أهل زوجي وأهلي .. وأنا بالنص :(

[أبيات الكويت]

رد: رد : أهل زوجي وأهلي .. وأنا بالنص

ماادري حبيبتي اناا احس انه امج سببت كل هالمشكله سووري حبيبتي اووك

الحين اناا اقوول تبينين حق امج انج زعلاانه وتكلمينهاا وتقوولين لهاا يرضيج اللي صاار ؟؟

عشاان تحس ومره ثاانيه ماتسبب لج مشاااكل

مسكينة والله في يومها أنا كنت أبجي من اللي صار وقلت لها (يما كله منج ليش تتصلين )

فلانه راعية مشاكل ما تصلح بتخرب الأمور دام كلمتيني وكلمتي زوجي خلاص

ماله داعي تدخلين أحد بينا .. ومن يومها وأشوفها متحسفة وقالت مادري ليش أنا تكلمت

حسيتها ندمانه وايد وايد وحتى طاحت علينا يومها من كثر المشاكل .. تر أمي مره عودة

وهني أنا اللي حسيت بالذنب مادري ليش .. كنت أقول إذا صارلها أي شي أنا السبب ..​

واحس ردة فعل اهل ريلج طبيعيه جداا جداا حطي نفسج مكاانهم بتسوين مثلهم وزود بس فتره وبيهدي الوضع وانتي كلمي حمواتج وخالتج واعتذري عن امج مهماا كان اعيال ولدج وامج اللي بدت بالغلط فانتي اعتذري حق خالتج واهيه بحسبت امج فعادي

أبد ردت فعلهم بينت أصلهم .. أنا أعرف اللي يسمع شي يصلح مو يزيد النار حطب

ومستحيل ان سمعت شي عن أهلي أسوي نص اللي سووه .. تسجيل مره وحده !!

" الفتنة أشد من القتل "

لا ومجمعتلي الاهل كلهم حتى خوانها .. محد فيهم قال عيب أو حرام أو حتى غلط اللي يسوونه

ما بقى تسمع إلا جيرانهم وتنزل التسجيل عاليوتيوب بعد !!

الله يهيدها .. ما توقعتها جذي .. وكنت أشوفها صديقة عمري .. ، ​

وحااولي كثر مااتقدرين تبعدينهم عن بعض خلج رسميه مع الاثنين

صعب الواحد يكون رسمي مع أهله اللي ربوه ​

وعلى سالفة ولدج امبي صج صج احترييييييييييييييييييييت ديربالج عليه ولااتعطينه لهم وان قالوو لج نخااف عليه منج قووليلهم انا اللي قمت اخاف عليه منكم باللي سويتوه حراام هذا ياهل وهذا ولدكم وانا اقول لاتسكتين عن هالموضوع كلمي ريلج وكلمي خالتج هذاا ياهل ماله شغل بالمشااكل يحبونج مايحبونج كيفهم بس هذااا ولدهم اول شي وثاني شي يااااهل فحرااام ليش يسوون جذي !!!!


الله يعينج ويفرج همج

إي والله صاجه المسكين الياهل ماله ذنب باللي يصير

والله اني احتريت وايد وايد ،، أنا حطيت ولدي عندهم أمانة وهم يسوون جذي !!

توقعت كل شي إلا انهم يضرون ولدي ​

​

 

[أبيات الكويت]

رد: رد : أهل زوجي وأهلي .. وأنا بالنص

مشكلتج شوي مشربكه

بحاول قد ما اقدر افيدج بردي

ما اقولج اخذيه بس اتمنى يفيدج


اولا : واضح ان شخصيتج بينهم شوي ضعيفه

انا ماقولج صيري قليله ادب وصرخي وفعلي ولاتسمعين الكلام لا

بس بما انج متزوجه وعندج ولد .. استقلي بحياتج وقراراتج عن اهلج واهله

لا والله ماني ضعيفة بس كنت أحترمهم .. وكان زوجي دايم يقولي طوفي وطوفي

وفعلاً ما أتكلم ولا أييب طاريهم إلا بالخير وسوالفهم أحطها بقلبي

ولو غيري يصير لها اللي يصير جان شرشحتهم وما خلت أحد بحاله ​

يعني مثل ماتكرمتي وقلتي .. امي تقول وامي تقول

مسكيها
قولي لها يمه ادري ان كل اللي تقولينه صح .. بس والحل ؟
انا الزم ماعلي ريلي والباقي كيفهم اهم احرار ولهم فوق رب يحاسبهم
والواحد مابيده يغير الناس الا اذا الناس نفسهم غيروا من نفسهم
مع الايام كل شي يبين وتتعدل الامور

