إللي عندها أي استفسار بخصوص الديكورات والبناء تتفضل ( للفائده فقط )

[سحر الشرق2008]

ابي لشقتي الجديدة تصميم لديكور الداخلي وتأثيثه مودرن ومواقع الأثاث فأنا حابه اثثه بالمودرن الله يعطيك العافية

 

[سارونه*المزيونه]

رد : رد: مصممة ديكور داخلي تجيب على أسئلتكم.. إللي عندها أي استفسار تتفضل

الله يعافيج وحياج الله معانا

إذا تحبين التصميم شوفي تصاميم Perla Lichi مصممة أمريكية عالمية، زرتها بالإمارات وشفت الفيلا مالتها مو طبيعية ماشالله..

وروحي مكتبة جرير عندهم نوعية مو طبيعية من المجلدات المتخصصة بالديكور

مشكوووورة عالافادة حبيبتي :eh_s(17):

 

[tattoma]

ابي لشقتي الجديدة تصميم لديكور الداخلي وتأثيثه مودرن ومواقع الأثاث فأنا حابه اثثه بالمودرن الله يعطيك العافية

يا ليت لو تحطين قياس كل غرفة بالضبط عشان أقدر أرسم الخريطة مع توزيع الأثاث

 

[بشاير الخير]

اهلين اختي الصورة الي على اليسار صالة في القبو وانوي اخليها مجلس نساء وياليت تساعديني في توزيع الاثاث واختيار البلاط علما بان النطقه الدائريه بدون سقف مفتوحه للسطح فيها قبة دائريه واما الي على اليمين فهي صالة المعيشة الي غثيتك فيها ..بانتظارك الله يعطيك العافيه

 

[S K Y]

حبيبتي انا جربت اغير ترتيب الكنب ... بس ماضبط معاي

طول الجدار الفاضي 230سم و طول الكنبه 260سم يعني اذا حطيتها بيطلع 30سم من الكنب عند الممر !!!

والتلفزيون مااقدر اغير مكانه لانه الجدار الوحيد اللي فيه افياش واسلاك التلفزيون والحوسه حقته
والتلفزيون مكانه صاير بالممر اللي من ممر الغرف لين المطبخ وباب المدخل مااقدر احط الكنب مكانه يصير الكنب بالممر

تكفين ساعديني والله مدري شنو اسوي بهالكنب كلهم قطعتين ولاني عارفه وين احطهم :eh_s(1):

 

[سحر الشرق2008]

وينك اختي انتظر مساعدتك

 

[جمارة قلبي]

رد : إللي عندها أي استفسار بخصوص الديكورات والبناء تتفضل ( للفائده فقط )

أهلين ..

الله يخليك أنا غرفتي لون أثاثها كموني والصبغ أبيض وما صار لي 3 سنين حاطتها بس مليت منها .
أحسها جامدة لأن الأثاث كلاسيكي مرة .

لكن ودي أغير الكنب وودي أغير لون المفارش الي من حطيت الغرفة وأنا ما أحط الا البيج بدرجاته , مخي مب راضي يبدع بالألوان .

أبي ألوان تفرفش لي الغرفة شوي وتكسر تكرر الألوان .

لونها قريب من هاللون بس على أغمق شوي ويميل للأخضر شوي .

ان شاء الله بأقرب وقت أصوره لأن الحين كاميرتي مب عندي .

 

[tattoma]

اهلين اختي الصورة الي على اليسار صالة في القبو وانوي اخليها مجلس نساء وياليت تساعديني في توزيع الاثاث واختيار البلاط علما بان النطقه الدائريه بدون سقف مفتوحه للسطح فيها قبة دائريه واما الي على اليمين فهي صالة المعيشة الي غثيتك فيها ..بانتظارك الله يعطيك العافيه

السلام عليكم.. انا سويت لج تصميم للغرفة اللي بالقبو.. طبعا تصميم بدائي ومو بالضرورة اختيار الألوان نفسها مجر تصميم لتوزيع الأثاث.. أما الصورة الأولى فأعتقد انج وزعتي الأثاث صح.. بس اذا حابة تصميمي ان شالله احاول اسويها بأقرب فرصة بس ابي شرح للخطوط عشان أفهمها..

