مو متزوجه؟؟ غريبـــه؟ اروح اموت يعني !!

[غروري بطيبتي]

السلام عليكم ورحمه الله وبركاته
شلونكم بنات شخباركم ان شاءالله بخير

مالكم بالطويله بدش بالموضوع على طول
<<~~ ماتعرف بالمقدمات :krkrkr:



الموقف الاول

اول امس رحت طبيب الاسنان واول مادشيت سلمت ردت الدكتوره السلام ولاتقولي اول مره تجين قلت اي مع اني مافهمت سؤالها
سالت ليش جايه قلت بسوي فحص بشوق شلون ضروسي
ولا تسالني متزوجه :080402ask_prv:
قلت لا
قالت على وشك انج تزوجين :080402ask_prv:
قلت لا
قالت مخطوبه
قلت لا
بغيت اشيل قشي واطلع حزتها :denya:
وتعطيني نظره جنها منقدتني شدعوا

مو اول مره يصير معاي هالشي
قبل هم رحت لطبيب الاسنان واقولها سويلي تنظيف وتسالني انتي متزوجه
مادري يعني بس المتزوجه واللي على وشك الزواج المفروض تهتم بنفسها والعزوبيه شنو تقعد بوصاختها منطق غريب؟

الموقف الثاني


اادش محل عطور اشتريلي عطر وحمره واقولها ابي عطر ثاني على طول تسال انتي عروس :080402ask_prv: تعالي اشتري هديه لزوجك ونتي ذوقك حلو تقص علي تبيني اخم المحل كله :krkrkr: يعني البنيه المفروض ماتشتري مكياج وعطور الا لما تزوج!!

الموقف الثالث

وهالموقف يتكرر باكثر من شكل
بالجامعه وانا قاعده بالمحاضره ولا الكافتريا تجي وحده تسلم وتقعد سوالف وضحك وفجاه السؤال :

انتي متزوجه :080402ask_prv:
اقولها لا وشوفي شلون تحوس بمكانها والله اريح واحسن لج من الغثا والهم
عاد انا طبيعي اسال على طول انتي متزوجه
تقول اي بس مو مرتاحه وتبدي تحش بكل اهل زوجها وزوجها وشوي الا زوجها يدق
وترد المظلومه المسكينه: هلا حبيبي بطلع الساعه كذا انت وينك اي خلنا نتغدى برا على راحتك

توج طايحه سب فيه المسكين واهو شكله طيب ليش يعني؟

واذا صار علينا امتحان ولا شغل وتاخرت بتسليمه تبدي تشتكي انا امس مشغوله ونتي ماعندج شغل بالبيت انا متزوجه ومالي خلق لشي وامس طلعت مع زوجي ومارديت الا متاخر @_@ ونتي اكيد كنتي مرتاحه فبيتج مو انا ياحسره
وماتسكت الا ليما اجعمها !!!
ردي اللي بقلبي اقول انتي تهيتين مع زوجج باختيارج مو مشكلتي اذا مادرستي ولا سويتي هالشي
وتكمل بليز عطيني هالمحاضرات انا الاسبوع اللي طاف كله ماحضرت كنت مسافره مع زوجي :wqedqw: اقولها ماشاءالله استانستي
ترد لا والله ما استانست تمشيت بالسعوديه ورديت اهو ماخذني غصب مايبي يسافر بروحه
وانا اقول الله كريم الله يعينج على زوجج شكله مايقدر يستغني عنج (اقولها بعبط)
ترد الله يصبرني عليه :flower:


الموقف الرابع
واكثر ماتصير بالاسواق اذا قمتي تشترين وتخمطين من الاشياء على طول انتي عم تجهزي يا عروسه تعالي هون
حتى لو دشيتي محل ملابس داخليه انتي متزوجه شدعوا يعني اللي مو متزوجه المفروض ماتشتري امرهم غريب واذا شريتي فوطه ولا روب وقلتي ابي شي حلو فخم على طول تبين الك ولجوزك
والله يقهرون يعني العزوبيه المفروض ماتكشخ لنفسها



المختصر من القرقه شنو الفرق بين المتزوجه والعزوبيه وشفيها اذا الوحده اهتمت بنفسها ولا اعتنت بجمالها بدون لا تفكر ان وراها خطبه ولا عرس
يعني مايصير الوحده تعيش لنفسها وبس
ولما اقول السوالف لامي تعصب تقول يعني اللي مو متزوجه تقعد بالزاويه وتبحي ليما تزوج :krkrkr: :krkrkr:
متعقده امي من المدارس مو قبل لما يعاقبون الجاهل يحطونه بالزاويه :krkrkr:

