احس بالوحده

[الدلوعه]

سلام عليكم ورحمه الله

شلونكم بنات عساكم مرتاحين

احب اقول لكم عن مشكلتي والله يبعد المشاكل عنكم وعنا يارب


مريت بفتره عصيبه جدا بحياتي كنت خلالها ارعى انسانه عزيزه جدا جدا على قلبي بمقام والدتي واكثر

خلال فتره مرضها اللى امتدت اكثر من سنه على فراش المرض كنت اراعيها انا و ووالدتي لدرجه اننا اعتزلنا الناس تماما اللهم الا بالاعياد كانت العايله تزورنا وتصبرنا

وخلال هالفتره تغيرت شخصيتي حيل صرت انطوائيه و وحيده و شوي اهتزت ثقتي بنفسي ولما توفت هالانسانه الغاليه حسينا بفراغ كبير داخلنا

انا نفسي حاليا احس بفراغ كبير و وحده الحين احاول ارجع نفس قبل مو قادره صايره احس بالوحده وماعندي صديقات وايد اللهم الا وحده ازورها ونسأل عن بعض

الحين صرت احاول ازور الاهل واللى بمعمري بس احس انى مااعرف

مااعرف بشنو اسولف بشنو اتكلم شنو اللى يونسهم
احس مرات دمي ثقيل

 

[كراميلا مرة]

رد : احس بالوحده

حاولي تصيرين اجتماعيه اكثر وقوي بثقتك بنفسك
واذا في مناسبات اجتماعيه روحي وسولفي وشاركي معهم
وربي يفرج همك وتلقين لك صديقات

 

[همسة وله]

لازم تثقين بنفسج وخليج محاورة ما تعرفين حاولي تتعلمين من وسائل الاعلام خليج حبوبة بشوشة صاحبة ابتسامة اظهري للجدامج انج مهتمة بكلامه واسلوبه لا تسكتين ناقشي حاوري حاولي تستفسرين من شي ماتعرفينه

 

[الدلوعه]

رد : احس بالوحده

قاعده احاول والله

بس ثقتي بنفسي مو ذاك الزود يعني لما البس شئ حلو اقعد مستحيه ومااعرف اظهره

وبعدين محد يعزمنا كلش

 

[الفنانة لؤلؤة]

مع الأيام كلشي يتغير

بس لازم تغيرين من نفسج بالأول،، حاولي تطلعين ويا رفيجتج،، بنات خالتج،، بنات عمج

ثقفي نفسج،، بالبرامج أو بالنت

ومو شرط يعزمونكم،، إنتو عزمو الأهل أو ييرانكم،، المهم توسعين دائرتكم

ومع الوقت كل شي يرجع تمام وأحسن من الأول

 

[صفاء الدنيا]

حبيبتي قوي ثقتج بنفسج وحاولي ترفهين عن نفسك بالخروجات
ولا تكوني انطوائية حاولي تتحاوري مع رفيجاتك واهلك
بس لا تعورين راسهم ههههههههههههههههه اتغشمر وياج

 

[مارياq8]

رد : احس بالوحده

الله يعينج

والبنات ما قصروا

 

[ام شووووق]

رد : احس بالوحده

الله يعينج

 

[يــ عذآبيئ ــآ]

مع الأيام كلشي يتغير

بس لازم تغيرين من نفسج بالأول،، حاولي تطلعين ويا رفيجتج،، بنات خالتج،، بنات عمج

ثقفي نفسج،، بالبرامج أو بالنت

ومو شرط يعزمونكم،، إنتو عزمو الأهل أو ييرانكم،، المهم توسعين دائرتكم

ومع الوقت كل شي يرجع تمام وأحسن من الأول

معاها

 

[lulwa-q8]

رد : احس بالوحده

لا حبيبتي اغصبي نفسج لازم تزورين و طلعي

انا طول عمري بين اهل واخوان وخوال ماكاانوا خوالي او اخواني بس اعتبرتهم
وفجاه الكل خلاني و صرت جد وحيده لا ام و لا خوات مااقمت اروح ولا اطلع لاني ماعرفت خوالي
وتضايقت وااااااايد وعرفت معنا الوحده

حبيبتي بليز طلعي واستانسي دام عندج احد لاتوصلين لمرحلتي

 

[& شرطان الذهب &]

رد : احس بالوحده

يابنت الحلال الله يفرجها من عنده

 

[( المـلاك )]

رد : احس بالوحده

انتي من داخلج غيري نفسج وغصبي نفسج عالشي لصالحج حتى لو ما تبينه
طلعي و روحي وردي
و روحي مجمعات تمشي
اخذي رفيجاتج و طلعي او زوريهم بالبيت او سوي يمعات و قعده مع بعض وسوالف
و ردي العلاقات بالتلفونات
شوي شوي راح تردين لطبعج القديم و كل شي بيرد مثل قبل واحسن انشالله
اهم شي لا تقولين ماقدر ، حاولي غصبي نفسج
بيضيق خلقج مرة مرتين ثلاث ، تالي بتتعودين و هذا كله لمصلحتج .