وتقدرين تستخدمين هالاسلوب معاها حاليا اذا تكلمت باهل زوجج
انا ماقولج اعصي امج

لكن حطي بعين الاعتبار

ان رضا زوجج فوق رضا امج بالدين

وزوجج رضا امه فوق رضاج بالدين

شوفي المسأله شلون صايره ؟!

يعني زوجج لازم يرضي امه .. وانتي لازم ترضين زوجج

امج لها كل احترام بس جذي الامور تتوضح اكثر وبالتالي انتي لا تتآثمين فيها

قولي له روح لامك طيب خاطرها
وانتي روحي لها وطيبي خاطرها وقولي لها ان مالج يد بالموضوع
ماقولج بيني لها ان امج راعيه مشاكل .. بس حطي لها عذر مثلا قولي كانت فاهمه الامور غلط او سوء تفاهم او غيره
والافضل انج ماتييبين طاري امج

عين الصواب
---


بالنسبه لاهل زوجج
وتصرفهم مع ولدج

حطي ببالج كلمه وحده

ان اي شي يسوونه قاعدين يتحاسبون عليه عند رب العالمين

انتي لا شفتي جذي قولي حسبي الله ونعم الوكيل

واذا شفتيهم ابتسمي وقولي جزاكم الله خير

واللي يقط عليج كلمه قولي مشكوره ماتقصرين

خلج انتي الطرف اللي قاصر الشر

عشان زوجج مو عشانهم

وفعلا ترى رده فعل امج تنرفز يعني تصرفها كان جدا غلط

واذا تبين الصج ..

انا في هالمواقف احب اسوي خطوه جريئه

اجمع العايلتين مع بعض

وكل واحد يعترف بغلطته

مو انا اتحمل اغلاط الكل حتى لو كانت امي

فعلاً خطوة جريئة ووايد فكرت فيها .. أنا ما أحب القطاعه ..

لان محد بيضرر غير ولدي

بس صعبه شوي ​

امي على عيني وراسي بس كان المفروض انها تفكر بموقفي الف مرة

وبما ان كل واحد مسؤول عن افعاله خلها تتحمل مسؤوليه الفعل اللي سوته

مو معناته ان بتتضرر بس يقعدون قعده نقاش وصراحه مافيها اي شي واخر شي طاح الحطب وريلج يكون بالنص

وخلي الكل يعرف ان انتي مالج شغل بالموضوع لا من قريب ولا من بعيد

وكان اصلا غلطتج من البدايه انج ماخليتي حدود لامج مع اهل ريلج
انتي تدرين ان الشي الغالب على مجتمعنا ان العايلتين يكونون على طول في مرحله ( خصام ) او تنافس فليش اصلا ماحطيتي حدود بينهم

أمي وأمه كانو صديقات حيل حيل

واللي يشوفهم يقول ذولي خوات .. سبحان مغير الاحوال

بس قلت لج من يوم ما ولدت ولدي اسم الله عليه وأمه تغيرت وايد

مادري ليش .. تغيرت علي وعلى أهلي والحين تشوفينهم تنصدمين ​

اما بالنسبه لريلج

قعدي معاه وقولي له

اللي صاير كله يافلان انا مالي يد فيه
وانت عارف هالشي
انا ماقولك روح زف امك ولا اقولك طنش امي

هذي امك جنتك ونارك وهذي امي حسبت امك

انا اقول يا اما نهدي الوضع بينهم وتقعد انت مع خواتك تكلمهم بصراحه
تقولهم ان انا مالي شغل باللي صاير كله وماله داعي يضرون الولد عشان يغثون امه
لان ممكن امه تنغث الحين لكنباجر حسابهم عند الله كبير