هذي الخرطة:


وهذي الزوايا من داخل:

 

[tattoma]

حبيبتي انا جربت اغير ترتيب الكنب ... بس ماضبط معاي
طول الجدار الفاضي 230سم و طول الكنبه 260سم يعني اذا حطيتها بيطلع 30سم من الكنب عند الممر !!!
والتلفزيون مااقدر اغير مكانه لانه الجدار الوحيد اللي فيه افياش واسلاك التلفزيون والحوسه حقته
والتلفزيون مكانه صاير بالممر اللي من ممر الغرف لين المطبخ وباب المدخل مااقدر احط الكنب مكانه يصير الكنب بالممر
تكفين ساعديني والله مدري شنو اسوي بهالكنب كلهم قطعتين ولاني عارفه وين احطهم :eh_s(1):

حبيبتي عيل في هالحالة لازم تكملين عليهم.. يعني خليهم نفس الترتيب اللي الحين حاطته.. وسوي عمله بالضبط نفس الألوان وكملي عليه، وبالظهر يسوون لج مساند من نفس النوع واللون عشان تكون وراه الطوفة وجذي يصير عندج قعدة أوسع على حرف ال l وإن شالله تضبط..

عند بنتا اللي بالضجيج يضبطونها لج وأسعارهم جدا مناسبة

 

[tattoma]

وينك اختي انتظر مساعدتك

ما عليج أمر بس بغيت القياسات.. قياس كل غرفة عشان أقدر أرسم المخطط وتوزيع الأثاث

 

[tattoma]

رد: رد : إللي عندها أي استفسار بخصوص الديكورات والبناء تتفضل ( للفائده فقط )

أهلين ..
الله يخليك أنا غرفتي لون أثاثها كموني والصبغ أبيض وما صار لي 3 سنين حاطتها بس مليت منها .
أحسها جامدة لأن الأثاث كلاسيكي مرة .
لكن ودي أغير الكنب وودي أغير لون المفارش الي من حطيت الغرفة وأنا ما أحط الا البيج بدرجاته , مخي مب راضي يبدع بالألوان .
أبي ألوان تفرفش لي الغرفة شوي وتكسر تكرر الألوان .
لونها قريب من هاللون بس على أغمق شوي ويميل للأخضر شوي
ان شاء الله بأقرب وقت أصوره لأن الحين كاميرتي مب عندي .

انتي صوري وخليني أقرر.. إذا شخصيتج تحبين الألوان اللي تفرفش أنصحج تكون الطاولات (الجانبية والوسط وطاولة التلفزيون) لونهم أبيض.. والأثاث بدعي بالألوان واقدر اساعدج باختيار الألوان اللي تصلح مع بعضها..

والألوان الغامجة رغم انها فخمة إلا انها مع الوقت تقمت.. عشان جذي ما ننصح فيها لغرف النوم والصالات اليومية.. أما بالاستقبالات عادي لأن الواحد ما يقعد فيهم بصفة يومية..

 

[قيـوسي]

رد : إللي عندها أي استفسار بخصوص الديكورات والبناء تتفضل ( للفائده فقط )

يعطيج العافية اختي بس حبـــــــــــــــيت اسأل حنا نرمم قسيمتنا وحابه اسألج عن لون يصلح لغرفتي بس أنا من النوع اللي يمل بسرعه من اللون .................. وابي لون يريح وراقي يعني يصلح"لانسه" :wqedqw::wqedqw::wqedqw: ويكون من لونين​

وومــــــــــــــــــــــــــــــــــوفقة:ggdw:​

 

[tattoma]

السلام عليكم

الألوان الفاقعة عادة ينمل بسرعة منها، في هالحالة اختاري الألوان المحايدة: بيج، اوف وايت، ممكن زيتوني فاتح.. جدا مريح للعين ويصلح لغرف النوم

 

[tattoma]

السلام عليكم

الألوان الفاقعة عادة ينمل بسرعة منها، في هالحالة اختاري الألوان المحايدة: بيج، اوف وايت، ممكن زيتوني فاتح.. جدا مريح للعين ويصلح لغرف النوم

 

[الاميرة النا]

الافكار جدددددددددددددا رائعة اسأل الله ان يجعلها في موازين حسناتك ويفرج همك يارب

وان شاء الله ساستعين فيك قريب

 

[صادقة النية]

رد : إللي عندها أي استفسار بخصوص الديكورات والبناء تتفضل ( للفائده فقط )

السلام عليكم ورحمة الله وبركاته
اشكرك على مبادرتك الطيبه لما ينفعنا الله يجعلها في ميزان حسناتك
عندي صاله داخليه تطل على درج داخلي وممر لغرف النوم ومدخل خارجي للمطبخ ماعليك أمر ابلي جلسه ارضيه افكار جديده و
على فكره الأرضية جرانيت سكري ومحدد باطار اسود​