 

[قطوه دايخه]

رد : احس بالوحده

كثرت الهم والوحده والأنعزاليه اتعب النفسيه حيل

 

[غداً القاك]

رد : احس بالوحده

عادي قلبي فيه بنات حياويات وهاديات والكل يحبهم
بس ثقتك بنفسك لازم تكون قويه والسوالف والكلام كله يجي طبيعي مايحتاج تفكرين بأيش تتكلمين
الله يوفقك قلبووو

 

[رهيبة قطر]

وعليكم السلام ورحمة الله وبركاته


حبيبتي ماعلي فـ البدايه بتحسين انج مستحيه وماتعرفين شتقولين لين ما تتعودين عليهم عقب من نفسج بتسولفيين

شوفي اهمه عن وشو اسولفين دشي معاهم فـ السالفه اسالي عنهم اعزميهم عندج

وكثري من هالدعاء

" اللهم إني أسألك الأنس بقربك "

يحققلج 4 اشيآآإ

عز من غير عشيرة
علم من غير طلب
غنى من غير مال
انس من غير جماعه

 

[شموووخ الكويت]

رد : احس بالوحده

سلام عليكم ورحمه الله

شلونكم بنات عساكم مرتاحين

احب اقول لكم عن مشكلتي والله يبعد المشاكل عنكم وعنا يارب


مريت بفتره عصيبه جدا بحياتي كنت خلالها ارعى انسانه عزيزه جدا جدا على قلبي بمقام والدتي واكثر

خلال فتره مرضها اللى امتدت اكثر من سنه على فراش المرض كنت اراعيها انا و ووالدتي لدرجه اننا اعتزلنا الناس تماما اللهم الا بالاعياد كانت العايله تزورنا وتصبرنا

وخلال هالفتره تغيرت شخصيتي حيل صرت انطوائيه و وحيده و شوي اهتزت ثقتي بنفسي ولما توفت هالانسانه الغاليه حسينا بفراغ كبير داخلنا

انا نفسي حاليا احس بفراغ كبير و وحده الحين احاول ارجع نفس قبل مو قادره صايره احس بالوحده وماعندي صديقات وايد اللهم الا وحده ازورها ونسأل عن بعض

الحين صرت احاول ازور الاهل واللى بمعمري بس احس انى مااعرف

مااعرف بشنو اسولف بشنو اتكلم شنو اللى يونسهم
احس مرات دمي ثقيل

السلام عليكم...
حبيبتي قوي نفسج وزوري بنات عمج والي بالعايله وفضفضيلهم احسن من الوحده الي انتي حاشره نفسج فيهااااا
وكوني على يقين ان لاشى بالدنياااا مستحيل الدنيا حلوه عيشي حياتج كم كره بنعيش احنا مره وحده وبعدين دشي قسم سوال وفرفشه وحاولي تتقدمين

اختج<<<<<
شمووخ الكويت
تقبلي مروري

 

[الأميرة جوري]

رد: رد : احس بالوحده

طلعي وثقي بنفسج ..عزمى بالاول واستانسي مع رفايجج . والله يعينج

 

[سنجوبه]

رد : احس بالوحده

حبيبتي هذا شي طبيعي اللي صارلج ترا خصوصا على قولتج قعدتو فتره طويله ادارون المره الله يرحمها وتأثرتو بموتها فشي طبيعي يغلب عليج الحزن والانطوائيه . والله يكون بعونكم انشالله

شوفي اذا كنت موظفه حاولي تتدخلين مع البنات بمناقشاتهم او اذا اي وحده افتحت موضوع شاريكهم مو بس تسمعينهم حتى لو بجمله وحده تكفي وبعدها تشتغل الهذره

اما اذا ما كنتي موظفه تقدر تشتريكين بنادي وطبعا النادي راح ايغير لج شغلات وايد بحياتج منها تتعرفين على ناس يدد مو شرط ايكونون رفيجاتج بس المهم في ناس راح تتعرفين عليهم معاج حتى لو كانت المدربه

اما اذا ما تقدرين تشتركين بالنادي تقدرين تمشين ابممشى مع الوالده وطبعا المشي معرف انه ايحرك الدوره الدمويه ويطلع كل الحره اللي فيج ودايما شوفي مسرحيات اتضحك وشوفي برامج اطفال او اي شي قديم اتحبيه ووخري عن اي شي ايكدرج حتى لو اغنيه

شوفي صور قديمه حقج صدقيني هالتمرين اللي قتلج عليه وايد راح ايساعدج حبيبتي وطمنيني عليج

 

[جوك احلى جو]

اطلعي علي الاخبار المنوعه السياسيه الفنيه الدينيه

عندج هوايات او شي متمزه فيه نمي واشتغلي عليه

اذا ماعندج وظيفه توظفي او كملي دراستج

اختلطي مع الناس اكثر وشاركيهم بالاحاديث اللي تهمهم

لاتنتقدين ولا تتدخلين باحد لان هالشي راح يخلي الاغلبيه تتجنبج مهما كان الحديث بسيط بس الناس تكره الانتقاد واعطاء الراي بدون ماينطلب منج

طلعي ويا امج روحو فلم قعدو باي كافي راقي

وسافروا وغيروا جو ترا فعلا يغيرالنفسيه


وتذكري انالله لايغير مابقوم حتي يغيروا ما بانفسهم

 

[منار البربرية]

رد : احس بالوحده

الله يكون في العون ​