أهل زوجي وأهلي .. وأنا بالنص :(

[ReeM ^ Style]

رد : أهل زوجي وأهلي .. وأنا بالنص

هلا حبيبتي
الله يعينج الصراحه
المفروض من اول مواضيعج انتي واهل زوجج خاصه فيج
يمكن امج ماكانت منتبهه عليهم
ويمكن انتبهت على شغله مثل دخولهم للمطبخ وتكلمت بهالموضوع
وانتي ساعدتيها يعني من البدايه شكله امج متشيشه عليهم

الحين كل اللي عليج تصلحين العلاقه مع اخته الكبيره
صج انها مو كفو بس لازم تفهمينها انج مالج شغل بالموضوع
وحاولي ترجعين العلاقه لمجاريها جذي افضل لج
وخلي علاقتج معاهم رسميه
وقولي لامج انج قاطعتيهم حتى لو رديتي تزورينهم
واسرارج دايما احتفظي فيها لنفسج
وخصوصا اسرار بيتج لانها اذا طلعت بتصير مشاكل مالها اول ولا لها تالي
والله يعينج ان شاءالله

 

[أبيات الكويت]

رد: رد : أهل زوجي وأهلي .. وأنا بالنص

هلا حبيبتي
الله يعينج الصراحه
المفروض من اول مواضيعج انتي واهل زوجج خاصه فيج
يمكن امج ماكانت منتبهه عليهم
ويمكن انتبهت على شغله مثل دخولهم للمطبخ وتكلمت بهالموضوع
وانتي ساعدتيها يعني من البدايه شكله امج متشيشه عليهم

الحين كل اللي عليج تصلحين العلاقه مع اخته الكبيره
صج انها مو كفو بس لازم تفهمينها انج مالج شغل بالموضوع
وحاولي ترجعين العلاقه لمجاريها جذي افضل لج
وخلي علاقتج معاهم رسميه
وقولي لامج انج قاطعتيهم حتى لو رديتي تزورينهم
واسرارج دايما احتفظي فيها لنفسج
وخصوصا اسرار بيتج لانها اذا طلعت بتصير مشاكل مالها اول ولا لها تالي
والله يعينج ان شاءالله

لا والله اختي أنا كلش ما كنت أييب لامي طاريهم إلا بالخير

بس هم حركاتهم تغث الواحد .. وكانوا وايد يغثون أمي إذا زاروها

وأنا كنت أهديها وأقولها مو قصدهم .. عادي طوفي .. ناس وايد جذي

أصلا كنت أحاول أصلح اللي صار .. وما أحب أنقل حجي

( الفتنة أشد من القتل )

وعلى قولتج بخلي علاقتي رسمية معاهم ​

 

[أبيات الكويت]

المتميزة@80

مشكورة حبيبتي ما قصرتي ​

 

[ملوكة الامورة]

الله يعينك وماعليك الا من نفسك وزوجك وبيتك
واهلة رحوا يسلمي بس وطلعي خليك رسمية حيل معهم
وحاولي تكسبين رجلك ياقلبي
وامك لاعاد تقوليلها شي
وعليك بالدعاء والاستغفار
والله يفرج همك

 

[دانة من البحرين]

رد : أهل زوجي وأهلي .. وأنا بالنص

الله يصلح الحال بين الجميع

وماهو لصالح الكل تكون هالعداوة والكرهية

واله يعينج حبيبتي

 

[travel_addicted]

رد : أهل زوجي وأهلي .. وأنا بالنص

خلي علاقتج مع اهل ريلج رسمية يعني اذا بتزورين مع ريلج بس لا تروحين بروحج و لدج ليش يقعد عندهم بروحه ؟ خليج دايما وياه
و مو لازم يكون في علاقة بين اهلج و اهل ريلج لانه ابحالتج البعد عنهم غنيمة و لا تحاتين ان ريلج يسمع كلام امه و يتزوج لانه ما شاء الله شكله عقلة كبير و ما يحب المشاكل و لايضيق خلقج على كلام خالتج عليج لان صدقيني الله ما يضيع حق عباده و صدقيني ماردها راح يرجع لها هالشي سواء فيها او بناتها و على قولتهم نام مظلوم و لا تنام ظالم
و انتي عليج بالدعاء ان الله يهديهم و يسخر لج زوجج

