اللي ولدت برويال حياة وماخذه ابره ظهر تدخل ضروري

[koky 7yati]

السلام عليكم

بنات تكفون اللي خذت ابره ظهر بمستشفى رويال حياه وولدتها دكتوره ناهده العلي

ترد على اسئلتي والله حدي خوافه من شي اسمه طبيب او اي نوع من الابر اخاف :eh_s(16):

من الابر فيني فوبيا منهم واذا شفتها تكرمون يحوشوني ترجيع من الابره تكفون ساعدوني

شلون طريقتها وحجمها والمده اللي يقزج فيها بليييييييييييييييز والله اللي تجاوبني راح ادعي لها في
ولادتي

الله يخليكم يابنات المنتدى وربي احسكم خوات لي :flower:

:bye22:

 

[_Pure_]

شوفي حبيبتي

اول شي انا ما جربت ابرة الظهر بس والدة مرتين برويال حياة

بالنسبه للابره ليش ناويه تاخذينها ؟؟؟


اذا ولادتج طبيعيه لا تاخذينها و لا تحاتين
توكلي على ربج و ادعيله بالتساهيل و توكلي عالله و خليج ريلاكس و مرتاحه و مطمـئنه و راح تكون ولادتج من اسهل ما يكون

انا ولدت مرتين ولاده طبيعيه و بدون لا ابرة ظهر ولا كمام و بسبب راحتي النفسيه و توكلي على رب العالمين و كثرة الدعاء و الاستغفار الله رزقني بولادتنين من اسهل و اروع ما يكون اللهم لك الحمد كما ينبغي لجلا وجهك و عظيم سلطانك

 

[koky 7yati]

مشكوره عالرد والله انا عشان اخاف وحدي اتعب بالدوره من جذي افكر اخذ ابره
والله يعطيج العافيه ويسهل علي يارب

 

[أم@الحلوين]

أنا رايي من راي _Pure_ لا تاخذينها ورب العالمين ماراح يقصر معاج ..

توه قبل 5 أيام رفيجتي والده برويال حياة وتمدح ابرة الظهر مالتهم وتقول ما حست بشي ودكتور التخدير وايد شاطر والسهاله من رب العالمين،، حتى انا نفسج

بالدوره وايد اتعب تخيلي لازم مغذي وغير الالام مع هذا ما أفكر اخذ ابرة الظهر ..

 

[Om3Li]

اذا مو مضطره ليش تاخذييييين والله توكلي على الله وصدقيني كلا جم ساعة تحملييها وعقبها ترتااحين
والله يسهل علييج يارب

 

[koky 7yati]

مشكورين وايد عالردود والله ادري انه السهاله من رب العالمين بس والله اخاف الله كريم ويهون علي وعلى كل حامل يارب

 

[~ الأصايل ~]

الله يسهل لج يااختي ولاتحاتين ،،، توكلي على رب العالمين وتوجهي له بالدعاء ويسهل امورج

نصيحة نصيحة نصيحة : لاتاخذين ابرة ظهر لأنها خطيرة
​

 

[Coffee-Girl]

حبيبتي انا ماخذتها مرتين برويال حياة

وحييييييييييييييييييييل ارتحت بالولاده

نصيحه اخذيها ولا تحاتين

ماتضرج ان شالله

 

[om jori]

انا خذيتها برويال حياة وانشليت

 

[sweet-rose]

انا خذيتها برويال حياة وانشليت

انشليت يعني تمشين على ويل شير ؟؟؟؟؟؟؟؟؟؟؟؟؟؟ منو الطبيب اللي عطاج اياها وصار غلط بمكان الابرة ولا انتي تحركتي ؟

 

[الأماكن]

رد : اللي ولدت برويال حياة وماخذه ابره ظهر تدخل ضروري

الله يسهل عليج يا ربي و يقومج بالسلامة :yaaaaaarb:

بس نصيحة من اخت لإختها ... نصيحة لوجه الله :friends:

لا تاخذين الابرة

صح مريحة عاالآخر ... بس لها نتايج مو زينة بالمستقبل ... و ألزم ما عليج صحتج

الولادة تساهيل من رب العالمين مو الابرة و لا البنج و لا الدكتور

الكمام حلوووو ... ياخذج لعاااااالم ثاني ... تقطين خيط و خيط ... مرات تضحكين ... و مرات تبجين ... و مرات ماتتذكرين شي

والله من يطلع البيبي ... و تشوفينه بتنسين التعب كله

الزبدة : لاتاخذين الابرة :eh_s(13):​

 

[سموره 87]

انا نفسج اخاف من الابرة بس توكلت على الله وخذيتها ومايطول الدكتور بسرعه بسرعه يدخلها بس طلبي دكتور عمر الخطيب رئيس التخدير وايد شاطر انا طقنياه دكتور مادري شسمه عمى بعينه خدر نص والنص الثاني احس بالطلق :cxxxp:

 

[دمثة]

انا اخذتهاا تهبل روعه ابرة عجيبة يركبونها من بداية الطلق لين ان شاء الله تولدين ويخيطونج يشيلونهاااا عجيبة انصحج فيهااا


