وزني بعد الولادة..الله يوفقها اللي بتساعدني

[منتهى الرقة]

السلام عليكم بنات شخباركم؟؟
انا عندي مشكلة مع وزني بعد الولادة..
وزني قبل الحمل كان 48 وفالحمل كنت منتففففخة ويهي واصابعي وريولي انتفخووو كان وزني 63
والحين وصار لي شهرين ونص من ربيت صار وزني 58 ><
والله فيني اكتئااااااااااب كارهة جسمي وكارهة نفسي بعض الاحيان اكره حتى البيبي استغفر الله لاني اشوفه السبب مع اني اموووووووت فيه فديته..
الكل يقولي جسمي صار احلى بس اخفف الكرش شووي لانه ويهي متن وطلعت احلى..
بس انا مو عاجبني جسمي كلش .. وحتى ريلي بعد يبيني ارد مثل اول وهذا اللي معقدني ومتعبني اكثر ..><
بنات انا اللي معقدني كرشتي طايحة وجلد البطن متعفس خصوصا حول السرة هذا غير علامات التمدد والارداف والفخوذ والمؤخرة..
اهم شي ان الكرشة تروووووح..
انا امشي يوميا لمدة ساعة..وتمارين الضغط (البوش اب)ماعرفت اسويها لانه اخر ظهري يعورني لما اسويها وللاسف فشلت فيها >< ><
جربت اني اجوع نفسي جربت لمدة يومين بس للاسف خف الحليب عندي وولدي تم يصيح لانه كان يوعان ورديت اكلت ورد الحليب الحمدلله..
ساعدوني بنات بلييز ابي ريجيم او اي نصيحة ممكن تنقص وزني بشكل سريع بدون مايقل عندي الحليب..والله انا فحالة نفسية مايعلم فيها غير ربي..تعبت والله

 

[KSA ROSE]

رد : وزني بعد الولادة..الله يوفقها اللي بتساعدني

استمري عالرضاعة الطبيعية انا كنت مثلج ومع الاستمرار بالرضاعة+ اهتمي بنوع الاكل استمري بالاكل العادي بس احذفي اي شي فيه دهون وسكر وترى السلطات والبروتين والاعتدال بالنشويات ما يوقف معج الحليب ويستفيد البيبي بنفس الوقت ولما يصير عمر البيبي ست شهور ويصير عنده مصدر ثاني للغذاء ابدي ريجيم و رياضة جربي ريجيم النقاط مافيه حرمان وما ينششف الحليب وسجلي بنادي وسوي حمامات مغريية وبتردين مثل اول واحسن

 

[KSA ROSE]

رد : وزني بعد الولادة..الله يوفقها اللي بتساعدني

ما اعرف احط روابط بس ريجيم النقاط و طريقته موجودين بقسم الانظمة الغذائية باسم اكلي ماك اكلي ككاو نظام واو

 

[missnohaa]

ما اعرف ان شاء الله البنات يفيدونج

اب
اب
اب

 

[جروووح دفينه]

رد : وزني بعد الولادة..الله يوفقها اللي بتساعدني

الله يكوون في عوونج :eh_s(12):​

سوي مثل ما قالت ksa rose​

حالتج صعبه >> لا تعقدين كل الحريم لي ربو مروو نفس حالتج ولا شرايج تبين بطنج مسطح اكيد بيترهل انفش ويبي له رياضه تشده حرام شذنبه البيبي استخدمي كريمات لشد واستمري ع الرياضه وابعدي عن النشويات
آآممممم​

لا تبينين لزوجج انج متعقده من جسمج عشان ما يتعقد هو بعد خليه ع عمآآآآآه ويتقبلج مثل ما انتي :eh_s(22):

 

[krkosha]

