استفتاء .. لقراءة كتاب

[هوية غريب]

السلام عليكم ورحمة الله وبركاته ،،

شلونكم حبيباتي عساكم بخير ،،

أنا جديدة في المنتدى.. وياريت ألقى لي مكان بينكم :27d66a9c24b146327bf


عجبني هالقسم وودي أستمر فيه عشان ما أكسل في القراءة ..

عندي مجموعة كتب ودي أبدي فيها .. بس محتارة أبدي بأي واحد بالضبط.. شرايكم نسوي استفتاء والكتاب اللي يحصل على أكبر عدد ممكن من الأصوات نبدي في قراءته ونسويله موضوع خاص نناقشه فيه ... وبجذي تعم الفايدة .. شرايكم؟؟؟

سواء كان الكتاب النسخة الإنجليزية أو العربية .. ما تفرق .. المهم نناقش الكتاب بعد قراءة كل جزء منه .. مع العلم أن الكتب اللي عندي متنوعة .. ديني .. روائي .. عربي .. إنجليزي .. تطوير ذات .. بزنس .. تكنولوجيا .. أدب وإذا تبون طبي بس ضيفوا صوتكم وما يصير خاطركم إلا طيب :jbdwjbd:

نبدي على بركة الله :

1) كتاب Unlimited Power - أنتوني روبنز - أنا عندي النسخة الإنجليزية
2) كتاب Attitude is evreything - كيث هاريل - عندي النسخة العربية اسمها (طريقة تفكيرك هي الأهم)
3) كتاب لا تحزن - عائض القرني - النسخة العربية
4) كتاب الأيام - طه حسين .. أكيد مو إنجليزي :nocommint:
5) كتاب Breaking down .. للأسف ما عندي الأجزاء الأولى .. النسخة الإنجليزية
6) The secret .. النسخة الإنجليزية
7) كتاب Thank you cancer .. عافاكم الله .. النسخة الإنجليزية
8) كتاب كفاحي لأدولف هتلر.. عرض وتحليل فريد الفالوجي
9) كتاب رؤيتي - محمد بن راشد آل مكتوم
10) كتاب Don't sweat the small stuff .. and it's all small stuff .. لا ترهق نفسك بصغائر الأمور فكل الأمور صغائر .. النسخة الإنجليزية


وبانتظار ردودكم .. وشجعوني وأشجعكم :sfg:


حافظكم الله ...

غدير

 

[ليلو جبريت]

رد : استفتاء .. لقراءة كتاب

ليش ماتسوين تصويت روحي فوق بتلاقين مكتوب
ادوات الموضوع طقي خيار التصويت

وانا اصوت لانتوني روبنز

 

[الله يخليني]

رد : استفتاء .. لقراءة كتاب

طريقة تفكيرك هي الأهم _ لا تحزن .

 

[هوية غريب]

رد : استفتاء .. لقراءة كتاب

ليش ماتسوين تصويت روحي فوق بتلاقين مكتوب
ادوات الموضوع طقي خيار التصويت

وانا اصوت لانتوني روبنز

مشكورة اختي علمتيني .. دورت على التصويت بس ما دريت انه من أدوات الموضوع


على العموم ضفت التصويت ويعطيج العافية

 

[هوية غريب]

رد : استفتاء .. لقراءة كتاب

طريقة تفكيرك هي الأهم _ لا تحزن .

هلا حبيبتي .. كتاب طريقة تفكيرك هي الأهم أقل ما يقال عنه انه أكثر من رائع .. قريت شوي منه وما كملته ورحت لغيره .. بس يترجمون (attitude) أو طريقة التفكير بكلمة (توجه) .. وعانيت على ما فهمت ان يقصدون بالتوجه هو طريقة التفكير (يعني عنوان الكتاب صحيح 100%)


وحياج الله

 

[Tom ♥ Jerry]

رد : استفتاء .. لقراءة كتاب

.



the secret بس النسخه العربيه !