 

[Vouge]

رد : أهل زوجي وأهلي .. وأنا بالنص

مافهمت شنو يعني بحفاظته سكر .. يعني شكر؟ وحتى لو شكر
ما فهمت شبسوي الشكر؟

 

[ام شووووق]

رد : أهل زوجي وأهلي .. وأنا بالنص

الله يعينج

 

[انا حبه للابد]

رد : أهل زوجي وأهلي .. وأنا بالنص

الله يعينج ربج قادر يبدل من حال لي حال بقدرته
وعليج بالاستغفار والتقرب لله والصدقه

 

[~LiBrA~]

رد : أهل زوجي وأهلي .. وأنا بالنص

مادري الله يعينج

بس اشوف انج تروحين حق خالتج وتعتذرين منها عن الي قالته امج حتى لو كانت صاجه وتقوليلها لا تحملوني ذنب غلط امي انا مالي شغل


وبعد تكلمين امج تقوليلها لا تكلم اهل ريلج شلون تدق عليهم من وراج

جذي قاعده تخرب بيتج

 

[nora al]

رد : أهل زوجي وأهلي .. وأنا بالنص

ماادري حبيبتي اناا احس انه امج سببت كل هالمشكله سووري حبيبتي اووك

الحين اناا اقوول تبينين حق امج انج زعلاانه وتكلمينهاا وتقوولين لهاا يرضيج اللي صاار ؟؟

عشاان تحس ومره ثاانيه ماتسبب لج مشاااكل

واحس ردة فعل اهل ريلج طبيعيه جداا جداا حطي نفسج مكاانهم بتسوين مثلهم وزود بس فتره وبيهدي الوضع وانتي كلمي حمواتج وخالتج واعتذري عن امج مهماا كان اعيال ولدج وامج اللي بدت بالغلط فانتي اعتذري حق خالتج واهيه بحسبت امج فعادي

وحااولي كثر مااتقدرين تبعدينهم عن بعض خلج رسميه مع الاثنين

وعلى سالفة ولدج امبي صج صج احترييييييييييييييييييييت ديربالج عليه ولااتعطينه لهم وان قالوو لج نخااف عليه منج قووليلهم انا اللي قمت اخاف عليه منكم باللي سويتوه حراام هذا ياهل وهذا ولدكم وانا اقول لاتسكتين عن هالموضوع كلمي ريلج وكلمي خالتج هذاا ياهل ماله شغل بالمشااكل يحبونج مايحبونج كيفهم بس هذااا ولدهم اول شي وثاني شي يااااهل فحرااام ليش يسوون جذي !!!!


الله يعينج ويفرج همج

 

[غــلآ]

رد : أهل زوجي وأهلي .. وأنا بالنص

مشكلتج شوي مشربكه

بحاول قد ما اقدر افيدج بردي

ما اقولج اخذيه بس اتمنى يفيدج


اولا : واضح ان شخصيتج بينهم شوي ضعيفه

انا ماقولج صيري قليله ادب وصرخي وفعلي ولاتسمعين الكلام لا

بس بما انج متزوجه وعندج ولد .. استقلي بحياتج وقراراتج عن اهلج واهله

يعني مثل ماتكرمتي وقلتي .. امي تقول وامي تقول

مسكيها
قولي لها يمه ادري ان كل اللي تقولينه صح .. بس والحل ؟
انا الزم ماعلي ريلي والباقي كيفهم اهم احرار ولهم فوق رب يحاسبهم
والواحد مابيده يغير الناس الا اذا الناس نفسهم غيروا من نفسهم
مع الايام كل شي يبين وتتعدل الامور

وتقدرين تستخدمين هالاسلوب معاها حاليا اذا تكلمت باهل زوجج
انا ماقولج اعصي امج

لكن حطي بعين الاعتبار

ان رضا زوجج فوق رضا امج بالدين

وزوجج رضا امه فوق رضاج بالدين

شوفي المسأله شلون صايره ؟!

