- إنضم
- 20 مارس 2008
- المشاركات
- 153
- مستوى التفاعل
- 0
- النقاط
- 0
السلام عليكم ورحمة الله وبركاته
بنات .. أنا بدخل بالسالفة على طول
راسي يعورني من كثر التفكير .. ونفسيتي وايد تعبت
السالفة وما فيها
إن أمي كانت دايم تشكي لي من أمه .. وكانت تنقهر
وأنا رديت عليها : يما تكفين إذا تبين تخربين بيتي قوليلي سوالف خالتي
لاني والله ما أتحمل أحد يغلط عليج ......... إلخ
أنا قلت جذي لاني مابي أمي كل شوي تقولي أمه وأمه .. مليت وتعبت
يعني شسوي .. كانت تقولي كلميها .. قلت لها أنا راح أتفاهم معاها بعدين مع زوجي لان الحين مو وقته
المهم أمي ما صبرت .. راحت قالت حق زوجي اللي أكو وإللي ماكو
وزوجي طنش وقال جني ما سمعت شي .. مع ان الكلام كان عن سوالف أمه واخته بعد
شافت أمي ان أنا وزوجي ما سوينا شي .. راحت الله يهيدها
واتصلت على اخته الكبيره
واخته الكبيره بيني وبينكم والله العظيم اني أعتبرها مثل خواتي واني أحبها حيل حيل
وحسيتها انها أقرب وحده لي .. وتفهمني من عيوني وهي بعد كانت تسولف لي وتشكي لي همومها
المهم ..
بعد ما أمي كلمت أخته الكبيره واخته بينت لامي إنها بتصلح كل شي
ذاك اليوم راحت وحده من خواته طرشت له مسج وكاتبه فيه .. فلان تعال بروحك ضروري
وصج .. راح
وهناك والطامة الكبرى .. والصدمة
طلع اخته الكبيره مسجلة بتلفونها المكالمه بينها وبين أمي !!!
وميمعه الحبايب كلهم يسمعون !!!
محد قال عيب أو حرام اللي يسوونه !! والكل قعد يسمع بس زوجي قال
أنا ما سمعت الباجي وقال هالكلام ما يهمني
قالت شلون .. تفتري على امك !!
قال أنا مالي شغل
لانه يعرف سوالف أمه .. واللي أمي قالته مو افتراء
المهم .. هني تشتت العايله .. وصار الكل يكرهني عشان أمي ..
وأهلي صاروا ما يطيقون حتى طاري أهل زوجي
عقب ما كانت اليمعات والوناسه انقلب حالنا بؤس وحسد !!
وفوق كل هذا .. انهم مو مخليني بحالي ..
تخيلوا .. أمه قايله حق وحده نعرفها دوري لنا زوجه حق ولدي فلان
جان تقولها بس هو مو متزوج فلانه
قالت : بلا .. بس مرته أذيه وتعبنا من سوالفها ومو سنعه
جان ترد : صبروا عليها يمكن تتسنع !!!
يا ناس عندها 3 من عيالها كبار ومو متزوجين ما فكرت تزوج إلا زوجي !! شنو هالأم ؟؟
حرام يا ناس اللي يصير فيني .. والله ان مالي ذنب والله
ومحد ضاع غير ولدي المسكين ... اللي يوم كنت أرده من بيتهم
كنت أشوف بحفاظته سكر !!! كل هذا حقد فيهم تجاهي
يطلعون حرتهم بالولد .. واستغلوا عدم وجودي بينهم
بنات قولوا شسوي .. شنو الحل .. والله تعبت .. ساعدوني
وأنا ما عندي أحد أشكي له إذا تكلمت حق زوجي قالي تدورين المشاكل
وإذا قلت لاهلي شبوا البيت نار وشيشوني ..
أنا أبي حل .. شسوي تكفون ؟؟؟