وبالنهايه قولي له اللي يرضيك انا بسويه

شووفي شنو رايه وقرري معاه شنو الحل المناسب

شوي مشكلتج مشربكه

بس المفروض تحطين النقط على الحروف

لو بقولج طلعي شقه بروحج بكون ماحليت شي بينكم
لان بتتركين المشكله المشربكه بمكان وانتي بتنتقلين مكان ثاني
لكن الاكيد ان الكلام والاحساس السلبي اتجاهج راح يستمر

عشان اهون عليج الموضوع

بقولج
تخيلي مشكلتج عباره عن كره صوف مشربكه وتبين تفججينها

اكيد راح تفججينها خطوه خطوه وشوي شوي
هذي مشكلتج بالضبط

في اتجاهات بالمشكله انتي مالج يد فيها .. لازم تستحملين ردود الفعل فيها الهجومي طبعا
ماعليه دخليه من اذن وطلعيه من الثانيه بس اهم شي اللي جدامج يطلع اللي بقلبه
وبعد مايطلعون اللي بقلبهم بيفكرون تفكير منطقي شوي لان طاقه الغضب اللي فيهم بتكون تصرفت فيج
ونصيحتي لج بهالمرحله طيبي خاطرهم بكلمه حلوة
مثلا لا هاجمتج اخت زوجج قولي لها يافلانه انتي بالنسبه لي اخت ومهما قلتي ماراح ازعل
انا لو بحسبج حماة ماقعدت معاج وابي تتصافى القلوب انتي لي اخت ومهما قلتي انا ماني زعلانه
بتكسرين عينها

وبالنسبه لسالفه ان يبون يزوجون ريلج .. مايبون يزوجونه ولا شي بس ام ريلج قالت هالشي وواهي تدري ان الكلام بيوصلج وبتنغثين

رايي لج طنشي وسوي نفسج جنج ماااااااااااااااااااااسمعتي كلش
واذا احد ياج وقالج ام ريلج قالت وام ريلج فعلت قولي لا حرام لاتتبلون عليها اهي تحبني والله ماتتمنالي الشر ابد يمكن انتوا سامعين من ناس يبون يخربون علاقتنا ببعض الله يخليها لي ولايحرمني منها
بهالطريقه تضربين 3 عصافير بحجر
1- الكلام بيوصل لام ريلج وتنقد على نفسها
2- توضحين للناس انج اسنع من السنع وان اهم اللي قاعدين يتبلون عليج
3- تكبرين بعين زوجج لان اكيد بيوصله الخبر

اما اذا مثلا سمعتي السالفه من امج او اختج او اي احد قريب منج سكتي ولا تييبين لها طاري جنها ماوصلتج اصلا ولا تدرين شسالفه

ماعليه ادري انج راح تتعبين بس بتتعبين شوي وبترتاحين اكثر بعدها لما تتصافى كل القلوب

امج حطي لها حدود مع اهل ريلج
اخذي مابخاطر ام ريلج وخواتها ( لاتنسين ان امج اهي اللي تهجمت عليهم يعني من الواجب انج تاخذين مابخاطرهم )
رضا زوجج اولا واخيرا

واتمنى اكون افدنج ​

مشكورة حبيبتي على تفاعلج معاي .. وكلامج في عين الصواب ​

 

[أبيات الكويت]

رد: رد : أهل زوجي وأهلي .. وأنا بالنص

حبيبتي والله عورتي قلبي
بس لفت نظري شغله





صج نآس مافي قلوبهم ذره رحمه طفل ويسون فيه جذي
يعني هذا ولدهم مو غريب عيل اذا احقدوا على الغريب شراح يسوون
صج الله يعينج

اي والله صاجه .. الله يسامحهم

يمهل ولا يهمل سبحانه ​

 

[أبيات الكويت]

الله يعينج ويصلح الحال بينج وبين حمولتج

وبصراحه المتميزه ماقصرت بردها لج

مشكورة حبيبتي على مرورج

وفعلاً المتميزة ما قصرت :eh_s(17):​

 

[أبيات الكويت]

رد: رد : أهل زوجي وأهلي .. وأنا بالنص

حسبي الله و نعم الوكيل في حماتج خرابه البيوت

انشالله عندها بنات و اذا ما عندها الله يرزقها بنات علشان تجرب

حمدي ربج ان ريلج الله هاديه و ما يتدخل بسوالف الحريم

لا تناقشينه و لا تقولين له سوالفهم و عيشي حياتج

و الله يعينج على حزب البعث

ههههه

حلوه حزب البعث

يا عمري الله يصفي النفوس ان شاء الله

ومشكورة على مرورج الطيب​

 

[رقي]

الله يفرج عنج

 

[أبيات الكويت]

لا إله إلا الله ... الله يكوون بعووونج يا أختى ..نصيحـــه لوجه الله .. افرشي سجادتج وصلي وادعي وكثري دعااء ... وحصنى نفسج ...

