طبعا موضوعي حق الزوجات اللي يعانون صعوبة في التعامل مع رياييلهم - وياربي تتعدل اوضاعهم بعد قراءة هذي التعليمات المتواضعة :yaaaaaarb: :hjy5jewf:
1- طبعا النقطة رقم واحد والواحد الله : حبيبتي انتي اختي لاتنسيـــــــــــــن القرآن .. حاولي يكون جزء من حياتج اليومية .. سورة البقرة كلما تقدرين اقريها او خليها شغالة .. كثري الدعاء - خاصتا في الليل
ودايما حطي في بالج اي عمل اتقومين فيه لزوجج احتسبي فيه الاجر لرب العالمين ولاتنطرين من ريلج مقابل .واذا تبين مواضيع اتفيدج عندج( قسم الاسلاميات )مايقصرون الخوات مناك مواضيعهم حلوة في الاذكار والاستغفار
2- كوني له مثل ماهو يبي ( طبعا في غير معصية الخالق عزوجل) السر انج اتعرفين المفتاح اللي يفتح الباب لحبه لج وسعادته:
الاحتــــــــــــــــــــــــــــــــــــــــــــرام هو الاساس : تبينه يحترمح احترمي نفسج اول : انتبهي لكلامج واسلوبج وطريقتج في التعامل مع اللي حوالينج (خلج حلوة اللسان وموزونة الكلام وهادئة الصوت وحيوية).. صدقيني بيستحي على ويهة ويحطج فوق القمر :edbf4317b9:
3- دايما حسي بهالاحساس : الا وهو دايما حسي نفسج عروسة دلعي نفسج ودلعي زوجج مثل الياهل ، خلج ملكة في بيتج واهتمي فيه(قسم تبادل الخبرات اليومية والترتيب والتنظيف وقسم الطبخ راح يفيدج)..
4-اهتمي بعيالج وكوني حنووونة عليهم ولعوبة معاهم(لاتتكلين على الشغالة).. اول شي عشان ربي يآجرج وثاني شي لاشافج زوجج حنونة ومهتمة فيهم اهوا بحن عليج وعلى اليهال ويهتم فيكم :eh_s(7): (قسم التربية والطفل بفيدج طبعا)
:ioljnmlk:
5- مابي اتكلم عن الاناقة والجمال والريحة الحلوة والنظافة كلكم عارفينها ماشاء الله عليكم يالكويتيات حدكم زووووووغة وذربات :hjy5jewf:
وطبعا اذا تبين تستفيدين اكثر قسم الازياء والبشرة والشعر والمكياج والعطور في المنتدى راح يفيدج وايد وايد :edbf4317b9:
6- الاسرار الزوجية : أقولج بأعلى صوووووووووووووووووووووتي حـــــــــــــــــافظي على أسرار بيتج .. سواء كانت اوضاعج سعيدة مع ريلج او تعيسة لاتقولين حق احد ..و خصوصا الاسرار في الحياة الخاصة (( عيــــــــــــــــب )) حطي في بالج انج محاسبة :bbbiu: ..
واذا تبين مشورة في خلافج مع ريلج اخذيها من امج او وحدة كبيرة اتحب الخير لج .. ووايد خوات في هالقسم عقلهم كبير وردودهم ((ايجابية )) تقدرين تستفيدين من خبراتهم
وانشاءالله موضوعي يكون مفيد في هالقسم وخفيف عليكم.. حبيت اذكركم بهالنقاط المهمة اللي دايما احاول ما انساها واذكر نفسي فيها .. وكلها اشياء سهلة ومقدوووور عليها :eh_s(9):
التعديل الأخير:
