مساء الخيرات والمسرات ......
مادري من وين أبدي و اشلون أنتهي .... 3 مواقف مرت بحياتي مستحيل أنساها .... أول شي ولادتي ...ثاني شي عملية ابوي والحمدلله طلع منها بالسلامة ...ثالث شي وفاة خالتي .......
اتصوروا شكثر هالمواقف مهمة بالنسبه لي ... الكل زارني بولادتي بالسلامة وتحمد على سلامة الوالد ...غير جذيه الكل عزاني ..... بس للأسف اخت زوجي ماشفت لها موقف معاي ... لا شافت بنتي بالأربعين ولا تحمدت للوالد ولا عزتني ؟؟؟؟
حتى ابسط شي ..المسج... مافي؟؟؟ ياترى ليش كل هذا؟؟؟ الحمدلله مالي عداوات مع القريب والبعيد ...والكل يحبني كل خوات زوجي واخوانه يحشموني وسووا معاي الواجب إللا إهي سبحان الله !!!... حتى خالتي ام زوجي اتمووووت فيني وانا امووووت فيها انسانه ذهبه....ان زرتها هديت الكل وقعدت اسولف وياها ومستحيل ادش عليها وايدي فاضية ... اهي اتحب زوجي حيييل واللي عرفته من زوجي انه كانت تتمناه لوحده صديقتها بس انصدمت اشلون خطبني واهي ماتدري وغير جذيه صديقتها تزوجت بعد زواجي بفتره بسيطه.....
اللي محيرني لما اشوفها بالزيارات الاخيره كانت تسوووولف وياي وتضحك بس بالبدايه ماكانت اتكلمني كلش وانا مو مركزة معاها لان مثل ما قلتلكم اكون قاعدة اسوولف مع خالتي .....
انصدمت صراحة من مواقفها معاي ....حيل حزت بخاطري خاصه وفاة خالتي ما عزتني ...يعني معقولة ما تبيني لاخوها للحين !!!!!!
مو قادره افهمها ولا اعرف اشلون اتعامل معاها ؟؟؟؟؟ ....