 

[الاميرة النا]

غاليتي انا عندي فيلا وطبعا مدخل الرجال مفصول عن مدخل النساء
مدخل النساء يفتح على صالة اول ماندخل المصعد امامي والدرج خلفه يفتح على الصاله من اعلى طبعا جدار الدرج ما يبين الامن جهة مدخل الرجال مع انه في باب فاصل بينهم ( للخصوصية )
سوالي الان جدار الدرج والمصعد محتاااااااااااااااارة فيه :gr4uu::gr4uu: هل يكون بويه ام حجر مستطيلات ام ماذاااااااااا ؟
ماهو المناسب له وجزاك الله خيرا

 

[جمارة قلبي]

رد : إللي عندها أي استفسار بخصوص الديكورات والبناء تتفضل ( للفائده فقط )

الله يعطيك ألف عافية ويوفقك ان شاء الله ..

هذا لون الغرفة ..



وش الألوان الي تنفع معه ؟ للمفارش ولسجاد الأرضية و للكنب .

وهذا تصميم الغرفة الحالي وبصراحة ودي أعدل فيه لأني مليته ..



الكنبات هم الي لونهم عنابي بالرسم بس بالواقع أنا منجدتهم زي قماش الستاير . وأفكر أغيرهم وأغير سجادات الأرضية .
مفكرة أشتري صوفا طويلة بس أبغى لونها يتناسب مع الغرفة وفكرت أشتري قماش زي أقمشة الشالات وأحطه عليها يكون زي لون المفارش الي ممكن تقترحينهم علي .

أما القطعة الي طولها 116 هذه التسريحة أخذت مقاس أطول شيء فيها والي هو قاعدتها ..


أما الأسود مثل ما هو مبين بالرسم بابين الي طوله 1متر هذا مسكر وما نستخدمه ففكرت أحط عليه التسريحة لأنه ممكن تدخل بالمنطقة الي مساحتها 2 متر وما تضايق الدواليب . أما الثاني الصغير فهو الي مفتوح وندخل ونطلع منه .

أما القطعة الي مقاسها 330 سم فهي الدواليب (الكبتات) فأنا حطيت المقاس كامل ولا هم ثلاثة قطع منفصلين عن بعض بس حالياً ملصوقين ببعض ..

والسرر أساساً عرضهم 140 بس العرض الي أنا حاطته بالرسم هو عرض الخلفية حقتهم والي هو 146 سم .
وبينهم كومدينه صغيرة .

والقطعة الي طولها 98 سم هذه الشوفونيره ...

أما الدائرة الصغيرة فهذه معلاقة الملابس (الشماعة )


والزرق هذولي الدرايش .. الدريشة الي وراء الدواليب مغطيتها فيهم والجزء الي ظاهر منها مغطيته بورق أسود علشان النور .


وش رأيك بتصميم الغرفة ؟ أفكر أعدل فيه شوي .. يمكن حجم السرر مقيدني بس مليت منه ودي أغيره اذا فيه امكانية .

 

[جمارة قلبي]

رد : إللي عندها أي استفسار بخصوص الديكورات والبناء تتفضل ( للفائده فقط )

اللون عدلت على إضاءته شوي لأني حسيته متغير شوي ..

 

[يونيك VVIP]

رد : إللي عندها أي استفسار بخصوص الديكورات والبناء تتفضل ( للفائده فقط )

السلام عليكم

اختى مشكوره و االله يعطيج العافيه على الموضوع وان شاء الله بموازين حسناتج

انا عندى الدور الاول قيد الانشاء حاليا
ومثل ماهو واضح بالصوره الصاله تعتبر موزع ومساحتها كبيره تقريبا 6 × 7
ويطل عليها الدرج والمصعد واعزج الله حمام ومغاسل ومدخل مطبخ قريب صوب المغاسل
والصوب الثانى ممر لغرف نوم

بصراحه احترت بتوزيع الاثاث فيها
علما بان الطوف لحد الحين ما انبنت يعنى اقدر اطول واقصر فيها
وهى اللى باللون البنفسجى وهالطوفه اللى صوب الدرج باللون البنفسجى طولها تقريبا 4 ونص
ودى بطاولة طعام وكنب وتلفزيون وكونسول

فما ادرى شلون راح ارتب هالقطع

والابليكات للكونسول ليما الحين مو محدده مكانهم
ف يا ريت تحددين لى مكان هالقطع والاثاث ومكانها المناسب

والف شكر لج على هالموضوع الحلو



هذ الصوره ان شاء الله تكون واضحه