امبيه شلون تجوعين نفسج حرام عليج ياهل بذمتج تبين تذبحينه من اليوع!!
وبعدين اختي انتي فاهمه المووضوع غلط عبالج اذا جعتي راح تضعفين! لاحبيبتي ماراح تضعفين لان جسمج ماراح يحرق سعرات حراريه يعني الحل عندي
1-قسمي وجباتج 3 وجبات رئيسيه +2سناك
2-اكلج متنوع مابين البروتين والخضار والفاكهه
3-ابتعدي عن النشويات يعني انصحج بس بالنخاله او التوست الاسمر
4- انصحج بالرمان اكليه كثر ماتقدرين يدر الحليب حق البيبي ومفيد للرجيم والجسم ويورد البشره
5- الرياضه حتى لو نص ساعه

طبقي نصايحي وشوفي شلون تصير سمبتيكه باذن الله:hjy5jewf:

 

[krkosha]

وصج لاتنسين الحليب ومشتقااااته

 

[منتهى الرقة]

رد: رد : وزني بعد الولادة..الله يوفقها اللي بتساعدني

استمري عالرضاعة الطبيعية انا كنت مثلج ومع الاستمرار بالرضاعة+ اهتمي بنوع الاكل استمري بالاكل العادي بس احذفي اي شي فيه دهون وسكر وترى السلطات والبروتين والاعتدال بالنشويات ما يوقف معج الحليب ويستفيد البيبي بنفس الوقت ولما يصير عمر البيبي ست شهور ويصير عنده مصدر ثاني للغذاء ابدي ريجيم و رياضة جربي ريجيم النقاط مافيه حرمان وما ينششف الحليب وسجلي بنادي وسوي حمامات مغريية وبتردين مثل اول واحسن

هلا اختي ksa rose
انا ابتعدت عن الدهون مثل المكرونة والعيش واللحم او الدجاج صايرة اخذ اصغر قطعة..ويوميا اشرب عصير فريش...
شفت ريجيم النقاط وان شاء الله اتبعه..
مشكورة حبيبتي عالمشاركة..

 

[منتهى الرقة]

ما اعرف ان شاء الله البنات يفيدونج

اب
اب
اب

ثاااانكس اختي عالرفع

 

[منتهى الرقة]

رد: رد : وزني بعد الولادة..الله يوفقها اللي بتساعدني

الله يكوون في عوونج :eh_s(12):​

سوي مثل ما قالت ksa rose​

حالتج صعبه >> لا تعقدين كل الحريم لي ربو مروو نفس حالتج ولا شرايج تبين بطنج مسطح اكيد بيترهل انفش ويبي له رياضه تشده حرام شذنبه البيبي استخدمي كريمات لشد واستمري ع الرياضه وابعدي عن النشويات
آآممممم​

لا تبينين لزوجج انج متعقده من جسمج عشان ما يتعقد هو بعد خليه ع عمآآآآآه ويتقبلج مثل ما انتي :eh_s(22):

يختي اشوف هالفنانات يربون وييبون توائم بعد وشوي ويطلعون لنا اجسامهم احلى من قبل حتى خط واحد مافي باجسامهم ليش انزين شيسوون :flower:
بخصوص ريلي انا مابين له اهو بروحه يقولي وهالشي هو اللي أزمني اكثر..تخيلي من اول ماربيت وهو يسال متى بتروح الكرشة ومتى بيرد جسمج وليش انتي متنتي وفلانه وفلانه ماامتنو فحملهم ..>_<..مع انه يحبني بس وايد يهتم بجسمي يعني اذا متنت على طول ينبهني..
مشكورة اختى على مرورج..

 

[منتهى الرقة]

امبيه شلون تجوعين نفسج حرام عليج ياهل بذمتج تبين تذبحينه من اليوع!!
وبعدين اختي انتي فاهمه المووضوع غلط عبالج اذا جعتي راح تضعفين! لاحبيبتي ماراح تضعفين لان جسمج ماراح يحرق سعرات حراريه يعني الحل عندي
1-قسمي وجباتج 3 وجبات رئيسيه +2سناك
2-اكلج متنوع مابين البروتين والخضار والفاكهه
3-ابتعدي عن النشويات يعني انصحج بس بالنخاله او التوست الاسمر
4- انصحج بالرمان اكليه كثر ماتقدرين يدر الحليب حق البيبي ومفيد للرجيم والجسم ويورد البشره
5- الرياضه حتى لو نص ساعه

طبقي نصايحي وشوفي شلون تصير سمبتيكه باذن الله:hjy5jewf:

انا وايد انصحوني بالخبز الاسمر مع اني ماحبه بس بحاول ان شاء الله ببدا من اليوم اكله وبحط اكس عالابيض..
مشكورة عالنصايح حبيبتي وان شاااااااااااااء الله اصير سمبتيكه..