يعني زوجج لازم يرضي امه .. وانتي لازم ترضين زوجج

امج لها كل احترام بس جذي الامور تتوضح اكثر وبالتالي انتي لا تتآثمين فيها

قولي له روح لامك طيب خاطرها
وانتي روحي لها وطيبي خاطرها وقولي لها ان مالج يد بالموضوع
ماقولج بيني لها ان امج راعيه مشاكل .. بس حطي لها عذر مثلا قولي كانت فاهمه الامور غلط او سوء تفاهم او غيره
والافضل انج ماتييبين طاري امج


---


بالنسبه لاهل زوجج
وتصرفهم مع ولدج

حطي ببالج كلمه وحده

ان اي شي يسوونه قاعدين يتحاسبون عليه عند رب العالمين

انتي لا شفتي جذي قولي حسبي الله ونعم الوكيل

واذا شفتيهم ابتسمي وقولي جزاكم الله خير

واللي يقط عليج كلمه قولي مشكوره ماتقصرين

خلج انتي الطرف اللي قاصر الشر

عشان زوجج مو عشانهم

وفعلا ترى رده فعل امج تنرفز يعني تصرفها كان جدا غلط

واذا تبين الصج ..

انا في هالمواقف احب اسوي خطوه جريئه

اجمع العايلتين مع بعض

وكل واحد يعترف بغلطته

مو انا اتحمل اغلاط الكل حتى لو كانت امي


امي على عيني وراسي بس كان المفروض انها تفكر بموقفي الف مرة

وبما ان كل واحد مسؤول عن افعاله خلها تتحمل مسؤوليه الفعل اللي سوته

مو معناته ان بتتضرر بس يقعدون قعده نقاش وصراحه مافيها اي شي واخر شي طاح الحطب وريلج يكون بالنص

وخلي الكل يعرف ان انتي مالج شغل بالموضوع لا من قريب ولا من بعيد

وكان اصلا غلطتج من البدايه انج ماخليتي حدود لامج مع اهل ريلج
انتي تدرين ان الشي الغالب على مجتمعنا ان العايلتين يكونون على طول في مرحله ( خصام ) او تنافس فليش اصلا ماحطيتي حدود بينهم


اما بالنسبه لريلج

قعدي معاه وقولي له

اللي صاير كله يافلان انا مالي يد فيه
وانت عارف هالشي
انا ماقولك روح زف امك ولا اقولك طنش امي

هذي امك جنتك ونارك وهذي امي حسبت امك

انا اقول يا اما نهدي الوضع بينهم وتقعد انت مع خواتك تكلمهم بصراحه
تقولهم ان انا مالي شغل باللي صاير كله وماله داعي يضرون الولد عشان يغثون امه
لان ممكن امه تنغث الحين لكنباجر حسابهم عند الله كبير

وبالنهايه قولي له اللي يرضيك انا بسويه

شووفي شنو رايه وقرري معاه شنو الحل المناسب

شوي مشكلتج مشربكه

بس المفروض تحطين النقط على الحروف

لو بقولج طلعي شقه بروحج بكون ماحليت شي بينكم
لان بتتركين المشكله المشربكه بمكان وانتي بتنتقلين مكان ثاني
لكن الاكيد ان الكلام والاحساس السلبي اتجاهج راح يستمر