المايك لكم موقف مر عليج شي بخاطرج تقولينه خذي راحتج هني
واللي تقدر تحسب جم مره قلت متزوجه لها هديه :hjy5jewf:
وبنات مو سالفه اني حساسه
ادري نصكم بيقولون الشي عادي
بس غريبه نظره الناس شنو فكرتهم عن البنت المفروض ماتسوي شي الا بعد الزواج يعني؟

ودمتم سالمين <<~~ تذكرونه بنات البرنامج التربوي اللي يطلع العصر وورا اوقات الاذان :krkrkr:
مادري شفيني فصلت

 

[فـــخـــر]

المحلات عادي نظرتهم ماديه بحححححت على بو العروس

توها ماخذه همجه [ المهر ] ويبيعون لها بسعر اكثر

<< لأنها عروس راح تشتري كل شي غالي


* اممممم العيادات مادري ليش ؟! بس يمكن علشان تخلص العروس

مواعيد الاسنان قبل تاريخ العرس وجي وتكون اسنانها ok قبل العرس

<< يعني العروس لها الاولويه


*والبنت اللي بالجامعه مريضه نفسياً ماحب اللي جذي منتي ملزومه

تجذبين ماتبين احد يحسدج ابلعي العافيه وسكتي مو اتشكين وانا فيني

وانا فيني يعني بتوخرين العيون عنج ..:rgewrg:

<< مادري شفيني اليوم قرقه

 

[نجمة كويتية]

البنت اللي بالموقف الـ3 هاذي منها واايد تراها جذاااااااااابة تقول جذي وتتشكى عشان ما تحسدينها او تبوقين ريلها في بنات واايد مريضات نفسيا مثلها الله لا يبلانا !! لا تقعدين معاها خل تولي << عن تجربة بنات المصالح :jumpon:​

 

[MiSsY HottY]

ماكو شي حبيبتي انتي لا تصيرين حساسة زيادة عن اللزوم اتز اوكي ورفيجتج حنت لأيام العزوبية انا بشكل عام ما اييد الوحده تسولف عن ريلها للناس :blueSmCLR:

 

[غروري بطيبتي]

فخر انتي نفس تفكيري :fun:



نجمه كويتيه المصيبه اني ماسالتها اهي من نفسها تسولف يعني شدعوا باخذه منها



خاله برونزيه وانا بعد اقول المفروض الوحده ماتسولف عن زوجها بس انها اهي من نفسها تبرع وتسولف بعدين تسبه ليش!!
من الاول لا تسولفين عنه وارتاحي


منورين بنات

 

[لحظآتَ]

رد : مو متزوجه؟؟ غريبـــه؟ اروح اموت يعني !!

ايه والله المشكله اكثر كلمة دارجه عندهم لاشريتي ملابس وكشختي وخمطتي " شعندج والله لو تجهيز عروس "
ولا تسنعتي بكريمات وخلطات ورجيمات وتنظفتي " حشاا تجهزين لعرسج ؟؟ "
والله التعليقات هذي بكثره اسمعها مع اني توني ورعه لاحقه على الهم بعدني قاصر هههههههه
بس مدري الناس صارت مشفوحه على الزواج يادافع البلا!!
/
\

 

[غروري بطيبتي]

لحظات اعجبتني اخر جمله مشافيح على الزواج:krkrkr:


منوره

 

[نونه العنونه_H]

رد : مو متزوجه؟؟ غريبـــه؟ اروح اموت يعني !!

عادي طوفي وايد تصير مواقف جذي..
انا الي يبط جبدي لما الناس يسألوني هااااااا متى بتتزوجين؟؟؟
يعني انا الريال مثلاااااا!! بروح اخطب مثلاااااا!! سؤال سخيف
اسمعه وايد,, وشي ثاني انا البنت الكبيره ومو متزوجه والي اصغر مني متزوجه
فااا الناس لما يدروون ينصدمووون ويسووون هذا الفيس >>:ssssso:
يعني حررررررررررام تكسرين الخاطر
وانا اضحك بقلبي لان الحمدلله مستانسه والصراحه مالي خلق حنه ورنه :dddds:​

 

[تربويه وافتخر]

رد : مو متزوجه؟؟ غريبـــه؟ اروح اموت يعني !!

