- إنضم
- 14 يونيو 2009
- المشاركات
- 10,222
- مستوى التفاعل
- 0
- النقاط
- 0
بسم الله الرحمن الرحيم
السلام عليكم ورحمة الله وبركاته
اليوم وبعد سماع خبر المنحه
كنا قاعدين نسولف عنها ببيت يدتي
بس صار موقف جدامي وبغيت ابجي يوم شفته
بنت خالتي امها كويتيه ابا عن جد ( اللي هي خالتي ) والله ان خالتي من حبها للكويت عمرها ما طلعت منها ولا سافرت
الشاهد من الكلام ان خالتي هذي ايام اول بالثمانينات خذت واحد كويتي وهي صغيره وعذبها مسكينه لين تطلقت منه وعقبه ما ياها الا واحد مو كويتي المهم تزوجته وعاشت معاه عيشه هنيه
ويابت منه 3 بنات
الكبيره تزوجت واحد هم مو كويتي من جنسيه ابوها وللعلم لا هي ولا ابوها عندهم احد بديرتهم اهلهم كلهم هني بتقولون لي ليش ما خذت كويتي بقول لكم نصيب لان البنيه مو ناقصها شي بس نصيبها جذي
حاولت انها تروح ديرتها الام وتعيش هناك ما قدرت كانت تتصل بامها وتقول لها انا بديره غربه
للاسف هذا حال كل ابناء الكويتيات لاهم ينتمون لبلدهم لان عمرهم ما شافوها ولا هم كويتين مع انهم ولائهم ووطنيتهم للكويت
المهم البنيه الي عاشت وتربت ويانا وبمدارسنا وعمرنا ما حسينا انها مو كويتيه مو عشان انها بنت خالتها لا بس لان الام اللي تربي وتغرس بقلب عيالها الولاء والانتماء كانت كويتيه
وبنت خالتي كانت كويتيه بكلللللللللل ما تحمل الكلمه من معنى لا لهجتها ولا ولائها وما زالت تعتبر الكويت ديرتها
المهم يا بنات خالي بعد ما طلق زوجته خذا وحده مو كويتيه من جنسيه فقيره ويايه مو شايفه خير ودايما تنتقد الكويت واهلها واحنا في صراغ معاها دايم
وحتى كلامها ما زالت تتكلم بلهجتها
المهم بمقارنه بسيطه بين بنت خالتي ومرت خالي
بنت خالتي الي تربت وعاشت وما عرفت ديره ثانيه غير الكويت تصير وافده !!!!!!
واللي يايه من تحت الهايشه ( البقره بلهجتهم ) صارت كويتيه وتاخذ المنحه وتقعد معانا اليوم
وتقول حق بنت خالتي بالفم المليان
انتي ما تستحقينها لانج مو كويتيه
ااااااااااااااااااااااااااااااااخ احسها غصه بقلبي الحين الكويتي يروح يتزوج من جناسي الدنيا كلها واللي اصلا ماخذته الا عشان جنسيته تصير كويتيه وعيال الديره الي يعتبرون بلدهم الام بلد الغربه يصيرون وافدين
اللي يابهم بطن كويتي والام الي ربت فيهم ان الكويت ديرتهم وصارو يحزنون لحزنها ويفرحون لفرحها هم الوافدين
واللي توها يايه من ديرتها ولمجرد انها تزوجت كويتي صارت كويتيه وتقعد تحط ريل على ريل وتقول انا مواطنه
انا شخصيا اعتبر فئه ابناء الكويتيات الفئه الضاله اللي لا طالو بلح الشام ولا عنب اليمن
السلام عليكم ورحمة الله وبركاته
اليوم وبعد سماع خبر المنحه
كنا قاعدين نسولف عنها ببيت يدتي
بس صار موقف جدامي وبغيت ابجي يوم شفته
بنت خالتي امها كويتيه ابا عن جد ( اللي هي خالتي ) والله ان خالتي من حبها للكويت عمرها ما طلعت منها ولا سافرت
الشاهد من الكلام ان خالتي هذي ايام اول بالثمانينات خذت واحد كويتي وهي صغيره وعذبها مسكينه لين تطلقت منه وعقبه ما ياها الا واحد مو كويتي المهم تزوجته وعاشت معاه عيشه هنيه
ويابت منه 3 بنات
الكبيره تزوجت واحد هم مو كويتي من جنسيه ابوها وللعلم لا هي ولا ابوها عندهم احد بديرتهم اهلهم كلهم هني بتقولون لي ليش ما خذت كويتي بقول لكم نصيب لان البنيه مو ناقصها شي بس نصيبها جذي
حاولت انها تروح ديرتها الام وتعيش هناك ما قدرت كانت تتصل بامها وتقول لها انا بديره غربه
للاسف هذا حال كل ابناء الكويتيات لاهم ينتمون لبلدهم لان عمرهم ما شافوها ولا هم كويتين مع انهم ولائهم ووطنيتهم للكويت
المهم البنيه الي عاشت وتربت ويانا وبمدارسنا وعمرنا ما حسينا انها مو كويتيه مو عشان انها بنت خالتها لا بس لان الام اللي تربي وتغرس بقلب عيالها الولاء والانتماء كانت كويتيه
وبنت خالتي كانت كويتيه بكلللللللللل ما تحمل الكلمه من معنى لا لهجتها ولا ولائها وما زالت تعتبر الكويت ديرتها
المهم يا بنات خالي بعد ما طلق زوجته خذا وحده مو كويتيه من جنسيه فقيره ويايه مو شايفه خير ودايما تنتقد الكويت واهلها واحنا في صراغ معاها دايم
وحتى كلامها ما زالت تتكلم بلهجتها
المهم بمقارنه بسيطه بين بنت خالتي ومرت خالي
بنت خالتي الي تربت وعاشت وما عرفت ديره ثانيه غير الكويت تصير وافده !!!!!!
واللي يايه من تحت الهايشه ( البقره بلهجتهم ) صارت كويتيه وتاخذ المنحه وتقعد معانا اليوم
وتقول حق بنت خالتي بالفم المليان
انتي ما تستحقينها لانج مو كويتيه
ااااااااااااااااااااااااااااااااخ احسها غصه بقلبي الحين الكويتي يروح يتزوج من جناسي الدنيا كلها واللي اصلا ماخذته الا عشان جنسيته تصير كويتيه وعيال الديره الي يعتبرون بلدهم الام بلد الغربه يصيرون وافدين
اللي يابهم بطن كويتي والام الي ربت فيهم ان الكويت ديرتهم وصارو يحزنون لحزنها ويفرحون لفرحها هم الوافدين
واللي توها يايه من ديرتها ولمجرد انها تزوجت كويتي صارت كويتيه وتقعد تحط ريل على ريل وتقول انا مواطنه
انا شخصيا اعتبر فئه ابناء الكويتيات الفئه الضاله اللي لا طالو بلح الشام ولا عنب اليمن