عشان اهون عليج الموضوع

بقولج
تخيلي مشكلتج عباره عن كره صوف مشربكه وتبين تفججينها

اكيد راح تفججينها خطوه خطوه وشوي شوي
هذي مشكلتج بالضبط

في اتجاهات بالمشكله انتي مالج يد فيها .. لازم تستحملين ردود الفعل فيها الهجومي طبعا
ماعليه دخليه من اذن وطلعيه من الثانيه بس اهم شي اللي جدامج يطلع اللي بقلبه
وبعد مايطلعون اللي بقلبهم بيفكرون تفكير منطقي شوي لان طاقه الغضب اللي فيهم بتكون تصرفت فيج
ونصيحتي لج بهالمرحله طيبي خاطرهم بكلمه حلوة
مثلا لا هاجمتج اخت زوجج قولي لها يافلانه انتي بالنسبه لي اخت ومهما قلتي ماراح ازعل
انا لو بحسبج حماة ماقعدت معاج وابي تتصافى القلوب انتي لي اخت ومهما قلتي انا ماني زعلانه
بتكسرين عينها

وبالنسبه لسالفه ان يبون يزوجون ريلج .. مايبون يزوجونه ولا شي بس ام ريلج قالت هالشي وواهي تدري ان الكلام بيوصلج وبتنغثين

رايي لج طنشي وسوي نفسج جنج ماااااااااااااااااااااسمعتي كلش
واذا احد ياج وقالج ام ريلج قالت وام ريلج فعلت قولي لا حرام لاتتبلون عليها اهي تحبني والله ماتتمنالي الشر ابد يمكن انتوا سامعين من ناس يبون يخربون علاقتنا ببعض الله يخليها لي ولايحرمني منها
بهالطريقه تضربين 3 عصافير بحجر
1- الكلام بيوصل لام ريلج وتنقد على نفسها
2- توضحين للناس انج اسنع من السنع وان اهم اللي قاعدين يتبلون عليج
3- تكبرين بعين زوجج لان اكيد بيوصله الخبر

اما اذا مثلا سمعتي السالفه من امج او اختج او اي احد قريب منج سكتي ولا تييبين لها طاري جنها ماوصلتج اصلا ولا تدرين شسالفه

ماعليه ادري انج راح تتعبين بس بتتعبين شوي وبترتاحين اكثر بعدها لما تتصافى كل القلوب

امج حطي لها حدود مع اهل ريلج
اخذي مابخاطر ام ريلج وخواتها ( لاتنسين ان امج اهي اللي تهجمت عليهم يعني من الواجب انج تاخذين مابخاطرهم )
رضا زوجج اولا واخيرا

واتمنى اكون افدنج ​

 

[ThaRbah .]

رد : أهل زوجي وأهلي .. وأنا بالنص

حبيبتي والله عورتي قلبي
بس لفت نظري شغله

كنت أشوف بحفاظته سكر !!! ​

صج نآس مافي قلوبهم ذره رحمه طفل ويسون فيه جذي
يعني هذا ولدهم مو غريب عيل اذا احقدوا على الغريب شراح يسوون
صج الله يعينج

 

[روحي تحبه غصب]

الله يعينج ويصلح الحال بينج وبين حمولتج

وبصراحه المتميزه ماقصرت بردها لج

 

[أنت الغرام]

لا إله إلا الله ... الله يكوون بعووونج يا أختى ..نصيحـــه لوجه الله .. افرشي سجادتج وصلي وادعي وكثري دعااء ... وحصنى نفسج ...

 

[جوري الكويت]

رد : أهل زوجي وأهلي .. وأنا بالنص

حسبي الله و نعم الوكيل في حماتج خرابه البيوت

انشالله عندها بنات و اذا ما عندها الله يرزقها بنات علشان تجرب

حمدي ربج ان ريلج الله هاديه و ما يتدخل بسوالف الحريم

لا تناقشينه و لا تقولين له سوالفهم و عيشي حياتج

و الله يعينج على حزب البعث

 

[مالي غير الله]