الله يا اختي انا جننوني بهالسالفه خصوصا بنات كليه التربيه

انتي مو متزوجه مرتاحه ماعندج شي والله وحده من كثر ماتحن على دخلت المستشفى اسبوعين من اعيونهاا

اخر شي قلت له يباا بس يعني المتزوجه اهى المشغوله شنو ذنبي انتي متزوجه وموشرط الى مو متزوجه ماعندها شغل

ذلوني كل كورس تطلع لى علق امانه انتى عندج وقت انتي مو متزوجه شنوو هذا ملل كرهوني حياتي الصراحه

مالهم يخلق يسون شي حق المشاريع بسبب انا متزوجه انا عندي اعيال انتي فاضيه ماعندج شي والله مليت منهم:rgewrg:

 

[كراميلا مرة]

رد : مو متزوجه؟؟ غريبـــه؟ اروح اموت يعني !!

جبتيها على الجرح
انا قبل شهر يمكن رايحه لاسناني نفس الاسئله بالضبط
متزوجه قلت لها لا
مخطوبه لا
مرتبطه لا

ليش ماتزوجتي انتي حلوه وعمرك مناسب ولا ماتبين الحين فلبينيه ولها بعد تتكلم
زين ماعطيتها كف
لا الحمدلله ان ابوي طلع لانه اهو كان جالس بس قامك
وربي بقيت اذبحها
مادري يعني العزوبيه مالهال حق تسوي شيء :080402ask_prv:

 

[! هُوْ وِينِه !]

رد: رد : مو متزوجه؟؟ غريبـــه؟ اروح اموت يعني !!

عادي طوفي وايد تصير مواقف جذي..
انا الي يبط جبدي لما الناس يسألوني هااااااا متى بتتزوجين؟؟؟
يعني انا الريال مثلاااااا!! بروح اخطب مثلاااااا!! سؤال سخيف
اسمعه وايد,, وشي ثاني انا البنت الكبيره ومو متزوجه والي اصغر مني متزوجه
فااا الناس لما يدروون ينصدمووون ويسووون هذا الفيس >>:ssssso:
يعني حررررررررررام تكسرين الخاطر
وانا اضحك بقلبي لان الحمدلله مستانسه والصراحه مالي خلق حنه ورنه :dddds:​

نفسي وآلله آختي إلي آصغر مني متزوجة :dddds:
ومرآت آحس نظرآت رفيجآتي لي شفقة
دآيم يقولون لي ليش تخيلين آختج تتزوج قبلج ليش شورهآ بيدي وهذآ نصيبهآ
ودآيم يقولون لي ترآ آلنآس مآرآح يجون يخطبونج لآن كل آلنآس بتفكر إن آختج تزوجة قبلج لآنه سمعتهآ آحسن منج
فمآ آدري ليش آلنآس مآ تقول هذآ نصيبهآ
وكل تآخيره فيهآ خيره يمكن آخذ آمير :dddds:
نرجع لمحور حديثنآ يآ آلغآلية طنشي يعني نعفن لين يجي فآرس آحلآمنآ
كذآ مرة وحدة من آهلنآ تشوف عطوري وشغلي وتقول عروس مآ سوت جذي يعني مآ آهتمت بنفسي إلآ إذآ كآن عندي زوج
إن آلله نظيف يحب آلنظآفة
طنش تعش تنتعش :dddds:
وعسى ربي يرزقني ويرزقكم بآلآزوآج آلصآلحين

 

[^^ريهام^^]

رد : مو متزوجه؟؟ غريبـــه؟ اروح اموت يعني !!

واي حطيتي ايدج على مشكلتي

كل ما لبست وكشخت ها تجهزين .............. يعني اظل امبهذلة لي ما اتزوج

اذا غيرت عطري اشصاير لا يكون انخطبتي ................ ايش علاقة العرس بالعطر

المحلات والعيادات لما يسألوني ما ارد عليهم اصلا متزوجة والا مو متزوجة مو شغلك

مو متزوجة يعني لا تسولفين , لا تلبسين , لا تتعطرين , لا تهتمين بنفسج , لا تزورين, احرقي روحج أحسن

ويكرفونج بالدوام علبوا انج فاضية ما وراج شي , بس طاف

ناس متخلفة

 

[غروري بطيبتي]

رد: رد : مو متزوجه؟؟ غريبـــه؟ اروح اموت يعني !!

