شنو شريتي اليوم ؟؟؟ شاركينا بالصور (الجزء الثاني)

[bnt_7waa]

ستايل

عليج بالعاافيه ،ولاتنسين كل مره شاركينا.


دوني

ياحلات الصندل صج صج يهبل عليج بالعافيه.

 

[DooNy]

دوني

ياحلات الصندل صج صج يهبل عليج بالعافيه.

عيونج الحلوه حبيبتي الله يعافيج

 

[منوووووله]

عليكم بالف عافيخ بنات على المشترووات الحلووه



مستخدمين موجودين حالياً يشاهدون الموضوع: 7 (7 أعضاء و0 ضيوف)
منوووووله, ام تروكي 1, عبيـــــر, coco modmsil, اوركيدا

 

[coco modmsil]

ياعيني عليكم بالف عافيه
بحاول احط لكم بدله العيد قربين

 

[Dancing^Queen]

احم احم
حصيله اليوم

من نيو لوك

جاكته لونها بني بس مو براون لا علي رمادي شوي عاد كيفكم فهموها
اهي مو شتويه ولاصيفيه <<<لغز
يعني تنفع بوث
وتنلبس مفتوحه

هذي سودا نفس طريقه اللي فوق
بس نص جم
وفيها قصه تحت الصدر ولوووس فري نايس مامل من الاسود


وخذيت وياها توب ستايل هولتر ينربط علي الرقبه واهوقصير يعني ينلبس مع تنوره لايغركم طوله تراهو فلوو

ترا مو علي كتر الصوره توحي بذلك


اهني كامل مع الجاكيته السودا

هناك تتمه

 

[Dancing^Queen]

قلب

جينز

تراجي من كليزر زماره ليا وزماره لبنتي

 

[MissChoco]

هاي بنات شلونكم

واي اليوم حدي حدي مشغوله :×

طبعا رحت السوق مابقى شي ماشريته لووول


اول شي هذي عدساتي شريتهم من نظارات كيفان
بجمعية القادسيه
وطلعو حدهم مو حلوين وبايخين حسافه

وهذوله بديين, البني حق العيد
والابيض ناقصني حق بدلتي

وهذا طلعتلي بدل فاقد على خطي
لانه انكسر هههه

وهذا تكرمون جوتي حق اختي نور
بعد ما انهد حيلي وحيل امي من كثر الدواره
وعسى مانلقى واحد حلو .. نقولهم نبي
يقولولنا ماكو مقاسها حده مأسات :\
والحمدالله لقيت هذا
معنه عادي حده ولا يسوا .. بس يمشي حاله :×

وهذول صمون من محيسن
طبعا انا ونور كلينه منهم ههههههه

وهذوله قمصان خواتي يبتهم من الخياط

وهذا قميصي
يبته من الخياط ومادري احس انه عادي بسيط

 

[منوووووله]

بالعافيه عليج حلووه البلايز

 

[وين^العهود]

دوني

بالعافيه عليج الصندل
وبالعافيه على عيالج الجواتي ملبوس العافيه


دهن عود مبخر

بالعافيه حبيبتي
خوش مشتريات
وحطي الباجي


الفرح كله

بالعافيه عليج الهدايه
والمداليه وايد حلوه
وعسى ايامج كلها فرح وسعاده



بتبوتا,بنت حوا,ستايل,ستايل ماله مثيل,كيكه,دانسينق كوين

بالعافيه عليكم مشترياتكم ومتهنيين فيهم ان شاءالله

 

[Dancing^Queen]

اغراض كارفور
تكرمون مداسين حق البيت
وبودر اساسي
ولزاق حق الجروح
وكريم يولاي للعين ريجنرست
وماسك للمسامات
ودمتم سالمين
في بعد تكرمون جوتي حق بنتي العنونه بس انحاشت فيه ومشت


صوره ثانيه للحبايب
ونعتذر عن ردائه التصوير انا محورفه بتلفوني

 

[شندوخه]

شريت شكثر شغلات بس عيزااااانه اصور
لي عوده ان شاء الله بس امخمخ المزاج

 

[MissChoco]

وهذا قميصي حق بدلتي العيد
حسبي الله عالخياط حده خاااااره
المفروض الزراير توزع لمن تحت ومسافات اكبر
ومن وره كسره .. وخاارلي المديل :\\\

وهذي التنوره وحسبي الله على ابليسه مقصرها :\

وهذا ملفعي من كارووه اشوه انه خلص :×

وهذي ساعتي من الماسه .. شاريتها من زمان
وحطيتها بالجزء الاول بس على اخر شي
يمكن الكل ماشافها

وهمن هذا حطيته .. وهذا من ستبس خذيته
حق العيد ..
وانا كنت شاريه من لندن صندل شوارفسكي
بس حسافه مو راكب ويا بدلتي

وهذي البقمه كنت بحطها حق العيد
بس على موديل بدلتي مو راكبه

وهذي اكسسواراتي وشاريتهم من زمان
والسوار من دبنهامز
والخاتم ماشاء الله خذيته من لندن على سوار ثاني
ونقطع اسواره حسافه
وسبحان الله كسرتالته يت على كرستالة السوار هذا
وجنه مع بعض لوول
والخاتم الثاني وايد عجبني نااااعم من لاند مارك

وشريتلي طاقيات

وخذيت حق خواتي حق العيد طاقيات
والطاقيات لايقين عالشيلات او لا؟؟
لانه ماكو لون نفس درجتهم :\

وبس .. قولولي رايكم :eh_s(9):

 

[Dancing^Queen]

هذا سقط سهوا
عباره عن بسكوت عنونو مقدار القرمه تحطينه وبصحن الاستكانه

علمتني عليه بابمبي يزاها الله كل خير

 

[bambena]

ايوا ايوا برافو


عليكم بالعافيه

 

[جوكليت بار]

ماشاالله لاقوة الا بالله

أغراضكم اتينن



دووني عليج بالعافيه الصندل زووغه تبارك الرحمن جنه مار علي

وجيكي ع الخاص دزيت لج رساله من امس

 

[* عباية راس *]

عليكم بالعافيه بنات





كوين من وين شاريه البسكوت العنونو شكله حلو عليج بالعافيه

 

[فراولة^فوشيا]

ماشالله بنات عليكم بألف عافيه
كل يوم اطل عليكم نفس الحزه لووول
ماشالله رمضان ماكو وقت ركضه
تتهنون باغراضكم انشالله
نراكم

 

[DooNy]

دوني

بالعافيه عليج الصندل
وبالعافيه على عيالج الجواتي ملبوس العافيه
[/COLOR]

الله يعافيج حبيبتي ما قصرتي

 

[DooNy]

دووني عليج بالعافيه الصندل زووغه تبارك الرحمن جنه مار علي

وجيكي ع الخاص دزيت لج رساله من امس

الله يعافيج حبوبه من ذوقج :eh_s(6):

ان شاءالله ألحين أجيك

 

[منوووووله]

ونااسه اغراضكم حلوووه بالعافيه عليكم والبسكوووت حده يبيله قعده وجاي ياسلالالام


فراوله الله يعينج علينا


يالله ناطرينكم نبي انبوق قصدي انشووف اغراضكم