مرت اخوي الحمدلله والشكر

[ماركة انثى]

رد : مرت اخوي الحمدلله والشكر

الله يهديها
ومالج شغل فيهم​

 

[girl k.s.a]

اتوقع والله اعلم مابي اظلمها مسويه فلم ولا اهي لا بالمستشفى ولا يحزنون شوفو وين رايحه

 

[زوجة عزيز]

أستغفر الله لاتحطين شي بذمتج ماتدرين يمكن صاجه عاد الواحد قام يشك بالمتزوجات تو ولد يرانا مانع مرته من الداوم وماخذ سيارتها طاح عليها تحاجي واحد وحاطه صوره بالاب توب ومتفقه تطلق وتزوجه أللي قايل السالفه أمه قلت عاد ليش ماطلقها قالت يموت عليها الرياييل صايرين أيزي

واي اتصدقين عاد اعرف وحده جذي زوجها كل مره يصيدها ومايطلقها الله يستر بس

 

[فلة الحلوة]

مادري احس يعني انتي شكو فيها اهيه واخوج يتفاهمون لا تتدخلين حبيبتي ..
دام اخوج مصدقها وجذي خليها اهيه اذا كانت جذابه راح تشوف يزاها عند رب العالمين ويمكن تكون نايمه بالمستشفى عشان شغله جذي وماتبي اخوج يدري تبي تسويله مفاجاه بعد اهيه توها مطيحه وجذي فخليهم على راحتهم لا تتدخلين باجر اي شي يصير يقولون ان انتي اللي دشيتي بينهم .. ولا تشككين بالحرمه حرام هذا شرف

 

[msmshasnsn]

الله يهديها

 

[باربي برونزيه]

والله حبيبتي اهي ماسوت جذي الا واهي عارفه اخوج بسرعه ينقص عليه انا انصدم من ريال جذي يعني اشكره امبينه السالفه كلها جذب بجذب اهي تقول الخدامه تجذب انزين حتى بنتها قالت انها من امس طالعه بنتها تجذب بعد !!!!! اخوج شحقه مخليها تروح تنام ابيت اهلها واهلها مسافرين وعلى حسب ماقلتي انتو ماتدرون ان اهلها مسافرين انزين اخوج ماشك بالوضع !!!! عجبي على هيك رياييل :denya:

 

[sKntyny]

الله يعينج ويعين اخوج مبين مرت اخوج تخربط وسامحيني علي هل الكلمه خلي اخوج يدرباله علي مرته ويثبرها بالبيت شنو كل يوم طلعه لا يعرف وين تروح وين تجي اخر شيء الله اعلم يمكن يصير لها شيء وتقول اهو السباب

انطري وشوفي رد البنات

واذا علي سالفه الموعد بالمستشفي خليه يجيك معها دواء او لا مو معقوله تطلع مباجره والمستشفي كلها زحمه حتي الخاص

لالالا حبيبتي جذيه عاد استغفرالله حرام ..

لاتقذفين المؤمنات المحصنات .. ماتدرين عنها

واذا كان عندها شي ربي بيكشفها ..

 

[حزينه 22]

رد : مرت اخوي الحمدلله والشكر

لاحول ولاقوة الابالله الله يهديها

 

[وردة-الكويت]

رد: رد : مرت اخوي الحمدلله والشكر

حبيبتي

عندي ايمان كبير انه حبل الجذب قصير

افلتت اليوم ..ما رح تفلت باجر

ولكن (((واجتنبوا كثيرا من الظن ان بعض الظن اثم))))

لا تزرعين في اخوج الشك

واذا هي عندها خرابيط ربي بيكشفها


فوفو

قلتي الي بقوله يااختي فوفو صح لسانج

احسني الظن

 

[asrar al7ob]

والله ماادري بس اذا جذابه على قولتهم حبل الجذب قصير
واتمنى ماتكون جذي والله يهديها

 

[المنقسي]

لاحول ولا قوة إلا بالله العلي العظيم الله المستعان ويهديها ويسخرها لأخوج وبنتها يارب

 

[اعذريني يالهدايا]

رد : مرت اخوي الحمدلله والشكر

اخر شي تلاقون المره
رايحه تشتري وتزهب حق ردتها لبيتها

 

[sharshora80]

رد : مرت اخوي الحمدلله والشكر

ما ادري بصراحه هو ومرته ينيازون
يمكن صج كانت بالمستشفا وجذبة لانها ما بلغة اخوج
يمكن صاجه حرام لا تحطين بذمتج

 

[عبير-الشرق]

:bbbiu:

 

[بسوين]

رد : مرت اخوي الحمدلله والشكر

اذا سردج للقصه كامل بدون زيادات هذي جذابه من قلب حدها قويه بايتته بره البيت والخدامه شنو مصلحتها اجذب

بس مثل ماقالت وحده من الخوات حبل الجذب قصير مسيرها تنصاد

الخدامه ايش مصلحتها!!!
الحين كل يوم نقراء عن بلاوي الخدم ومستكثره عليهم الكذب حتى لو حبيبه او شغلها سنع
ترى بقلبهم في حقد ليش انها بغربه وانها بعيده عن زوجها ومعزبتها لا

 

[ماكنتوشه بنفسجيه 12]

رد : رد: مرت اخوي الحمدلله والشكر

والله حبيبتي اهي ماسوت جذي الا واهي عارفه اخوج بسرعه ينقص عليه انا انصدم من ريال جذي يعني اشكره امبينه السالفه كلها جذب بجذب اهي تقول الخدامه تجذب انزين حتى بنتها قالت انها من امس طالعه بنتها تجذب بعد !!!!! اخوج شحقه مخليها تروح تنام ابيت اهلها واهلها مسافرين وعلى حسب ماقلتي انتو ماتدرون ان اهلها مسافرين انزين اخوج ماشك بالوضع !!!! عجبي على هيك رياييل :denya:

يااااااااااربي سترك....

لا والله عجبي على هيك تخلف !!!

خلوها تاخذ حسناتكم وهي مرتاحه ... وانتو اكلو بلحمها ....

 

[ام^تبوله]

شوفي حبوبة سوالف الحريم وايد يمكن تبي تسوي عمليه أو شي تجميلي وماتبي أحد يدري عشان جذي جذبت عليه
والله يهديها ويصلحها​

 

[DốǾốDї]

:080402ask_prv: امممم مادري

الوضع يشك بس كيفهم

 

[خشف العذارى]

رد : مرت اخوي الحمدلله والشكر

السالفة معقدة اشلون ترووح وعلى قولتج السيارات كلهم برا
وليش ما قالت لزوجها ..

 

[q8y-moon]

اذا توها متعوره وينها وين التخربط
السالفه غير جذييييي