عادي طوفي وايد تصير مواقف جذي..
انا الي يبط جبدي لما الناس يسألوني هااااااا متى بتتزوجين؟؟؟
يعني انا الريال مثلاااااا!! بروح اخطب مثلاااااا!! سؤال سخيف
اسمعه وايد,, وشي ثاني انا البنت الكبيره ومو متزوجه والي اصغر مني متزوجه
فااا الناس لما يدروون ينصدمووون ويسووون هذا الفيس >>:ssssso:
يعني حررررررررررام تكسرين الخاطر
وانا اضحك بقلبي لان الحمدلله مستانسه والصراحه مالي خلق حنه ورنه :dddds:​

قصدج سؤال الشفقه :krkrkr:
انتي مو متزوجه واللي اصغر منج متزوجه@@ ليش يعني ليش ماخطبوج
انزين هذانصيبها اخمط نصيبها منها ولا شنو هههههههههههههههههههه
طافتني هالنقطه ماعلقت عليها اللي اهي ليش ماتزوجتي معقوله
ولاتخزج من تحت لفوق انتي ماتبين الزواج ولاتبين احد فبالج
ونتي شكو يالملقوفه ناس غريبين
حياج ردج ونسني :hjy5jewf:

الله يا اختي انا جننوني بهالسالفه خصوصا بنات كليه التربيه

انتي مو متزوجه مرتاحه ماعندج شي والله وحده من كثر ماتحن على دخلت المستشفى اسبوعين من اعيونهاا

اخر شي قلت له يباا بس يعني المتزوجه اهى المشغوله شنو ذنبي انتي متزوجه وموشرط الى مو متزوجه ماعندها شغل

ذلوني كل كورس تطلع لى علق امانه انتى عندج وقت انتي مو متزوجه شنوو هذا ملل كرهوني حياتي الصراحه

مالهم يخلق يسون شي حق المشاريع بسبب انا متزوجه انا عندي اعيال انتي فاضيه ماعندج شي والله مليت منهم:rgewrg:

اي اشكال وانواع بالجامعه وقله ادب بشكل مو طبيعي نفس وحده معاي تقولي دارسه للامتحان قلتلها لا مالي خلق امس كنت مشغوله
وتعطيني نظره بشنو ياحسره بعيالج
وانا جذي @.@ صج وقحه ونتي شكو يعني ما انشغل الا بعيالي
صاجه الله يعين على بنات الجامعه
منوره حبيبتي

جبتيها على الجرح
انا قبل شهر يمكن رايحه لاسناني نفس الاسئله بالضبط
متزوجه قلت لها لا
مخطوبه لا
مرتبطه لا

ليش ماتزوجتي انتي حلوه وعمرك مناسب ولا ماتبين الحين فلبينيه ولها بعد تتكلم
زين ماعطيتها كف
لا الحمدلله ان ابوي طلع لانه اهو كان جالس بس قامك
وربي بقيت اذبحها
مادري يعني العزوبيه مالهال حق تسوي شيء :080402ask_prv:

ذكرتيني بالصالون هذا حالهم كل مارحت احف نفس السؤال مافي زواج متى زواج
وكل اسبوع اعطيهم قصه وفلم :krkrkr:
منوره قلبو

واي حطيتي ايدج على مشكلتي

كل ما لبست وكشخت ها تجهزين .............. يعني اظل امبهذلة لي ما اتزوج

اذا غيرت عطري اشصاير لا يكون انخطبتي ................ ايش علاقة العرس بالعطر

المحلات والعيادات لما يسألوني ما ارد عليهم اصلا متزوجة والا مو متزوجة مو شغلك

مو متزوجة يعني لا تسولفين , لا تلبسين , لا تتعطرين , لا تهتمين بنفسج , لا تزورين, احرقي روحج أحسن

ويكرفونج بالدوام علبوا انج فاضية ما وراج شي , بس طاف

ناس متخلفة

صح صح حتى لو تستخدمين عطر قوي ترد عليج وحده متزوجه
العطر حيل مغري انا استخدمه وريلي يمموت عليه انتي ليش تستخدمينه!!!
انزين كيفي مايصير اغري نفسي :krkrkr:
والزوارات حدث ولا حرج اذا كشختي ولبستي ورحتي ورديتي قالو مسكينه تدورلها على ريل
واذا قعدتي مارحتي مكان قالو اكيد مخطوبه وقاعده بالبيت ماتبي الخبر ينتشر والناس تدري

ناس غريبه ملاحظه هالفتره مايشغل الناس الا الزواج
حياج حبيبتي ​

 

[غروري بطيبتي]

رد: رد : مو متزوجه؟؟ غريبـــه؟ اروح اموت يعني !!

