خدامتنا تفتش بالزباله .. علمت امي وزفتها .. بس ضميري يأنبني!!

[تيوليب]

:eh_s(2):بنات ...
من جم يوم اختي
قامت تقط العطور والكريمات القديمه من عندها
وعطت الجيس الخدامه ..
وقالت لها قطيهم بالزباله ..
على نزلة اختي الثانيه الا تشوف خدامتنا تفتش باجياس الخمام ..
المهم توني نازله انادي الخدامه ولا اشووف العطر مال اختيي عند خدامتنا ,,,
بتقولون مافيها شي؟؟؟
انا صعدت قلت لامي ... يما خدامتج طبعها خاايس,, يعني عطيناها جيس خمام وقلنالها قطيه بالزباله ليش تفتشه؟؟؟؟
راحت امي وزفتها ,, للعلم صارلها بس جم شهر عندنا ...
وقبل جم يوم امي شافتها تفتش بجيش الملابس القديمه ملوت خواتي ...
انا قلبي معورني ماحب احد ينزف بسبتي ,,,
بس المشكله اخاف هذي بعدين تبوقنا لان هالحركه موزينه انها تفتش الخمام ؟؟؟ انا اخاف تدعي علي ؟؟
بنااااااااات ريحوني اللي سويته صح ولا غلط ؟؟

 

[هايدي الجميله]

والله مااقول غير الله يكفيكم شرها

 

[Pearl Qatar]

رد : خدامتنا تفتش بالزباله .. علمت امي وزفتها .. بس ضميري يأنبني!!

الصراحه الحركه مب حلوه

وزين ان امج زفتها .. بس ليش الخدامه مابطلت هالحركه الخايسه وفتشت مره ثانيه بملابس خواتج


تدرين انا قطيت كريماتي وحصلتهم ف درج خدامتنا .. بطت جبدي بس ماقلت حق امي اخاف امي تزفها وتهاوشها الله يكفينا شرهم

 

[قلبي القرآن]

رد : خدامتنا تفتش بالزباله .. علمت امي وزفتها .. بس ضميري يأنبني!!

لا غلط ليش اتزفها عادي جان عطيتوها اللي ماتبونه
انا أي شي ما ابيه اعطيه الخدامات من عطورات ولوشنات
وملابس ومكياج يعني بينقط بالزباله ماخذت شي منكم
ومن قال بتبوق لو تبي جان باقت ماتقوم اتلقط من الزباله
ترى هم بشر مثلنا يبون يكشخون بديرتهم والله لو عطيتيها
اللي ماتبينه وعاملتوها انها مثلكم بشر ويحسون والله ما تضركم بشي

 

[تيوليب]

رد: رد : خدامتنا تفتش بالزباله .. علمت امي وزفتها .. بس ضميري يأنبني!!

لا غلط ليش اتزفها عادي جان عطيتوها اللي ماتبونه
انا أي شي ما ابيه اعطيه الخدامات من عطورات ولوشنات
وملابس ومكياج يعني بينقط بالزباله ماخذت شي منكم
ومن قال بتبوق لو تبي جان باقت ماتقوم اتلقط من الزباله
ترى هم بشر مثلنا يبون يكشخون بديرتهم والله لو عطيتيها
اللي ماتبينه وعاملتوها انها مثلكم بشر ويحسون والله ما تضركم بشي

الكريمات واللوشنات منتهيه وقديمه والعطور ريحتهم محززره ..
بالعكس احان مابخلنا عليها بشي الله العالم ...بس هذا اسمه خمام مو شي احد يستفيد منه فهمتي علي؟؟
ياقلبي انا عارفه انهم بشر مثلنا واصلا امي كل ماسافرت خدامه من عندنا تدلعها وتوديها السوق تشتري لاهلها هدايا
بس هالطبع خااايس لما اختي تقولها قطي الخمام تفتش فيه؟؟؟ يعني لو فيه شي زين بنعطيها مراح نعز الزباله عليها ..
هذا اللي اقصده ..:eh_s(17):

 

[تيوليب]

رد: رد : خدامتنا تفتش بالزباله .. علمت امي وزفتها .. بس ضميري يأنبني!!

الصراحه الحركه مب حلوه

وزين ان امج زفتها .. بس ليش الخدامه مابطلت هالحركه الخايسه وفتشت مره ثانيه بملابس خواتج


تدرين انا قطيت كريماتي وحصلتهم ف درج خدامتنا .. بطت جبدي بس ماقلت حق امي اخاف امي تزفها وتهاوشها الله يكفينا شرهم

صاجه ثاني مره تسوي هالحركه..
ويييه هذي الحين خذت منج لوشنات ديري بالج على اغراضج الغاليه .. انا ذهبي واطقمي الالماس وساعاتي الغاليه حاطتهم بدرج التواليت بدون مبالاه توه امي سألتني عنهم تقول بخشهم بالتجوري ..اخاف بعد هذي مالها امان تبووق وتمشي لان احنا بيتنا نبنيه وماكو باب ولا قفل ولا حمايه :flower:

 

[al3sooola]

عادي ما فيها شي يمكن الخدامه عجبها العطر وتبيه

 

[( المـلاك )]

رد : خدامتنا تفتش بالزباله .. علمت امي وزفتها .. بس ضميري يأنبني!!