 

[روعة خيال]

خلج ع الرضاعة و خففي اكلج

شوفي رجيمات ربيعة للرضاعة تهببببببل و تضعفج صح و يدر الحليب اكثر

موفقة قلبوو

 

[ام مهرة 2009]

اول شي دوري رجيم خاص بالمرضع

ثاني شي اهم شي السوائل الماي والعصيرات الفرش بدون سكر علشان الحليب

اهتمي بالرضاعة لانها تساعد على الضعف

ريلج قولي له توني طالعة من النفاس جسمي انخلق جنين داخله لازم يتغير ومع الوقت بيرجع ان شالله وخليج وائقة من نفسج وايد وايد وايد وايد ولا تقولين اني اخفف ولا ابي انزل ولا مو عاجبني شكلي ابد ابد ابد دائما تكلمي عن نفسج بايجابية
وبنفس الوقت لا تاكلين جدامه خلي اكلج مثل الطيور عرفتي ؟
وبعد شنو ؟؟؟؟؟؟
ايه رياضتج زينه المشي ساعة بس زيدي تمارين للبطن

ان شالله بتردين لوزنج خصوصا اذا انت ترضعين
بس طولي بالج على عمرج

 

[جفاف العاطفه]

رد : وزني بعد الولادة..الله يوفقها اللي بتساعدني

نفسس حالتج

 

[kuwait_queen82]

السلام عليكم
نفس ماقالو البنات تجوعين نفسج غلط لانه الجسم ماراح يضعف بلعكس اذا تبين نصيحتي
1-اشتركي ابنادي صحي او عنددج مركز سلطان الي بسوق شرق عنده اشرطه رياضه (في واحد مال سندي حق الي توها والاده لامانه انا ماجربته )او شوفي باليوتوب فيديوات اتعلمج تمارين لاوالده
2-لاتاكلين شي في دهون مشبعه او سكر ولا حتى المحليات الصناعيه الي يقلولج حق الرجيم
3-شربيلج كوب اعشاب دافي كل يوم (دارسين ,نعنان,بابونج)تلاقينهم مثل اجياس اللبتون في الجمعيات (وديري بالج تشترين اعشاب الي تقولج اتنحف و تضعفين)
4-في كريم نيفيا للسلولايت تلاقينهم هم بالجمعيات يحسن من شكل الجلد من برا(هو هو نفس الماركات الغاليه يعني لاتقولين ماركه غاليه احسن) كلهم نفس النتيجه
5-اكلي كل شي اتحبينه ولاكن اتعمي تتطبخينه بكميه قليله السعرات الحراريه و ماشالله في وايد مواقع اجنبيه اتسعدج على هل الشي و عرفي جم الكميه الي يحتاجهه جسمج
6-نصيحه مني لج لاتلعبين رياضه المشي وبس على الاقل خلي لج ثلاث ايام بالسبوع تاخذين حصص رياضه الي يعلمونج تمارين للمعده وغيره) ترى المشي ينزل الوزن بس مايشد الجسم لازم معاه تمارين
7-تمارين الضغط حلوه بس خلي مدربه ابنادي اتعمج اشلون اتسوينها لانه مفيده حق شد عضلات الايد
8-لاتخلين اكتءابج يخليج اتصدقين كل دعايه او اي شي يقولج انحفي في يومين او ثلاث (حصل خير انشالله لو ننحف في يومين كان كل اجسام العالم سمبتيك
9-اغلب اجهزه الرياضه الي يقولج لعضله المعده و لعضله الساق هي تعطي نتيجه بس ماتحرك العضلات 100%