انا اخذتهاااا ومافي الا العافيه



الله يسهل على كل حامل ويقر اعيونها بضناهاا الي ببطنها بصحتة وعافيته يارب

 

[so salt so sweet]

رد : اللي ولدت برويال حياة وماخذه ابره ظهر تدخل ضروري

انا اخذتها عند دكتور عمر الخطيب يهبل
والابره ماتحسين الا بنغزه خفيفه بوثانيه او ثانيتين بالكثير بس
حلوه الابره وماتحسين بالالام والحمدلله ربي يسهلها لج

 

[مدام فاشن]

بصراحه ماجربتها وان شاء الله مااجربها

بس حبيت ادعيلج ربي يسهل عليج ولادتج

 

[NODA 2]

حبيبتي الي تقولج خذتها وانشلت جذابه هذا مو منتدي مو كل وحده تقول الصج
انا عن راي اذا انتي فيج ضغط او سكر لا سمح الله اخذيها افضل لا سمح الله علشان لا يصير مضاعفات واذا انتي تقدرين تتحملين الطلق لا تاخذينها بس اذا شفتي نفسج ما تقدرين اخذيها و توكلي علي الله و دايم حطي افبالج لان يصيبنا إلا ما كتب الله لنا انا خذيتها مرتين والحمدالله ما فيني الله العافيه والي تقولج اثار وخرابيط ليش انتي دكتوره مثلاا علشان تفتين
كل جسم وقدرة تحمله اهم شي بعد ما تاخذين الابره عليج بالماي علشان تنزلين الدوه الي بجسمج و علي فكره اول مره خذيتها بالسلام والثانيه برويال حياة والحين ومفكره اخذيها بس علشان الخياط التجميلي افضل و دايم سمعي راي دكتورج
و مالج شغل بكلاام البنات ناس راح تقولج زينه وناس مو زينه بس افضل واحد يعطيج رايه الدكتوره
والله يسهل عليج

 

[angel_soul_1989]

رد : اللي ولدت برويال حياة وماخذه ابره ظهر تدخل ضروري

الله يسهل عليج حبيبتي ،،،،
انا خذيتها مرتين بولادتين والحمدلله ولاحسيت بتعب ولا شي والدكتوره الي انصحتني فيها بنت عم زوجي واهي بنفسها تاخذها وتقول مافيها اي ضرر واهي وايد تنفع حق الي بجر عشان لاتتأذى بالولاده والخياط ،،،،،
ومدتها الله يسلمج بين ال10 دقايق والربع ساعه يحط الدكتور مال التخدير الابره داخل الظهر بين العمود الفقري وبعدها يحط الابره البلاستيكيه ويثبتها بلزاق بظهرج عشان ماتتحرك وبس ماراح تحسين بولا شي وعلى حسب الجسم في ناس ماتسويلهم شي الابره لانه جسمهم مايستقبل تخدير بس هذا نادر الحدوث .....
الله يسهل عليج واهم شي فيها ان من تاخذينها تكونين واعيه وتشوفين كل شي بوقت الولاده والله يسهل عليج وادعيلي ...

 

[زينانه]

انا سالت مره اللي جربوها يقولون
الابره بالتخدير روعه... تولدين وانتي تضحكين... بس اغلب البنات يحسون انهم دايخين وبعالم ثاني لانها تنزل نسبة الاكسجين بالجسم
فعشان جذي اذا حسيتي بدوووخه اطلبي اكسجين على طول... اصلا الاغلب انهم يعطونج كمام اكسجين بدون ماتطلبين
وشي ثاني... ان الظهر ممكن يعورج فترة الاربعين.. وهذا شفته باختي تعبت حيل مع انها ماخذتها بدار الشفا مو مستشفى عادي

عموما انا مااحبها ولا اغامر مع اني خوافه وماحب اشعر بالالم لكن الله يخلي الابر المسكنه والكمام​

 

[Diva-Q8]

رد : رد: اللي ولدت برويال حياة وماخذه ابره ظهر تدخل ضروري

انا خذيتها برويال حياة وانشليت

لا موجذي يبالغون ويرهبون العالم تره كلها مسكن ألم اشدعوه انشليتي ساحبين نخاع من ظهرج ؟ بس واذا صج انشليتي الله يكافينا الشر ويشفيج ماظن من الابره اختي ماخذه ابرتين بحياة وبولادتها الثانيه ابرتين بنفس الوقت بمستشفى السيف ووايد ارتاحت بالولاده
وماحست بشي لا وطالعه من غرفة الولاده تبتسم بعد اسم الله عليها !

 

[Diva-Q8]

رد : اللي ولدت برويال حياة وماخذه ابره ظهر تدخل ضروري

ياشين اللي يفتون ويقولون سمعنا وسمعنا ومظره ومادري شتسوي بعد سنه
يا يبا الطيور طارت بأرزاقها ناس ماخذينها من 4 سنين ومافيهم شي يبا هذي بنج موضعي لألم الظهر لو فيها اظرار جانبيه ماغزوها اكبر مستشفيات الكويت يعني مايخافون على سمعتهم من القيل والقال لاتبالغون بنات بليز !