 

[أنثى اليمامة]

رد : استفتاء .. لقراءة كتاب

طه حسين _ الايام

 

[silent-girl]

رد : استفتاء .. لقراءة كتاب



اغلب الكتب قاريتهم
اصوت حق لآتحزن مع اني قاريته قبل
بس خاطري اقراه مره ثانيه

 

[ناتشوو]

رد : استفتاء .. لقراءة كتاب

تدرين كان في نادي للكتاب بالقسم
وكل شهر نصوت لقراءة كتاب مع بعض ونتناقش فيه
ونقسمه لاربع اقسام كل اسبوع من الشهر قسم
ياليت والله نرجع
بدور بعض الروابط القديمة للنادي واحطها
بس انشغلو الاعضاء وتوقف للاسف

 

[ناتشوو]

رد : استفتاء .. لقراءة كتاب

http://www.q8yat.net/showthread.php?t=403027

http://www.q8yat.net/showthread.php?t=258490

http://www.q8yat.net/showthread.php?t=258490

http://www.q8yat.net/showthread.php?t=339718

http://www.q8yat.net/showthread.php?t=338231

 

[هوية غريب]

رد : استفتاء .. لقراءة كتاب

.



the secret بس النسخه العربيه !

هلا توم وجيري (اسمج يونس ) :eh_s(6):


حياج حبيبتي .. والفكرة هي مناقشة فكرة الكتاب .. واختلاف اللغة قد يضفي إثراء على المناقشة فتتم المقارنة بين الأسلوبين وفهم الفكرة بشكل أكبر

 

[هوية غريب]

رد : استفتاء .. لقراءة كتاب

طه حسين _ الايام

حبيبتي أنثى اليمامة .. لو ما فاز هالكتاب الحين .. نطريني بقراه معاج بعدين إن شاء الله لأني ولهت على الأدب من زمان مو قارية أدب عربي ..

 

[هوية غريب]

رد : استفتاء .. لقراءة كتاب

اغلب الكتب قاريتهم
اصوت حق لآتحزن مع اني قاريته قبل
بس خاطري اقراه مره ثانيه

حياج الله حبيبتي وهذا ثاني صوت لكتاب لا تحزن

 

[هوية غريب]

رد : استفتاء .. لقراءة كتاب

تدرين كان في نادي للكتاب بالقسم
وكل شهر نصوت لقراءة كتاب مع بعض ونتناقش فيه
ونقسمه لاربع اقسام كل اسبوع من الشهر قسم
ياليت والله نرجع
بدور بعض الروابط القديمة للنادي واحطها
بس انشغلو الاعضاء وتوقف للاسف

هلا ناتشوو أنا بالضبط هذي فكرتي .. لأني شفتها في منتدى بس ما أدري أي منتدى وكان هالحجي من زمان وما شاركت وياهم كانوا سابقيني

وانا اطلعت على مواضيعج اللي نزلتي وصلاتها .. أسلوبها حلو لكن فيها (شوي) تقييد .. وكلما كان الموضوع فيه تقييد كلما فعلاً تكاسلوا العضوات وابتعدوا شوي شوي ..

انا قصدي نبدي نقرا .. كل وحدة تدش وتسجل رايها .. النقطة اللي عاجبتها .. واللي مو عاجبتها .. أسئلتنا عن بعض النقاط غير المفهومة .. انطباعنا العام وهكذا .. بدون تقييد عشان ما ينحاش أحد :eh_s(6): ومتى ما حسينا ان خلاص الكتاب مافيه شي ينقال أكثر .. يتسكر الموضوع تلقائي وخاصة بعد ختم الكتاب

وتسلمين حبيبتي على مشاركتج .. ولا تنسين تضيفين صوتج .. :aha:

 

[ناتشوو]

