اسواق للهدايا بمكه

[خطاي اغليكـ]

بنات واخيرا

كولوووووووووولوووووووووش


بروح العمره عقب6 سنين

من تزوجت مارحت


المهم....

بما اني اول مره اروح وانا عند حموله بغيت اسئل عن محلات عطور كشخه وحلوه ومحلات الخام غير العامودي

عشان بجيب لخالتي وحمواتي

بس ابي شي معقول مو غالي...

وشنو اجيب غير هالاشياء لخالتي...ابي شي غريب


فيدوني وجزاكم الله خير


:33_1185028183::33_1185028183:

 

[ملآمح يوسفيه]

رد : اسواق للهدايا بمكه

عندج عطورات الماجد في مجمع زمزم حلوو

في محل خااام في مركز مكه

وعندج محل ابو ريال او رياليين يم مجمع زمزم هدايا حق اليهال


وتروحين وتردين بالسلامه يالغلا

​

 

[جامعيه متقاعده]

خواتم من الزهراني و ساعات من مركز مكة

 

[نااناا]

في مركز مكه في اطقم صلاه ((سجاده ونفس النقشه ثوب الصلاه)) ونوعيه السجاده فاخره وسميكه والثوب الصلاه راهي وخامته ناعمه انا شاريته من 3سنين وسعره مناسب ب70ريال تقريبا خمس دنانير......
وعطورات الماجد في مجمع زمزم حيل مميزه.......

 

[موزة الحبوبه]

وأنا ازيد بعد لان تونى راده من العمره وأقولج عندج محلات بمركز مكة يبيعون شالات كشميرية تينن وفي منهم شغل ايد مفارش وسجادة صلاة وايد كشخة وعندج عطورات قزاز شغله حلوه وشيلات الشرقية معروفه ماكو منه بالكويت ونصيحه لاتشترين من برج زمزم وايد غالي مكة ارخص منه وبعد راح تشوفين اشياء وايد واذا تبين فساتين حفله لايطوفج سوق العزيزية قولي حق تاكسى ودني العزيزية يم السلام مول هذا الشارع كله مجمعات هدوم حفلات وأرخص وايد من الكويت وكاسريهم ينزلون وأنشاالله مادوختج بالقرقه ودعواتج لي ويارب يبلغج العمره

 

[خطاي اغليكـ]

جزاكن الله خير حبيباتي...

وماقصرتن.....

 

[##سبحان الله##]

رد: رد : اسواق للهدايا بمكه

اماااانة ادعي لي معاج

 

[@فطفوووطه@]

رد : اسواق للهدايا بمكه

للرفع

 

[خطاي اغليكـ]

رد: رد : اسواق للهدايا بمكه

اماااانة ادعي لي معاج

ان شاء الله ياقلبي

 

[خطاي اغليكـ]

رد: رد : اسواق للهدايا بمكه

للرفع

تسلمين ياقلبي عالرفع

 

[جبل واره]

ما شاء الله ما قصروا البنات كل شي قالولج

انا انصحجج اشتري كحل قزاز حلو .... وعندج المصباح عطوراته حلوه وعنده ساعات واكسسوارات مرات ييب اشياء حلوه
وعنج المكتبات الاسلاميه شوفيها كتبها حلوه .....وعنج ملافع الحلوه الساده بس فيها توقع المحل وفي محل ثاني بس نسيت اسمه ...!!!!
وعندج للهدايا خامات شارع المنصور القطعه فيها اعتقد اربع امتار ب20 ريال وفي اغلي اليديد اغلى ...شوي انا اخذ درزن للهدايا اريح
وفي محلات اماعين اواني تلقين عنده ارخص من مركز مكه ......

وعندج العزيزيه خاماتها للسهرات احلى من مكه ....

 

[&أم عبودي&]

كل شي بتلقينه بمركز مكة عجيييييييب
الدور الارضي فيه محل ساعات الدهام /اسواق بن داوود :تلقين عندهم هدايا غريبة جناطي القهوة_الشاحن المتنقل بالبطارية لجميع اجهز النقال بمافيها الايفون والبي بي _شباصات اكسسوارات_تمور_وغيره/قزاز/سيد جنيد/مكتبة البيارق :عجيبة/عبايات الحلوة:عبي وملافع/في محل قدام جنيد عنده مواعين حلوة / القرشي/ساعت سيد قطب:حلو واسعارها معقولة
الدور الأول:الشرقية:عبي وملافع موطبيعي/المتحف:سجاجيد الصلاة بانواعها واشكالها وفي محل كبير فيه ديباجات وارواب وغيره/محلات خامات عدي وخربطي بس احسنهم بقشان وباجيري/ محلات دشاديش وغتر وطواقي وهلسوالف هم بعد عدي وخربطي /محلات العاب اطفال حدهم رخيص/محلات ملافع في وايدمهم دار الفخامة اسعاره رخيصة /في محلات الهنود تلقين عندهم سلاسل وتراجيهم علبتهم حمرا للبنات خدهم حلوين مو خربوطة /السرتي للعطور
الدور الثاني:فيه بدون اسم:ملافع وعبي/01:اكسسوارات/المصباح:عطور فرنسية
سوق ابراج البيت اللي هو زمزم:فخامة الشرقية:عندهم عبي حلو ورخيصة/قزاز: اكبر واحلى /نعومي/باقي المحلات اكثرها بالكويت مثل مذركير وكليرز او مجودين بمركز مكه
مع تحياتي

 

[غلا الروح79]

بس حبيت ارفع موضوووعج لان البناات الحمدلله ماقصرواا

 

[بنت اوسكو]

رفع ودوعواتج

 

[pinks]

رفع

 

[خطاي اغليكـ]

رفع الله من قدركن

وجزاكم الله الف خييييير جميعا"

 

[عيال الكويت]

رفع
ودعواتج

 

[ريان4]

محل مزاج في مركز مكه ملافع على توقيعهم

 

[blackcat2010]

للرفععععععععععععع

 

[عاالية]

رد : اسواق للهدايا بمكه

جدام ريم الخليج بمركز مكه محل ملابس أطفال رهيب ودراريع
وبالدور الثاني اذاني موغلطانه بخور معمول ناعم اسمه الكعبه يجنن وعلبته كشخه وب30ريال
وخلطات بانافع بمركزمكة ب20ريال
ومحلات بوريالين عنده البدع للجهال