10-لاتاكلين اكثر من 3 حبات فاكه باليو ونوعين
11- زيت الزيتون وايد ممتازه هم للصحه بس مو اكثر من ملعقه وحده باليوم اتضفينها للسلطه او اي طبق انتي اتحبينه

ومبروووك ماياج وخلي عندج اراده قويه ترى كل الموضوع محتاج منج اراده وصبر و انشالله بتوصلين للوزن الي تبينه واتصيرين سمبتيك :yaaaaaarb:

 

[منتهى الرقة]

مشكورين خواتي والله رفعتو معنوياتي وشجعتوني..جزاكم الله كل خير
نزلت تمارين كيم كاردشيان وشريت جهاز لتمارين المعدة وان شاء الله ابشركم بان جسمي صار سمبتيك ^_^

 

[Apple-q8]

لاتخافين كرشج بيشد لانج توج والده


ويبيلج رياضه خفيفه بالبيت

ووزنج حلوو اذا طولج لايق عليه



والاكتئاب لانج توج والده وبيروح ان شا ءالله



حاولي تشغلين نفسج باي شي ولاتفكرين




بالتوفيق يارب

 

[هاويه حنانكـ]

^^^

من وين اخذتيــــه كورسيه مولدنج وكيف شكله

ياليت و عندك صورة تنزلينها ...

 

[mariam_q8]

بقولج كذا شي و اخذي كلامييييييييي و متاكده كذا وحده بتايدنيي
١- الوزن بعد الولاده ساعات يثبت و يظل شهر يمكن ثاااااابت فطبييييعييي و راح ينزل
٢- غيري الرجيييم و الرياضه عشان الجسم ما ياخذ على روتين معين
٣- كملي رياضه ويا مدربه شخصيه بناادي و راح تعرف حق جسمج انا دشيت باينابل و بس ب ٧٠ ويا مدربه خاصه اسمها مارلين و في وحده ٢ اسمها نانسي و صرت من ٨٠ لي ٥٤ بس الحين متنت شوي و صرت ٦٠ تقريبا و الي نزله كان بس ب ٦ شهور و اذكر فتره ثبت وزني
٤- و دخلي مساااااااج تخسيس يساعد على شد الجسم و بنادي نفسه وايد ترى رخيص وزين
٥- ماكو شي يرد ١٠٠٪ لكن نحاول لا تنسين انتي يايبه ياااهل مو لعبه ف التغييرات شي طبيعي و نحاول نعدل و الجسم يثبت شكله بعد سنه فحطي ابالج ان تو الناااس و سوري طولت و اتمنى اكون فدتج

 

[mariam_q8]

بقولج كذا شي و اخذي كلامييييييييي و متاكده كذا وحده بتايدنيي
١- الوزن بعد الولاده ساعات يثبت و يظل شهر يمكن ثاااااابت فطبييييعييي و راح ينزل
٢- غيري الرجيييم و الرياضه عشان الجسم ما ياخذ على روتين معين
٣- كملي رياضه ويا مدربه شخصيه بناادي و راح تعرف حق جسمج انا دشيت باينابل و بس ب ٧٠ ويا مدربه خاصه اسمها مارلين و في وحده ٢ اسمها نانسي و صرت من ٨٠ لي ٥٤ بس الحين متنت شوي و صرت ٦٠ تقريبا و الي نزله كان بس ب ٦ شهور و اذكر فتره ثبت وزني
٤- و دخلي مساااااااج تخسيس يساعد على شد الجسم و بنادي نفسه وايد ترى رخيص وزين
٥- ماكو شي يرد ١٠٠٪ لكن نحاول لا تنسين انتي يايبه ياااهل مو لعبه ف التغييرات شي طبيعي و نحاول نعدل و الجسم يثبت شكله بعد سنه فحطي ابالج ان تو الناااس و سوري طولت و اتمنى اكون فدتج