مافيها شي حبيبتي ما سويتي شي غلط

لانه اول شي هالشغله غلط و عيب خاصه انكم مو مقصرين عليها بشي
او عالاقل تستأذن

ثاني شي محد ينلام على مصايب وسوالف الخدم هالايام الواحد قام يخاف

!

 

[لؤلؤية]

رد : خدامتنا تفتش بالزباله .. علمت امي وزفتها .. بس ضميري يأنبني!!

لا حبيبتي ماغلطتي
المفروووض انها ماتفتش الخمااااام..اكرمكم الله
بس
مرة ثانية قبل ماتقطين شي
ناديها وقوليلها هذيلا ما ابيهم...اذا تبين شي منهم اخذيه
ترا حتى لو الكريم محزر..عااااادي عندهم

 

[ba6re8a]

انا دايما اذا عطووورات مابيهم اقولها اخذي اللي تبييين هممم اهيا انسانه وتبي تاخذ نفسكمم

مادري احس غلط ان تفتش بس هممم حرااااام تزفها لان مليون بالاميه ماشافت عمرها نفس العطورات والكريمات

 

[ba6re8a]

انا اخاف من عيووونهم وسحووورتهم فانا اقول اشترييلها شي من المحاميد او عطورات من الهنادوه عشان لاتحقد

 

[*ريما*]

رد : خدامتنا تفتش بالزباله .. علمت امي وزفتها .. بس ضميري يأنبني!!

زين سويتي قلتي لامك
لانة طبع مو حلو

 

[ملوكة الامورة]

لاعادي الي سويتية

 

[بنت حميدات]

لا انا اغلب اغراضي الي افرهم لزباله القاه عند البشكاره ومرات بشكارتي اتي وتسأذن انها تاخذ اغراضي المفروره مافيها شي

 

[FeShinGoOo]

رد : خدامتنا تفتش بالزباله .. علمت امي وزفتها .. بس ضميري يأنبني!!

حبيبتي ديري بالج ترى ياخذونها يسوون فيها سحوره لكم اذا واثقين فيها وواثقين انها بتاحذهم حقها حرام خل تاخذ انا كل ما اقط شي اقول حق الخدامه اخذي الي تبينه والباجي قطيه بس اتنبش وتاخذ اشياء ماتنفعها اهني الواحد يخاف اشتبي فيهم ؟؟

 

[حجيه هيونه]

رد : خدامتنا تفتش بالزباله .. علمت امي وزفتها .. بس ضميري يأنبني!!

اممممم يمكن شافتكم وانتو تقطون وتبيهم

ليش ماتجربون تعطونها الشغلات الي ماتبونها مو الملابس لو كنتو خايفين من السحور الشغلات الثانيه الي ما تنلبس

هم تكسبون اجر وهم اهي اكيد جايه من فقر وكل شي زين بنظرها

 

[الفنانة لؤلؤة]

طبعها كلش مو حلو

بس مرة ثانية قبل ما تقطون شي بالزباله،، قولولها تبين شي منهم

والباجي تقطه

أو إذا ما تبينها تاخذ منهم شي،، إنتي بنفسج قطيهم بالزبالة بدون ما تشوفج

وبعدين الموضوع عادي لا تفكرين فيه وايد

 

[Esraa.a]

رد : خدامتنا تفتش بالزباله .. علمت امي وزفتها .. بس ضميري يأنبني!!

بالعكس ما غلطتي


لااااااااازم تعرف ان اللي قاعد تسويه غلط ..علشان ما تعيدها مره ثانيه



استغفر الله الذي لا إله إلا هو الحي القيوم واتوب إليه
عدد ما كان وعدد ما يكون وعدد الحركات والسكون

 

[lulwa-q8]

رد : خدامتنا تفتش بالزباله .. علمت امي وزفتها .. بس ضميري يأنبني!!

الله يكفيكم شرها
وانتي بغلطتي هذا خمام تروح الخمام
اهي لبغت شي لازم تبلغكم بالاول

 

[فوق الثريا محلي]

ذكرتيني بشكارة يرانا كانت تفتش الدرام و هل البيت ما يقولون لها شي و الله مرة وحدة من اليارات تقول بنتي عقت كيس في هدوم و اشيااء زبالة عقب شافوا بشكارة اليران تاخذ الكيس وايد اضايقت يعني شي ودته الزباة شو تبين فيه



من الحين فهموها هذا غلط عقب بتعود و بتسوي سوالفها ع الاكل