وحدة خساره صداقتى فيها
مجروحه منها حتى النخاع
ماتوقعت يوم من الايام انها بدون مشاعر صج بدون مشاعر
ماقصرت فيها وربى ماقصرت فيها
كنت لها اكثر من اخت وللاسف صرت لها اكبر عدوه بالنسبه لها طبعا"
وبالنسبه لى عادى جدامها جنه ماكو شئ بس انا قلبى مجروووح
حسافه فيج عشرتى وحبى وصدق شعورى
حسافه بالوقت اللى عطيتج ياه يالييييييييييت انى مستثمرة هالوقت مع غيرج وربى ندمانه
بس كل طراق بتعلومه بالنسبه لى
والله لايسامحج ولايحللج ليوم الدين ظلمتينى ولين اليوم تسوين نفسج رسميه على بونه ماتنزلين
حسبى الله ونعمه الوكيل

 

[الحــــياة]

اي والله ندمت وحيل بعد لاني ماتوقعت في نآآآس جذآآبه ومناافقه لهدرجة!!!

يصطنعووووون المثاليه وهم مايسووووون شي!!!

الى متى هالجذب!!

 

[أنتيكه وأتيكيت]

رد : رد: هل ندمتي على معرفة اي شخص

ما أندم إني ( تعرفت ) على شخص
لأنه مو بيدي أتعرف عليه الظروف جمعتني وياه بنفس المكان

لكن اللي أندم عليه هو اشلون تعاملت معاه
هل اعتبرته صديق من أول قعدتين و طيحت الميانة معاه و لما انقرصت قلت خاني؟
هل جاملته و طوفت له أخطااااءه بعدين انفجرت بوجهه و قلت له ماني طايقتك
هل كنت عامية عيوني عن عيوبه و مكمله معاه و لما ما لقيته حوالي بوقت الشدة قلت باعني

عن نفسي أحط اللوم علي اشلون عاملت اللي معاي
و اللي أندم عليه هو كل غلطة غلطتها بحق أي صديق

شاكرة لج طرح الموضوع:33_1185028183:

انا مع العضوه ليدي في كل كلمه قالتها ,,
وندمااانه على كل اللي عرفتهم بحياتي لأن كلهم خذلوني ... رغم هذا انا مو زعلانه الحمدلله في كل مره يتوثّق عندي مبدأ الشخص ماله إلا أهله اللي ساكن معاهم بنفس البيت
انا قلبي طيب جان زين الله يفكني من هالطيبه لأن مو مودرني إلا معدني الطيب اللي مو لاقيه له طبجه من الناس :bbbiu:

 

[ام خالد 78]

ماندمت على معرفتي باشخاص معينه لكن ندمت لان فيه اشخاص كنت ابي اتعرف عليهم واقعد معاهم لكن عدم جرئتي ضيعت كل الفرص وللحين انا ندمانه

 

[❤لبيـــه❤]

خليها بالقلب تجرح ... ولا تطلع للناس وتفضح

ندمت مرتين لـكن علموووني شغلات واااجد

 

[chanel N22]

اي ندمت واااااااااااااايد
لان صدقت ناس منافقه وجذابه

 

[!! غنج !!]

رد : هل ندمتي على معرفة اي شخص

ايه والله ندمت حيل واعض على ايدي كل ماذكرت خبالي لما كنت اعطيهم كل مافي قلبي

هم ثنتين وكانوا اقرب الناس لي

حدي انصدمت بلي صار فرقوا بيني وبين اغلى الناس عندي

وعمري ماانسى اسائتهم لي
وحسبي الله ونعم الوكيل



بس انا تعلمت واللي راح راح لغير نفسج لاتقولين سرج

 

[خوش بنيه]

شوفي انا ماندم على هالشي بالعكس جذي اتعلم اشلون اتعامل مع الناس واتعلم دروس واستفيد وتتغير شخصيتي للأحسن واعرف ان الناس انواع فيهم الزين والشين ،الزين اتقرب منه والشين ابتعد عنه بس مااضره
وبس : )