رد : استفتاء .. لقراءة كتاب

لا بس ماكنا مطبقين القوانين 100%
وفعلا

انا قصدي نبدي نقرا .. كل وحدة تدش وتسجل رايها .. النقطة اللي عاجبتها .. واللي مو عاجبتها .. أسئلتنا عن بعض النقاط غير المفهومة .. انطباعنا العام وهكذا .. بدون تقييد عشان ما ينحاش أحد :eh_s(6): ومتى ما حسينا ان خلاص الكتاب مافيه شي ينقال أكثر .. يتسكر الموضوع تلقائي وخاصة بعد ختم الكتاب

شي حلو

والله عندي اكثرمن كتاب من اللي حاطتهم بس مادري شختار
افضل القصص

 

[رحيل المرافيء]

رد : استفتاء .. لقراءة كتاب

كنت بحط موضوع عن هالشغلة
نتجمع على كتاب نقراه ونناقشه وسبقتيني
وللاسف ولا كتاب من اللي كاتبتهم عندي
بس قرأت لاتحزن ولاتهتم لصغائر الامور
يعني ماعجبوني

 

[هوية غريب]

رد : استفتاء .. لقراءة كتاب

والله عندي اكثرمن كتاب من اللي حاطتهم بس مادري شختار
افضل القصص

بريكنج دون قصة .. واعتقد في منها مترجم إذا حابة تقرينها عربي

وكفاحي قصة حياة هتلر .. الحلو بهالنسخة انها تحليل لكتاب هتلر وسرد لقصة حياته يعني مو كتاب هتلر المعروف بحذافيره ..

عموماً من ضمن اللي عجبني في المواضيع اللي حطيتيها سالفة .. اللي قارية أكثر من المقرر لا تخرب على غيرها :d .. عجبتني هالنقطة وإن شاء الله نذكرها إذا بلشنا

 

[هوية غريب]

رد : استفتاء .. لقراءة كتاب

كنت بحط موضوع عن هالشغلة
نتجمع على كتاب نقراه ونناقشه وسبقتيني
وللاسف ولا كتاب من اللي كاتبتهم عندي
بس قرأت لاتحزن ولاتهتم لصغائر الامور
يعني ماعجبوني

هلا رحيل المرافئ .. والله حبوبة إذا تقرين نسخة إلكترونية قوليلي اي كتاب تبين وأحاول أحصلج إياه سوفت كوبي ..

لا تحزن قريت منه كم صفحة بالنص .. وحسيت أسلوبه متواضع بس قلت يا بنية لا تحكمين إلا لما تقرينه من البداية وكله .. عشان جذي بقراه وخاصة اني امر بفترة مرض فقلت يمكن ألقاه عدة لي ومدد بعد الله سبحانه .. أما كتاب لا تهتم لصغائر الأمور فأذكر مدحه لي زميل بالدوام .. فما أدري


حياج .. وخلي قدومج .. قدوم المرافئ مو رحيلها :friends:

 

[هوية غريب]

رد : استفتاء .. لقراءة كتاب

حتى الآن كتابين حصلوا على 3 أصوات

unlimited power - ولاتحزن

لكن الاخت "الله يخليني" كتبت اسم الكتاب وما ضافت اختيارها بالتصويت (لأني ما كنت حاطة تصويت) .. طرشت لها رسالة خاصة وإن شاء الله تضيف اختيارها بالتصويت وعسى نحصل على عدد كبير في هاليومين لأني وراي جلسة كيماوي بعد 10 ايام عسى الله ييسر :yaaaaaarb: وصايرة عطالية بطالية بالإجازة المرضية فقلت بقرا اكبر عدد ممكن

 

[أنثى اليمامة]

رد : استفتاء .. لقراءة كتاب

الله يشفيج غدير ما تشوفين شر يا رب . . .

بنتظرج عشان نقرأ الكتاب حق طه حسين ويه بعض اذا خلصت من الكتاب الي بيفوز ان شاء الله . .