مشكورة أنت الغرام على مرورج الطيب :eh_s(17):

وأنا بصبر عشان زوجي .. إن الله مع الصابرين ​

 

[أبيات الكويت]

لاحول ولا قوه الا بالله العظيم حبيبتي نصيحه ابتعدي عن اهل زوجج لو بس هالفتره لين تهدى النفوس وخلي امج تبعد عنهم بعد علشان تخف المشاكل وانتي مالهم حق عليج اهم شي ولدهم اللي هو زوجج مايقطع اهله ويوصلهم لين يتغير الحال وخلي علاقتج رسميه معاهم حيييل ولا تشتكين لزوجج علشان ما يتضايق ويكره القعده بالبيت لانه بالنهايه هذول اهله وراح يكون بينج وبينهم ما يدري منو يرضي خليه يلقى الراحه والهدوء عندج علشان مايفكر بغيرج والله يهدي النفوس ويصلح حالكم *

مشكورة حبيبتي على مرورج

وفعلاً ألزم ما علي زوجي .. عسى ربي يسخره لي

ولا يفرقنا أحد عن بعض :eh_s(17):​

 

[أبيات الكويت]

الله يفرج عنج

آمين يا رب :yaaaaaarb:​

 

[ديانا سبنسر]

مااقول الا الله يعينج انتي وزجج

 

[ضايعة بدنيتي]

لاحول ولا قوة الا بالله

الله يهدي الجميع وقولي مليون الحمدلله ان زوجك شايل من راسه سوالف الحريم ومشاكلهم .

الله يهدي سركم ويهدي االجميع

 

[Elizabeth]

حبيبتي اللي صار وايد مو حلو لا بحقج ولا بحق امج يعني حماتج ماتستحي ولا تنتخي شلون تسجل امج ماخافت الموضوع يكبر تصرف طايش ويدل انه نيتها مو صافية وماعملت حساب للعشرة المهم الحين انتي بيدج كل شي

امج الله يهديها وايد كبرت المسالة وهم مافكرت ببنتها وخريها عن حمولتج ولا تقولين لها اي شي عنهم من اليوم ورايح الحل الرسمية مع حمولتج وامج على العين والراس اما حياتج مع ريلج وحمولتج لا تدخل بالنص

وقفي الكل عند حده وحماتج مسكيها وكلميها قوليلها انا ماكبرت الموضوع علشان بوعيالي ولا اللي سويتيه عيب ترضينها على امج؟

ومن يومها غيري علاقتج معاها رسمي وبس السلام وعليكم السلام شتبين منهم ؟؟

الحين ريلج بصفج حمدي ربج لا توصلينه مرحلة يصير ضدج ..... والله يهددي النفوس

 

[amna_83]

رد : أهل زوجي وأهلي .. وأنا بالنص

يمكن السالفه توها صايره
علشان جذي النفوس شايله على بعض
امج غاليه وعزيزة عليج
وأمه غاليه وعزيزة على ريلج
لا أنتي ترضين على أمج ولا هو يرضى الغلط على أمه
الله يهدي النفوس
وتردون سمن على عسل
يارب

 

[الخجل الانثوي]

لاحول ولا قوة الا بالله

 

[latkt7as]

الموضوع له سنتين ليه رافعينه؟؟؟؟

 

[PuPa^^SWeeT]

اتفقي ويا ريلج على طريقة للصلح


ماكو حل غير هذا

 

[نبض السعاده]

الله يعينج

 

[مياوي ديسمبر]

الله يكون بعونج حبيبتي

مالج الا الدعاء و الله يصلح احوالج ان شا ء الله

 

[بكيزة هانم]

الله المستعان

 

[شطانه طفله]

احسن شي ان اهلج مايتواصلون مع اهل زوجج وخلاص لانالمشاكل راح تكبر

والله يعينج ويسخرلج ريلج