رد : احسدوونا ع المنحه بســــــرعه كويتيات دشوو فقط كويتيات يخصنا ؟؟
ليش تفسرونهآ آنهآ حسد ؟؟
آنآ كويتية وقلت عطوآ آلبدون وآلفقآرى آللي تعرفونهم
لآ تحسبوه شرآً لكم بل هو خيـر
يعني لآ تقولين يبون شر لنآ ، آكيد تعرفين آجر آلصدقة وآعظمهآ دفعة بلى يعني في آلنهآية خير يصيبج
وآلذكرى تنفع آلمؤمنين
ترى آلفلوس رآيحة رآيحة وآحنآ مآشآء آلله يَ آلكويتيين نفكر بِ آلكمآليآت قبل آلآسآسيّآت
وشخصيآً من فضل ربي مآفرقت معآي آلفلوس لآن عطيتهآ من يستحقهآ آن شآء آلله من قبل تجـي
آلله يبآرك لكم في آموآلكم وآهم شي صآحب هـ آلمنحة لآ تنسونـه من دعآآؤكم
و الله هذا رد وحدة كويتية اصل و فصل و الله :nbvppw:
تدرون ليش اكتب هالكلام ؟؟؟
لأني اليوم ( صعقت ) من ردود أفعال بعض زميلاتي بالدوام تجاهي آنا !!
انا مو كويتية , انا خليجية , بس من مواليد الكويت
و يشهد الله اني كنت فيها من الصامدين ايام الغزو ,,
و اشتغل بهمة و ضمير فوووووووووق طاقتي ,,
و ما انتظر مقابل ..
اليوم , انا ما دريت بموضوع المنحة الا اليوم الصبح و بالدوام , نوعي ما اتابع اخبار و لا شيء ,,
اليوم بعض البنات الله يهديهم يطالعوني بنظرة جني حاسدتهم ! الحمد لله و الشكر
هذا و هم عارفيني من زمان , بنت خير و نعمه و لله الحمد ,,
و حتى لو ما كنت جذي , على الاقل هم عارفيني عدل ! مع ذلك ! و الله و الله نظراتهم و تصرفاتهم و حتى بعض الكلمات اللي قطوها شي غلط غلط !!
انا يوم قريت ردج , تفاءلت وايد , و قلت فعلا ظني بأهل الكويت ما خاب
اهل الكويت اللي انا عايشة معاهم مو سنة و سنتين , الا عمري كلللللللله
ترا محد يحسد الا اللي عينه فارغه !
اللي عينه مليانه من فضل الله , ما يحسد , حتى لو كان على المعاش
و اللي عينه ما يملاها الا التراب , هو اللي يحسد الناس حتى لو عنده ملايين !! و الواقع يشهد , و اكيد كلنا شايفين بحياتنا ناس جذي
و اللي يشكك بأهل الكويت و ضيوف الكويت , و اخوان الكويت , ما يستاهل يسمونه كويتي
لان اهل الكويت اهل أصل و فصل و حسن تعامل
و اخلاق عالية فوق
مو هذيلي الــ ( حبربش ) و آسفة على الكلمة !!
اليوم و الله و الله فيه مجموعة من البنات بالدوام يقولون ان الخليجيين شحاتين بالكويت !! و المصيبة يقولونها جدامي !!
الخليجيين يشتغلون بالكويت و شحاتين يدورون اللقمة !!!
تكفون شوفوا الى اي درجة من الاسفاف و صلنا !!
طبعا هذولي ما يمثلون الكويت ابدا و لا يستاهلون بنقال عنهم كويتيات ابدا
و لا يستاهلون هالديرة !!
لانهم حتى مجرد احترام لضيوفها ما قدروا يحترمون !!
الكويتي ولد خير و نعمة , معاش شهر واحد يوصل فوق الالف ما شاء الله
علشان جذي لما يشوف الف دينار ما ينهبل و يطق الاخلاق و الذوق بالطوفة !! و يقعد يخربط بالحجي ما يدري شيقول
!!
الكويتي من عمر الدنيا ولد خير و نعمة ما شاء الله
مو يشوف الالف دينار ما يقدر يسيطر على اعصابه و ما يدري وين يودي الحقد وين
هذولي ما يمثلون الكويت ابدا .. و لا يستاهلون يكونون كويتيين
حسافة عليهم كلمة كويتي .. حسافة !!
و الله يا اختي يوم قريت ردج , حسيت براحة , لأن ظني بأهل الكويت في محله
اختج هب العطر