لاحول ولا قوه الا بالله العظيم حبيبتي نصيحه ابتعدي عن اهل زوجج لو بس هالفتره لين تهدى النفوس وخلي امج تبعد عنهم بعد علشان تخف المشاكل وانتي مالهم حق عليج اهم شي ولدهم اللي هو زوجج مايقطع اهله ويوصلهم لين يتغير الحال وخلي علاقتج رسميه معاهم حيييل ولا تشتكين لزوجج علشان ما يتضايق ويكره القعده بالبيت لانه بالنهايه هذول اهله وراح يكون بينج وبينهم ما يدري منو يرضي خليه يلقى الراحه والهدوء عندج علشان مايفكر بغيرج والله يهدي النفوس ويصلح حالكم *

 

[أبيات الكويت]

رد: رد : أهل زوجي وأهلي .. وأنا بالنص

خلي علاقتج مع اهل ريلج رسمية يعني اذا بتزورين مع ريلج بس لا تروحين بروحج و لدج ليش يقعد عندهم بروحه ؟ خليج دايما وياه
و مو لازم يكون في علاقة بين اهلج و اهل ريلج لانه ابحالتج البعد عنهم غنيمة و لا تحاتين ان ريلج يسمع كلام امه و يتزوج لانه ما شاء الله شكله عقلة كبير و ما يحب المشاكل و لايضيق خلقج على كلام خالتج عليج لان صدقيني الله ما يضيع حق عباده و صدقيني ماردها راح يرجع لها هالشي سواء فيها او بناتها و على قولتهم نام مظلوم و لا تنام ظالم
و انتي عليج بالدعاء ان الله يهديهم و يسخر لج زوجج

مشكورة حبيبتي على مرورج

مرات أنا أكون بالدوام وزجي دوامه شفتات وما يداوم إلا يوم وترك

عشان جذي ياخذه عندهم فترة الصبح .. ما باليد حيله .. !!

وأنا قررت اني أصير رسمية معاهم ​

 

[أبيات الكويت]

رد: رد : أهل زوجي وأهلي .. وأنا بالنص

مافهمت شنو يعني بحفاظته سكر .. يعني شكر؟ وحتى لو شكر
ما فهمت شبسوي الشكر؟

اي شكر .. نعمة الله يحطونها بالحفاظه !!

وآنا نفسي ماني عارفة ليش سوو جذي ؟؟ ​

 

[أبيات الكويت]

رد: رد : أهل زوجي وأهلي .. وأنا بالنص

مادري الله يعينج

بس اشوف انج تروحين حق خالتج وتعتذرين منها عن الي قالته امج حتى لو كانت صاجه وتقوليلها لا تحملوني ذنب غلط امي انا مالي شغل


وبعد تكلمين امج تقوليلها لا تكلم اهل ريلج شلون تدق عليهم من وراج

جذي قاعده تخرب بيتج

في أم تخرب بيت بنتا ؟؟ مستحيل :080402ask_prv:

أمي كلمت بنتها الكبيرة على انها عاقله للأسف .. كانت أقرب الناس لي

كنت أعتبرها مثل اختي .. والصراحه الحين تقريبا بنكمل شهر وما شفنا بعض

فقدتها .. بس اللي سوته في أمي مو شوية .. يوم انها وثقة فيها وكلمتها ..

أنا ما أدافع عن أمي .. أمي صح غلطانه وقلت لها انها اغلطت وايد وفوق كل هذا قالت انها بتعتذر لامه

بس تنطر الوقت المناسب وأنا عن نفسي مادري متى !!

وهي ما قالت جذي إلا كانت تبي تشوف حل حق سوالف أمه وتدخلها حتى في بيت أهلي

وسوالفها وحركاتها كانت تهدم حياتي شوي شوي وأمي كانت تشوف جدام عينها وتنقهر

.. من يوم ما ولدت وهي تغيرت علي وايد والكل ملاحظ هالشي .. حتى زوجي ..

والخطوة اللي قلتيها أنا سويتها رحت لبيت خالتي واعتذرت لها عن اللي صار وبينت لها ان مالي ذنب أبد

وكانت تشوفني باحتقار !! بس عادي عشان زوجي سكت وما تكلمت ​