نفسي وآلله آختي إلي آصغر مني متزوجة :dddds:
ومرآت آحس نظرآت رفيجآتي لي شفقة
دآيم يقولون لي ليش تخيلين آختج تتزوج قبلج ليش شورهآ بيدي وهذآ نصيبهآ
ودآيم يقولون لي ترآ آلنآس مآرآح يجون يخطبونج لآن كل آلنآس بتفكر إن آختج تزوجة قبلج لآنه سمعتهآ آحسن منج
فمآ آدري ليش آلنآس مآ تقول هذآ نصيبهآ
وكل تآخيره فيهآ خيره يمكن آخذ آمير :dddds:
نرجع لمحور حديثنآ يآ آلغآلية طنشي يعني نعفن لين يجي فآرس آحلآمنآ
كذآ مرة وحدة من آهلنآ تشوف عطوري وشغلي وتقول عروس مآ سوت جذي يعني مآ آهتمت بنفسي إلآ إذآ كآن عندي زوج
إن آلله نظيف يحب آلنظآفة
طنش تعش تنتعش :dddds:
وعسى ربي يرزقني ويرزقكم بآلآزوآج آلصآلحين

امين
بس سالفه اختج تصير واجد وبوقاحه مرات
استغفرالله نصيب ياناس نصيب

اما سالفه نعفن وتاخذين امير الاحلام ببلاش
بس زوجيني اخوه ولا واحد من حاشيته :krkrkr: :krkrkr: :krkrkr:
اهم شي اعيش بقصر :krkrkr:
منورتني صايره الاحظ ردودج الفتره الاخيره وشفتج اليوم :hjy5jewf:

 

[الأميرة جوري]

رد : مو متزوجه؟؟ غريبـــه؟ اروح اموت يعني !!

انا مابطت جبدي الا الدكتوره شكو الاسنان بالزواج والخطوبه جان قلتي دكتوره ؟؟ والاسواق شء طبيعي يبونج تشترين ...فكي عمرج وقولي متزوجه للي ماتعرفج ....والله يرزقج بالزوج الصالح

 

[درة أهل الطولات]

رد : مو متزوجه؟؟ غريبـــه؟ اروح اموت يعني !!

والله عادي

ترى مجرد سؤال

 

[riaria]

رد : مو متزوجه؟؟ غريبـــه؟ اروح اموت يعني !!

الحين حتى الاطباء يحطون عينهم على مهر العروس
اذا راح تتزوجين يزيدون السعر ويقولولج عندنا برنامج للعروس
وكله حجي فاضي
سويته قبل عرسي طلعتلي ريحة خايسه قالي الدكتور بنظيف على البرنامج شغله علشان تروح الريحة
ودفعت زياده 130 دينار ماستفدت شئ
وحطي كرستال واعملك خصم ووايد شغلات
لمه حس اني فلست قالي هذي اخر زياره وفتكيت منه
قطيت تقريبا1860 دينار على اساس البرنامج 350 دينار الله لايوفقه

 

[غروري بطيبتي]

رد: رد : مو متزوجه؟؟ غريبـــه؟ اروح اموت يعني !!

انا مابطت جبدي الا الدكتوره شكو الاسنان بالزواج والخطوبه جان قلتي دكتوره ؟؟ والاسواق شء طبيعي يبونج تشترين ...فكي عمرج وقولي متزوجه للي ماتعرفج ....والله يرزقج بالزوج الصالح

لا وكنت ابي تحويل بالغصب عطتني :cxxxp:
اخر شي قلت انا بروح خاص بس الحشوات زينين ويبيلي تنظيف ولا لا
حيل كانت دعله
تسلمين حبوبه

والله عادي

ترى مجرد سؤال

ادري مو مضايقني هالشي
بس نفس سالفه البنت الي بالجامعه ليش تحش وتحاول تدور عيوب بزوجها الكل تعقد من الزواج من سوالف البنات وجذبهم شدعوا لا تمدحين ولا تذمين
قولي كل شخصيه غير وكل وحده وطبعها غير مع زوجها
بس انها تشكي وتسب وزوجها يدلعها بعد هذي تقهر شايفتني ما افهم يعني

الحين حتى الاطباء يحطون عينهم على مهر العروس
اذا راح تتزوجين يزيدون السعر ويقولولج عندنا برنامج للعروس
وكله حجي فاضي
سويته قبل عرسي طلعتلي ريحة خايسه قالي الدكتور بنظيف على البرنامج شغله علشان تروح الريحة
ودفعت زياده 130 دينار ماستفدت شئ
وحطي كرستال واعملك خصم ووايد شغلات
لمه حس اني فلست قالي هذي اخر زياره وفتكيت منه
قطيت تقريبا1860 دينار على اساس البرنامج 350 دينار الله لايوفقه

من صجج @@ خلاص حتى لو يصير عندي عيال بقول انا مو متزوجه عشان مايقصون علي بالاسعار :dddds:

 

[عقارية]

رد : مو متزوجه؟؟ غريبـــه؟ اروح اموت يعني !!

الله يعين بس

 

[lovely jojo]

امبي مارفع ضغطي الا رفيجتج :cxxxp: