إللي عندها أي استفسار بخصوص الديكورات والبناء تتفضل ( للفائده فقط )

[كتكات*]

حبوبه سوال سريع
صالتي كنب ابيض امريكي ساده ابي افكار لورق الجدران ودي ادخل معاها لون يكون قي الورق بس محتاره عطيني رايج واذا في صور ياليت واكون شاكرتلج حبووووووووووووبه

 

[عششق القهوه]

رد : إللي عندها أي استفسار بخصوص الديكورات والبناء تتفضل ( للفائده فقط )

الله من زمان ودي في احد استشيره وعنده خبره
الله يعينك ع اسئلتي :$

1- صالتي الوانها بوني على عنابي على بيج واقصد الكنب .... وطبعا مااقدر اغير لاني بنتقل منها خلال سنتين الى ثلاث ان شاءالله
ودي بالوان تكسره الالوان وتضيف بهجه اش ممكن ادخل الوان

2- مممر المدخل طووويل جدا الي يدخل من الباب يشوفه كانه ممر مستشفى ابي احط الستار بالنصف طبعا مابي غير الستاره
اش موديلات الستاير الي ممكن تصلح في وسط الممر ؟ ان شاءالله فهمتيني


3- غرفة نوم اولادي طوووووووووووويله بالطووول فيها طاولة كمبيوتر وسريرين ودولابهم
وبرضوه لسه الجزء الثاني فاااضي لاني مثل ماقلت طووووووويله


واتمنى ماكون ارهقتك بالاسئله ^^

 

[الاميرة النا]

وينك يالغلا ............:krkrkr:
باقي عندي اسئلة كثييييييييييييرة محتاجتك فيها
الله يفرج همك ياااااااااااااااارب

 

[woody]

السلام عليكم ورحمة الله وبركاته
جزاج الله يا اختي كل الخير ع اهتمامج بخواتج ومساعدتج لهم
وهذا مو غريب ع بنات الكويت
اختي انا ارفقت صوره لصالتنا (رسمته ببرنامج الرسام) يعني الابعاد لج عليها
حطيت خط باللون الاحمر ع المكان اللي ابي اسده
واللى محتاره شنو اسكره فيه..طوفه قصيره...جبسم بورد...
طبعا زجاج ما افكر لانها صالة معيشه وما ينفع مع الصغار وشطانتهم
وما ابي ارفعها للسقف عشان ما ينقمت الممر وهم يدشه ضوء الشمس
يا ريت اختي تفيديني بافكارج
وبالمره سؤال: اقدر احط قنفات في زاويه وجلسه ارضيه في الزاويه المقابله؟؟ او شكلها يطلع غلط
مع العلم ان هذي صالة المعيشه الخاصه بالعايله مو الاستقبال
وارد واقول الله يآجرج ان شاءالله

 

[tattoma]

رد: رد : إللي عندها أي استفسار بخصوص الديكورات والبناء تتفضل ( للفائده فقط )

السلام عليكم ورحمة الله وبركاته
اشكرك على مبادرتك الطيبه لما ينفعنا الله يجعلها في ميزان حسناتك
عندي صاله داخليه تطل على درج داخلي وممر لغرف النوم ومدخل خارجي للمطبخ ماعليك أمر ابلي جلسه ارضيه افكار جديده و
على فكره الأرضية جرانيت سكري ومحدد باطار اسود​

السلام عليكم ورحمة الله وبركاته، طبعا شخصيا ما أفضل الجلسات الأرضية بس يمّعت لج صور من الانترنت وان شالله تعجبج:

هذي كأنها كنبت عادية والأهداب نهايتها وايد حلوة، بس ما عليج من الديكورات الثانية مثل لون الطوفة والستارة لأنهم مو حلوين


وهذي جلسة أرضية ولكن مرتفعة، وأعتقد أريح

 

[tattoma]

غاليتي انا عندي فيلا وطبعا مدخل الرجال مفصول عن مدخل النساء
مدخل النساء يفتح على صالة اول ماندخل المصعد امامي والدرج خلفه يفتح على الصاله من اعلى طبعا جدار الدرج ما يبين الامن جهة مدخل الرجال مع انه في باب فاصل بينهم ( للخصوصية )
سوالي الان جدار الدرج والمصعد محتاااااااااااااااارة فيه :gr4uu::gr4uu: هل يكون بويه ام حجر مستطيلات ام ماذاااااااااا ؟
ماهو المناسب له وجزاك الله خيرا

السلام عليكم

اختي بالمناطق الداخلية (داخل المنزل) لا تستعملين الحجر.. صحيح إن وايد ناس يستعملونه ويحبونه.. بس ما أنصحج فيه
جربي الأصباغ وإذا تبين شي غريب جربي ال****lic أو المعدني

 

[ام التوائم 3]

رد : إللي عندها أي استفسار بخصوص الديكورات والبناء تتفضل ( للفائده فقط )

السلام عليكم
اذا بقيت أخصص غرفه خاصه حق الأولاد فيها التلفزيونات و السوني و ألعابهم
شنو أحسن أفرشها جلسه أرضيه والا قنفات عاليه
ما أدري شنو الصحي أكثر و عمليه في نفس الوقت ؟
و شكرا

 

[S K Y]

عزيزتي ...
شنو رايج بالكنسول هذا لغرفه النوم؟؟

وشنو المقاسات حقته لو ابي اسوي عمله منه ؟ يعني الطول والارتفاع والعرض ؟؟ فيه شئ ستاندرد بالمقاسات ؟ لاني مااعرف اختار المقاسات وعندي مساحه كبيره لها ...

 

[بنت الامارت 55]

السلام عليكم

ممكن موقع تحميل الصور جربت واحد ماطلعت الصور

 

[سحر الانوثة]

شرأايكم اي لون اسبغ غرفتي أبي لون ذرب

 

[الاميرة النا]

الله يعطيك العافية يارب ويجزاك خير
انا رحت اليوم وشفت البورسلان المعدني هل هو اللي تقصدينه ( بصراحة حلو وعجبني ) لكن حبيت أتأكد ؟؟؟؟؟؟؟؟؟؟
واذا ما كان هوه لوتشرحين لي عنه أكثر أو عندك صور عليه ياريت تفيديني :wqedqw::wqedqw:

 

[صادقة النية]

رد : إللي عندها أي استفسار بخصوص الديكورات والبناء تتفضل ( للفائده فقط )

الله يعطيج العافيه تعبتج معاي ومشكوره على الصور اللي عرضتيها بس مو اللي في بالي ابي شيئ مميز فكره جديده
بس ماعليج أمر ابي منج تعطيني رايج او شنو اللي تشوفينه
مناسب لأرضيات بيتي وهي جرانيت سكري ( اف وايت ) والإطارات اسود رخامي ما يناسبها من الوان
ورق جدران واصباغ حائط واسقف دوختج معاي السموحه الله يجعله في ميزان حسناتج

 

[النية الصافية]

رد : إللي عندها أي استفسار بخصوص الديكورات والبناء تتفضل ( للفائده فقط )

متابعه للموضوع وايد استفدت ما شاء الله
وعساد على القوه وبميزان حسناتج

 

[النية الصافية]

رد : رد: رد : رد: إللي عندها أي استفسار بخصوص الديكورات والبناء تتفضل ( للفائده فقط

بالنسبة لكبتات الجواتي أنا أأيدها لأنها ترتب المكان وتخلي الجواتي كلها بمكان واحد من غير حوسة.. بس برادة الماي مو المفروض يكون مكانها بهالمكان.. إلا إذا عندج مطبخ تحضيري تحت الدرج، بس لا تخلينها بمكان مكشوف حتى لو كان الدور هذا محد يدشه غير أهل البيت.. يفضل يكون مكانها بمطبخ

جزاج الله خير حياتي وابي رايج بترتيب الحوش ووضع الزرع هل صناعي او طبيعي وشنو النوع الزين

 

[انوار87]

السلام عليكم بنات
ابي اركب باركيه هاللون
http://www.newzika.net/vb/imgcache2/5358.gif
اول شي شرايكم فيه؟ حلو ولا اخذ الاغمق وثاني شي شنو انسب لون صبغ و اثاث

 

[~ f6o0om ~]

رد : إللي عندها أي استفسار بخصوص الديكورات والبناء تتفضل ( للفائده فقط )

انا ابي أصبغ غرفتي بس ماادري شنو اصبغها ؟!

يسلمووو ع الموضوع :ggdw:

 

[عبير-الشرق]

يعطيج العافيه حبيبتي على الموضوع الرائع
وحبيت اسالج انا قاعده اغير صالتي وجمها 5 في 5 ونص وصبغت طوه البلازما بيج غامج وسويت نقشه ورود حول البلازما لونها اسود وباقي الطوف لونها بيج فاتح وسويت طقم زاويه باذنجاني بس درجته المايله للفوشي الطقم ساده والكوشيات مقلمه ومشجره وداش بالنقشه البيج ومحتاره بالطوفه اللس علي اليمين صارت فاضيه شرايج شنو احط فيها مابي شي كبير يصغر المساحه لاني احب الصاله ماتكون مزدحمه وعلي فكره الزاويتين وحده فيها شلال صغير ووحده فيها حوض سمج صغير والارضيه سيراميك وودي اغيرها احط باركيه بس شنو اللون اللي يناسب الوان صالتي واسفه علي الاطاله

 

[سحر الشرق2008]

قياسات الشقة
المجلس 3,70×4
المطبخ 3,65×2,60
الصالة 2,65×3,75×2,65
غرفة الألعاب 3,75×3,65
غرفة الأطفال 5,20×3,65
غرفة النوم 5,40×3,75
الممر 1,15

 

[سحر الشرق2008]

يا ليت لو تحطين قياس كل غرفة بالضبط عشان أقدر أرسم الخريطة مع توزيع الأثاث

قياسات الشقة
المجلس 3,70×4
المطبخ 3,65×2,60
الصالة 2,65×3,75×2,65
غرفة الألعاب 3,75×3,65
غرفة الأطفال 5,20×3,65
غرفة النوم 5,40×3,75
الممر 1,15

 

[سحر الشرق2008]

الخريطة في الصفحة 11
انا في انتظار اللأفكار والتصاميم عزيزتي