يوميات رجيم madam dew

[madam dew]

مرحبا كويتيات
حبيت اعرض تجربتي في خسارة الوزن
وابي تشجيعكم
أنا توني طالعه من نفاس
وطبعا شكلي صار xl
مع اني قبل ما احمل كنت رشيقه
وفي يوم قعدت اقايس بدل قديمه وكوتاتي القديمه
ما لبستهم الا مره بالشتا اللي طاف
والصدمه
ان مو بس طلعوا ضيجين علي
الا ما يدشون فيني
فقررت انا المذكوره اعلاه ان ابدأ ريجيم
بس مو محدد عشان ما امل وعشان بعد لا يتعود جسمي على نظام معين
وامس رحت النصر الرياضي وشريت جهاز جري
مسوين سيل
صار ب90 دينار
كان باميه واشوي
وشريت توست واجبان قليلة الدسم
وبابدي اول ريجيم
اهو ريجيم (((التوست)))
بديت من امس
بس الجهاز ما يوصل الا يوم الثلاثاء او الاربعاء
امس كليت على الريوق توستتين وجبن كرافت قلاص البنفسجي قليل الدسم
وشرايح طماط وخيار وخس
وشربت حليب كرنيشن قليل الدسم
مع شاي
وتغديت شريحتين توست وهمبرغر مشوي
وجبن سلايس المراعي قليل الدسم
وطماط شرايح وخس
وشوي ماينويز لايت وشويت كاتشب
وشربت عصير كو كتيل كي دي دي. صغير
والعشا توستتين و2همبرغر سلاير اليديد مال خزان عنونين ايشوقون بس طعمهم غريب احس فيهم طعم فحم لوووووول




ابي تشجيعكم
عشان اكمل والكل يستفيد من تجربتي
يمكن اطول عليكم ما ارد يومين او شي جذي
لان عندي بيبي
صغير
وانشغل معاه ما احطه عند الخدامه

هالله هالله بالردود والتشجيع
واللي تبي تشاركني
حياه الله

 

[موريا آدم]

رد : يوميات رجيم madam dew

الله يعينك حبيبتى ويوفقك

 

[-Bello-]

رد : يوميات رجيم madam dew

حبيبتي تبين نصيحتي ؟! انا اشوف اكلج وايد حاولي اتخلين عن وجبة العشا ... عشان تضعفين اسرع وتشوفين في نتيجه او انج تتبعين رجيم السعرات اتوقع انه افضلج .. وموفقه تضعفين بالعافيه

 

[كيكه توفي]

ان شاء الله تضعفين بصحه وعافيه موفقه يارب

 

[madam dew]

رد : يوميات رجيم madam dew

حبيبتي تبين نصيحتي ؟! انا اشوف اكلج وايد حاولي اتخلين عن وجبة العشا ... عشان تضعفين اسرع وتشوفين في نتيجه او انج تتبعين رجيم السعرات اتوقع انه افضلج .. وموفقه تضعفين بالعافيه

هلا bello
مشكوره حبيبتي على النصيحه
ان شاء الله اتبعها بعد جم يوم مو الحين
انا قاعده اتبع ريجيم التوست اهو جذي
انا باذن الله راح اسوي كل فتره ريجيم
هاذا اول ريجيم
لازم يكون شوي راهي مو تجويع وترى حيل خفيف كل شي دايت ومو قاعده اخربط بالرجيم
شوي شوي اقلل اكلي
وحاطه في بالي ريجيم السعرات وريجمات ثانيه منها ريجيم جنرال موترز:050103nbh_prv:
سمعتوا فيه
اليوم الاحد
اكل الصبح توستتين جبن قليل الدسم شرايح طماط وخس وخيار وحليب قليل الدسم
وشاي
الغدا همبرغر بالهبهارات العربيه وتوستتين وجبن و سلايس قليل الدسم
وشوي عصير تفاح
ان شااء الله موضوعي يكون بالصور بس مو الحين
لما الاقي تشجيع
شعوري
الحمد الله مافي جوع
ولاراسي يعورني مثل مو عارفين اي ريجيم لازم تحسين بجوع ودوخه وتملين والاكل مو لذيذ
بس انا الحمد الله الحين كل شي اوكي وهاذا ثاني يوم
وشكرا على تشجيعكم ومروركم
على فكره انا احب اطبخ
فترقبوني في الرجيمات اليايه مع طبخات رجيم
plz. plz
اللي تدخل ترفع الموضوع
عشان اتشجع واكمل
ودي اروح اتمشى بالافنيوز
منها رياضه ومنها تغيرر جو
بشوف زوجي يرضى يوديني
والا لا

 

[أحلى عيون]

رد : يوميات رجيم madam dew

موفقه يا قلبي


ينقل الى قسم اليوميات

 

[madam dew]

55 مشاهده بس 4 ردوا
شكرا على التشجيع
صراحه
تحبطت
بس بحاول اكمل

 

[A7bch.MaMati :*]

رد : يوميات رجيم madam dew

موفقه ..

 

[madam dew]

تعشيت تونه مع طماط ومايونيز
هاذي خلطه مشهوره بامريكا
طبعارمايونيز لايت شويه مو وايد وتوستتين اسمر والتونه اللي تيي بالماي مو بزيت
وشربت tea

 

[madam dew]

صباح الخير
امس طبعا قعدت اتحايل على زوجي
عشان نروح الافنيوز
مارضى
يقول تعبان مالي خلق
بعد شوي
راح اييب شغله من بره
عقب رد ومعاه
ايس كريم منجا مال الخباز
امبيه
عاد انا هذا الايسكريم غرررررامي
لذيذ جنج تاكلين منجا صج
ومو اي منجا
الذ منجا
جان اقوله ليش يبته
تبي تخرب رجيمي
قالي مو توج تبين تروحين الافنيوز وتاكلين بنك بري
قلتله بنك بري اخف وفي فواكه
واصلا اهو حق اللي يسون دايت
مو هاذا مليون سعره فيه
المهم يا محفوظين السلامه
كليت قفشتيتن منه عن خاطري
وبعد قلبي
يايبلي
كاكاو مال الرجيم اللي عند الخباز
لذيذ
بس باكله بعدين
اذا اشتهيت كاكاو

 

[روح الايمان ~]

رد : يوميات رجيم madam dew

بالتوووفيق يـا اختي .., وويارب ينزل وزنج بصحة وسـلامة يـارب ..

عندي ملاحظة شوي على رجيمج .., انا بقولج راييه في الاول والاخير الراي يرجع لج ..

بس حبيــت افيـــــــــدج ..

لو انتي فعلاً ناوية تنزلين وزنج .. رجيمج هذا ماراح ينزلج ><

اما اذا انتي ناوية تحافظين على وزنج هذا شي ثـاني ..

وواحسن لج تتبعين نظام معيــن .. عشان يكون في نزووول بإذن الله

لانه اللي قاعدة تسوووينه وايد جربوووه .. وانا منهم..!

كنت اوهم نفسي اني اسوي رجيم .. واتعب نفسيتي .. واضيع وقتي ..

واعيييش في كآآبـة الرجيم .. وانا في الحقيقة ما اسوي رجيم ..! يعني تعب ع الفـاضي


لكن في الاخير ولا انزل ولا ربع كيـلو ...

رحت ادور لج على رجيم للمرضعات .. وعيبنــي واحد .. في منتدى حواء ..


هذا هو الرابط ..


اضغطــي هنيــــــــــه


واسمحيلي على المداخلة .. حبيت افيـدج وبالتوفيـق ان شاء الله ... والى الامام.. ^^

 

[خولـه]

انا كنت اسوي رجيم يشبه رجيمج بس انا على تخفيف ما اتقيد

مثلا كنت اول ما اصحى من النوم اشرب نسكافيه

وع الفطور اكل حبتين توست او نص صمونه مع جبن او بيض او او لبنه مع شاي مع سكر تروبيكانا

الضحى حبه فاكهه

الغدى اتغدا عادي بس اقلل الكميه مع سلطه او اكل 3 حبات توست مع برجر مشوي وسلطه

المغرب

اكل قطعه شوكليت او فاكهه


العشا

اذا ماقدر اتحمل الجوع اكل حبتين توست او صمونه مع بيض او جبن او لبنه نفس الفطور بس اعكس اذا في الفطور كلت بيض في العشا اكل جبن او لبنه

واذا ماحسيت بجوع اكل حبتين فاكهه





وبين الوجبات اشرب سفن دايت


او شاي اخضر بالنعناع اسمه توينجيز روعه وطعمه مقبول

او زنجبيل واحطله سكر تروبيكانا



والحمدالله نزلت على هالرجيم وصار جسمي يهبل طبعا ماننسى الرياضه والماي اهم شي بالدايت

والحين من يومين رديت للتخفيف بنفس هالطريقه

راحه نفسيه وماتحسين انج مسويه دايت النفسيه زينه وتحسين عمرج اخف

 

[madam dew]

جزاج الله خير حبيبتي روح الايمان ما قصرتي
ودخلت الرابط حلو الريجيم
بس انا قاعده اطبق هالريجيم
اسمه ريجيم التوست
اختي طبقته وتقول وضعفت عليه مع انها امتن مني
وتاكل دايما اقل مني
انا ترى ماشاء الله تبارك الرحمن علي اكل وايد
يعني هاذا تقريبا نص او ربع اكلي
فقاعده اخفف الحين
وشوي شوي اخفف اكلي يعني من الاسبوع الياي ان شااء الله
بدال التوستتين بالبوجبه بحط توسته
والاسبوع اللي وراه بطبق ريجيم غيره كليا
حاطه في بالي كذا ريجيم
انا ما حطيت بالموضوع وزن وطولي
بس اشتري ميزان يديد راح احط الوزن والهدف المطلوب
وبعد راح امشي على جهاز الجري
بس يوصل يوم الثلاثا ان شاء الله
يعني نص اكلي في الايام العاديه ومع رياضه
والكاكاو والحلويات قطعتهم
اللهم بس سكر بالشاي او بالعصير
وبعد مققلله الشكر فيه
لاني ما احب الشاي بدون سكر
وما احب سكر الرجيم
بس ترى حيل حيل مخففه اكلي
وان شاء الله لما اوزن
اشوف اذا نزل وزني بكمل واذا ما نزل
بسوي ريجيم
ثاني

ميرسي وايد وايد حق كل اللي انصحوني
لاخلا ولاعدم ان شاء الله والله يحرم ايدياتكم عن النار حق كل اللي زد على يومياتي ونصحني
وشجعني
تابعوني
راح اكتب يومياتي مع الرجيم
وشعوري كل يوم وملاحظاتي
وما يخلا الامر من مغامرات. هههههه
اتمنى الكل يضعف بصحه وعافيه ان شاء الله
نطروني اليوم مع توستاتي هههه

 

[madam dew]

هلا والله
خوله حياج الله حبوبه
تصدقين انا كنت اكل اكل ماحسيت بنفسي
ومع الحمل والولاده
صرت بطه
بس الحين راح التزم ان شاء الله بالدايت
مع تشجيعكم
ونظام التخفيف اللي مسويته هو الصح
تدرين ليش
لانج راح تنزلين بطيئ بس ما راح تردينهم بسرعه ان شاء الله
وانتي ماراح تقعدين طول عمرج تسوين ريجيم
فلازم جسمج ما يتعود على ريجيم معين
والله يوفقك ويوفق الجيمع
ميرسي وايد على مرورج حبيبتي
اذا تبين تكتبين يومياتج معاي حياج الله
عشان نتشجع
واي وحده تبي تكتب يومياتها
حياه الله بموضوعي

 

[خولـه]

اي والله الوزن صح ينزل بطئ بس ماحس لابدوخه ولا بتعب ولابشرتي وشعري يختربون وهذا نظام لحياتنا ماحس انه يقيدني واهم شي انه الوزن مايرد بسرعه

والحين احاول ادخل الحليب واكثر خضار و3 مرات فاكهه عشان اهتم ببشرتي وجسمي بنفس الوقت


ان شاء الله راح احط يومياتي معاج ونشجع بعض



اخر نصيحه لاتشترين ميزان

ابتعدي عنه لانه هو سبب الاحباط

انا اقيس بالمتر

لانه جسمي يبين فيه النحف بس اوقف ع الميزان الوزن ثابت مايتحرك

وهذا غير الاحباط اللي يسببه لي


راح احط قياساتي بالمتر لاني ما استخدم ميزان

 

[صبرت ومل الصبر]

رد : يوميات رجيم madam dew

هلا مدام ماشالله عليج حنا مسوين رجيم طالب الشمري تابعينا وذاعجبج سويه وان شالله تضعفين بصحه وعافيه

 

[madam dew]

اليوم ما ادري شفيني
اليوم متحبطه ودي اكمل ريجيم بس ما لقيت تشجيع منكم
يمكن ابطل اكتب يومياتي
واكتفي بالمتابعه
شكرا حق كل اللي نصحني
والشكر الكثير للعضوات الي مروا على موضوعي وشجعوني
اتمنى لكم دوام الصحه والعافيه
ان شاء الله بكمل الرجيم
بس بصمت
ماراح اكمل يومياتي
واذا وصلت للوزن المطلوب
ببشركم madam dew

 

[madam dew]

خوله اذا بتسمرين
اكتبي يومياتج
هني
اذا شجعتيني راح ارد اكتب
لاني تحبطت
شوفي اشكثر طالعو الموضوع وقليل جدا اللي ردوا

 

[أم عامر]

السلام عليكم

شلونج حبوبه انا اشجعج على اقدامج على هذي الخطوه

تقولين تحبطت ومحد شجعني :jumpon:

لييييييييييش التحبيط

الي مسوي الرجيم انتي والي يبي النزول هم انتي

يعني البنات ادخلوا اولا ماله شغل

بالعكس خلي يومياتج اهنيه مثل المذكره الي تكتبين فيها شنو الكليتيه

خلال اليوم وتقيسين نفسج هل حافظتي اليوم على الدايت او لا

ولا تكونين من الي تقول مالقيت تشجيع وما تساعدون

وترجع للاكل علشان والله محد شجعها

اسمحي لي بس هذي تقص على نفسها

لازم تكون عندج قناعه بلي تسوينه

لصحتج ولنفسج ولزوجج

وموفقه خير يارب

والاهم الاستمرار

:33_1185028183:

 

[خولـه]

لاااااااااااااا

بليز انا تشجعت منج

لاتتحبطين وفكري شلون بيصير شكلج اذا نحفتي لاتفكرين في المده اللي بينزل فيها وزنج عشان ماتتحبطين


وانا راح التزم وبحط يومياتي


والحين بحط تقريري